Until the next day after....

၂၅ ရက်နေ့ မနက်ပိုင်းက စလောင်တဲ့ ရတနာပုံဈေး မီး ... ၂၆ ရက်နေ့ ထိ ငြှိမ်းသတ်လို့ မပြီးစီးနိုင်သေး....

မန္တလေး နန်းမြို့ ကျုံးထဲက ရေတွေသာ မီးသတ်ကားတွေ ခပ်လို့ ကုန်ရော့မယ်...

PHOTOS OF YADANARBON MARKET FIRE CASE

“မန္တလေး-ရတနာပုံဈေး မီးဘေးသင့်ခံနေရသော ဓာတ်ပုံများ”

(www.planet.com.mm/forums လိပ်စာအောက်က General ကဏ္ဍမှ ChitChat အခန်း- “ပလန်းနက်သတင်းစာ” ခေါင်းစဉ်အောက်တွင် Julydream ဆိုသော ပလန်းနက် ယူဇာတစ်ယောက်က ရတနာပုံဈေးမီးလောင်နေသောပုံများ ပို့စ်တင်ထားကြောင်း တွေ့ရှိရပါသဖြင့် ဓာတ်ပုံများကို တစ်ဆင့် ကူးယူဖော်ပြပေးလိုက်ပါသည်- ညိုကြီး)

ပလန်းနက် ယူဇာ (Planet User) - Julydream အား ဓာတ်ပုံများဖော်ပြပေးခဲ့သည့် အတွက် ဒီနေရာမှနေပြီး ကျေးဇူးစကားဆိုလိုက်ပါတယ်...။
(Special thanks to JULYDREAM (planet.com.mm user) for above photos)

MANDALAY YADANARPON MARKET IN FIRE

MANDALAY YADANARBON MARKET IN FIRE

“မန္တလေး- ရတနာပုံဈေး မီးလောင်၊ မြန်မာကျပ်ငွေ သန်းပေါင်းများစွာ ဆုံးရှုံးသွား...”

(၂၅၊ ဖေဖော်ဝါရီ၊ ၀၀၈ - မြန်မာစံတော်ချိန် ည (၁၀)နာရီ)

“ရန်သူမျိုးငါးပါးထဲမှာ အင်မတန်ဆိုးဝါးလှတာ...မညှာတာ ဘယ်သူ့မှ မထောက်တာ...သူခိုး-ဓားပြထက် ဆိုးတဲ့ရန်သူဟာ...”
အဲသလို...မီးသတိပေး သီချင်းသံတွေ မန္တလေးမှာ မကြားရမီ မီးများကတော့ မကြာခဏ တောက်လောင်နေပါပြီ။

အဆိုးဝါးဆုံးမီး

၂၀၀၈ ခုနှစ်၊ မန္တလေးမီးများထဲမှာတော့ ယနေ့ (၂၅၊ ၂၊ ၀၀၈)မှာ လောင်တဲ့ ရတနာပုံဈေးမီးကတော့ အဆိုးတကာ့ အဆိုးဝါးဆုံးဖြစ်လို့သွားပါပြီ။ ဘာကြောင့်လဲဆိုတော့ကာ အထပ်ငါးထပ်ရှိတဲ့ ရတနာပုံဈေးရဲ့ ရှိရှိသမျှအားလုံးနီးပါး ဆုံးရှုံးသွားရလို့ပါ။

ရတနာပုံဈေးမှာ ဘာတွေရှိလဲ

မြေညီထပ်- အ၀တ်အထည်ဆိုင်များ(ယခင် တရုတ်တန်းဈေး)၊
ပထမထပ်- Sky Walk Shopping Mall (စားသောက်ဆိုင်များ၊ သူဌေးသုံး အ၀တ်အထည်အရောင်းဆိုင်များ၊ Orange Super market။ MK fashion shop စတဲ့ အမယ်စုံပစ္စည်းများ ရောင်းချရာ အအေးခန်းမှန်လုံအထပ်)၊
ဒုတိယထပ်-Relax Restaurant (ဘိလိယက်ခုံများ၊ စားသောက်ခန်းမနှင့် ကာရာအိုကေခန်းမများ တည်ရှိရာနေရာ၊ မန္တလေး ညမင်းသားများ ကျင်လည်ကျက်စားရာနေရာ)၊
တတိယထပ်- MICT park (မန္တလေးရဲ့ IT နည်းပညာများ သင်ကြား၊ ရောင်းဝယ်ဖောက်ကားရာနေရာ)
စသဖြင့် တည်ရှိပြီး အနယ်နယ်၊ အရပ်ရပ်နှင့် မန္တလေးမြို့ပေါ်မှ ဈေးဝယ်များ၊ အလည်လာ လျှောက်ကြည့်သူများ၊ ကွန်ပျူတာသင်တန်းတက်သူများ၊ နည်းပညာဝယ်ယူသူများ အစသဖြင့် နေ့စဉ် စည်ကားနေကျ ဈေးကြီးတစ်ခု ဖြစ်ပါတယ်။

ဘယ်အချိန်မှာ မီး စလောင်ကျွမ်းတာလဲ

ဈေးဆိုင်များ ဖွင့်ကာစ နံနက် (၈)နာရီမှာ စလောင်ကျွမ်းတာပါ။

ဘယ်က စ လောင်ကျွမ်းတာလဲ

လက်ရှိ အချိန်(၂၅၊၂၊၀၀၈-မြန်မာစံတော်ချိန် ည ၁၀ နာရီ) အထိတော့ ဘယ်က စလောင်ကျွမ်းတယ်ဆိုတာ တိတိကျကျ ဘယ်သူမှ မသိရသေးပါဘူး။ ကောလဟာလတွေကတော့ အမွှေးတိုင်ထွန်းရင်းက စတယ်-ပန်းကန်ဆိုင်တွေက ကောက်ရိုးကို မီးကူးတယ်၊ Relax က စလောင်တယ် အစသဖြင့် မျိုးစုံပြောနေကြတာပါပဲ။

ဘာတွေလောင်ကုန်တာလဲ

မြေညီထပ်က အ၀တ်အထည်ဆိုင် အနည်းငယ်မှ ပစ္စည်း အနည်းငယ် ဆွဲထုတ်လို့ရတာက လွဲရင် ကျန်တဲ့ ဈေးဆိုင်၊ ကျန်တဲ့ အထပ် အကုန် မီးဘေးသင့်ကုန်တော့တာပါပဲ။ ဆုံးရှုံးသွားမယ့် တန်ဖိုးပမာဏကို ခန့်မှန်းကြည့်ရုံနဲ့တင် ကြက်သီးမွေးညှင်းထဖွယ်ရာ ဖြစ်ပါတယ်။

မီးသတ်...မြန်မာ့မီးသတ်...အရံမီးသတ်တပ်ဖွဲ့တွေရဲ့ စွမ်းဆောင်မှု?

လူသာသတ်တတ်ပြီး မီးမသတ်တဲ့ စစ်အဆိုးရ အုပ်ချုပ်နေတဲ့ တိုင်းပြည်ဆိုတော့လည်း စဉ်းစားသာကြည့်ကြပါကုန်တော့။ မီးသတ်ကားတွေကတော့ အစီးများစွာလာရောက် မီးငြှိမ်းသတ်ကြပါတယ်။ သို့သော်လည်း မီးကို ပက်တဲ့ရေအားက မီးရှိရာကို ဘယ်လိုမှ မရောက်နိုင်ဘူးဖြစ်နေပါတယ်။ အဆောက်အအုံထဲကိုလည်း ဘယ်သူမှဝင်ပြီး မီးမငြှိမ်းရဲဘူးဖြစ်နေပါတယ်။ အောက်စီဂျင်ဘူးပါ အကာအကွယ်များမရှိတဲ့ မြန်မာ့မီးသတ် ဘယ် မီးကို ဘယ်လို ၀င်သတ်မှာပါလဲ။ ကရိန်းတပ် မီးသတ်ကား နှစ်စီးရဲ့ ရေပက်အားကလည်း လောင်နေတဲ့ မီးနဲ့ယှဉ်ကြည့်လိုက်တော့ တကယ့်ကို မဖြစ်စလောက်ပါ။ ဟောလီးဝုဒ်ရုပ်ရှင်ကားတွေကြည့်ဖူးတဲ့ မန္တလေးမြို့သားတွေရဲ့ ပါးစပ်တွေကတော့ ရဟတ်ယာဉ်ကြီးတွေနဲ့ မီးသတ်ပေးဖို့ မျှော်လင့်တဲ့ စကားတွေ ရေရွတ်မြည်တမ်းနေကြလေရဲ့။

အံ့သြကုန်နိုင်ဖွယ်၊ ဗုဒ္ဓဘာသာအတွက် ဂုဏ်ယူဖွယ်ရာ ရဟန်းသံဃာတော်များရဲ့ စွမ်းဆောင်မှု

မီးသတ်တပ်ဖွဲ့ဝင်တွေ မစွမ်းနိုင်တဲ့ အလုပ်ကို စက်တင်ဘာတုန်းက စစ်အဆိုးရကို ဆန့်ကျင်ကာ ပြည်သူတွေ အတွက် မေတ္တာဓာတ်တွေ ပို့သ စီတန်းလမ်းလျှောက်ခဲ့ကြတဲ့ ရဟန်းသံဃာတော်များက ဒီတစ်ခါ ရတနာပုံဈေး မီးလောင်ရာမှာ လည်း စွမ်းဆောင်ပြခဲ့ပါတယ်။
ရဟန်းသံဃာတော်တွေဟာ မီးသတ်ကားတွေပေါ် တက်ရောက်ကာ မီးသတ်ပိုက်ကို ကိုင်စွဲလို့တစ်မျိုး၊
ရတနာပုံဈေး အထပ်မြင့်ကြီးပေါ်ထိ အသက်ကို ပဓာနမထားဘဲ ရဲရဲဝံ့ဝံ့ တက်ရောက်ကာ ပစ္စည်းများ ကူညီ၊ သယ်ထုတ်ပေးခြင်းက တစ်ဖုံ
အမျိုးမျိုး၊ အစုံစုံ ပြည်သူ့ဘက်က ရပ်တည်ခဲ့ကြပါတယ်။

လားလားနဲ့ ဘယ်သူတွေ ကားယားကားယား လုပ်နေကြလဲ

မီးလောင်တဲ့ ကိစ္စနဲ့ ဆိုင်မဆိုင်တော့ မသိဘူး။ စစ်အဆိုးရရဲ့ စစ်တပ်တွေကတော့ သေနတ်ကြီးတွေ တကားကားနဲ့ မီးလောင်နေတဲ့ ဈေးကြီးဘေးမှာ ပတ်ပတ်လည် ထိုင်နေကြလေရဲ့။
ပြီးတော့ ယာဉ်ထိန်းရဲတွေ (သူတို့ကတော့ တကယ်လိုအပ်ပါတယ်)၊
ပြီးတော့ စွမ်းအားရှင်တွေ၊ ရိုးရိုးရဲတွေ...
ရတနာပုံဈေး ပတ်ပတ်လည် လမ်းတွေထဲမှာလည်း လူတွေက ပင်လယ်လို ဝေလို့ (တစ်ချို့က ဈေးဆိုင်ပိုင်ရှင်တွေနဲ့ ၀န်ထမ်းတွေ၊ တစ်ချို့က ပွဲကြည့်ပရိတ်သတ်၊ တစ်ချို့က ကူညီမယ့် ပရိတ်သတ်၊ တစ်ချို့က တောကြောင်တွေ...

မီးက ဘယ်အချိန်ထိ လောင်နေဦးမှာလဲ

အခု ပို့စ် တင်နေတဲ့ ည (၁၀)နာရီထိ မီးခိုးတွေကတော့ တအူအူ ထွက်နေတုန်းပါပဲ။ ရတနာပုံဈေးကြီးကတော့ အကုန် ကုန်ရှာလေပြီ။ ယာဉ်ထိန်းရဲ တစ်ယောက်ကတော့ ပွဲကြည့်ပရိသတ်ကို ပြောလိုက်တယ်။ “နောက်တစ်နေ့မနက် (၂၆ ရက် မနက်) ၁၀ နာရီတိုင်လို့မှ မီးကို မနိုင်ရင် အထက်က သူတို့ကို ရှယ်ထောင်းမယ်” ဆိုပဲ။
အဲတော့ ဘေးက မီးဘေးသင့်ခံ ဈေးဆိုင်ပိုင်ရှင်တစ်ဦးက ပြန်ပြောရှာတယ်။
“အဲဒီအချိန်မှ မီးကို မနိုင်ရင်လည်း မန္တလေးတစ်မြို့လုံး မီးလောင်ခံရရုံ ရှိတော့မပေါ့..” တဲ့။

အသေအပျောက်၊ ဒဏ်ရာရ စာရင်း

ရတနာပုံဈေးကြီး မီးလောင်ရာမှာ အခု ပို့စ် တင်နေတဲ့ ည (၁၀)နာရီထိ အသေအပျောက် လုံးဝမရှိပါကြောင်း၊ မီးနဲ့ ပတ်သက်လို့ ဆေးရုံကို ရောက်ရှိလာသူ စုစုပေါင်း (၂၃)ယောက်ရှိပြီး၊ (၉)ယောက်မှာ ပြင်ပလူနာ များအဖြစ်သာ ကုသမှု ခံယူကာ အိမ်ပြန်သွားကြကြောင်း မန္တလေးဆေးရုံကြီးမှ တာဝန်ကျ ဆရာဝန်တစ်ဦး၏ ပြောကြားချက်အရ သိရှိရပါသည်။ ဒဏ်ရာရသူများထဲတွင် ရဟန်းသံဃာများ၊ မီးသတ်တပ်ဖွဲ့ဝင်များနှင့် ပြည်သူများ ပါဝင်ပါသည်။

ဘယ်သူ့မှာ တာဝန်ရှိလဲ ?

“ရန်သူမျိုးငါးပါးထဲမှာ အင်မတန်ဆိုးဝါးလှတာ...မညှာတာ ဘယ်သူ့မှ မထောက်တာ...သူခိုး-ဓားပြထက် ဆိုးတဲ့ရန်သူဟာ...”
သီချင်းသံတွေ မန္တလေးမှာ မကြားရမီ မီးများကတော့ မကြာခဏ တောက်လောင်နေပါပြီ။

တကယ်တမ်း

တကယ်တမ်း လောင်တဲ့ မီးမှာကော၊ လောင်အောင်လုပ်တဲ့သူမှာကောထက်...လောင်နေတဲ့ မီးကို နိုင်အောင် မနှိမ်နင်းနိုင်တဲ့၊ နှိမ်နင်းနိုင်တဲ့ နည်းစနစ်၊ နည်းပညာ၊ စိတ်ဓာတ်မရှိတဲ့ စစ်အဆိုးရမှာ လုံးဝ တာဝန်ရှိတယ်လို့ ကျွန်တော်မြင်ပါတယ်။
ဒါကြောင့်-
“ရန်သူမျိုးငါးပါးထဲမှာ အင်မတန်ဆိုးဝါးလှတာ...မညှာတာ ဘယ်သူ့မှ မထောက်တာ...သူခိုး-ဓားပြထက် ဆိုးတဲ့ရန်သူဟာ...နအဖ စစ်အဆိုးရ မှလွဲ၍ မှတစ်ပါး အခြားမရှိလေပြီကော....”။ ။

ညိုကြီး

IF REQUIRED..., WE MUST...!

မင်းမှာ လုပ်ချင်၏။ တင်းကုပ်မှာ အချုပ်ခံဝံ့ မခံဝံ့။
ပဲဟင်းကို ရှုပ်ချင်၏။ နှုတ်ခမ်းမွှေးကို အနုတ်ခံဝံ့ မခံဝံ့။
မှိုနှင့်မျှစ်ကို နုတ်ချင်၏။ ကျဉ်တုတ်ခံဝံ့ မခံဝံ့။

(ကျည်းကန်ရှင်ကြီး မေတ္တာစာမှ)

၁၉၇၁ ခုနှစ်၊ ဒီဇင်ဘာလ၊ ပထမအကြိမ်ထုတ်- မောင်သာရ၏ “ကျဉ်တုတ်ခံဝံ့ မခံဝံ့” ၀တ္ထုစာအုပ် မျက်နှာစာ အဖွင့်မှ ဖော်ပြချက်ဖြစ်ပါသည်။

TIME IS UP !!!

“စစ်ကျွန်ဘ၀အောက် အနှစ် (၂၀)”

ပင့်ကူ

ရှစ်ရက်၊ ရှစ်လ၊ ရှစ်ဆယ့်ရှစ်

အနှစ် (၂၀) တိုင်ခဲ့ပြီ
ခေတ်မီဖွံ့ဖြိုးတိုးတက်သော နိုင်ငံတော်ကြီး
မီးမနိုင်သေးဘူး
ပြည်သူတွေရဲ့  အသက်အိုးအိမ်စည်းစိမ်အတွက်
တပ်မတော်က ၀င်ရောက်အာဏာထိမ်းသိမ်းခဲ့ရ
အနှစ်(၂၀)တိုင်ခဲ့ပြီ
၁၉၉၀
ပြည်သူ့သဘောထားကို မျက်ကွယ်ပြု
မာဖီယားအာဏာရူးတစ်စုရဲ့
ဖိနှိပ်ချုပ်ချယ်မှုအောက်
ငါတို့ရဲ့ ဒေါသတွေ
အနှစ်(၂၀)တိုင်ခဲ့ပြီ
ငါတို့ရဲ့ အသံတွေ
အနှစ်(၂၀)ဆိုတာ မျိုးဆက်တစ်ဆက်
ဝိုင်အရက်လို
ငါတို့ရဲ့ သွေးတွေ
နောင်လာနောက်သားတွေ သောက်သုံးဖို့
လှောင်အိမ်ထဲက
စတေးခံ နှလုံးသားတွေ
အနှစ်(၂၀)တိုင်ခဲ့ပြီ
လူတစ်ယောက်ရဲ့ အခွင့်အရေးကို
မချစ်တတ်မှတော့
တိုင်းပြည်တစ်ပြည်ကို ချစ်တတ်ဖို့ဆိုတာ ဝေး
ဒီမိုကရေစီ ဆိုတာ မသိ
အခြေခံ ဥပဒေမရှိ
ထန်းရည်မူးနေတဲ့ တောသားတစ်ယောက်လို
အနောက်နိုင်ငံတွေကို အော်ဆဲ
သူတို့ဆောင်ပုဒ် ပြည်သူ့ ဆောင်ပုဒ် လုပ်လို့လုပ်
အာဏာနဲ့ ပတ်သက်လာရင်
ရတနာ သုံးပါးကိုတောင်
စော်ကားဖို့ဝန်မလေးတဲ့ကောင်တွေ
ဒင်းတို့ဥာဏ် တစ်ထွာတစ်မိုက်နဲ့
မြန်မာပြည် မျက်နှာငယ်ခဲ့ရ
အနှစ်(၂၀)တိုင်ခဲ့ပြီ
ပြည်ထောင်စုကြီး မပြိုကွဲစေချင်ရင်
တိုင်းရင်းသားစည်းလုံး ညီညွတ်မှုရချင်ရင်
ပြည်သူအများစုက လိုလားတောင့်တနေတဲ့
ကိုယ်ကျိုးစွန့်ဝံ့သူ
အာဇာနည် ဗိုလ်ချုပ်သမီးကို
လွှတ်လိုက်ပါ
သေနတ်ကြီး တကားကားနဲ့
ပြည်သူက မလိုလားတဲ့သူတွေ
တန်းလျားကို ပြန်ပါ
ခြံစောင့်ပါ
အဆီတစ်ထပ် အသားတစ်ထပ်နဲ့
ငါတို့ရဲ့  မြန်မာပြည်ကြီးလည်း
အရိုးပဲ ကျန်ခဲ့ပေါ့
အနှစ်(၂၀)တိုင်ခဲ့ပြီ
ဒါလီရဲ့  နာရီတွေလို
မျက်ရည်တွေ
ချွေးစက်တွေ
အိပ်မက်တွေ
အနှစ်(၂၀)တိုင်ခဲ့ပြီ
ပြည်သူတွေရဲ့  လုပ်စာကို ထိုင်စား
ပြည်သူတွေရဲ့  သဘောထားကို ဆန့်ကျင်
ပြည်သူ့အာဏာကို သိမ်းပိုက်
ဘိန်းစားဆေးငတ် မပြတ်သည့်နှယ်
အာဏာစွဲနေတဲ့ အစိုးရ
ဘယ်မှာလဲ လူ့အခွင့်အရေး
ဘယ်မှာလဲ တရားမျှတမှု
လွတ်လပ်မှုနဲ့ ငါတို့ရဲ့ ကမ္ဘာ
ဘိန်းစားတွေ လက်ထဲ
တိုင်းပြည်ကို ထိုးအပ်ထားခဲ့ရတဲ့
သက္ကရာဇ်
အနှစ်(၂၀)တိုင်ခဲ့ပြီ
အနှစ်(၂၀)တိုင်ခဲ့ပြီ...

ပင့်ကူ
(8.8.08 သို့)

SPDC = ENEMY OF THE STATE?

“အဲဒါ နအဖ ပါပဲ”

ကြီးကြီးကျယ်ကျယ် အတွေးထုတ်
ရူးနေတဲ့ စိတ်ကူးနဲ့ နိုင်ငံကို အုပ်ချုပ်
အဟုတ်လုပ်လိုက်တော့ သောက်တလွဲ
မှန်းချက်တွေ ကွဲ၊ ပြည်သူ မွဲ
ချမ်းသာသွားတာက သူတို့ပါပဲ
အဲဒါ...။ ။

BLACK

OUR FOREVER LEADER - AUNG SAN

(ငယ်ငယ်တုန်းက စာသင်ကျောင်းမှာ သင်အံခဲ့ရတဲ့ ကဗျာလေးကို ဗိုလ်ချုပ်မွေးနေ့ အထိမ်းအမှတ်အဖြစ် ဂုဏ်ပြုတင်ဆက်လိုက်ပါသည် - BIGBBROWN)

“အောင်ဆန်းဇာနည်”


ဖေဖ၀ါရီဆယ့်သုံးမှာ
ဗိုလ်ချုပ်မွေးနေ့ပါ
တစ်ထောင့်ကိုးရာ တစ်ဆယ့်ငါး
ရှေ့နေဦးဖာ သား။

ဇာတိ နတ်မောက် မကွေးခရိုင်
သိကြ များခုတိုင်
ကြံ့ကြံ့ခိုင်တဲ့ ဇာနည်ဘွား
မိခင်ဒေါ်စု သား။

တစ်ထောင့်ကိုးရာ လေးဆယ့်ခွန်
ပြောင်းကြွ တမလွန်
မျက်ရည်သွန်လို့ ဘ၀င်ညှိုး
ဇူလိုင်တစ်ဆယ့်ကိုး။

ပြည်ထောင်စုရဲ့ ကျေးဇူးရှင်
ဗိုလ်ချုပ်တို့ဖခင်
ကောင်းစေချင်တဲ့ မှာစကား
ငါတို့မမေ့အား။

ပြည်ထောင်လွတ်ရေး ကြိုးပမ်းအောင်
ပြည်ချစ်တို့ ခေါင်းဆောင်
ဆိုရှယ်လစ်ဘောင် လမ်းစဉ်များ
ဗိုလ်ချုပ်ချမှတ်သွား။ ။

DON'T FORGET !

“ဖေဖော်ဝါရီ တစ်ဆယ့်နှစ် (သို့) ပြည်ထောင်စုနေ့”

BLACK

နှစ်တိုင်းနှစ်တိုင်း ရောက်ရောက်လာတဲ့
ဒီနေ့ရက်...
ဘိုးဘွားတွေရဲ့ သွေးချွေးတွေနဲ့ ထုဆစ်ခဲ့တဲ့
ဒီနေ့ရက်...
အခုတော့များ ဒီနေ့ရက်ဟာ...
ရေပေါ်ဆီသမားတွေရဲ့ အပေါ်ယံအယားဖျောက်မှုကြောင့်
အခုတော့များ ဒီနေ့ရက်ဟာ...
ပြက္ခဒိန်ပေါ်က နာမည်ခံအဖြစ်သာ ကျန်ခဲ့ပြီ။

ဖေဖော်ဝါရီ (၁၄) တဲ့...
မိ-မစစ် ဖ-မစစ် ချစ်သူများနေ့ ကတောင်
တစ်သားမွေး တစ်သွေးလှလှ ဖြစ်လို့
အခုတော့ ငါကိုယ်တိုင်တောင်
စွယ်စုံကျမ်းကြီး လှန်ကြည့်ရတော့မယ်...။ ။

BLACK

အရူးချီးပန်း လုံခြုံရေးတင်းကြပ်မှုများ

ရန်ကုန်-မန္တလေး ရထားလမ်းနှင့် ကားလမ်း တစ်လျှောက်တို့၌ လုံခြုံရေး တင်းကြပ်ထား

-ကြားသိရသော သတင်းများအရ ရန်ကုန်-မန္တလေး ရထားလမ်းတစ်လျှောက်တွင် ကြိုးကြားကြိုးကြား စစ်တပ်ကင်းအဖွဲ့များ ချထားပြီး တာဝန်ကျစစ်သားများသည် လက်နက် အပြည့်အစုံ နှင့် အလှည့်ကျ ကင်းစောင့်နေကြကြောင်း သိရှိရသည်။
-မကြာမီက ဖြစ်ပွားခဲ့သော ပျဉ်းမနားဘူတာ၊ ရန်ကုန်ဘူတာ နှင့် ဖြူးမြို့နယ် ဗုံးပေါက်ကွဲမှုများအပြီးတွင် စစ်အဆိုးရက လုံခြုံရေးကို ဟန်ပြ တင်းကြပ်ထားခြင်း ဖြစ်နိုင်ကြောင်း ရထားစီး ခရီးသွားတစ်ဦးက သုံးသပ်ပြောကြားပါသည်။

-ရန်ကုန်-မန္တလေးကားလမ်းတစ်လျှောက်တွင်လည်း စစ်ဆေးရေးဂိတ်များ ထားရှိပြီး မန္တလေးမှ ရန်ကုန်ဝင်ခါနီး နှင့် ရန်ကုန်မှ မန္တလေးသို့ ၀င်ခါနီးတို့တွင် ထိုစစ်ဆေးရေးဂိတ်များ၌ ကားပေါ်ပါ ခရီးသည်များအား လမ်းဆင်းလျှောက်စေပြီး မှတ်ပုံတင်ပြသစေကာ ဘာကိုမှန်းမသိ တစ်ဦးချင်း စစ်ဆေးနေကြကြောင်းလည်း ကားစီး ခရီးသွားတစ်ဦးထံမှ ကြားသိရပါသည်။

COMPARING A HERO AND THE ZEROS

“အကြွင်းမဲ့ ယုံကြည်ချက်”

ဖိုးလမင်း

အမေရေ...
အမေ့အဖေ
အမေ့အဘိုး
လူမျိုးအတွက် အသက်စွန့်ဖူးတယ်
သူတို့အဖေ
သူတို့အဘိုး
ဘယ်သဝေထိုးနေကြတုန်း။

အမေရေ...
အမေ့အရည်အချင်း
ကျွန်တော်သိ
ပြည်သူသိ
ကမ္ဘာကတောင် သိတယ်
သူတို့အရည်အချင်း
ကျွန်တော်မသိ
ပြည်သူမသိ
ဘယ်သူမှ မသိ...။

အမေရေ...
အမေက ချစ်တတ်တယ်
လူတိုင်းအပေါ် စေတနာထားတယ်
ကျွန်တော်တို့လည်း အမေ့ကို ချစ်တယ်
သူတို့...?
ဘယ်သူ့ကို ချစ်ဖူးတုန်း
ဘယ်တုန်းက ညှာတာဖူးတုန်း
အလှည့်ကျရင် မနွဲ့ စတမ်းပေါ့ကွာ...
စစ်ဗိုလ်အရင့်အမာကြီးတွေ မျက်ရည်ဝဲရင် ကြည့်မကောင်းဘူး။

အမေရေ...
အမေ့အတ္ထုပ္ပတ္တိ တဲ့
စာအုပ်တွေထွက်တယ်
ရုပ်ရှင်တွေ ရိုက်မယ်
သူတို့လည်း ရေးကြမလို့
အမေကြားဖူးမှာပါ...
အလီသန်းရွှေနဲ့ ခိုးသားလေးဆယ် တဲ့...
ဇာတ်အိမ်ကတော့ ခိုင်တယ် အမေရေ...
စားတယ်...အိပ်တယ်...နိုးတယ်...ခိုးတယ်
စားတယ်...အိပ်တယ်...နိုးတယ်...ခိုးတယ်။

အမေရေ...
ကျွန်တော်တို့ လူတစ်လုံး သူတစ်လုံးဖြစ်လာအောင်
ကြိုးစားပေးမိလို့ ဆိုပြီး
မျက်ကွယ်ကို အမေရောက်နေရတာ
တော်တော်ကို ကြာသွားခဲ့ပြီ
အဲဒါတောင်မှ
နိုင်ငံတော် အာဏာကို ဖြတ်လမ်းက လိုချင်တယ် ဆိုပြီး
ခွေးတွေ ၀ိုင်းဟောင်တာ ခံရသေးတယ်နော်။

အမေရေ...
အမေ့ ဖြတ်လမ်းကြီးကလည်း
ရှည်လှချည်လားဗျာ...
အမေ့ကို
လူတိုင်းက ပန်းတိုင်ရောက်စေချင်လှပြီ။

မျိုသိပ်မရတဲ့ ဆန္ဒတွေ
ပွင့်အံထွက်တဲ့နေ့တော့
အမေ့ကို
ငါတို့ကိုယ်တိုင် ကျောပိုးပြီး
ပန်းတိုင်ကို လိုက်ပို့မယ်...။

(မှတ်ချက်။ ။ သူတို့ = နေ့စဉ် သတင်းစာများ၏ ပင်တိုင် မျက်နှာဖုံးအလှရှင် ငတက်ပြားဇာတ်ထုပ်ထဲမှ အလှည့်ကျ ခေါင်းဆောင် မင်းသားကြီးများ)

ဖိုးလမင်း
2nd, Feb, 23:30

PLAY THE FAIR GAME !!!

ဒီမယ် စစ်အဆိုးရ!!!
မင်းကိုငါပြောရဦးမယ်...
ကစားပွဲကို သန့်ရှင်းစင်ကြယ်စွာ ယှဉ်ပြိုင်စမ်းပါ
မီဒီယာကို မီဒီယာနဲ့ပဲ တိုက်စမ်းပါ

(စာလုံးများ ရှင်းလင်းစွာတွေ့မြင်နိုင်ရန် အပေါ်က “စာ-ပုံ” ပေါ် ကလစ်နှိပ်ပြီး ကြည့်ပါ)

အဖမ်းဆီးခံ ဘလော့ဂ်ဂါကြီး ကိုနေဘုန်းလတ် ... အမြန်လွတ်မြောက်ပါစေ...တောင်းဆုချွေသည်...

SPDC OF BURMA

State become a village comparing with the developed.
Peaceful manners become less than the others.
And...
Development of BURMA (Myanmar) is a dream in a closed envelope.
So,
Council (SPDC) means for being rich itself, the people poorer and poorer?
Thus, now-a-day,
State Peace and Development Council must be called as
STATE POOR AND DANGEROUS COUNCIL !!!

Nyo Gyi
(Image: The Head of Thandar Shwe (Than Shwe's daughter) wearing diamonds (=people's tears) at her wedding)

စစ်အဆိုးရ ကျဆုံးရမည်

ဇန်န၀ါရီ (၂၁)ရက်၊ တနင်္လာနေ့ထုတ် အချစ်ဂျာနယ်တွင် ပါရှိသော ကဗျာဆရာ စောဝေ၏ ဖေဖော်ဝါရီ ဆယ့်လေး ကဗျာကို အားကျသဖြင့် ကဗျာတစ်ပုဒ် ရေးဖွဲ့လိုက်ပါသည်။

အာဏာရူးကြီး မှူးကြီး သန်းရွှေ

အမှန်တကယ် အာဏာရူးနေသော စစ်အဆိုးရဦးဆောင် ဗိုလ်ချုပ်မှူးကြီးသန်းရွှေကို အထိနာစေသော ကဗျာကို မဟားဒယားစိစစ်ဖြတ်တောက်နေသော စစ်အဆိုးရစာပေစိစစ်ရေးလက်မှ လွတ်ထွက်ပြီး ဇန်န၀ါရီ (၂၁)ရက်၊ တနင်္လာနေ့ထုတ် အချစ်ဂျာနယ်တွင် ပါရှိခဲ့ခြင်းမှာ အလွန်ပင် နှစ်ထောင်းအားရဖွယ်ကောင်းလှသော ဖြစ်ရပ်တစ်ခုဖြစ်ပါသည်။

ကဗျာဆရာ စောဝေ အား အထူးလေးစားဂုဏ်ပြုအပ်ပါသည်။

မီဒီယာကို မီဒီယာချင်း တိုက်နေတာပါတဲ့....

“တစ် ... နေရာယူ ... ၊ နှစ် ... အသင့်ပြင် ... ၊ သုံး ...”

(ဧရာဝတီ အင်တာနက် မဂ္ဂဇင်း က ပုံရယူပါသည်)

နောက်ဆုံးရရှိတဲ့ သတင်းများအရ www.blogger.com က ပြန်သုံးလို့ အဆင်ပြေနေပြန်ပါပြီတဲ့။ ဒါပေမဲ့ Internet Connection များကတော့ ဗမာပြည်ထုံးစံအတိုင်း အရမ်းနှေးနေတုန်းပါပဲ...တဲ့။