17 October 2008

BLOODY STORM FOR BURMA

"သွေးမုန်တိုင်း"
အရှင်ရာဟုလာ


    ယနေ့မြန်မာပြည်သူလူထုဟာ အဆိပ်သင့်နေတဲ့ သားကောင်များ ဖြစ်နေကြပြီးတော့ အုပ်ချုပ်သူလူတန်းစားတွေကတော့ မိုက်မဲ ရူးသွပ်သူတွေ ဖြစ်နေကြပါတယ်။
    မြန်မာပြည်ရဲ့ ကြီးနိုင်ငယ်ညှင်း အုပ်ချုပ်ရေးစနစ်ကြောင့် လူမုန်တိုင်း (သို့မဟုတ်) သွေးမုန်တိုင်းတစ်ခုဖြစ်ဖို့ ဖွဲ့တည်နေပါပြီ။ ပုံစံအမျိုးမျိုးနဲ့ မုန်တိုင်းငယ်တွေဖြစ်နေတာကို ကြည့်ခြင်းအားဖြင့် အင်အားပြင်းထန်တဲ့ သွေးမုန်တိုင်းကြီးဖြစ်ဖို့ဟာ မြေကြီးလက်ခပ်မလွဲပါ။
    ယနေ့မြန်မာပြည်ကို ဆန်းစစ်ကြည့်မယ်ဆိုရင် ပညာရေး၊ စီးပွားရေး၊ လူမှုရေးတွေဟာ ထင်မိထင်ရာ သွေးရူးသွေးတန်း ရုန်းကန်နေကြတယ် ဆိုတာ မျက်ဝါးထင်ထင် မြင်နေရပြီ။ မူလတန်းကျောင်းမှသည် တက္ကသိုလ်ကြီးတွေအထိ စာသင်ကျောင်းဟာ ဆရာ၊ ဆရာမတွေရဲ့ အိမ်ထဲကို ရောက်နေပြီ။ လမ်းတွေပေါ်က ကျပန်းဈေးသည်တွေရဲ့ လက်ထဲကို ရောက်နေပြီ။
    လူမှုရေးတွေ ဖောက်ပြန်ချင်တိုင်း ဖောက်ပြန်ကြ၊ စီးပွားရေးတွေ အမြီးကျက် အမြီးစား၊ ခေါင်းကျက် ခေါင်းစား။ ဒီပြဿနာတွေရဲ့ အဓိက အကြောင်းရင်းကတော့ ဗိုလ်ချုပ်ကြီးတွေ တီထွင်ထားတဲ့ ကြီးနိုင်ငယ်ညှင်း အုပ်ချုပ်ရေးစနစ်ပါပဲ။
    ယာဉ်ထိန်းရဲက ယာဉ်စည်းကမ်းထိန်းသိမ်းဖို့ မဟုတ်ဘဲ ပြည်သူဆီက ပိုက်ဆံကို ချောင်းမြောင်း ဓားပြတိုက်ဖို့ ဖြစ်တယ်။ ရပ်ကွက်လူကြီးက ငွေကို အကြောင်းအမျိုးမျိုးပြပြီး ခြိမ်းခြောက်တောင်းတယ်။ ရဲတပ်ဖွဲ့က ကူညီဖို့မဟုတ်ဘဲ ရက်စက်ဖို့ဖြစ်တယ်။ မီးသတ်က မီးသတ်ဖို့မဟုတ်ဘဲ ပြည်သူကို ချောင်းသတ်ဖို့ ဖြစ်တယ်။ ဆရာ၊ ဆရာမက စာမသင်ဘဲ ငွေရဖို့အတွက် တပည့်ရှာရတယ်။ မွေးရတယ်။ စစ်တပ်က ပြည်သူကို ကာကွယ်ဖို့ မဟုတ်ဘဲ ဗိုလ်ချုပ်ကြီးတွေကို ကာကွယ်ရတယ်။ ဒီအတွက် ပြည်သူကို သတ်ရတယ်။ ဘုန်းကြီးကိုလည်း သတ်ရတယ်။ ဆည်မြောင်းစာရေးက ရေကိုမပေးဘဲ လယ်သမားဆီက ငွေတောင်းတယ်။ အုပ်ချုပ်သူ ဗိုလ်ချုပ်ကြီးတွေက နိုင်ငံကို ကမ္ဘာနဲ့ ရင်ဘောင်တန်းနိုင်အောင် မကြိုးစားဘဲ ရသမျှ ဆပ်ကြေးတွေနဲ့ ရူးသွပ်တယ်။
    ဒီလိုနဲ့ မြန်မာပြည်ဟာ သဘာဝ ရေမြေတောတောင်တွေ ခမ်းခြောက်လာတယ်။ လူ့အရင်းအမြစ်တွေ ဆုံးရှုံးလာတယ်။ သဘာဝအရင်းအမြစ်တွေ ပျောက်ကုန်တဲ့အတွက် လူမုန်တိုင်းတွေလာမယ်။ ဒါဟာ သွေးမုန်တိုင်းပဲ။ ဒါဟာ စစ်အစိုးရအတွက် ဘယ်သူ မပြု မိမိအမှုပဲ။
    ကမ္ဘာ့ ဗီတိုအာဏာရ ခေါင်းဆောင်ကြီးများနဲ့ ကုလသမဂ္ဂအထွေထွေအတွင်းရေးမှူးချုပ်တို့ဟာ ဒီသွေးမုန်တိုင်းကို တင်ဆက်ပြသမယ့် ချန်နယ်သစ်ကို ကြည့်ဖို့ (အပျင်းပြေ) စောင့်နေကြပါပြီ ။

အရှင်ရာဟုလာ

16 October 2008

AUNG SAN STYLE

ဗိုလ်ချုပ်အောင်ဆန်း...ဆိုတာ...

(Photo was taken from - http://aklatt2008.multiply.com/)

The Voice Weekly Journal (Burma)
(Vol.4/ No.50, Monday, October, 13-19, 2008)
မှ
BUYING GUIDE ကဏ္ဍအောက်တွင် ဖော်ပြပါရှိသော နွယ်နီမဂ္ဂဇင်း ဖတ်ညွှန်းကို ကူးယူဖော်ပြလိုက်ပါသည်။ (ဖတ်ညွှန်းရေးသူ၏ ကလောင်နာမည်ကို ဂျာနယ်ထဲတွင် ဖော်ပြထားခြင်းမရှိပါ)
-----------------------------------------------------------------------------------------------------------

နွယ်နီမဂ္ဂဇင်း
အတွဲ (၁၉)၊ အမှတ်(၂)၊ ၂၀၀၈ ခုနှစ် အောက်တိုဘာလ
BUYING GUIDE

အသွင်သစ် နွယ်နီမဂ္ဂဇင်းရဲ့ ဒုတိယမြောက် စာအုပ်ဖြစ်ပါတယ်။ စာချစ်သူတွေအတွက် 'ရေငတ်တုန်း ရေတွင်းထဲကျ' ဆိုသလို 'ဖတ်စရာ' အငမတန်ရှားနေချိန်မှာ တစ်ထိုင်တည်း ရသစုံ ပေးနိုင်တဲ့ မဂ္ဂဇင်းဖြစ်တဲ့အတွက် ဒုတိယမိလမ်းညွှန်ရခြင်းပါ။ အင်မတန်လေးစားကြည်ညိုရတဲ့ အာဇာနည်ခေါင်းဆောင်ကြီး ဗိုလ်ချုပ်အောင်ဆန်းအပေါ် နိုင်ငံခြားသားတွေ အထူးသဖြင့် မြန်မာပြည်ကို ကျွန်ပြုအုပ်ချုပ်ခဲ့တဲ့ ဗြိတိသျှနဲ့ ဂျပန်တွေရဲ့ အမြင်ကို သန်းဝင်းလှိုင်က ဖော်ထုတ်ထားတဲ့ ဆောင်းပါးတစ်ပုဒ်နဲ့တင် ဒီလနွယ်နီ မဂဇင်း ၀ယ်ဖတ်ဖို့ ထိုက်တန်တယ်လို့ ဆိုချင်ပါတယ်။

ဗမာ့တပ်မတော်ကို စတင်တည်ထောင်သူ ပထမဦးဆုံး စစ်သေနာပတိ၊ လွတ်လပ်ရေးဗိသုကာ၊ အာဇာနည်ခေါင်းဆောင်ကြီး ဗိုလ်ချုပ်အောင်ဆန်းအကြောင်းက ဘယ်အချိန်၊ ဘယ်နေရာဖတ်ရဖတ်ရ ရိုးမသွား။ သိပြီးသား အကြောင်းအရာတွေပင် တစ်ခါထပ်တွေ့ ရင် ထပ်ဖတ်ချင်စိတ်ဖြစ်စေပါတယ်။ လူ့အဖွဲ့ အစည်းတစ်ရပ်ရဲ့ လူသားတွေအတွက် စံပြုအပ်တဲ့ ပုဂ္ဂိုလ်တို့က အဲဒီလူ့အဖွဲ့ အစည်းရဲ့ စိတ်ဓာတ်ခွန်အားနဲ့ နောက်မျိုးဆက်တွေအတွက် နမူနာပြနိုင်ပါတယ်။ အင်္ဂလိပ်လိုတော့ ဒါကို Role Model လို့ခေါ်ပါတယ်။ မြန်မာပြည်မှာ ဗိုလ်ချုပ်လိုစံပြုအပ်တဲ့ ပုဂ္ဂိုလ်မျိုးရှိနေတာကိုက ကံကောင်းလှပါတယ်။

သန်းဝင်းလှိုင်ရဲ့ ဆောင်းပါးကို အနှစ်ချုပ်ကြည့်တော့ နိုင်ငံခြားသား အများစုရဲ့ ဗိုလ်ချုပ်အပေါ် အဓိကလေးစားတာက ဗိုလ်ချုပ်ရဲ့ အငြင်းပွားဖွယ်မရှိတဲ့ တစ်ဖြောင့်တည်းသော စိတ်ဓာတ်နဲ့ ရိုးသားမှုကိုပါ။ မွေးကတည်းက မိဘအပေါ်မှာရော၊ ဆရာသမား၊ ညီအစ်ကိုမောင်နှမတွေအပေါ်မှာရော မိတ်ဆွေသူငယ်ချင်း လုပ်ဖော်ကိုင်ဖက်တွေအပေါ် မှာရော နိုင်ငံသူနိုင်ငံသားအားလုံးအပေါ်မှာရော ရိုးသားဖြောင့်မတ်မှု အပြည့်နဲ့ မဆုတ်မနစ် အလုပ်လုပ်ပေးခဲ့တဲ့ ပုဂ္ဂိုလ်တစ်ဦးလည်း ဖြစ်ပါတယ်။ ဗိုလ်ချုပ်ဟာ ယုတ်စွအဆုံး ရန်သူတွေဖြစ်တဲ့ ဗြိတိသျှနဲ့ ဂျပန်တို့အပေါ်မှာတောင် ရိုးရိုးသားသားဆက်ဆံခဲ့ပါတယ်။ မရိုးမဖြောင့်၊ မဟုတ်မမှန်မလုပ်ခဲ့တာ၊ ကိုယ်ကျိုးစွန့် အနစ်နာခံတာ၊ ငွေကြေးအရှိန်အ၀ါသြဇာ မခုံမင်မမက်မောတာတွေက ရေးပြရင် ကုန်နိုင်ဖွယ်မရှိပါ။ နိုင်ငံကို စွန့်လွှတ် အနစ်နာခံပြီး ကယ်တင်စောင့်ရှောက်နေပါတယ်လို့ ဗိုလ်ချုပ်ရဲ့ ပါးစပ်က ဘယ်တုန်းကမှ ထုတ်မပြောခဲ့ပါဘူး။ သူ့ လုပ်ရပ်နဲ့ လက်တွေ့ အကျိုးရလဒ်တွေ၊ နိုင်ငံသူ နိုင်ငံသားတွေရဲ့  လေးစားအားကိုး ယုံကြည်မှု၊ ချစ်ခင်မှုတွေက သက်သေပြခဲ့ပြီးသားပါ။

ပထမတစ်အုပ်ဖတ်ထားသူတွေကို ဒီတစ်အုပ်ထပ်ဖတ်ဖို့ ထပ်တိုက်တွန်းဖို့တောင် လိုမယ်မထင်ပါဘူး။ ရောင်းဈေး ၁၇၀၀ ကျပ်လို့ ပုံနှိပ်ထားပါတယ်။

15 October 2008

PITIFUL YOUTH OF BURMA (POEM)

"ကျွန်တော်တို့ အရွယ်ကို..ဖတ်ကြည့်လိုက်"
ဆွန်း


ကျွန်တော်တို့တစ်ခေတ်လုံးက….တော်လှန်ရေးနဲ့ပဲ..ပိန်းပိတ်လို့
ကျွန်တော်တို့က….သူရဲကောင်းတွေ
ကို..မြန်နိုးကိုးကွယ်တတ်တဲ့..အရွယ်..။

ကျွန်တော်တို့……အလေးပြုရမယ့်..
စံပြပုဂ္ဂိုလ်..တွေက..ဘယ်သူလဲ…
ကျွန်တော်တို့..ပုခုံးပြောင်း
ရမယ်ဆိုတဲ့…တိုင်းပြည့်တာဝန်အတွက်..
ကျွန်တော်တို့…မှတ်သားနာယူသင့်
တဲ့….သင်ခန်းစာတွေက..ဘာတွေလဲ..
ကျွန်တော်တို့က..အတုအယောင်တွေ
.. ဆို…ရွံရှာမုန်းတီးတတ်တဲ့..အရွယ်။

ကျွန်တော်တို့ နှလုံးခုန်သံဟာ…
ဖျတ်လတ်သန်မာနေသလောက်…
ကျွန်တော်တို့ နှလုံးသွေးတွေက..
ပူနွေးနီရဲနေသလောက်..
ကျွန်တော်တို့..ဦးနှောက်တွေက..
နိုးကြားထက်မြက်နေပေမယ့်
ကျွန်တော်တို့က..အပေါစား..ကျော
သပ်နှစ်သိမ့်မှုတွေကို
(ရေလိုက်ငါးလိုက်..ရောင့်ရဲတင်း
တိမ်..နေရတဲ့…)
ခပ်ခပ်ညံ့ညံ့..လူငယ်တွေအဖြစ်…ေ
ခတ်ကို..သင်အံကြရတယ်……..
တကယ်တော့….
ကျွန်တော်တို့က…..အသစ်တွေကို..
ငတ်မွတ်တောင့်တတတ်တဲ့..အရွယ်..။

ကျွန်တော်တို့ ..လွပ်လပ်သန့်စင်
စွာ..မရယ်မောဖူးဘူး…
ကျွန်တော်တို့..အမှန်တရားနဲ့…ဆန
္ဒဆိုတာကို…မတို့ထိ..ရဲဘူး…
ကျွန်တော်တို့…လူ့အခွင့်အရေး…
အာဟာရကို မမြည်းစမ်းဖူးဘူး….
ကျွန်တော်တို့….နွေးထွေးလုံခြုံစွာ…မချမ်းမြေ့ ဖူးဘူး

ကျွန်တော်တို့ဆီမှာ………
ဒါလုပ်ရင်..ဒါမျိုးဖြစ်လိမ့်မယ်
ဆိုတဲ့..အကြောက်တရားတွေနဲ့…
စိတ်ဓါတ်ချို့ တဲ့နာတွေသာ..ပြည် မှည့် ယောင်ကိုင်း နေခဲ့တယ်…။

ကျွန်တော်တို့…ယုံကြည်ချက်တွေ
ကလည်း....သွေးလေခြောက်ခြား…
ကျွန်တော်တို့…အိမ်မက်တွေ….ကျီး
လန့်စာစားနိုင်လွန်း…ခဲ့…
ကျွန်တော်တို့က…ကိုယ်ပိုင်ကိုယ်
ရည်ကိုယ်သွေးအတွက်
ဂျိုသွေး..လေ့ကျင့်ချင်တဲ့အရွယ်
..

ကျွန်တော်တို့..အဘိုးပြောပြဖူး
တဲ့….ဗိုလ်ချုပ်ဆိုတာတောင်
ကျွန်တော်တို့.အဖေ..ပြောပြောေ
နတဲ့..အောင်ဆန်းစုကြည်ဆိုတာတောင်
သူရဲကောင်း ဘလက်ခ်လစ်(Black List) ဖြစ်နေခဲ့မှတော့….
အမှန်တရားကို..ထောက်ပြတောင်းဆို
ဝံ့သူတွေ...
အဖျက်သမား..ဖြစ်နေကြမှတော့
သံဃာတော်တွေတောင်…အကျဉ်းသား...
ဖြစ်ချင်ဖြစ်သွားတော့…
ကျွန်တော်တို့မမြင်ဝံ့တဲ့……ကျွ
န်တော်တို့..မြင်ကွင်းအားလုံးမှာ..
ယမ်းငွေ့ ... သွေးငွေ့တွေ……….ထောင်
းထောင်းထ……

အား……………..!!!!!!!!!!!!!!!

ကျွန်တ်ာတို့က…ဖိနှိပ်ရက်စက်မှုေ
တွအတွက်..အသက်ကို..ဆုတ်ဖြဲချင်တဲ့အရွယ်..။

ကျွန်တော်တို့…..အလေးပြုရမယ့်.
.စံပြပုဂ္ဂိုလ်..က ဘယ်သူလဲ…
ကျွန်တော်တို့ခေတ်…
ကျွန်တော်တို့..စနစ်အတွက်…
ဘယ်လိုတိုက်စစ်တွေအသင့်ပြင်ရမလဲ
..
မတရားမှုတွေကို..ဘယ်လိုအံတုတွန်း
လှန်မလဲ…
ကျွန်တော်တို့..စိတ်အပေါက်ကနေ..
ဘာတွေကို ပစ်ချခဲ့ရမလဲ……
ကျွန်တော်တို့..နှလုံးသားမော်ကွ
န်းမှာ…ဘယ်လိုကမ္ဗည်းထိုးရမလဲ…

ကျွန်တော်တို့..သမိုင်းစာအုပ်ေ
တွမှာလဲ…
ဖျက်ရာ ၊ ပြင်ရာတွေ..ဗရပွ…
ကျွန်တော်တို့က….ညာဝါးထိန်ချန်
သမျှကို…အမြစ်ပါ..ကော်ထုတ်ချင်တဲ့အရွယ်…။

ကျွန်တော်တို့က..နွားခြေရာကွက်
သာသာ…
အိုင်ငယ်လေးထဲမှာ….
စုံးစုံးနစ်နေကြရတဲ့…..
အနာဂတ်တွေပါ……

တဖြည်းဖြည်း..ကျဆင်းလာတဲ့..စိတ်
ခုခံအားနဲ့……
ကျွန်တော်တို့..မနက်ဖန်တွေက…ရေေ
မျာကမ်းတင်..နိုင်လွန်းတယ်….။

အင်း…
ကျွန်တော်တို့က….
လူကြီးတွေ ပြော သ မျှ ဆို သ မျှ….
                  စောင့် …   စား … မျှော် …မော ….ရ တဲ့..အရွယ်……။        ။


ဆွန်း

13 October 2008

A Cartoon From THE VOICE WEEKLY Journal

This Cartoon was taken from The Voice Weekly Journal (Burma)
(Vol.4/ No.50, Monday, October, 13-19, 2008)

12 October 2008

Ko Maung Aye Forgot His Real Father?

ကိုမောင်အေး တစ်ယောက်
အဖေကျော်ပြီး ပထွေးကိုလွမ်းခြင်း
- ညိုကြီး
မြန်မာစစ်အဆိုးရအာချော် သတင်းစာတွေ (မြန်မာ့အလင်း၊ ကြေးမုံ) ကို ဖတ်ရှုမိခြင်းဟာ ကုသိုလ်စိတ်မဖြစ်စေဘဲ အကုသိုလ်စိတ်(ဒေါသ)ကိုသာ ပိုမို တိုးပွားစေတယ်ဆိုတာ (၁၁၊ အောက်တိုဘာ၊ ၂၀၀၈)နေ့ထုတ် သတင်းစာတွေကို ဖတ်မိခါမှ ပိုလို့သေချာသွားခဲ့ရပါတယ်။
သတင်းတစ်ပုဒ်ကို ဖတ်မိရာက ဒေါသထွက်မိပါတယ်။ သတင်းခေါင်းစဉ်ကို ဖတ်မိလိုက်ရကတည်းက အဲဒီဒေါသစိတ်က ထောင်းကနဲ ထလာပါတယ်။ ပြီးတော့ ဒေါသစိတ်ပြီးတဲ့အခါ အော့နှလုံးနာစိတ်၊ ရယ်ချင်စိတ် အစသဖြင့် စိတ်အစဉ်တွေ ဆက်တိုက်ဖြစ်ထွန်းလာရပါတယ်။
(ခင်ဗျားတို့ဖတ်ကြည့်မိရင်လည်း ကျွန်တော့်လို ခံစားကြရမှာပါ။)
ဒေါသစိတ်
သတင်းခေါင်းစဉ်က "နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ ဒုတိယဥက္ကဋ္ဌ ဒုတိယဗိုလ်ချုပ်မှူးကြီး မောင်အေး ဘင်္ဂလားဒေ့ရ်ှနိုင်ငံ ဒါကာမြို့ရှိ ဆာဗားအမျိုးသားအာဇာနည်ဗိမာန် လွမ်းသူ့ပန်းခွေချ အလေးပြု" တဲ့။
သတင်းခေါင်းစဉ်ကို ဖတ်မိလိုက်ရကတည်းက ဘာကြောင့်ဒေါသထွက်သင့်သလဲဆိုတာ ခင်ဗျားတို့ သဘောပေါက်မှာပါ။
ဘယ်နှယ့်ဗျာ ကိုယ်ြ့မန်မာပြည်လွတ်လပ်ရေးအတွက် အသက်ပေးသွားကြရတဲ့ သခင်အောင်ဆန်း အမှူးပြုတဲ့ အာဇာနည်ကိုးဦးကျဆုံးတဲ့ အာဇာနည်နေ့ကိုကျတော့ သတိမရ၊ အလေးပြုဖို့ အာဇာနည်ဗိမာန်ကို ခြေဦးတောင်မှ လှည့်ဖော်မရ။
(အနီးစပ်ဆုံးအနေနဲ့ "အာဇာနည်ဗိမာန်တွင် ကျင်းပသော (၆၁) နှစ်မြောက် အာဇာနည်နေ့ အခမ်းအနား" သတင်းကို မြန်မာဖိုရမ်မှ ကူးယူပြီး ဒီစာအဆုံးမှာ ပူးတွဲတင်ပြလိုက်ပါတယ်။ အဲဒီတုန်းက ရန်ကုန်မြို့တော်ဝန်လေး တစ်ယောက်ပဲ ပွဲတက်ရှာတယ်။)ဘာမှမဆိုင်တဲ့ ဘင်္ဂလားဒေ့ရ်ှနိုင်ငံက အာဇာနည်တွေကိုကျတော့ လွမ်းသူ့ပန်းခွေချ၊ အလေးပြု နေလိုက်တာများ ကိုမောင်အေးတစ်ယောက် (မရိုသေ့စကား) ဖင်ကြီးတောင်မှ ကုန်းလို့။ သူက ဘင်္ဂလားဒေ့ရ်ှအာဇာနည်ဗိမာန်မှာ အမှတ်တရသစ်ပင်တောင် စိုက်ပျိုးလိုက်သေးသဗျ။
သူနဲ့အတူ ကိုတင်အောင်မြင့်ဦး၊ ကိုတင်အေး၊ ကိုဥာဏ်ထွန်း၊ ကိုမြတ်ဟိန်း၊ ကိုဂျူနီယာရဲမြင့်၊ ကိုခင်ဇော်၊ ကိုသောင်းအေး အစသဖြင့် မြန်မာစစ်အဆိုးရ ဗိုလ်အဖွဲ့ဝင်တွေလည်း မြန်မာ့အာဇာနည်နေ့အခမ်းအနား မှာကျတော့ (မရိုသေ့စကား) အိမ်မှာ မိန်းမနဲ့ နှပ်နေကြပြီးတော့ ဘင်္ဂလားဒေ့ရ်ှရောက်ခါမှ ဘင်္ဂလားအာဇာနည်ဗိမာန်ကို အရောက်သွားပြီး ဘင်္ဂလားအာဇာနည်တွေကို အလေးဂရုပြုနေလေရဲ့။
စစ်အဆိုးရဗိုလ်အကြီးကြီးတွေဟာ ရန်ကုန်ကဖြစ်ဖြစ်၊ နေပြည်တော်ကဖြစ်ဖြစ် ဘယ်လောက်မှ မဝေးတဲ့ ရန်ကုန်၊ မြန်မာ့အာဇာနည်ဗိမာန်ကိုကျတော့ နီးလျက်နဲ့ဝေးတာလား၊ နီးလျက်နဲ့ မသိချင်ယောင် ဆောင်တာလား၊ နီးလျက်နဲ့ အလေးမထားတာလား၊ နီးလျက်နဲ့စော်ကားတာလားဆိုတာ ကျွန်တော်သိချင်လှပါတယ်။

ကဲ...ကျွန်တော် ဒေါသထွက်တာ လွန်သလားဗျာ။
(ဒေါသထွက်လာတော့ အသုံးအနှုန်းတွေလည်း ရိုင်းမိသွားတာ စာရှုသူများ ခွင့်လွှတ်တော်မူကြပါ)
အော့နှလုံးနာစိတ်
ဒီစိတ်ကိုတော့ (စာလေးမှာစိုးလို့) အထူးရှင်းမပြတော့ပါဘူး။
ရယ်ချင်စိတ်
ရယ်ချင်စိတ်ကတော့ အခြားမဟုတ်ပါဘူး။
စစ်အဆိုးရက ကျွန်တော်တို့ ဒီမိုသမားတွေကို မကြာမကြာ စွပ်စွဲတတ်တဲ့ စကားရှိပါတယ်။ "အမေကျော်ပြီး ဒွေးတော်လွမ်းတယ်" တဲ့။ အခုတော့ ကိုမောင်အေးရဲ့ လုပ်ပေါက်က အမေ တင်မကတော့ဘူး။ "အဖေကိုတောင်ကျော်ပြီး ပထွေးကို သွားလွမ်းမိသလိုများ" ဖြစ်နေပြီလား...လို့။
- ညိုကြီး

(ကျွန်တော့်သူငယ်ချင်းကတော့ ဒီစာကို ဖတ်ကြည့်ပြီး မှတ်ချက်ပေးပါတယ်။ သူတို့(စစ်အဆိုးရ)ခမျာ လည်း မတော်မတရားတာတွေလုပ်ပါများတော့ အာဇာနည်နေ့ရောက်ရင် မြန်မာ့(ဗမာ့)တပ်မတော်ရဲ့ ဖခင်ကြီး ဗိုလ်ချုပ်အောင်ဆန်းကို မျက်နှာမပြရဲလို့ နေမှာပေါ့တဲ့။
ကျွန်တော်ကလည်း ပြန်ပြောလိုက်ပါတယ်။ မျက်နှာမပြရဲတာမဟုတ်ဘူးကွ။ ပြစရာ မျက်နှာကို မရှိတော့တာ။ "အရှက်နဲ့ လူလုပ်တယ်" ဆိုတဲ့ စကားရှိတယ်လေ။ စစ်အဆိုးရမှာ အရှက်ဆိုတာ မရှိမှတော့ သူတို့ဟာ လူ ပီသအောင် မလုပ်တတ်၊ မကိုင်တတ်တော့ဘူး။ Nitric Acid ဇေယျာသော်ရဲ့ ကဗျာလိုပေါ့ကွာ..."လူမျက်နှာပျောက်တဲ့ လူသားတွေ" ဆိုတာလေ...။ မင်းလည်း ဖတ်ဖူး၊ ကြားဖူးမှာပါ...။ ။)

-----------------------------------------------------------------------------------------------

လူမျက်နှာပျောက်တဲ့လူသားတွေ

လူအချင်းချင်း…..
မီးထက်ပြင်းတဲ့ထိုးနှက်မှူတွေ
အချစ်ကိုဝယ်စားကြသူတွေနဲ့
အချစ်ကိုရောင်းစားကြသူတွေ
ဈေးခေါ်နေတဲ့ စာရိတ္တတွေနဲ့ 
မေတ္တာမဲ့တဲ့နှလုံးသားတွေ
ဘယ်သူသေသေ …
ငတေမာရင်ပြီးရောပေါ့။

ငါတို့ ခေတ်မှာ လူသားတွေဟာ
တယောက်ရဲ့အတ္တအတွက်
တယောက်က အခြားတယောက်ရဲ့
မျှော်လင့်ချက်တွေကိုရိုက်ချိူး
အသွေးအသားတွေကိုဝါးမျို
အရိုးတွေနဲ့ မီးလှုံ
ယုံကြည်ချက်တွေ တိုးတိုက်မိကြပေါ့….။

ငါတို့ ခေတ်မှာ
ကမ္ဘာရဲ့သစ္စာနဲ့

ပျောက်ဆုံးနေတဲ့လောကပါလဟာ
ဘယ်မှာမှရှာမရသလို
အတ္တမျက်မှန်ပြာတွေတပ်
မောဟအမှောင်တိုက်ထဲတိုးဝင်…..

ဟင်!
လူသားတွေဟာ …..
လူမျက်နှာတွေပျောက်နေကြပြီ။ ။

ဇေယျာသော်
Generation Wave
၂၇.၆.၀၈

-------------------------------------------------------------------------------------------------------------------------------------------------------------------------
အာဇာနည်ဗိမာန်တွင် ကျင်းပသော (၆၁) နှစ်မြောက် အာဇာနည်နေ့ အခမ်းအနား
မြန်မာဖိုရမ်၊ ဇူလိုင်လ ၂၁ ရက် ၂၀၀၈ ခုနှစ်။
၂၀၀၈ ခုနှစ်၏ (၆၁)ကြိမ်မြောက် အာဇာနည်နေ့ အခမ်းအနားကို ဇူလိုင်လ ၁၉ ရက်နေ့က ရန်ကုန်မြို့ရှိ အာဇာနည်ဗိမာန်တွင် ကျင်းပခဲ့သည်။
အာဇာနည်နေ့အခမ်းအနားသို့ ရန်ကုန်မြို့တော်စည်ပင်သာယာရေးကော်မတီ ဥက္ကဋ္ဌ မြို့တော်ဝန် ဗိုလ်မှူးချုပ် အောင်သိန်းလင်း တက်ရောက်ခဲ့ပြီး ကျဆုံးလေပြီးသော အမျိုးသားခေါင်းဆောင်ကြီး ဗိုလ်ချုပ်အောင် ဆန်း နှင့်တကွ အာဇာနည်ခေါင်းဆောင်ကြီးများ၏ ဂူဗိမာန်တွင် လွမ်းသူ့ပန်းခွေချခြင်း၊ အလေးပြုခြင်းများ ပြုလုပ် ခဲ့ကြောင်းသိရသည်။
ထို့နောက် အာဇာနည်ခေါင်းဆောင်ကြီးများ၏ မိသားစုများသည် ဂူဗိမာန်များတွင် လွမ်းသူ့ပန်းခွေချ အလေးပြုကန်တော့ကြရာ ပထမဆုံးအနေဖြင့် ဗိုလ်ချုပ်အောင်ဆန်း ဂူဗိမာန်တွင် သားကြီး ဦးအောင်ဆန်းဦးနှင့် ဇနီး ဒေါ်လဲ့လဲ့နွယ်သိန်းတို့ ကိုယ်စား မိသားစုဝင်တစ်ဦးက လွမ်းသူ့ပန်းခွေချ၍ အလေးပြုကန်တော့ကာ မေတ္တာပို့ အမျှဝေကြောင်း သိရသည်။
ထို့နောက် သခင်မြ၊ ဦးဘချို၊ မိုင်းပွန်စောဘွားကြီး စပ်စံထွန်း၊ ဦးဘ၀င်း၊ ဦးရာဇာတ်၊ မန်းဘခိုင်၊ ဦးအုန်းမောင်၊ ရဲဘော်ကိုထွေးတို့၏ မိသားစုများက အသီးသီး လွမ်းသူ့ပန်းခွေချ အလေးပြုကန်တော့ကြပြီး မေတ္တာပို့ အမျှပေးဝေကြကြောင်း သိရသည်။ ထိုအခမ်းနားသို့ နိုင်ငံခြားသတင်းထောက်များနှင့် ပြည်တွင်း မီဒီယာများ တက်ရောက်ခဲ့ကြကြောင်း သိရသည်။