Let's Start a New Revolution on September 3, 2009

၂၀၀၉၊ စက်တင်ဘာ၊ ၃ မှာ သပိတ်သစ် မှောက်မည်

မတရားဖမ်းဆီးထားသော သံဃာတော်များအား ချက်ချင်းလွှတ်ပေးရန်နှင့်
သံဃာတော်များအပေါ် နှိပ်စက် သတ်ဖြတ် စော်ကားထားမှုများကို
လက်ရှိ စစ်အုပ်ချုပ်သူများမှ အမြန်ဆုံး ပြန်လည်တောင်းပန်ရန်...
မလိုက်နာပါက တတိယအကြိမ် ပတ္တနိက္ကုဇ္ဇန ကံဆောင် သပိတ်မှောက်မည်...

သပိတ်မှောက်မည့်နေ့ - သီတင်းကျွတ်လပြည့် (၁၅)ရက်၊ (၃.၁၀.၂၀၀၉) စနေ၊ သံဃာပ၀ါရဏာပွဲနေ့

မြန်မာနိုင်ငံလုံးဆိုင်ရာသံဃာ့တပ်ပေါင်းစုအဖွဲ့ကြီး
All Burma Monk Alliance

မြန်မာနိုင်ငံလုံးဆိုင်ရာ ရဟန်းပျိုသမဂ္ဂ
နှင့်
သံဃသာမဂ္ဂီအဖွဲ့

To Download PDF File;
http://sharebee.com/6b82a25d
http://www.scribd.com/doc/18426838/pattanikujana2009

pattanikujana-2009

UN's Ban deplores Suu Kyi verdict in Myanmar

Tue Aug 11, 2009 10:11am EDT

UNITED NATIONS (Reuters) - U.N. Secretary-General Ban Ki-moon said he strongly deplored the 18-month house detention sentence passed on Myanmar opposition leader Aung San Suu Kyi on Tuesday.

A statement issued by his spokesperson said Ban urged Myanmar's military government "to immediately and unconditionally release" Nobel laureate Suu Kyi and to "engage with her without delay as an essential partner in the process of national dialogue and reconciliation."

"Unless she and all other political prisoners in Myanmar are released and allowed to participate in free and fair elections, the credibility of the political process will remain in doubt," the statement said.

U.N. diplomats said it was likely the Security Council would meet later on Tuesday to discuss the verdict passed for violation of an internal security law.

(Reporting by Patrick Worsnip; Editing by Bill Trott)

© Thomson Reuters 2009 All rights reserved


----------------------------------

News Source : http://www.reuters.com/article/newsOne/idUSTRE57A3J520090811

----------------------------------

Related News : ဒေါ်အောင်ဆန်းစုကြည်ကို နေအိမ်အကျယ်ချုပ်ဖြင့် (၁) နှစ်ခွဲ ထိန်းသိမ်းဦးမည် (The New Era Journal)

Statement Regarding National Reconciliation

Statement Regarding National Reconciliation (Burmese)

Statement Regarding National eng

8888 Of Our Town

`` တို့မြို့လေးရဲ့  ရှစ်လေးလုံး ´´

မှန်ထဲမှာ ကိုယ့်ဖာသာကို ပြန်ကြည့်ရင်း
အံကို တင်းတင်းကြိတ်ပြီး
ပုဝါနီစည်းထားတဲ့ မျက်နှာ
နက်ဖန်ဘာဖြစ်မယ်ဆိုတာ
အဲဒီညက
ငါသေချာမသိပါ ။

ကြောက်လည်း ကြောက်ခဲ့
ရဲလည်း ရဲခဲ့
နှလုံးသွေးတွေလည်း ပွက်ပွက်ဆူခဲ့ ။

မနက် ကျောင်းတက်လမ်းမှာ
ခါတိုင်းထက် တိတ်ဆိတ်နေတဲ့ လမ်းမ
ငါ့ အသက်ရှုသံတောင် ငါပြန်ကြားနေရတယ် ။

အဲဒီလမ်းမပေါ်
နေ့လည် ၁၁ နာရီအကျော်မှာ
သမိုင်းဝင်မယ့် တေးသွား
ငါတို့ ကျောင်းသားတွေ
ပြိုင်တူ ဟစ်ကြွေးသံဝေခဲ့မယ်လို့
တွေးလည်း တွေးပေရဲ့
သေတော့မသေချာခဲ့ ။

ဒါပေမဲ့
ငါတို့တွေ ဟစ်ကြွေးခဲ့ကြတယ်
ဘယ်လိုအန္တရာယ် ကြုံမယ်မှန်းမသိဘဲ
ပုဝါနီလေးတွေ စည်းနှောင်ဆဲ
ငါတို့ကျောင်းသားတွေ ရဲခဲ့တယ်။

မိုးသည်းသည်းထဲမှာ
ခြိမ်းခြောက်လာတဲ့ သေနတ်သံ ကျည်သံတွေကို ဖယ်ရှား
မြို့သူမြို့ သားအပေါင်း ခြံရံလို့
တို့မြို့ရဲ့  ရှစ်လေးလုံး အောင်ပွဲသံ
မိုးယံကို ချီခဲ့တယ်
လွန်ခဲ့တဲ့ အနှစ် နှစ်ဆယ်ကျော်ဆီကပေါ့ ။ ။

အမည်မသိစာဆို

----------------------------------------
ပေးပို့သူ - ဖိုးရှုပ် (ဒဂုံ အဝေးသင်) Student

Military Devadatta

ဗုဒ္ဓတရားတော်ကို ဆန့်ကျင်သောလုပ်ရပ်များ

ကျွန်မတို့ မြန်မာနိုင်ငံဟာ အနော်ရထာမင်း လက်ထက်ကတည်းက ဗုဒ္ဓဘာသာကို ကိုးကွယ်ခဲ့တာပါ။

မြန်မာနိုင်ငံသား စစ်စစ်မှန်သမျှ ဗုဒ္ဓအဆုံးအမနှင့်အညီ နေထိုင်ခဲ့ကြပါတယ်။

ကိုလိုနီခေတ်မှာတောင် ဘာသာခြားတွေလက်ထဲမှာ ဗုဒ္ဓဘာသာကို မစွန့်လွှတ်ပဲ ကိုးကွယ်ခဲ့ကြတယ်။

အခုတော့....... ကျွန်မတို့ မြန်မာနိုင်ငံရဲ့ ဗုဒ္ဓဘာသာကိုးကွယ်မှု အခြေအနေကတော့ ရင်လေးစရာပါပဲ။

ကျွန်မတို့ ရဲ့  ဘာသာကို ညှိုးနွမ်းအောင်လုပ်နေတဲ့သူတွေက ဘာသာခြား၊ လူမျိုးခြားတွေမဟုတ်။
နအဖအစိုးရ ကိုယ်တိုင်သာဖြစ်တယ်။

ဘုရားဟောတရားတွေမှာ သူ့  အသက်ကို မသတ်ရ လို့ သိက္ခာပုဒ် သတ်မှတ်ခဲ့တယ်။

ဒါပေမဲ့ နအဖအစိုးရဟာ အဆုံးအမတွေကို ဆန့်ကျင်ပြီး လူပေါင်းမြောက်များစွာကို သတ်ဖြတ်ခဲ့ပါတယ်။

စစ်အာဏာရှင်တွေဟာ...
(၈၈) အရေးအခင်းတုန်းက အပြစ်မဲ့သော ကျောင်းသူကျောင်းသားပေါင်းများစွာကို ရက်ရက်စက်စက် သေနတ်နဲ့ ပစ်သတ်ခဲ့ပါတယ်။

၂၀၀၇ စက်တင်ဘာ ရွှေဝါရောင်တော်လှန်ရေးအတွင်းမှာလည်း ဘုရားသားတော်များဖြစ်တဲ့ သံဃာတော်တွေကို ရက်ရက်စက်စက်ရိုက်နှက်သတ်ဖြတ်ခဲ့တယ်။

အဲဒီကိစ္စဟာ ကျွန်မတို့ ဗုဒ္ဓဘာသာဝင်တွေကို အတိအလင်းစော်ကားခဲ့ပါတယ်။
လုံးဝခွင့်မလွှတ်သင့်သောလုပ်ရပ်တွေပါ။

ဒေ၀ဒတ်သည် သံဃာသင်းခွဲမှုကြောင့် မြေမြိုခံရ၊ ငရဲခံရတယ်။

နအဖအစိုးရနဲ့ အပေါင်းအပါတို့သည်လည်း သံဃာတော်များကို ကိုယ်ထိလက်ရောက် စော်ကားသတ်ဖြတ်သည့်အပြင်

မြတ်စွာဘုရား၏ တရားတော်များ၊ အဆုံးအမများကို ညှိုးနွမ်းအောင် ပြုလုပ်ခဲ့သောကြောင့်

ကျွန်မတို့အားလုံး နအဖအစိုးရနှင့် အပေါင်းအပါအားလုံး အပါယ်ငရဲတွင် သံသရာတစ်လျှောက်လုံး ခံစားရစေရန်

ဆုတောင်းပေးလိုက်ကြပါစို့ ...။ ။

CHESS

REVOLUTION POEMS (တော်လှန်ကဗျာများ) - 2

“ တော်လှန်ကဗျာ ” စာအုပ်မျက်နှာဖုံး

" ကဗျာဆိုတာ ဒါပါဘဲ "

လေပြည်ညှင်းလျှင်
ပင်လယ်ပြင်မှာ၊ အသွင်သဏ္ဍာန်
ငြိမ်းချမ်းဟန်နှင့်၊ တေးသံဆိုလျက်
စည်းဝါးဖက်သို့၊ လှိုင်းကြက်ခွပ်လေး တလှုပ်လှုပ် ။

မုန်တိုင်းထန်လျှင်
ပင်လယ်ပြင်သည်၊ မာန်ဝင်ထန်သည်း
လှိုင်းလုံးကြီးတို့၊ စုစည်းထကြွ
တားမရတော့၊ ဒေါသ၀က်ဝက် ကွဲထွက်၏ ။

ကဗျာဆရာ
ဒို့ရင်မှာလျှင်၊ ပင်လယ်ပြင်သို့
အသွင်သဏ္ဍာန်၊ ၀န်းလည်ရံ၍
ရောင်ပြန်ထင်ဟပ်၊ ခေတ်၏ဇာတ်သည်
“ပြတ်ပြတ်သားသား ထင်စမြဲ” ။ ။

မောင်စိမ်းနီ
(တော်လှန်ကဗျာ- စာမျက်နှာ- ၃၆)

--------------------------------------------------------

" တော်လှန်ရေးသဘောတရား "

ကြောင်တို့သည်လျှင်
ကြွက်ကိုမြင်သော်၊ ဖမ်းချင် သတ်ချင် စားချင်မည် ။

တကောင်ချင်းလျှင်
အားခြင်းမမျှ၊ ယှဉ်မရ၍
ကြောင်က ကြွက်ကို နိုင်စမြဲ ။

သို့အတွက်
ကြွက်တို့သည်ကား၊ လှုပ်ရှားကာသာ
အလိမ်မာနှင့်၊ လွတ်ရာမြေအောက်
တိုးဝင်ရောက်၍၊ ကျင်းဖောက် ခိုလှုံ
အသိုက်အုံနှင့်၊ စုပြုံနေကြ
သမဂ္ဂကို၊ တည်ကြ ဆောက်ကြ
ညီညွတ်ကြလော့၊ အချိန် အခါ
ရောက်၍လာလျှင်၊ မဟာရန်ဘက်
ကြောင်အိုလက်အား၊ ချိုးဖျက်ရည်မြှော်
တိုက်ပွဲခေါ်ရန်၊ မြေပေါ်ထွက်ခဲ့ကြကုန်လော့ ။ ။

မောင်စိမ်းနီ

(၁၉၆၉၊ စက်တင်ဘာ၊ ရုပ်ရှင် မျက်မှန်)
(တော်လှန်ကဗျာ- စာမျက်နှာ- ၄၉)

---------------------------------------------------------------------------------------

စာရေးဆရာ အများပိုင် သမဂ္ဂစာပေ၊ လှဆွေစီစဉ်ပြီး ၁၉၆၉၊ ဒီဇင်ဘာ၊ အားမာန်စာပေ၊ ပထမအကြိမ် ပုံနှိပ်ထုတ်ဝေသည့် "တော်လှန်ကဗျာ" စာအုပ်မှ

“စာဖတ်တတ်သူအားလုံး ဖတ်ဖို့၊ စာမဖတ်တတ်သူ အားလုံး ကြားဖို့၊ မြင်သလို သိသလို အရင်းအတိုင်း ရေးသည်”

ဆိုသော ဆိုစကားဆိုသူ ကဗျာဆရာ မောင်စိမ်းနီ (ထိုစဉ်က- မောင်စိမ်းနီ (ကေသီပန်))၏ ကဗျာ (၁၀)ပုဒ်ထဲမှ ကဗျာနှစ်ပုဒ်ကို တော်လှန်ကဗျာများ အပိုင်း (၂)အဖြစ် ဆက်လက်ထုတ်နုတ်ဖော်ပြလိုက်ရပြန်ပါကြောင်း ။
(ကဗျာ စာလုံးပေါင်း သတ်ပုံ မူရင်းအတိုင်း)

SASANAMOLI (India)'s Invitation For Meeting Today

ဖိတ်ကြားလွှာ

မြန်မာ့ဒီမိုကရေစီအတွက် တိုင်းရင်းသား ပေါင်းစုံ အဖွဲ့ အစည်းများကြား၌
သွေးစည်းညီညွတ်ရေးကို ရှေ့ ရှု၍ အစည်းအဝေးပွဲတစ်ရပ် ကျင်းပပေးပါရန်
လျှောက်ထားချက်အရ သာသနာ့မောဠိအဖွဲ့ ကြီးမှ ဦးစီး၍ ကျင်းပပေးသွားမည်ဖြစ်ပါသည်။

သို့ဖြစ်ပါ၍ အဖွဲ့ အစည်း အသီးသီးအနေဖြင့်လည်းကောင်း၊ တစ်သီးပုဂ္ဂလ အနေဖြင့်လည်းကောင်း
အားလုံး မပျက်မကွက် တက်ရောက်ကြပါရန် ဖိတ်ကြားအပ်ပါသည်။

အပြည်ပြည်ဆိုင်ရာ သာသနာမောဠိအဖွဲ့  (အိန္ဒိယ)

နေရာ။ ။ မြန်မာရိပ်သာခန်းမ (BCRC) အချိန်။ ။ ညနေ (၄) နာရီ ရက်။ ။ ၀၁၊ ၀၈၊ ၂၀၀၉ ။

No Fear Walk On

Artist ဘကြီးစိုး ရဲ့ ART WORK

"No Fear Walk On"

SHE, FOR BURMA

"အိမ် ဆောက်ချင်တဲ့သူ"

အဲဒီနေ့ကပေါ့ ................သူအိမ်ပြန်လာခဲ့တယ်။ မာတာ မိခင်အတွက်ပေါ့။

အိမ်မှာ အသံ တစ်ခု ကြားတယ်။ မဖြစ်တော့ဘူး။
အိမ်မှာ ဆက်နေရမယ်။ သူ့အိမ် အတွက်ပေါ့။

သူ့အိမ်ကလည်း သူ့အဖေဆောက် ပေးခဲ့တာလေ။
အင်း ........ အဖေဆောက် ခဲ့တဲ့အိမ်လေးကို ပြုပြင်ရမယ်ပေါ့။

အဲဒီ့နေ့ကပေါ့ သူ့ အိမ်လေး မွန်းမံဖို့ အုတ်၊ သဲ ၊ ကျောက် တွေ အပြည့်ရခဲ့တယ်။
အော် ..........နောက် ရက်မှာ.......... မုန်တိုင်းတွေ ကျလာတယ်။
အိမ်လေး မပြင်ရသေးပဲ ပျက်စီးသွားတယ်။
အုတ်၊ သဲ ၊ ကျောက် တွေ ကတော့ရှိ နေဆဲပါ။

နောက် သူလည်း မုန်တိုင်း ဒါဏ်ကြောင့် "၀ှီးချဲ" ပေါ်ကမဆင်းနိုင်ခဲ့ဘူး။

တော်တော်ကြာကြာ နေပြီးနောက် သူလမ်းပြန်လျှောက် နိုင်ခဲ့တယ်။
သူ့  ရည်ရွယ်ချက် အတိုင်း သူ့ အိမ်လေး မွန်းမံဖို့ လုပ်ခဲ့တယ်။

ကံ ကလည်းဆိုး ပြန် တယ်။
သူ့ အိမ်ကို ငါ့ အိမ်ပါ ဆိုပြီး လူတစ်ယောက်က လုယူပြီး သူ့ ခြေထောက်တွေ ရိုက် ချိုး ခဲ့တယ်။
" ၀ှီးချဲ" ပေါ်ပြန် ရောက် သွားပြန်ရောပေါ့။

ဆရာဝန်ကပြောတယ်.....
ရက်စေ့ရင်တော့ လမ်းပြန်လျှောက်နိုင်မှာ ပါတဲ့။

ဆရာဝန်ကပြောတဲ့ ရက်စေ့ လို့ လမ်းပြန်လျှောက် နိုင် ခါနီးမှာ.............
နောက်ဘက် အိမ်က ဧည့်သည် တစ်ယောက် ရောက်လာတယ်။

အဲဒီ ဧည့်သည် သူ့ကို "၀ှီးချဲ" ပေါ်တင်ပြီး တွန်းပေးနေတုန်းမှာ..............
သူတို့ နှစ်ယောက်လုံး နွံ ထဲ ပြုတ်ကြ ခဲ့တယ်။

ကယ်မယ့်သူတွေလည်း လာခဲ့ပါတယ်
ဒါပေမယ့် ကယ်လို့ မရခဲ့ပါဘူး............................

အင်း................ငါတို့လေ......
အိမ်ဆောက် ချင်တဲ့ သူ့ ကို နစ်မြုပ် မသွားအောင်
တစ်ခုခု လုပ်ပေးဖို့ သင့်ပြီ..........။ ။

ဖိုးရှုပ် (ဒဂုံ အဝေးသင်) Student

------------------------------------------------------------------------
DASSK's Photo was taken from
http://www.pbase.com/dassk/dassk&page=2

Mr Ban Ki-moon of UN was attacked by Myanmar Military Junta !

စစ်အဆိုးရက

ကုလသမဂ္ဂ အထွေထွေအတွင်းရေးမှူးချုပ် မစ္စတာ ဘန်ကီမွန်းကို စော်ကားမော်ကားပြောပြီ

(Mr Ban Photo from http://en.wikipedia.org/wiki/Ban_Ki-moon)

စစ်အဆိုးရက ကုလသမဂ္ဂအထွေထွေအတွင်းရေးမှူးချုပ် မစ္စတာ ဘန်ကီမွန်းကို သူတို့ရဲ့ လက်ကိုင်တုတ် (၂၈၊ ၇၊ ၀၀၉ နေ့ထုတ်) မြန်မာ့အလင်းသတင်းစာပါ ဆောင်းပါးကတစ်ဆင့် (အထက်ပါ ပုံထဲက စာသားတွေနဲ့) မိန်းမလို မိန်းမရဆန်စွာ စော်ကားမော်ကား၊ ထိကပါး ရိကပါးလုပ်လိုက်ပါတယ်။

ဆောင်းပါး ခေါင်းစဉ်က " အနာနှင့်ဆေး သင့်အောင်ပေး ပျောက်ရေးမခက်ပါ" တဲ့။ မောင်ဒဲ့ဒိုး ကလောင်ပုန်းနဲ့ ဆောင်းပါးထဲမှာ ရေးသားထားတာတွေက မစ္စတာ ဘန်ကီမွန်းကို အမေရိကန် သြဇာခံဆိုပြီး စော်ကားလိုက်တာပါ။ မစ္စတာ ဘန် မြန်မာပြည်လာတုန်းက ကိုသန်းရွှေနဲ့ တွေ့သခိုက် မြန်မာ့ဒီမိုကရေစီသူရဲကောင်း မတရားအမှုရင်ဆိုင်နေရသူ ဒေါ်အောင်ဆန်းစုကြည်နဲ့ တွေ့ဖို့ နှစ်ကြိမ်တိုင် တောင်းဆိုတာကို ဆောင်းပါးထဲမှာ ဝေဖန်ထားပါတယ်။

သတင်းစာပါ ဆောင်းပါးမှာ အဲဒီ ဒဲ့ဒိုးဆိုသူနဲ့ ဘကြီးဖြိုးဆိုသူတို့ အမေးအဖြေ အပြန်အလှန် ပြောပုံနဲ့ ဖော်ပြထားတာပါ။ အဓိကကတော့ ကုလသမဂ္ဂအဖွဲ့အစည်းကြီးနဲ့ ကုလသမဂ္ဂအထွေထွေအတွင်းရေးမှူးချုပ် မစ္စတာ ဘန်ကီမွန်းကို အမေရိကန်သြဇာခံဆိုပြီး ပြောင်ပြောင်တင်းတင်း တိုက်ခိုက်တာပါပဲ။

ဆောင်းပါးကို အောက်မှာ ပုံစာအနေနဲ့ ဖော်ပြပေးလိုက်ပါတယ်။ အွန်လိုင်းပေါ်က စစ်အဆိုးရ မြန်မာ့အလင်းသတင်းစာ(၂၈၊ ၇၊ ၀၀၉) လိပ်စာကိုလည်း ဖော်ပြပေးလိုက်ပါတယ်။

http://www.myanmar.com/newspaper/myanmarahlin/July28.pdf

CHANGE

မြန်မာကျပ်ငွေအစုတ်အပြဲ မီဒီယာတိုက်ပွဲမှာ
စစ်အဆိုးရဘက်က အလျှော့ပေးခဲ့ရ

ဒီနေ့ (၂၈၊ ၇၊ ၀၀၉)ထုတ် စစ်အဆိုးရရဲ့ မြန်မာ့အလင်း သတင်းစာနောက်ကျောဖုံးပါ သတင်းတိုလေးတစ်ခုပါ။
“မြန်မာ့စီးပွားရေးဘဏ်များ၌ ငွေစက္ကူအဟောင်းများ လဲလှယ်နိုင်” တဲ့။
ပြီးခဲ့သော လများ၊ ရက်များအတွင်းက စစ်အဆိုးရဆန့်ကျင်ရေးမီဒီယာ(ရေဒီယို+အင်တာနက်)များမှာ
မြန်မာကျပ်ငွေ အစုတ်အပြဲ ကိစ္စအတွက် စစ်အဆိုးရကို ရှုတ်ချ၊ အရှက်ခွဲခဲ့ရာ
ယခုအခါ စစ်အဆိုးရခင်မျာ မနေသာတော့ဘဲ အထက်ပါ သတင်းလေး ထုတ်ပြန်ပြီး
မြန်မာကျပ်ငွေအစုတ်အပြဲ(အဟောင်း)များကို လဲလှယ်ပေးမည်ဆိုပြီး
ပြည်သူလူထုရဲ့ မကျေနပ်မှုတစ်ခုကို ချွေးသိပ်ခဲ့ရပြန်ပါတော့တယ်။

-------------------------------------------------
ကိုးကား - (၂၈၊ ၇၊ ၀၀၉) နေ့ထုတ် မြန်မာ့အလင်းသတင်းစာ

JULY 19, WE CAN'T FORGET

၁၉ ဇူလိုင် မမေ့နိုင်

ဒီနေ့ဟာ ပုံမှန်ကျရောက်နေကျပေမဲ့ အလွန်တရာထူးဆန်းတဲ့ကြေကွဲဖွယ်ကောင်း တဲ့နေ့ တစ်နေ့။
ဗိုလ်ချုပ်အောင်ဆန်းနဲ့တကွ အာဇာနည်ခေါင်းဆောင်တွေ သွေးမြေကျခဲ့တဲ့နေ့။
အာဇာနည်နေ့။

အရင်တုန်းကတော့ အာဇာနည်နေ့ဆိုရင် ရထားတို့ သဘောင်္တို့ ဥသြဆွဲတယ်။ အာဇာနည်ခေါင်းဆောင်ကြီး တွေကျဆုံးခဲ့ရတဲ့အချိန်မှာ တစ်လောကလုံးတိတိဆိတ်စွာနဲ့ ဂုဏ်ပြုခဲ့ကြတယ်။ မိုးပြေးလေးနဲ့အတူ အားလုံးရဲ့ ပါးပြင်ထက်မှာ မျက်ရည်တွေနဲ့။ အခုတော့.......................။

ဘယ်မှာလဲ အာဇာနည်နေ့အခမ်းအနား။ အမှတ်ရတဲ့သူကတော့ မှတ်မိနေဆဲ။ မသိတော့သူတွေလည်းအများကြီး။ရင်နာဖို့ကောင်းအောင်ပဲ အာဇာနည်တွေ အထူးသဖြင့် ဗိုလ်ချုပ်အောင်ဆန်းကို မသိကြတော့ဘူး။ ကျွန်မတို့ရဲ့ လွတ်လပ်ရေးဖခင်ကြီးကို မေ့အောင်လုပ်သောသူများ အသေဆိုးနဲ့သေကြပါစေ။ငလျင်ဘေးကြုံရပါစေရှင်။

အာဇာနည်နေ့ကို ကျွန်မတို့ငယ်ငယ်က ဖေဖေနဲ့မေမေတို့က အိပ်ရာဝင်ပုံပြင် အဖြစ်ပြောပြတော့ ကျွန်မမျက်ရည်ကျမိတယ်။ အသိဥာဏ်နည်းတဲ့ကလေးတောင် ခံစားတတ်ခဲ့တယ်။ ဒါကို မသိမခံစားတတ်သောသူသည် ခွေးသာသာအဆင့်ရှိသော လူတိရစ္ဆာန်တွေဖြစ်တယ်။ လေးတန်းတုန်းက ကျွန်မအာဇာနည်နေ့အကြောင်း စာစီစာကုံးရေးတာ ပထမရခဲ့တယ်။ အခုတော့ အာဇာနည်နေ့အထိမ်းအမှတ် ဘာပွဲ ဘာအခမ်းအနားမှ မလုပ်ပေးတော့ပါလား။ ဒီပုံအတိုင်းဆိုလျှင် နောင်ဆယ်နှစ်ကြာလျှင် အာဇာနည်နေ့ဆိုတာလုံးဝပျောက်ကွယ်သွားတော့မည်။ ဘုရား............ဘုရား။

အာဇာနည်နေ့ကိုမမေ့သွားအောင် ကျွန်မတို့ဘယ်လိုလုပ်ကြမလဲ။
ကျွန်မတို့ရဲ့မောင်ညီမတွေကို ၁၉၄၇ ဂျူလိုင်လ ၁၉ရက်နေ့က အဖြစ်အပျက်တွေကို ကျွန်မတို့လူငယ်တွေ ပြန်ပြောပြကြရအောင်။ လူထုစည်းလုံးရင် အရာအားလုံးကို အောင်နိုင်ပါလိမ့်မယ်။
အာဇာနည်နေ့မှာ ကျွန်မတို့ဘာတွေလုပ်ခဲ့ကြသလဲ။ အာဇာနည်နေ့မှာ ကျွန်မတို့အနက်ရောင်ဝတ်စုံ ၀တ်ဆင်ခဲ့တယ်။ ၀မ်းနည်းခြင်းအထိမ်းအမှတ်အနေနဲ့ပေါ့။ဘုရားသွားတယ်။ ဆုတောင်းပေးတယ်။ နောင်နှစ်အာဇာနည်နေ့မှာလည်း တူညီအနက် ထပ်ဝတ်ကြတာပေါ့။

ဘယ်သူသေသေ ငတေမှာရင်ပြီးရော ဆိုတဲ့ ခွေးတိရစ္ဆာန်တွေ၊အောက်ခြေမှာဘာဖြစ်နေတယ်ဆိုတာမသိတဲ့သူတွေ သံသရာတစ်လျှောက် အသေဆိုး ကံကြမ္မာဆိုးနဲ့ကြုံပါစေ။

ရေးသူ - ပန်းရင့်ရောင်

-------------------------------------------------------------------------
Aung San Photo was taken from; http://aklatt2008.multiply.com/photos/album/4/4

My Village and NayPyiDaw

တို့ရွာနဲ့ နေပြည်တော်


ယနေ့ အခေါ်  နေပူ(ပြည်)တော်မှာ
အဆောက်အအုံနှင့်  လမ်းတံတားများ
များပြားလှစွာ  အခိုင်အမာ
တည်ဆောက်ထားတာ  လူတိုင်းအသိဖြစ်ပါ၏ ။

ညဘက်ဆိုလျှင်  ဓါတ်မီးတိုင်များ
လမ်းတွေတိုင်းမှာ  ထိန်ထိန်လင်းလို့
နေ့အချိန်လားတောင်  အောက်မေ့ရ၏ ။

ဒါတင်မကသေး  နေရာတိုင်းမှာ
အမှတ်စဉ်လိုက်  အထက်တန်းကျောင်းများ
ဆေးရောင်သစ်လွင်  ရောင်စုံစွာဖြင့်
ခမ်းနားစွာ  တည်ဆောက်ထား၏ ။

ကျောင်းတစ်ကျောင်းတွင်  ကျောင်းသားဦးရေ
ဘယ်လောက်ရှိလည်း ကျွန်တော်မသိပါ ။

ကျွန်တော်သိတာလေး  ဖွင့်ပြောရရင်
ကျွန်တော်တို့နယ်လေး
ယနေ့ထက်တိုင် မဖွံဖြိုးသေး
လမ်းဆိုလျှင်လည်း
မညီမညာဂမုတွေနဲ့  မြေနီလမ်းကလေး
ယခုထက်တိုင်  အထင်ကရရှိနေဆဲပါ ။

ကားစီးလျှင်လည်း  ဖုန်တထောင်းထောင်း
တစ်ချက်ဆောင့်ရင်  အသက်ပျောက်မလား
အောက်မေ့ရ၏ ။

မြို့ ထဲမှာလည်း  စာသင်ကျောင်းများ
ဟောင်းနွမ်းပျက်စီး  ပြင်သူမရှိ
ဒီအတိုင်းရှိ၏ ။

ဒီလိုအချိန်မှာ  နေပူ(ပြည်)တော်က
ကျောင်းတစ်ဆောင်လောက်  လိုချင်မိ၏ ။

ဧရာဝတီမြစ်ရေ  တိုက်စားမှုကြောင့်
ကျွန်တော်တို့ မြို့ လေး  တစ်နေ့တစ်ခြား
ပြုတ်ပြုတ်ပြုန်းလို့ နေပါ၏ ။

ဒါကိုလည်းပဲ  သကောင့်သားများ
အရေးမစိုက်  ဘယ်သူသေသေ
ငတေမာလျှင်  ပြီးရောဆိုပြီး
လုပ်ဆောင်နေလား  မသိရပါ ။

ကျွန်တော်တို့ နယ်လေး  ဘယ်ခုနှစ်မှာ
စီမံကိန်းများ  ပေါ်လာပြီးတော့
တိုးတက်မှာလဲ  မေးလိုက်ချင်တယ် ။

ယခုထက်တိုင်   နေပူ(ပြည်)တော်မှာ
လိုအပ်နေတာ  သင်းချိုင်းဖြစ်၏ ။

မောင်မင်းကြီးများ  ကောင်းကောင်းစားပြီး
သေဖို့ အချိန်များ  မေ့နေပြီလား
သတိပေးလိုက်ချင်သည် ။        ။

နေပြည်တော် မှ ဆေးသုတ်သမား

-------------------------------------------------------------------------------------------------------
နေပူတော်မှ အလုပ်သမားလေးတစ်ဦး၏ ကဗျာအား ပေးပို့သူ
ဖိုးရှုပ် (ဒဂုံ အဝေးသင်) Student

YANGON EXPERIENCES AT BURMESE 62nd MARTYRS' DAY (2009)

၂၀၀၉ ရဲ့ ၁၉ ဇူလိုင် နဲ့ ကျွန်တော်

- ဖိုးရှုပ်(ဒဂုံ အဝေးသင်) Student -

(19, July, 2009) - Photo from www.moemaka.com

ကျွန်တော် စာရေးဆရာမဟုတ်ပါ။ ရေးချင်စိတ်ပြင်းပြလို့သာ ရေးလိုက်တာပါ။ ထို့ကြောင့် အဆီအငေါ်မတည့်မှုများရှိရင် သည်းခံပေးပါ !

ဒီနေ့က ဘာနေ့လဲ ဆိုတာကိုတော့ ကျွန်တော့်ရဲ့ အဖေက စလို့ နံနက် ၇ နာရီလောက်မှာ ၀မ်းနည်းခြင်းအထိမ်းအမှတ် အနေနဲ့ မြန်မာနိုင်ငံအလံကို တစ်ဝက် လျှော့ချပြီး ကျွန်တော်တို့အိမ်ရှေ့မှာ အလံကို စိုက်ထူလိုက်ပါတယ်။ နောက် အမေက အိမ်က ဘုရားမှာဗိုလ်ချုပ်အောင်ဆန်းနဲ့ အာဇာနည်ခေါင်းဆောင်တွေ အတွက် ဆွမ်းကပ်ပါတယ်။နောက်ပြီး အဖေက ကျွန်တော့်ကို သူ့ဖုန်းမှာ (၁၀း၃၅) Alarm ပေး ပေး ပါ ဆိုလို့ ကျွန်တော် Alarm ပေး ပေး ရသေးတယ်။ ပြီးမှ အဖေက အနက်ရောင် ၀မ်းဆက် ၀တ်ပြီး သူ့အလုပ်ကို ထွက်သွားပါတယ်။

ဒါနဲ့ ကျွန်တော် လက်ဖက်ရည်သောက်မယ်ဆိုပြီး လက်ဖက်ရည်ဆိုင်ထွက်ခဲ့ပါတယ်။ မထင်မှတ်စရာပဲဗျာ။ ကျွန်တော်တို့ရပ်ကွက်ထဲက ကျွန်တော်မထင်မှတ်ထားတဲ့ လူငယ်တချို့ ဗိုလ်ချုပ်အောင်ဆန်းအကြောင်း ပြောနေကြတယ်ဗျ။ ကျွန်တော် တော်တော် ၀မ်းသာသွားတယ်ဗျာ။ ကျွန်တော်လည်း သူတို့ကိုအာဇာနည်တွေရဲ့ အကြောင်းတွေပြောပြပြီး ကျွန်တော်စီစဉ်ထားတဲ့ အစီအစဉ်နဲ့ ကျွန်တော်တို့ သူငယ်ချင်း ၃ယောက် အနက်ဝမ်းဆက်ဝတ်ပြီး ရွှေတိဂုံ သွားဖို့ ပြင်ဆင် ကြပါတယ်။

အဲ.........ကျွန်တော်တို့ ထွက်လာတော့ လမ်းထိပ်မှာ ထီသည် တစ်ယောက်က (အာဇာနည်နေ့)သီချင်း ကိုဖွင့်လို့ဗျ။ ကျွန်တော်တို့မှာ မျက်ရည်တွေတောင် လည်လာတယ်ဗျာ။ ဒီနေ့ဒီအချိန်မှာ ကျွန်တော်တို့က အနက်ရောင် ၀မ်းဆက်တွေနဲ့ဆိုတော့ ဟိုလူကြည့် ဒီလူကြည့်ပေါ့ဗျာ။ ဒါလည်းကျွန်တော်တို့က လူငယ်တွေဆိုတော့ နည်းနည်းတော့ ဂုဏ်ယူမိတာပေါ့ဗျာ။

ကျွန်တော် ရွှေတိဂုံကို Bus ကားစီးပြီးသွားပါတယ်။အဲ ကျွန်တော်တို့လိုင်းကားက NLD ရုံးရှေ့ရောက် တော့ မနက် (၁၀း၃၅) ဗျ။ ချိန်ကိုက်ထားလား အောက့်မေ့ရတယ်ဗျာ။ အဲဒီမှာပါတီဝင်တွေနဲ့ အရပ်သားတွေ ၁၅၀၀-၂၀၀၀ လောက် ရှိမယ်ထင်တယ်။ သူတို့က တစ်ဖက် က ဗိုလ်ချုပ်အောင်ဆန်းပုံကိုကိုင် တစ်ဖက် က ဖယောင်းတိုင် လေးတွေကို ကိုင်ပြီး တစ်မိနစ် ငြိမ်သက်အလေးပြုတယ်ဗျ။ တချို့လူတွေက ဗိုလ်ချုပ်စတစ်ကာပါ အင်္ကျီအဖြူတွေနဲ့။ တချို့က ဗိုလ်ချုပ်နဲ့ သူ့သမီး ဒေါ်အောင်ဆန်းစုကြည် စတစ်ကာပါ အင်္ကျီ တွေနဲ့။ တချို့က အာဇာနည် ခေါင်းဆောင်ကြီးတွေပါတဲ့ ရင်ထိုးတွေနဲ့ဗျ။ ကျွန်တော် သူတို့ကို ကြည့်ပြီး ကြက်သီးတွေ တောင် ထ သွားတယ်ဗျာ။ ကားပေါ်က လူတွေကလည်း တစ်ယောက် တစ်ပေါက် ပေါ့ဗျာ-
"သူတို့လို............ ငါတို့မလုပ်နိုင်ဘူး"
"ငါတိုလည်း........ ဒီနေ့ ........ ဆွမ်းကပ်တယ်"
"တို့က ခု ......... ဘုရားသွားမှာလေ" တို့ပေါ့ဗျာစုံရော။

အော ဒီကြားထဲ ကားစပယ်ယာလေးက ဘာပွဲလဲဆိုလို့ ကျွန်တော် အသိပေးလိုက်ရသေးတယ်ဗျ။ အဲဒီတော့မှ သူ့ခမျာ "အော်" ဆိုတဲ့ အသံလေးက တစ်မျိုးပဲဗျာ။ ဒါနဲ့ ကျွန်တော်တို့အရှေ့ဘက်မုခ်က တက်မယ်ဆိုပြီး အုတ်လမ်းမှတ်တိုင်မှာ ဆင်းလည်းဆင်းလိုက်ရော အောင်မလေး စွမ်းအားရှင်တွေမှ နည်းတာမဟုတ်ဘူး။ BM တွေ ဒိုင်နာတွေ (၁၅) စီးလောက်ရှိတယ်။ အပြည့်ပဲဗျ။ အော်မေ့နေလို့ ကျွန်တော် တို့ကား NLD ရုံးရှေ့ မရောက်ခင် လမ်းထိပ် မှာလည်း လုံထိန်းကားတွေ- ဒါတွေလည်း ၁၅စီး လောက်ရှိမယ်။ လက်နက်တွေ ဒိုင်းတွေ နဲ့ အပြည့်ဗျ။

အော်........ ကျွန်တော်ထင်ပါတယ်။ သူတို.တာဝန်အရ မလို.ပါ သူတို.လည်း လူများတွေ အာဇာနည်တွေအတွက် ကောင်းမှုအမျိုးမျိုး လုပ်နေကြချိန်မှာ သူတို့လည်း ဘယ်လိုလုပ် သေနတ်ကြီးတွေ ကိုင်ထား ချင်ပါ့မလဲလို့။ ဟိုစားလို့ ၀နေတဲ့ ဗိုက်ပူကြီးတွေခိုင်းလို့သာ လုပ်နေရတယ်လို့ ထင်ပါတယ်။ အဲဒါထားပါအုံး ကျွန်တော်တို့ အရှေ့ဘက်မုခ်ရောက်တော့ အရှေ့ဘက်မုခ် ပိတ်ထားတယ်ဗျ။ လူတစ်ယောက် ကပြောပါတယ်။ "ရှေ.မှာလမ်းကြမ်းတယ် ဒီဘက်က သွားရင် ဘုရားရောက်ပါတယ်" တဲ.့။ ဟုတ်တယ်ဗျ ။ ရှေ့ကိုကြည့်လိုက်တော့ အစာဝနေတဲ့ ဗိုက်ပူ ထောက်လှမ်းရေး ပေါက်စတွေဗျ သူတော်ကောင်းယောင်ဆောင်ပြီး လည်ဂတုံးအဖြူတွေနဲ့လေ။ တောင်ဘက်မုခ်ရောက်တော့ သုံးယောက်သား ဖိနပ်လေးတွေချွတ် ဘုရားပေါ်လည်းတက်ရော လုံခြုံရေးဆိုတဲ့ အကိုကြီးတွေက ကျွန်တော့်လွယ်အိတ်ကို ယူစစ်တယ်ဗျ။ ဘာမှမပါပါဘူး...။ ကျွန်တော် တနင်္ဂနွေနေ့တိုင်း English သင်တန်းတက်တော့ လွယ်အိတ်ယူလာတာ ပေါ့ဗျာ။ ကျွန်တော်တို့က အနက်ဝမ်းဆက်တွေနဲ့ဆိုတော့ သေချာကိုစစ်တာဗျ .... အားလုံးသိအောင်ပြောရအုံးမယ် (ကျွန်တော်တို့က ဘုရားကို ဖြိုမယ့် လူတွေမဟုတ်ပါဘူး......။ ဘုရားက တည်တဲ့သူမဟုတ်ရင် သူ့ဖာသာသူ ပြို တာပါနော်)။

ကျွန်တော်တို့ ဘုရားပေါ်လည်းရောက်ရော မိုးကစရွာတော့တာပါပဲ...။ ဒါ ၁၉ ဇူလိုင် ဆိုတာကို မိုးမင်းကြီးက ပြလိုက်တာပါပဲဗျာ။ ဟောပြီးတော့ ဗိုက်ပူကိုယ်တော်တွေက icom တွေကိုင်ပြီး ကျွန်တော်တို.နောက် ကို ခိုးကြောင်ခိုးဝှတ်နဲ့ တကောက်ကောက် လိုက်နေတယ်ဗျ။ ကျွန်တော်တို့အောင်မြေမှာ ဘုရားရှိခိုးပြီး ကျွန်တော်တို့နဲ့ ချိန်းဆိုထားတဲ့ အနက်ရောင် ညီအစ်ကိုမောင်နှမတွေကို ကျွန်တော်တွေ့လိုက်ရတယ်ဗျ။ သူတို့လည်း သူတို့ဖာသာသူတို့ ဆုတောင်းရေချမ်းကပ်တွေ လုပ်နေကြတာပေါ့ဗျာ။ တချို့လူတွေက အာဇာနည်နေ့ မလို့ ဘုရားလာကြတာလားလို့ ကျွန်တော်တို့ကို မေးပြီး သူတို့လည်း အာဇာနည်နေ့မို့ ဘုရားလာ ဆုတောင်း ပေးကြတာလို့ပြောပါ တယ်။

ကျွန်တော်တို့လည်း ဘုရားက အေးအေးဆေးဆေးပဲ ပြန်ဆင်းလာပြီး English သင်တန်းကို Bus Car စီးပြီးသွားခဲ့ပါတယ်။ အဲ ကျွန်တော်တို့ Bus Car (NLD) ရုံးရှေ့ရောက်တော့ စွမ်းအားရှင်တွေမှာ တစ်နေ့လုံး မိုးရွာထားတော့ အားလုံးက ချမ်းလွန်းလို့ တုန်တောင် တုန်နေကြပါတယ်။ သူတို့ခမျာမှာလည်းဗျာ ဘုမသိ ဘမသိနဲ့ တချို့ဆို ဗိုလ်ချုပ်ကိုတောင် မသိတဲ့ လူတွေဗျ။ သနားပါတယ်ဗျာ။ NLD ရုံးထဲကနေ NLD လူငယ်တွေ ရွှေတိဂုံဘုရား ကို သွားဖို့ ၂ ယောက် တစ်တွဲ စီ စီတန်းလျှောက်လာတာ စည်းကမ်းရှိလိုက်တာဗျာ။ အယောက် ၅၀ လောက်ရှိမယ်ဗျ။ လုံထိမ်းကားတွေရှေ့က ရဲရဲရင့်ရင့်ပဲ ဖြတ်လျှောက်သွားကြတာဗျာ။ ကျွန်တော် ဒီလူငယ်တွေကို အရမ်းလေး စားတယ်ဗျာ။

ကျွန်တော်တို့ သင်တန်း ရောက်တော့ ဆရာက Who relly killed Aung San? အကြောင်း ကိုပြောပြတယ်ဗျ။ သင်တန်းက အပြန် အိမ်ပြန် ရောက်တော့ ည ၈း၀၀ ရှိပြီ။ သီတင်းကြည့်မယ် ဆိုပြီး TV ဖွင့်ကြည့်တော့ တော်တော် အရေးမကြီးတဲ့ သတင်းတွေ အရင်လာတယ်။ အားလုံးပြီးမှ အာဇာနည်နေ့ အခမ်းအနားလာတယ်ဗျ။ ဗိုလ်ချုပ် မိသားစုထဲက ဦး အောင်ဆန်းဦး ကိုယ်စား ဘယ်သူကပန်းခွေ လာချတယ် ဆိုတာပဲပါတယ်။ ဗိုလ်ချုပ်အောင်ဆန်း သမီး ဒေါ်အောင်ဆန်းစုကြည် ကိုယ်စား ဘယ်သူတွေ တက်ရောက်တယ်ဆိုတာလည်း မပါဘူးဗျ။ ဒီသတင်းကို မိနစ်ပိုင်းနဲ့ပြီးသွားတာ အားလုံး အသိပါ။

အော်....... ကျွန်တော့် အထင်ပြောရရင် နောက်ဆို အာဇာနည်နေ.အခမ်းအနားတောင်လုပ်ပါတော့မလား ......။
အာဇာနည်ခေါင်းဆောင်ကြီးတွေကို မေ့လိုက်ကြပြီ လားလို့.................................။

အားလုံးကို ပြောချင်တာကတော့-
သူတို့ဟာ မလုပ်သင့်မလုပ်ထိုက်သည့် အရာများကို အလေးထားပြု လုပ်နေကြပြီး
လုပ်သင့်လုပ်ထိုက် သည့် အရာများ ကို လစ်လျှု ရှုထားကြပါသည်။
သို့သော် ကျွန်တော်တို့လူငယ်များသည် လုပ်သင့်လုပ်ထိုက်သည့် အရာများကို ပြည်သူများနှင့် ပူးပေါင်းပြီး လုပ်ကိုင် သွားပါ မည်။ ။

ဖိုးရှုပ်(ဒဂုံ အဝေးသင်) Student

------------------------------------------------------------------------------------------
ရန်ကုန် အာဇာနည်နေ့ အတွေ့အကြုံနှင့် ခံစား/ခံယူချက်များအား အီးမေးလ်မှတစ်ဆင့် ပေးပို့လာသော
စာရေးသူ ဖိုးရှုပ် (ဒဂုံ အဝေးသင်) Student အား အထူးကျေးဇူးတင် ဂုဏ်ပြုအပ်ပါကြောင်း။

REVOLUTION POEMS (တော်လှန်ကဗျာများ) - 1

“ တော်လှန်ကဗျာ ” စာအုပ်မျက်နှာဖုံး

"တော်လှန်ရေးသမား"

မြေကြီးထဲမှာ
မြုပ်နေပါလဲ၊ ကျောက်ခဲဟာ ကျောက်ခဲ
မာသည်ဘဲလေ ။

မြေကြီးပေါ်မှာ
ရောက်နေပါလဲ၊ ကျောက်ခဲဟာ ကျောက်ခဲ
မာသည်ဘဲလေ ။ ။

မောင်ချောနွယ်
(တော်လှန်ကဗျာ- စာမျက်နှာ ၂၂)
--------------------------------------------------------

"ဖောက်ပြန်ရေးသမား"

ထလော့ ကြွလော့
နေကြလော့ဟု၊ ပြောတော့ဆိုတော့
အဟုတ်ပေါ့၊ လုပ်တော့ကိုင်တော့
ခပ်ပေါ့ပေါ့၊ ပြီးတော့ ခပ်လျော့လျော့ ။

တိုက်လော့ ခိုက်လော့
တော်လှန်တော့ဟု၊ ပြောတော့ဆိုတော့
အဟုတ်ပေါ့၊ တိုက်တော့ ခိုက်တော့
ခပ်လျော့လျော့၊ ပြီးတော့ ခပ်ပေါ့ပေါ့ ။

ပြုလော့ ပြင်လော့
စွမ်းဆောင်လော့ဟု၊ ပြောတော့ ဆိုတော့
အဟုတ်ပေါ့၊ ပြုတော့ ပြင်တော့
ခပ်ပေါ့ပေါ့၊ ပြီးတော့ ခပ်လျော့လျော့ ။

တည်လော့ ဆောက်လော့
ဖန်တီးလော့ဟု၊ ပြောတော့ ဆိုတော့
အဟုတ်ပေါ့၊ တည်တော့ ဆောက်တော့
ခပ်လျော့လျော့၊ ပြီးတော့ ခပ်ပေါ့ပေါ့ ။ ။

မောင်ချောနွယ်
(တော်လှန်ကဗျာ - စာမျက်နှာ ၂၈)

---------------------------------------------------------------------------------------
စာရေးဆရာ အများပိုင် သမဂ္ဂစာပေ၊ လှဆွေစီစဉ်ပြီး ၁၉၆၉၊ ဒီဇင်ဘာ၊ အားမာန်စာပေ၊ ပထမအကြိမ် ပုံနှိပ်ထုတ်ဝေသည့် "တော်လှန်ကဗျာ" စာအုပ်မှ
"နိုင်ငံရေး စံထားချက်နဲ့ အနုပညာ စံထားချက်ကို အခြေခံပြီး သည်ကဗျာများကို ရေးချလိုက်ရခြင်း ဖြစ်ပါသည်"
ဆိုသော ကဗျာဆရာ မောင်ချောနွယ်၏ ကဗျာ (၁၀)ပုဒ်ထဲမှ ကဗျာနှစ်ပုဒ်ကို
ဇူလိုင်(၁၉)ရက်- အာဇာနည်နေ့ အမှတ်တရအဖြစ်လည်းကောင်း၊
ဒေါ်အောင်ဆန်းစုကြည်အား မတရားသဖြင့် ရုံးထုတ်မည့် ၂၀၀၉၊ ဇူလိုင်(၂၄)ရက်- အကြိုအဖြစ်လည်းကောင်း ပြန်လည်ဖော်ပြအပ်ပါကြောင်း။ ။
(စာလုံးပေါင်း သတ်ပုံ မူရင်းအတိုင်း)

BLOOD DIAMOND OF BURMA

"ငါးလောင်းပြိုင် လူသတ်မှု နောက်ဆက်တွဲသတင်း
(သို့မဟုတ်)
စိန်စီသောည မှ အဆက်"
--------------------------------------
ယောမင်းလေး
--------------------------------------

ရန်ကုန်မြို့ မိုးကုတ်သူဌေးဦးမြမောင်၏ အဆက်အနွယ်ငါးဦး တစ်ပြိုင်နက်အသတ်ခံရမှုကို အမှု ပြန်လည်ဖော်ထုတ် စစ်ဆေးမည်ဟူသော သတင်းကို ကျွန်ုပ်တို့ သိုးသိုးသန့်သန့်ကြားသိနေရပေသည်။

၎င်းအမှုကို နအဖ၏ တရားစီရင်ရေးမှ အမှန်တကယ်ပဲ အမှုမှန်ပေါ်အောင် ဖော်ထုတ်နိုင်မည်လော။ အမှုမှန်ဖော်ထုတ်ရဲသော သတ္တိလည်း အမှန်ပင် နအဖတရားစီရင်ရေးဝန်ထမ်းများ ရှိကြပါမည်လော... ကျွန်ုပ်တို့ စိတ်ဝင်စားမိပေသည်။

ကျွန်ုပ်တို့သိရသလောက် ပထမအကြိမ် မှုခင်းအသွားအလာ စစ်ဆေးစဉ်က ကျည်ဆံနံပါတ်များမှာ သွားလေသူ ဗိုလ်ချုပ်မောင်ဘို (ဒုတိယဗိုလ်ချုပ်ကြီး မောင်ဘို)၏ နံပါတ်များ၊ အခြား မသွားသေးသူ ဗိုလ်ချုပ်တစ်ယောက်၏ ကျည်နံပတ်များ တွေ့ရှိရသည်ဟု သိရ၏။

ယခုအခါ စစ်ဆေးမည်ဟု သတင်းထွက်လာသောအခါ အများ၏ ထင်ကြေးမှာ ကွယ်လွန်သူ ဗိုလ်ချုပ်မောင်ဘို အပေါ် အားလုံးပုံချရန် ဖြစ်နိုင်ကြောင်း ထင်ကြေးပေးနေကြပေသည်။

ကျွန်ုပ်တို့သိရသလောက် ကျွန်ုပ်တို့၏ အတွင်းသတင်းပေးထံမှသိရသော သတင်းအမှန်မှာ "ရွှေသမင်ဘယ်က ထွက်၊ မင်းကြီးတာမှထွက်" ဟုဆိုရပေချိမ့်မည်။

စာရှုသူ ပရိသတ်ကြီး မှတ်မိပေဦးမည်။ ဗိုလ်ချုပ်မှူးကြီးသန်းရွှေ့ သမီးတော်လေး၏ မင်္ဂလာပွဲ-"စိန်စီသောည" ဗွီဒီယိုအခွေမှ စိန်တို့သည် ငါးလောင်းပြိုင်လူသတ်မှု၏ မြစ်ဖျားခံရာတို့ပေတည်း။

ဖြစ်ပုံမှာ မိုးကုတ်ဦးမြမောင်ဆိုလျှင် ရှေ့မီနောက်မီ ပုဂ္ဂိုလ်တို့ သိကြပေသည်။ ဆွေမျိုးစဉ်ဆက်မည်မျှ ချမ်းသာကြောင်း ယခုတိုင် သားသမီးမြေးတို့ကိုပင် ဘဏ်အကောင့်ဖွင့်၍ ငွေကြေးသုံးစွဲရန် ထားရှိခဲ့ကြောင်း အများသိပင်ဖြစ်သည်။

၎င်းစိန်တို့မှာ မိုးကုတ်ဦးမြမောင် ဆွေစဉ်မျိုးဆက်တို့၊ ဆွေမျိုးသမ္ပဇဉ်အဆက်ဆက်တို့ ထိန်းသိမ်း စောင့်ရှောက် ခဲ့သော ရှေးစိန်များ ဖြစ်ပေသည်။

ထိုဦးမြမောင် ဆွေမျိုး - အသတ်ခံရသူတို့သည် လုပ်ငန်းဆောင်တာ ဆက်သွယ်မှုအရ မန္တလေးတိုင်းမှူး ဖြစ်ခဲ့သော ဒုဗိုလ်ချုပ်ကြီးရဲမြင့် (တိုင်းမှူးဘ၀က ဗိုလ်ချုပ်ရဲမြင့်)၊ ဇနီး ဒေါက်တာဒေါ်တင်လင်းမြင့်နှင့် ခင်မင်ရင်းနှီးခွင့်ရခဲ့ကြ၏။

ထိုသို့ခင်မင်ရာမှ ဗိုလ်ချုပ်မှူးကြီးသန်းရွှေသမီး မင်္ဂလာဆောင်မည်ရှိသောအခါ ခေတ္တပွဲနေပွဲထိုင် ငှားရမ်းပါမည့်အကြောင်း ဒေါက်တာ ဒေါ်တင်လင်းမြင့်မှတစ်ဆင့် စကားကမ်းလှမ်းငှားရမ်းခဲ့သည်ဆို၏။ ထိုသရောအခါ မငှားပြန်လျှင်လည်း မကောင်း၊ ဒေါက်တာ ဒေါ်တင်လင်းမြင့်နှင့် မျက်နှာနာသည်ကလည်း တစ်ကြောင်း၊ အာဏာအရှိန်အ၀ါ ကြောင့်တစ်ဖုံ ငှားရမ်းလိုက်ကြပေသည်။

သို့ငှားရမ်းပြီး မင်္ဂလာပွဲပြီးသည့်အခါ ဗိုလ်ချုပ်မှူးကြီးသမီးများက ဒေါက်တာဒေါ်တင်လင်းမြင့်မှတစ်ဆင့် စကားပါးလိုက်၏။ စိန်များကိုရောင်းပါ။ ဈေးဘယ်လောက်ဖွင့်မည်လည်းဟု အမေးခိုင်းလိုက်ပေသည်။

မိုးကုတ်ဦးမြမောင်မှာ ရှေးအစဉ်အဆက်မှပင် ပတ္တမြားတွင်းများပိုင်ခဲ့သူဖြစ်ရာ၊ ယခုတိုင် ပတ္တမြားများကို သေတ္တာများဖြင့် သိမ်းဆည်း သိုလှောင်ထားသူဖြစ်ပေရာ ငွေမလိုချေ။ "ငွေမလို၊ သည်စိန်တို့မှာ ဆွေမျိုးအစဉ်အဆက်ထိန်းသိမ်းစောင့်ရှောက်ခဲ့သော စိန်များဖြစ်သဖြင့် မရောင်းချနိုင်ပါကြောင်း၊ မိမိတို့မှာ ဆွေမျိုးဂုဏ်ကို ဆက်လက်ထိန်းသိမ်းရန် တာဝန်ရှိပါကြောင်း ကွယ်လွန်သူတို့မှ ပြန်ကြားခဲ့သည်ဆို၏။

ထိုအခါ ဗိုလ်ချုပ်မှူးကြီးသမီးများမှ "မြန်မာငွေမို့ ငြင်းသလား။ ဒေါ်လာနှင့်ပေးချေပါမည်။ ကြိုက်တဲ့ဈေးပြောပါ၊ ဒေါ်လာနှင့်ချေမည်" ဟုပြန်ပြောတိုက်တွန်းခိုင်းပြန်၏။ ကွယ်လွန်သူတို့မှ "မည်သို့မှ မရောင်းနိုင်ပါကြောင်း၊ ဒေါ်လာလည်း မလိုအပ်ပါကြောင်း၊ အခြားပစ္စည်း ဆိုလျှင် အလကားပင် လက်ဆောင်ပေးနိုင်ပါကြောင်း၊ ဤစိန်တို့မှာ ဆွေမျိုးစဉ်ဆက်ထိန်းသိမ်းရမည်ဟု အဖိုးမသေမီကပင် တာဝန်ပေး ခဲ့သော စိန်များဖြစ်သဖြင့် မရောင်းနိုင်ကြောင်း" ထပ်လောင်းပြောကြားခဲ့သည်ဟု သိရပေသည်။

သို့ဆိုလျှင် လယ်ပြင်မှာ ဆင်သွားသလို ထင်ရှား၍နေပေပြီ။ ထိုသို့ဖြစ်ပြီး များမကြာမီပင် ၄င်းငါးလောင်းပြိုင် လူသတ်မှုကြီး အုတ်အော်သောင်းနင်း ပေါ်ပေါက်၍လာပေရာ မည်သို့မည်ပုံ ဖြစ်တန်ရာသည်ဆိုခြင်းကို အရွယ်ရောက်စ လူတိုင်းပင် ပုံဖော်နိုင်ကြပေသည်။

ထိုစိန်စီသောညမှ ကြမ္မာငင်သော စိန်တို့သည် ငါးလောင်းပြိုင် လူသတ်မှု၏ မြစ်ဖျားခံရာ စိန်တို့ပါတည်း။ သမင်သည် လှပသော ဦးချိုကြောင့် အသက်ဆုံးရှုံးခဲ့ရ၏။ ကတိုးကောင်သည် ကောင်းမြတ်သော မိမိအမွှေးနံ့ကြောင့် အသက်ဆုံးရှုံးခဲ့ရရှာပေသည်။

ယခုအပေါင်းပါတစ်ဦးဖြစ်သော မောင်ဘိုသေဆုံးပြီးနောက် အမှုမှန်ဖော်ထုတ်မည်ဟု သတင်းသန့်သန့်ထွက်လာ၏။ တကယ်အမှု မှန်နိုင်ပါမည်လော... စောင့်ကြည့်ရန်သာရှိသည်။

ကျွန်ုပ်တို့သည် ဤအစိုးရလက်ထက်၌ ဤအမှုမှန် မဖော်ထုတ်နိုင်ဟု ယုံကြည်ခဲ့ပေသည်။

တလောက မန္တလေးမြို့၊ သိပ္ပံလမ်း၊ ကညနရုံးနားရှိ နိုဘယ်လ်စားသောက်ဆိုင်မှ မန္တလေး စည်ပင်သာယာရေးကော်မတီ အတွင်းရေးမှူး မောင်ပု (Secretary of Mandalay City Development Committee Lt-Col Maung Pu)၏သား ပါဝင်ပတ်သက် နေသော လူသတ်မှုကိုလည်း ယခုအခါ အမှုမှန် ပြန်လည်ဖော်ထုတ်ရန်လိုက်နေသည်ဟု သတင်းရပေသည်။ ထိုအမှုကိုလည်း တကယ် အမှန်အတိုင်းဖော်မည်လော....စောင့်ကြည့်ရမည့် သတင်းများပါပေ။

တကယ်ဖော်လျှင်တော့ နအဖ၏ တရားစီရင်ရေး တကယ်ပြောင်းသွားပြီဟု ဆိုရပေတော့မည်တည်း။ ။

--------------------------
ယောမင်းလေး
--------------------------

To Download as PDF file, Click the following link;

http://www.scribd.com/doc/17459010/Blood-Diamond-of-Burma