MAN OF THE BLOG (For Saving Cyclone Nargis Victims of Burma)

နာဂစ် (၁) နှစ်ပြည့်

I choose "Sitagu Contribution For Nargis Victims", leaded by Sitagu Sayadaw Dr. Ashin Nyanissara, as "MAN OF THE BLOG" for their activities of saving Cyclone Nargis Victims of Burma (Myanmar).


စစ်ကိုင်းတောင်ပေါ်မှ လှမ်းမြင်တွေ့ရတဲ့ Sitagu International Buddhist Academy နှင့် သီတဂူအာယုဒါန ဆေးရုံတော်

Here is Sitagu Official Website Link;
http://www.sitagu.org/home/
-------------------------------------

"နာဂစ် (၁) နှစ်ပြည့် နှင့် MAN OF THE BLOG"

၂၀၀၈ ခုနှစ်၊ မေလ(၂)ရက်-(၃)ရက်တွင် ဗမာပြည် (မြန်မာပြည်) ဧရာဝတီတိုင်း၊ ရန်ကုန်တိုင်း အစရှိသည့် အောက်ပိုင်းဒေသများကို ၀င်ရောက်မွှေနှောက်ဖျက်ဆီးချေမှုန်းသွားခဲ့သော နာဂစ်မုန်တိုင်းကြောင့် အိုးမဲ့၊ အိမ်မဲ့၊ ကျောင်းမဲ့၊ မိသားစုမဲ့၊ စီးပွားပျက်၊ ဥစ္စာပျက် ဖြစ်ခဲ့ရရှာသော ဗမာ့ မုန်တိုင်းဒဏ်သင့်ပြည်သူပြည်သားများကို စွမ်းစွမ်းတမံ စေတနာပါပါ မေတ္တာ၊ ကရုဏာ အနန္တဖြင့် ကယ်တင်ကုသထူထောင်မှုလုပ်ငန်းများကို အစောဆုံး၊ အမြန်ဆုံး၊ အထိရောက်ဆုံး ဆောင်ရွက်ကူညီပေးခဲ့၊ ပေးဆဲဖြစ်သည့် သီတဂူဆရာတော်ဘုရားကြီး အရှင်ဥာဏိဿရဦးဆောင်သော
သီတဂူအဖွဲ့ ၏ နာဂစ်အလှူတော် (Sitagu Contribution For Nargis Victims) ကို ကျွန်တော့်ဘလော့ဂ်၏ အဓိကဂုဏ်ပြုဖွယ်ရာ (MAN OF THE BLOG) အဖြစ် နာဂစ်မုန်တိုင်း တစ်နှစ်ပြည့် (ယခု ၂၀၀၉၊ မေ လ)တွင် ရွေးချယ် ဖော်ပြအပ်ပါသည်။

BigBBrown
http://bigbbrown.blogspot.com

-------------------------------------

Sitagu Sayadaw's photo from http://www.sitagu.org/about/

"သီတဂူအဓိဋ္ဌာန်"

ငါတို့ဖြစ်ရ ဤလောကဝယ်
ဘဝသမိုင်း မရိုင်းစေရန်
စိတ်မာန်မချ မာနမပါ
ကိုယ်စွမ်းရာဖြင့်
ဒို့သာသနာ ဒို့ပြည်ရွာကို
သာယာစေမှု လုံ့လပြုအံ့။
-------------------------------------

Ayarwaddy Sitagu Contribution Diary (09-06-2008 to 09-12-2008)

နာဂစ် (၁၁) လပြည့်

လွန်ခဲ့သော (၁၁)လတိတိ (၂-၃၊ မေ၊ ၂၀၀၈)က ဗမာပြည်အောက်ပိုင်းဒေသများ
(ဧရာဝတီတိုင်း+ရန်ကုန်တိုင်း အစရှိသည်)ကို ၀င်ရောက်
တိုက်ခတ်ချေမှုန်းသွားသော နာဂစ်မုန်တိုင်းကြောင့် ထိုဒေသမှ
ပြည်သူပြည်သားများ (များစွာ) သေကြေ၊ ပျက်စီး၊ အတိဒုက္ခရောက်ခဲ့ရပါသည်။

စစ်အဆိုးရ၏ မုန်တိုင်းအကြိုသတင်းထုတ်ပြန်မှု၊ သတိပေးမှု
အားနည်းခြင်းကြောင့်လည်း မလိုလားအပ်ဘဲ ဖြစ်သင့်သည်ထက်များစွာ ပိုမို
သေကြေ၊ ပျက်စီး၊ အတိဒုက္ခရောက်ခဲ့ရပါသည်။

ဖြစ်ပွားပြီးနောက်ပိုင်း မုန်တိုင်းဒဏ်ခံပြည်သူများအား
ကူညီကယ်ဆယ်မှုလုပ်ငန်းများကိုလည်ုးသံဃာတော်၊ ဆရာတော်ဘုရားများ၊
ပြည်သူပြည်သားများ ဦးဆောင် ကယ်ဆယ် ကူညီပြီးသည့်နောက်တွင်မှ စစ်အဆိုးရက
ဟန်ပြ လိုက်လံ ကယ်ဆယ်ကူညီသယောင် လုပ်ပြခဲ့သည်ကိုလည်း
အများသိရှိပြီးဖြစ်ပါသည်။

အဆိုးဝါးဆုံးမှာ မုန်တိုင်းဒဏ်ခံပြည်သူများအား အားသွန်ခွန်စိုက်
ကူညီကယ်ဆယ်ရမည့်အချိန်တွင် ဘာမဟုတ်သည့် စစ်အခြေခံဥပဒေအတု
အတည်ပြုမှုကြီးကို နိုင်ငံတ၀ှမ်း စစ်အဆိုးရက ဇွတ်အဓမ္မ ပြုလုပ်ခဲ့ရာ
နာဂစ်ကယ်ဆယ်ကူညီရေးလုပ်ငန်းများတွင် များစွာ(လွန်စွာ)
နှောင့်နှေးခဲ့ရပါသည်။

နိုင်ငံတကာအကူအညီများကိုလည်း အသာတကြည် လက်မခံခဲ့သည့်အတွက် ရသင့်သလောက်သော
နိုင်ငံတကာကူညီမှုများကို နာဂစ်ဒဏ်ခံပြည်သူများ လုံလောက်စွာ မရရှိခဲ့ရပါ။

အခြေခံဥပဒေအတု ဇွတ်အတည်ပြုမှုကြီးပြီးမှသာ စစ်အဆိုးရ ကြံ့ဖွတ်များ၏
ဟန်ပြပြန်လည်ထူထောင်ရေး လံကြုတ်တီဗွီသတင်းများ ကြည့်ခဲ့ရပါသည်။

------------------------------------------------------------------------------------------------------
အမှောင်ကြားထဲမှ အလင်း၊ လူမိုက်များကြားထဲက သူတော်ကောင်း

နာဂစ်ကယ်ဆယ်ရေးတွင် ရှေးဦးအကျဆုံးနှင့် အထိရောက်ဆုံး သွားရောက်
ကူညီကယ်ဆယ်ခဲ့သည့် သီတဂူဆရာတော်ဘုရားကြီး အရှင်ဥာဏိဿရဦးဆောင်သော
သီတဂူအဖွဲ့ ၏ နာဂစ်အလှူတော် ဒိုင်ယာရီကို ဖော်ပြအပ်ပါသည်။

------------------------------------------------------------------------------------------------------
သီတဂူ ဧရာဝတီ အလှူတော် ဒိုင်ယာရီ

၉-၀၆-၀၈ မှ ၉-၁၂-၂၀၀၈ အထိ (၇) လအတွင်း အလှူစာရင်း အကျဉ်းချုပ်
တန်ဘိုး ကျပ် သိန်းပေါင်း (၇၂၇၇၂) သိန်းကျော်

Ayarwaddy Sitagu Contribution Diary

Contribution Summary within seven month period;
09-06-2008 to 09-12-2008

Do you fail to remember NARGIS VICTIMS?

ခြောက်လပြည့် နာဂစ် (သို့မဟုတ်)
မပြီးဆုံးသေးသော ပန်ချီကား

(PAGE 1)

(PAGE 2)

(ရရှိထားသော နာဂစ်ကယ်ဆယ်ရေးနှိုးဆော်လွှာအား ပြန်လည် ဖြန့်ဝေပါသည်)
--------------------------------------------------------------------------------------------------------------------------

ဝါတွင်းကာလ ကင်းလွတ်ပြီဖြစ်သဖြင့် နာဂစ်ဒေသများသို့ ကိုယ်တိုင်ကိုယ်ကျ သွားရောက်ကူညီမည့် ဆရာတော်များဦးဆောင်သည့် နာဂစ်လေဘေးကူညီရေးအဖွဲ့များလည်း
ပြန်လည်အသက်ဝင်လာပြီဖြစ်ပါသဖြင့်
ဆရာတော်၊ သံဃာတော်များဦးဆောင်သည့် နာဂစ်လေဘေး ကူညီထောက်ပံ့ရေးအဖွဲ့အစည်များထံသို့
နာဂစ်ဒုက္ခသည်များအတွက် ကူညီမှုများ ဆက်လက် ပေးပို့ကြပါရန်
ကရုဏာတရား ရှေ့ထား၍ နှိုးဆော်အပ်ပါသည်။

ညိုကြီး

<ဆက်စပ်သတင်း>

180 days after Cyclone Nargis: Relief efforts on track but support is still needed (UNICEF)

Sitagu Sayadaw U Nyannissara is preaching in Mandalay for Nargis Fund

သီတဂူဆရာတော်ဘုရားကြီး အရှင်ဥာဏိဿရသည် ၀ါတွင်းကာလ အခါသမယအတောအတွင်း မန္တလေးမြို့၊ မြင်းခြံမြို့များ၌ နာဂစ်လေဘေးကူညီရေး ရန်ပုံငွေအတွက် အလှူခံတရားပွဲများ ဟောကြားပြီး ရန်ပုံငွေရှာဖွေလျက်ရှိနေပါသည်။
ဆရာတော်ဘုရားကြီးသည် နာဂစ်မုန်တိုင်းက ဧရာဝတီတိုင်းနှင့် အခြားအောက်ဗမာပြည်နေရာများကို ၀င်မွှေအပြီး မေလ (၈)ရက်မှ စတင်ကာ နာဂစ်လေဘေးသင့်ဒေသများအတွက် ကယ်ဆယ်ရေး၊ ပြန်လည်ထူထောင်ရေးလုပ်ငန်းများကို ယနေ့အချိန်အထိ စွမ်းစွမ်းတမံ ဆောင်ရွက်လျက်ရှိနေပါသည်။
ယခုအခါ ဆရာတော်ဘုရားကြီးသည် မန္တလေးမြို့၊ မြင်းခြံမြို့များတွင် ညစဉ်ဆက်တိုက်ဆိုသလို တရားပွဲများ ကျင်းပပြီး နာဂစ်ရန်ပုံငွေအတွက် အလှူငွေ၊ ပစ္စည်းများ ဆက်လက်အလှူခံလျက်ရှိပါသည်။

မန္တလေးမြို့ပေါ်က အရှင်ဥာဏိဿရ၏ တရားပွဲတစ်ခု (သြဂုတ်၊ ၀၀၈)

SHWEDAGON PAGODA AND CYCLONE NARGIS (July, 2008)

Saving Works by Sitagu Sayadaw U Nyannissara

Children crowding Sitagu Sayadaw

Sitagu Sayadaw hands out noodles on the road side somewhere b/w Maupin and Bogalay.

Yangon Sitagu Monastery

Sitagu Helps (May 9 - June 9)

SITAGU SAYADAW'S KINDNESS

နာဂစ်မုန်တိုင်းကယ်ဆယ်ရေးအတွက်
သီတဂူဆရာတော် အရှင်ဥာဏိဿရ
ပြည်ပတွင် တရားပွဲလှည့်လည်ကျင်းပမည်

ဂျေမိုး
မေ ၂၄၊ ၂၀၀၈
(မိုးမခ Multimedia)

စင်္ကာပူ။ ။ သီတဂူဆရာတော်ဘုရားကြီး အရှင်ဥာဏိဿရသည် စင်္ကာပူနိုင်ငံ Eunos MRT အနီးရှိ မင်္ဂလာဝိဟာရကျောင်းတိုက်၌ (၂၅)ရက်နေ့ ညနေ (၈)နာရီတွင် ဓမ္မတရားတော်ဟောကြားမည်ဖြစ်သည်။

သီတဂူဆရာတော်ဘုရားကြီးသည် ထိုင်းနိုင်ငံသံဃာ့ရာဇာမှ လေမုန်တိုင်းဒဏ်ခံ ပြည်သူတွေအတွက် အလှုငွေလက်ခံပေးဖို့ရာ ဖိတ်ကြားခြင်းကြောင့် ထိုင်းနိုင်ငံ၊ ဘန်ကောက်မြို့ကိုရောက်ရှိလျှက်ရှိနေပြီး စင်္ကာပူနိုင်ငံသို့ ဆက်လက်ကြွချီလာမည်ဟုသိရသည်။ နာဂစ်မုန်တိုင်းဒဏ်ခံခဲ့ရသောဒေသရှိ ပြည်သူများအတွက် လိုအပ်နေသော ဆေးဝါးနှင့် ကူညီထောက်ပံ့ရေး ပစ္စည်းများကို စင်္ကာပူနိုင်ငံမှာ ဝယ်ယူမည်ဟုသိရှိရသည်။

နာဂစ်မုန်တိုင်းတိုက်ခိုက်အပြီး ရက်ပိုင်းအတွင်းမှာပင် ဆရာတော်အရှင်ဥာဏိဿရ ကိုယ်တော်တိုင် လေမုန်တိုင်းဒဏ်ခံရသော ဒေသများသို့သွားရောက်ကာ ကယ်ဆယ်ရေးလုပ်ငန်းများကို ကျယ်ကျယ်ပြန့်ပြန့် ပြုလုပ်ခဲ့သည်။

လေမုန်တိုင်းတိုက်ခိုက်ခံရသောဒေသ နောက်ဆုံးအခြေအနေနှင့်ပတ်သက်၍ ဆရာတော်ဘုရားကြီးနှင့် ဘီဘီစီ မြန်မာပိုင်း ရေဒီယိုမေးမြန်းခန်းတွင် …

"ဘုန်းကြီးရောက်တဲ့နယ်မြေတခွင်မှာ လူတွေဒုက္ခဖြစ်ပြီးတော့ မသေဘဲနဲ့ကျန်နေတဲ့သူတွေက ရာခိုင်နှုန်း ၈၀-၉၀ လောက်အားလုံး ဘုန်းကြီးကျောင်းတွေမှာ မှီခိုနေကြတာတွေ့ရတယ် ဘုန်းကြီးကျောင်းတွေကလဲပဲ အမိုးတွေမရှိတာကများတော့ စိုစိုစွတ်စွတ်နဲ့ နေကြရတာကို တွေ့ရတယ် ပျက်သွားတဲ့ရွာတွေကို ပြန်ဆောက်ဖို့အနေအထားကတော့ ဒကာကြီး အတော်ကိုမျှော်လင့်ချက်ဝေးတဲ့အနေအထားရှိတယ်"

"ရွာတွေကဆောက်တုန်းကလဲပဲ ဓနိလေးတွေ လမုပင်လေးတွေ၊ ဝါးလုံးလေးတွေ နဲ့ဆောက်တော့ ဒီလောက်ပြင်းထန်တဲ့လေကြားမှာ ဒီသစ်တိုသစ်စတွေဟာ အကုန်တစမကျန် ဝါးလေးတွေ၊ဓနိတွေ၊လမုပင်လေးတွေ အကုန်လွင့်ကုန်တာ မြင်ကွင်းက… တခါတည်း ငုပ်တုတ်ငုပ်တုတ်နဲ့ တိုင်ငုပ်တိုလေးတွေပဲကျန်တော့ ဒီနေရာမှာ ဒီလူတွေဟာ အိမ်ပြန်ဆောက်နိုင်ဖို့တော်တော်ခက်မယ်ဒကာကြီး"

"ပြီးတော့လယ်ကွင်းတွေကလဲ အကုန်လုံး ဆားငံရေတွေဝင်သွားတော့ လယ်ပြန်လုပ်နိုင်ဖို့လဲပဲ တော်တော်ခက်မယ် နွားတွေကျွဲတွေကလဲပဲ မကျန်သလောက်ဖြစ်နေတယ် အကုန်လုံး လေထဲလွင့် ရေမြုပ်ပြီးတော့ သေကုန်ကျတော့ ကျွဲနွားမရှိတဲ့ခမျာမှာလဲပဲ လယ်ထွန်ဖို့ခက်မယ် မျိုး-တွေလဲရဖို့မလွယ်ဘူး အဲဒီတော့အခက်အခဲတွေကြားထဲက ပြည်လည်ထူထောင်ဖို့ဆိုတာ အများကြီးအများကြီးလိုသေးတယ် အကူအညီအထောက်အပံ့တွေလိုမှာပါ"

နိုင်ငံတကာကယ်ဆယ်ရေးအဖွဲ့များဝင်ခွင့်ပေးလိုက်တဲ့ကိစ္စနှင့်ပတ်သက်ပြီးမိန့်ကြားရာမှာ …

"ဘုန်းကြီးကတော့ အကောင်းမြင်တဲ့ဘက်ကနေကြည့်ပြီး ဒါဟာ အလွန်အလားအလာကောင်းတဲ့ လက္ခဏာပဲလို့ ဘုန်းကြီးကတော့ ဒီလိုတွက်ပါတယ် သို့သော်လည်းပဲ နိုင်ငံတကာဆိုတော့ နိုင်ငံပေါင်း ဘယ်လောက်များများက လာပြီးတော့ ဘယ်လိုပစ္စည်းမျိုးတွေစပေးမလဲဆိုတာ ရှေးဦးစွာ Survey လုပ်တဲ့အနေနဲ့ ကွင်းဆင်းကြည့်ရှုဖို့ကိစ္စမှာ Transport တွေဘာတွေ တော်တော်များများလိုလိမ့်မယ်။ ဒကာကြီး ရေယာဉ်တွေလိုမယ် ကောင်းကင်က ဖြတ်သွားကြည့်တာလောက်နဲ့ မလုံလောက်ဘူး အဲဒီအပျက်အစီးတွေကိုသွားကြည့်ဖို့ရာ လမ်းတွေဖောက်ပေးဖို့လိုလိမ့်မယ်…. ဆိုတော့ ကြာမယ် ဒကာကြီး…. ကြာလိမ့်မယ်ထင်တယ်… ပြီးတော့ ဘယ်လောက်ပဲ နိုင်ငံတကာက ပေးပေး ဒီဧရိယာကြီးအနေအထားကကို အလွန်ခက်ခဲတဲ့ အနေအထားဖြစ်နေတယ် ထိထိရောက်ရောက် ရှိမှရှိပါ့မလားဆိုတာကို ဘုန်းကြီးလဲ စိတ်ထဲတွေးပြီးတော့ စိတ်ထဲသိပ်တော့မကောင်းဘူး စိတ်ပူတယ်ဒကာကြီး"

အနာဂတ်မှာ လက်တွဲလုပ်ဆောင်ဖို့နဲ့ပတ်သက်ပြီး ဆရာတော်ကြီးမှ …

"အကုန်လုံးက လက်တွဲဖို့တော့လိုနေပြီ ဒကာကြီး ဘာဖြစ်လို့လဲဆိုတော့ ဘာသာရေးနဲ့ကြည့်မယ်ဆိုရင်လဲ ခရစ်ယာန်ရွာတွေကော အစ္စလမ်ရွာတွေကော ဗုဒ္ဓဘာသာရွာတွေ ခံရတာပဲ။ နိုင်ငံရေးနဲ့ကြည့်ရင်လဲပဲ လက်ရှိနိုင်ငံတော်အစိုးရကို အားပေးထောက်ခံတဲ့သူတွေကိုကော နိုင်ငံတော်အစိုးရကို ချချင်တဲ့သူတွေရောအကုန်လုံး ခံရတဲ့နေရာမှာ အတူတူပဲလေ၊ အရပ်သားလဲခံရသလို အဲဒီအရပ်မှာ စစ်သူ စစ်သားတွေလဲ ခံကြရတာပဲ၊ ဘာသာရေးကင်းမဲ့တဲ့သူတွေ ခံရသလို ဘာသာရေးခေါင်းဆောင်တွေလည်း ခံရတာပဲ။ ဒုက္ခဆိုလို့ရှိရင် ခံစားရတာအကုန်လုံး တူညီနေတဲ့အတွက်မို့ ဒီအဖြေရှာတဲ့အခါမှာလဲ အကုန်လုံးတူဖို့လိုတယ် တူညီတဲ့ Common Platform တစ်ခုကို ဘုန်းကြီးတို့တည်ဆောက်ရမယ် ဘာသာရေးရှုဒေါင့် လူမှုရေးရှုဒေါင့် နိုင်ငံရေးရှုဒေါင့် အဲဒီရှုဒေါင့်တွေက ကြည့်တာတွေကို ခဏရပ်တန့်ပြီးတော့ အကုန်လုံးတစ်ခါတည်း ဂရုဏာစိတ်ဓါတ်နဲ့ ဂရုဏာစိတ်ဓါတ် common Platform ပေါ့ဗျာ။ အဲဒါလေးအပေါ်မှာ အတူတကွ လက်တွဲလျှောက်လှမ်း သွားရင်တော့ အနာဂတ်မှာ အတော်ကောင်းတဲ့အလားအလာရှိတယ်လို့ ဘုန်းကြီးတော့ ဒီလိုပဲထင်တာပါပဲ"

ဟုမိန့်ကြားသွားပါတယ်။

စင်္ကာပူတရားပွဲအပြီးတွင် ဆရာတော်ဘုရားကြီးဟာ မြန်မာပြည်ကို ပြန်လည်ကြွချီမည်လို့ သိရသည်။