Buddhism and Burma Military Evils

ဘုရားရှင်သာသနာ နှင့် စစ်ဝါဒီကြီးများ
အရှင်ရာဟုလာ

ဘုရားရှင်ရဲ့ သံဃာ့အဖွဲ့အဖွဲ့အစည်းဟာ နှစ်ပေါင်း ၂၅၀၀ ကျော်အောင် ရှည်ကြာခဲ့ပါပြီ။ ဒီလို အရှည်တည်နိုင်ခြင်းရဲ့ အကြောင်းအရင်း၊ အသက်ဟာ "၀ိနည်း" ဆိုတဲ့ စည်းကမ်း ဥပဒေဘဲ ဖြစ်ပါတယ်။

ဝိနည်းတော်ဟာ သာသနာတော်ရဲ့ အသက်ပါ (၀ိနယော နာမ သာသနဿ အာယု)။ သာသနာရဲ့ အသက်ဖြစ်တဲ့အတွက် ၀ိနည်းတရားတော်ကို သံဃာတော်တွေက ဆောင်ထားရတာပါ။ ထို့ကြောင့်ပဲ သာသနာတော်ရဲ့အသက်ဟာ သံဃာတော်တွေပဲ ဖြစ်ပါတယ်။ ဒီလို သံဃာတော်တွေဟာ ပဓာနကျ နေတဲ့အတွက် ဘုရားရှင်လက်ထက်ကတည်းက ၀ိနည်းတရားတော်တွေကို သင်ခြင်း၊ ကျင့်ခြင်း (သိက္ခာကရဏီယ) တွေကို အားထုတ်ခဲ့ကြတာပါ။

ရှေးဦးစွာ ၀ိနည်းတော်တွေကို သိဖို့အတွက်၊ နားလည်ဖို့အတွက် သင်ယူရပါတယ်။ ဘုရားရှင်ဟာ ၀ိနည်းတရားတော်တွေကို ဘာကြောင့်ပညတ်တယ်၊ ဘယ်နေရာမှာ ပညတ်တယ် စတာတွေကို အကြောင်း ၀တ္ထုတွေနဲ့ အကျယ်တ၀င့် ဟောခဲ့တာတောင်မှ ၀ိနည်းစည်းကမ်းတွေကို မြတ်နိုးတော်မူကြကုန်သော သီလ၊ သမာဓိ၊ ပညာ အဖက်ဖက်က ပြည့်စုံကြတဲ့ ဆရာတော်တွေက အဋ္ဌကထာကျမ်းတော်တွေ၊ ဋီကာကျမ်းတွေကို ရေးသားခဲ့ကြပါတယ်။

ဘယ်အရာမဆို နားလည်မှ မြတ်နိုးခြင်း၊ လက်ခံခြင်း၊ ကျင့်သုံးခြင်း ဆိုတာကို ဆောင်ရွက် အားထုတ်ကြတာပါ။ နားလည်လက်ခံပြီး လက်တွေ့ကျင့်သုံးခြင်း၊ အသုံးပြုခြင်း မှသည် တိုးတက်ခြင်း စည်ပင်ပြန့်ပွားခြင်းကို သွားရတာပါ။

ဘုရားရှင်ရဲ့ သာသနာတော် ၂၅၀၀ ကျော်သည်အထိ ရှင်သန်နေတာဟာ ၀ိနည်းစည်းကမ်းတွေကို နားလည်အောင် ကြိုးစားကြခြင်း၊ သင်ယူကြခြင်းတို့ဟာ အဓိက ဖြစ်ပါတယ်။ ဒါဟာ ဘုရားရှင်ရဲ့ အဖွဲ့အစည်းပါ။

အဖွဲ့အစည်းရှိပြီဆိုလျှင် စည်းကမ်းဥပဒေဆိုတာ ရှိကြရမြဲ ဖြစ်ပါတယ်။ စည်းကမ်းဥပဒေရှိပြီဆိုလျှင် နားလည်ဖို့ သင်ယူကြ၊ အကျယ်တ၀င့်ရှင်းပြကြ စတာတွေ လုပ်ကြရတာပါ။ ဦးဇင်းတို့ရဲ့ မြန်မာနိုင်ငံကတော့ ဖွဲ့စည်းပုံ အခြေခံဥပဒေဆိုတာကို အကျယ်တ၀င့် ရှင်းပြခြင်း၊ သင်ယူကြခြင်း လုံးဝ မရှိကြပါဘူး၊ စာအုပ်တောင် လုံလုံလောက်လောက် ထုတ်မပေးနိုင်ပါဘူး။ ဒီစာအုပ်တွေဟာ တစ်အိမ်တစ်အုပ် ရှိနေရမှာ ဖြစ်ပါတယ်။ ဘယ်သူမှ အလွတ် မကျက်နိုင်ပါဘူး။

ဦးဇင်းတို့ မစိုးရိမ်တိုက်မှာတော့ ကျောင်းရဲ့ ဖွဲ့စည်းပုံ ဥပဒေကို ကျောက်စာနဲ့ ထုထားပါတယ် (ပါဠိလို)။ အဆောင်တိုင်း အဆောင်တိုင်းမှာ ဖွဲ့စည်းပုံ စည်းမျဉ်းဥပဒေကို မှန်ဘောင်ကွပ်ပြီး ချိတ်ဆွဲ ပေးထားပါတယ်။ ဒီ စည်းမျဉ်းတွေဟာ စာသင်သား သံဃာတွေအတွက်ချည်းသာ မဟုတ်ဘဲ၊ နာယက ဆရာတော်ကြီးတွေက အစ လိုက်နာကြရတာပါ။ အပြစ်ပေးခံရတဲ့ စာသင်သား သံဃာတော်တွေဟာ ဥပဒေနဲ့ ညီ မညီ သိနိုင်သလို၊ ဥပဒေနဲ့မညီလျှင် စောဒက တက်လို့ရပါတယ်။

မြန်မာပြည်ရဲ့ စစ်ခေါင်းဆောင်တွေလုပ်ပုံကတော့ ဥပဒေကို ရေးဆွဲပြီးပြီလို့သာ ကြေညာပြီး ချမပြရဲ ရှင်းမပြရဲ ဖြစ်နေတဲ့အပြင် ၀ှက်ထား၊ ဖျောက်ထား၊ မျက်ကွယ်ပြု၊ မမြင်ယောင် ဆောင်ထားပါတယ်။ ဒီလို ဖျောက်ထားပြီး ရှင်းမပြရဲတဲ့ ဥပဒေကို ဗြောင်ကျကျ လိမ်ညာပြီး၊ ခြောက်လှန့်ပြီး ပြည်သူကို အတည်ပြုခိုင်းပါတယ်။ ဒီနည်းနဲ့ ဥပဒေကို ဘယ်သူကျင့်သုံးမလဲ။ ကျင့်သုံးသူ မရှိတဲ့ ဥပဒေနဲ့ နိုင်ငံတော် တိုးတက်ဖို့ ဘယ်လိုများလုပ်ကြမှာလဲ။ စစ်ခေါင်းဆောင်တွေ အတည်ပြုပေးလိုက်တဲ့ မြန်မာဒီမိုကရေစီနိုင်ငံကြီးကတော့ မယုံလျှင် ပုံပြင်လို့သာ မှတ်ကြပေတော့။

ဒီနေ့ ပြည်သူလူထုက အတည်ပြုပေးထားတဲ့ ဥပဒေကို နိုင်ငံရေးသမားမဟုတ်တဲ့ စီးပွါးရေးသမားရဲ့ လက်ထက် ရောက်သွားတဲ့အတွက် ထိုင်း ဒီမိုကရေစီ နိုင်ငံကြီးကတော့ ပေါက်ကွဲလုမတတ် ဖြစ်နေပါပြီ။ နိုင်ငံရေး စီးပွါးရေး လုံခြုံရေး ပညာတွေကို မသင်ခဲ့ရ၊ ဥပဒေပြုရေး၊ တရားစီရင်ရေး၊ အုပ်ချုပ်ရေးကလည်း နားမလည်တဲ့ စစ်ခေါင်းဆောင်တွေ အတည်ပြုထားတဲ့ အနာဂတ် မြန်မာနိုင်ငံတော်ကြီးကို

အို… အသင်ပြည်သူအားလုံးတို့ စဉ်းစားကြပါကုန်

အို… တက္ကသိုလ်ပညာရှိ ပါမောက္ခဆရာကြီးတို့ စဉ်းစားကြပါကုန်

အို… ကျောင်းသားလူငယ်တို့ စဉ်းစားကြပါကုန်

အို… ကုန်သည်ကြီးများတို့ စဉ်းစားကြပါကုန်

ဆရာတော်ဘုရားကြီးတို့ ဆုံးမကြပါကုန်

ဒီနေရာမှာ ကျေးလက်မှာ တွင်ကျယ်တဲ့ စကားပုံလေးတစ်ခုကို ပြောပြချင်ပါတယ်။ "အရူးဘုံမြှောက် ချီးခြောက်ကောက်စား" ဟူသတည်း။

အရှင်ရာဟုလာ
(2/ December/ 2008)

They don't fail to remember NARGIS VICTIMS

နာဂစ် (၇) လပြည့်

မန္တလေးမြို့၊ မစိုးရိမ်တိုက် နယကဆရာတော်များဦးဆောင်သော
နာဂစ်လေဘေး ကူညီရေး အဖွဲ့က
စတုတ္ထအကြိမ်မြောက် သွားရောက်လှူဒါန်းဦးမည်

မစိုးရိမ်ဆရာတော်များ စတုတ္ထအကြိမ်မြောက် သွားရောက်လှူဒါန်းမည့်ဒေသမှာ ဧရာဝတီတိုင်း၊ အမာမြို့နယ်၊ ဖိုးဘကုန်းကျေးရွာနှင့် အနီးတ၀ိုက်ဖြစ်ပြီး လှူဒါန်းမည့် ပစ္စည်းစာရင်းမှာ-

၁။ ဗလာစာအုပ် (၁၅၆၈ ဒါဇင်နှင့် ၆အုပ်၊ ကတ္ထူ ၁၄ အုပ်)
၂။ အ၀တ်အထည်၊ စောင်၊ ခြင်ထောင် မျိုးစုံ (၁၈ အိတ်)
၃။ လက်စွဲအိတ်+ဖိနပ် (၁ အိတ်)
၎။ ဘောပင် ၃၊ ခဲတံစသည် ၁၊ ဆပ်ပြာခဲ-၃၊ သွားတိုက်ဆေး ၂၊ သွားတိုက်တံ ၃၊ ဆေး၊ပြဌာန်းစာအုပ် ၁ (ဂျပ်ဖာ ၁၃ ဖာ)
၅။ ဆန် (၄ ပိုင်း)
၆။ ပဲ (၂ အိတ်)
၇။ ဆပ်ပြာမှုန့် (၂ အိတ်)
၈။ ဇလုံ-ပန်းကန် စုပေါင်းထုပ် (၅ ထုပ်)
--------------------------------------------------
စုစုပေါင်း ၈၇ မျိုး

၉။ အခြားပစ္စည်းများ (လျှောက်လွှာစာရွက် ၁ ထုပ်၊ ခဲတံ ၁ ဒါဇင်၊ သင်္ကန်း ၁ စုံ၊ ထီး ၃ လက်၊ ဖိနပ် ၁ ရံ၊ နေရာထိုင် ၄၊ ရေနွေးဗူး ၁)

ငွေစုစုပေါင်း
၁၃၁၆၅၀၀ ကျပ်တိတိ ။

ပြည်တွင်းပြည်ပ အလှူရှင်များအနေဖြင့် နာဂစ်လေဘေး ဒုက္ခသည်များအတွက် မစိုးရိမ်ကျောင်းတိုက်မှ တစ်ဆင့် ဆက်သွယ်လှူဒါန်းနိုင်ပါသည်။

လှူဒါန်းဆက်သွယ်ရန် လိပ်စာ(မြန်မာပြည်တွင်း)

နာယကဆရာတော်များအဖွဲ့
မစိုးရိမ်ကျောင်းတိုက်ကြီး
ဦးဓမ္မသာမီဘိဝံသ- ဖုန်း- ၀၉-၂၀၃၅၆၄၅
ဦးသီလာနန္ဒာဘိဝံသ-ဖုန်း-၀၉-၂၀၃၅၆၇၄

မစိုးရိမ်ကျောင်းတိုက်ကြီး
၈၇ လမ်း၊ ၃၆x၃၇ လမ်းကြား၊ မန္တလေး

လှူဒါန်းဆက်သွယ်ရန် လိပ်စာ(ပြည်ပ)

ဦးပညာဇောတ
မော်စန္ဒရ၀မ်း မန္တလေးကျောင်းတိုက်
မယ်စရီယန်မြို့
ထိုင်းနိုင်ငံ
ဖုန်း- ၀၈၆-၁၈၂၉၅၂၆
Email: pinnajota@gmail.com
Bank Account: 509-1638199
Bank: Krung Thai Bank

-------------------------------------------------------------------------------------------------------------------------

7 month after Cyclone Nargis

NARGIS VICTIMS SAVING ASSOCIATION (NVSA)

LED BY MASOEYEIN MONASTERY

December, 2008

7 month after cyclone Nargis, Masoeyein Monks will go and give helps to the Nargis hit area for the 4th time.
If you want to donate for the Nargis Victims, join this association.

Address for donation (In Myanmar)

Sasana Nyupadesa (Middle-Main Building)
Masoeyein Monastery
Between 87 and 88 Streets, Between 36 and 37 Streets, Mandalay, Myanmar.
U Dhammasami – ph- 09-2035645
U Silananda – ph- 09-2035674

Email: nvsassociation@gmail.com

Address for donation (Overseas)

U Pannajota
Wat Mandalay Monastery
Maesariang
Maehongson
Thailand
Phone : 086-1829526

Email: pinnajota@gmail.com
Bank Account: 509-1638199
Bank: Krung Thai Bank

------------------------------------------------------------------------------------------------------------------

ဆက်စပ်အကြောင်းအရာများ (Related Pages to Read)

http://www.rfa.org/burmese/news/mandalay_monks_to_ship_aid_for_storm_victims-12032008131621.html

http://bigbbrown.blogspot.com/search/label/MASOEYEIN%20MONASTERY

No Pain, No Gain

မိမိကိုယ်ကို မိမိ မေးပြီး ရိုးသားစွာဖြေပါ

အိမ်လွမ်းသူ

ညီညွတ်ရေး ဆိုတဲ့အသံတွေ ကျယ်ကျယ်လောင်လောင် နေရာတိုင်းလောက်နီးနီးမှာ ကြားနေရတယ်။ ကောင်းသော အသံတွေလို့ ယေဘုယျအားဖြင့် ယူဆလို့ရပါတယ်။ "ထိုင်နေတော့ အကောင်းသား ထသွားမှ ကျိုးမှန်းသိ" ဆိုသလိုမျိုးအဖြစ်တွေလည်း ကြားနေရပါတယ်။ တစ်တော တစ်ဘုရင် မင်းမူနေသော နာမည်ရအဖွဲ့များမှ ခေါင်းဆောင်ကြီးမှာတော့ မျိုးတူသံလိုက်ဓါတ်ချင်း ဇိကုတ်ဆွဲကပ်လိုက်သလို နီးအောင်အတင်း ပေးကပ်လိုက်တော့မှ နဂိုရှိရင်းထက်ပိုဝေးသော နေရာကို အရှိန်ပြင်းစွာ ကျောခိုင်းသွားနေကြတာကိုလည်း မြင်နေရပါတယ်။

ဘယ်လိုခေါင်းစဉ်အောက်မှာ ညီညွတ်ကြမလဲ ပေါင်းစည်းကြမလည်းဆိုတာကို မဆိုထားနဲ့ ညီညွတ်ကြဖို့ ပေါင်းစည်းကြဖို့ လုပ်ဖို့လိုတယ်ဆိုတာ ကြားတာနဲ့တင် တီကောင်ဆားနဲ့တွေ့သလို တွန့်သွားကြတာတွေလည်း ရှိပါတယ်။
မတူတာတွေ ခွဲလုပ်ပြီး တူတာတွေပေါင်းလုပ်ကြတာပေါ့လို့ ပြောသူတွေ အတော်များများရှိပါတယ်။ ဒါပေမယ့် မြင်းအလုပ်မြင်းမလုပ်ဘဲ ခွေးအလုပ်ကို သွားလုပ်ပေးမိလို့ အရိုက်ခံရတဲ့ ပုံပြင်ကိုလည်း မေ့ထားလို့မရပါဘူး။
ဒီတော့ ပေါင်းစည်းရေး ညီညွတ်ရေးကို ခဏ အသာထားလို့ မိမိကိုယ်တိုင် ဘာလိုချင်သလဲ၊ ဘာဖြစ်ချင်သလဲ ဆိုတာ မညှာတမ်း မညာတမ်း မိမိကိုယ်မိမိ မေးပြီး အဖြေတခု ထုတ်ဖို့လိုပါတယ်။

ဘယ်သူတွေ ဒီအဖြေကို ရအောင်လုပ်ဖို့လိုသလည်း နိုင်ငံရေးသမားတွေလား၊ တော်လှန်ရေးသမားတွေလား၊ ပြည်သူတွေလား၊ မြန်မာပြည်ထဲက ဗမာတွေလား၊ တိုင်းရင်းသားတွေလား၊ ပြည်ပရောက် တတိယနိုင်ငံရောက် ဗမာတွေလား တိုင်းရင်းသားတွေလား၊ စီးပွားရေးသမားတွေလား၊၊
"လူအားလုံး" ဗမာပြည်နဲ့သက်ဆိုင်တယ်လို့ ထင်တဲ့လူအားလုံး ဖြေဖို့တကယ်ကိုလိုအပ်ပါတယ်။

ပထမမေးရမယ့်မေးခွန်းက စစ်အာဏာရှင်များနဲ့ စစ်အာဏာရှင်စနစ် အမြစ်ပြတ် အမှန်တကယ် ချုပ်ငြိမ်းစေချင်သလား။ အပြန်ပြန် အလှန်လှန်စဉ်းစာပြီး သုံးကြိမ် သုံးခါ အဖြေထွက်သည်အထိ ရင်ထဲက အဖြေကို ဖြေပါ။
"ဟင့်အင်း" သူ့ဘာသာသူနေ ငါ့ဘာသာနေတာ သူ့ဟာသူ ချုပ်ချုပ်၊ မချုပ်ချုပ် "နေသာသပ လေညှာက" ဆိုရင်တော့ ဘာမှဆက်ပြီး စဉ်းစားနေစရာမလိုတော့ပါဘူး။ ကိုယ့်သဘောကိုယ်ဆောင်ပြီး ကိုယ့်အကျိုးစီပွားကို နေမြဲအတိုင်းဆက်လုပ်နေပါ။
"ဟုတ်ကဲ့" ဒီအာဏာရှင် စစ်ဗိုလ်ချုပ်တွေနဲ့ အာဏာရှင်စနစ်၊ အာဏာရှင်တွေက တရားနည်းလမ်းမရှိ အဓမ္မရေးဆွဲထားတဲ့ အခြေခံဥပဒေ တွေ မရှိမှဖြစ်မယ်၊ ချုပ်ငြိမ်း ပပျောက်မှဖြစ်မယ်ဆိုရင်တော့ နောက်ထပ်မေးခွန်းတွေကို ကိုယ့်ဘာသာကိုယ်ဆက်ပြီး မေးသင့်တယ်။

တစ်ခုခု လိုချင်ရင် တစ်ခုခုနဲ့ ပေးဆပ်ရတာ၊ အလဲအလှယ်လုပ်ရတာ သဘာဝ ထုံးစံတခုပါ။ အဲဒီတော့ ကိုယ်လိုချင်တာရဘို့ ဖြစ်ဘို့ ကိုယ်ဘာတွေ ပေးဆပ်နိုင်သလည်း။ ကိုယ့်မှာရှိတဲ့ ဘယ်အရာတွေနဲ့ လဲလှယ်နိုင်သလည်း။ ကိုယ်ဆီမှာရှိနေတဲ့ ရပိုင်ခွင့်တွေ အခွင့်အရေးတွေကို အစတေးခံ အဆုံးရှုံးခံပြီး လိုချင်တာကို လဲလှယ်ရယူုနိုင်မလား။
ရှိနေတဲ့ဟာတွေ ရပိုင်ခွင့်တွေ၊ အခွင့်အရေးတွေကိုတော့ နဲနဲမှ အဆုံးအရှုံးမခံနိုင်ဘူး၊ မပေးဆပ်ချင်ဘူး။ စစ်အာဏာရှင်တွေ ပပျောက်သွားတာကိုဘဲ လိုချင်တယ်ဆိုရင် ရနိုင်ပါ့မလား ရပါ့မလား။

လိုချင်တဲ့ ရလဒ်ကို ရဖို့ ကိုယ်ကျိုးစွန့်ပေးဆပ်ဘို့လိုတယ် ဆိုရင်ဖြင့် ကိုယ်က ဘာတွေကိုပြည်သူ့အတွက် ပေးဆပ် စွန့်လွှတ်နိုင်မလည်းဆိုတာကို စီစစ်သင့်ပါတယ်။ ဘာဖြစ်လို့လည်းဆိုတော့ ပါရမီ အနုအရင့်ကိုလိုက်ပြီး စွန့်လွှတ်နိုင်မှုက တူမှာမဟုတ်ပါဘူး။ အချို့က အများအတွက် အသက်ကိုစွန့်နိုင်တယ်၊ တချို့က အချိန်ကိုစွန့်ုနိုင်တယ်၊ တချို့က ငွေကြေးကိုစွန့်နိုင်မယ်။ ဒါပေမယ့် ဒီနေရာမှာ နည်းနည်းရင်းပြီး များများအမြတ်လိုချင်လို့တော့ ရနိုင်မှာမဟုတ်ဘူးဆိုတာ သဘောပေါက်ကြဖို့တော့ လိုလိမ့်မယ်လို့ ထင်ပါတယ်။

နောက်တခုက ငါဘာကောင်လည်း ငါဘာကောင်ဖြစ်ခဲ့ဘူးတာပဲ၊ ငါဘာလုပ်ခဲ့တာပဲ အစရှိတဲ့ ရွှေထီးဆောင်းခဲ့သော ကာလ ရွှေထီးဆောင်းနေသောကာလတို့ကို မေ့ထားပြီး ပြည်သူအတွက်ငါဘာတွေ လုပ်ပေးနိုင်သလဲ၊ ငါဘာတွေလုပ်ပေးသင့်သလဲဆိုတာ အလေးအနက်စဉ်းစားကြစေလိုပါတယ်။ ငါဘာတွေလုပ်ချင်သလဲ မဟုတ်ဘူး။ လုပ်နိုင်သလဲ၊ လုပ်သင့်သလဲ။

အတိုက်အခံများနဲ့ အတိုက်အခံခေါင်းဆောင်များအားလည်း အကြံပြုလိုသည်မှာ မိမိတို့မှာရှိတဲ့ စည်းစိမ် ဥစ္စာ၊ အာဏာ၊ ရာထူးတွေက နအဖစစ်ဗိုလ်ချုပ်များ၏ စည်းစိမ် ဥစ္စာ၊ အာဏာ၊ ရာထူးတွေလောက် မများ၊ မကြီးကျယ်၊ မခမ်းနားသော်လည်း ၎င်း ရာထူး၊ အာဏာ၊ ဥစ္စာများကို အလွယ်တကူ မစွန့်နိုင်လျှင် နအဖ စစ်အာဏာရှင် ဗိုလ်ချုပ်များက သူတို့၏ ရာထူး၊ အာဏာ၊ ဥစ္စာများကို ရော့၊ အင့် ဟုဆိုပြီး လွယ်လင့်တကူ ပေးအပ်နိုင်ပါမည်လား။

အနှစ် ၂၀၊ အနှစ် ၂၀ ဆိုတာတွေလည်း နားမဆန့်အောင်ကြားရပါတယ် အဲဒီအနှစ် ၂၀ ဆိုတဲ့ဟာကြီးက ကျွန်ုပ်တို့ ရှေ့လျှောက်ရမယ့် ခရီးကို အဟန့်အတားပြုနေတာကိုလည်း သတိပြုကြစေလိုပါတယ်။ အဲဒီ နှစ် ၂၀ က အဖြစ်အပျက်တွေကို ခဏ မေ့ထားပြီး အရေးတကြီး လုပ်စရာရှိတာကို အားလုံး တညီတညွတ်တည်း စလုပ်နိုင်မယ့် နေ့ကို နံပါတ်တစ်နေ့လို့ သတ်မှတ်ပြီး စပြီး လုပ်နိုင်ကြဘို့ အဲဒီလိုမျိုးစိတ်ကိုမွေးကြဖို့ လိုပါတယ်။ အဲဒီလိုစိတ်မျိုး မမွေးနိုင်ကြသေးရင်တော့ အခုလိုဘဲ သူ့ငါစွပ်စွဲ ငါ့သူစွပ်စွဲ။ ဟိုလူကထဖြေရှင်းလိုက် ဒီလူကထဖြေရှင်းလိုက်။ မိမိလုပ်တာတွေ မိမိပေါင်းအပါလုပ်တာတွေ မှန်တဲ့အကြောင်း ထောက်ခံဖြေရှင်းလိုက် ကန့်ကွက်ဖြေရှင်းလိုက်။ သူများမကောင်းကြောင်း ကိုယ်ကောင်းကြောင်းပြောလိုက်နဲ့ လိုရာခရီးကို ရောက်လိမ့်မယ်လို့ မထင်ပါဘူး။

ယနေ့ပြည်သူများသိရမှာကတော့ ငါတို့ကတော့ဘာမှ လုပ်ဖို့မလိုဘူး နိုင်ငံရေးစိတ်ဝင်စားသူတွေ နိုင်ငံရေးပါတီက ခေါင်းဆောင်တွေ ကျောင်းသားတွေ လုပ်ကြမယ် သူတို့ကငါတို့အတွက်လုပ်နေတာပဲ၊ သူတို့နောက်က အေးအေးလူလူ လိုက်သွားရင် ငါတို့လိုချင်တဲ့ ဒီမိုကရေစီပန်းတိုင်ကို တစ်နေ့တော့ရောက်သွားမှာပဲ ဆိုပြီးနောက်ကလိုက်နေလို့မရတော့ဘူး။ ကနေ့ မြန်မာတွေမှာ အာားကိုးလောက်တဲ့ခေါင်းဆောင်မရှိဘူး။ ဒီတော့ ကိုယ်လိုချင်တာကို ကိုယ်ကိုယ်တိုင် အနည်းနဲ့အများတော့ အားစိုက်ပြီး လုပ်ကြရမယ်၊ ပေးဆပ်ကြရမယ်။ ပြည်သူ့ခေါင်းဆောင်တွေဆိုတာ မိုးပေါ်ကကျလာတာမဟုတ်ပါဘူး ပြည်သူထဲကပေါ်လာတာပါ။

ဤနေရာမှနေပြီး ယနေ့ ကျွန်ုပ် စိန်ခေါ်ပြောကြားလိုပါတယ် ယနေ့ထိ နအဖ ပြုတ်သွားနိုင်လောက်အောင် စွမ်းနိုင်သောအဖွဲ့မဆိုထားနှင့် နအဖကို လောက်လောက်လားလား တန်းတူရည်တူ ခြိမ်းခြောက်နိုင်သော လူနှင့် အဖွဲ့မရှိသေး မပေါ်သေးဟုယုံကြည်ပါသည်။ အကယ်၍များ ရှိခဲ့သည်ရှိသော် လုပ်ရပ်ဖြင့် သက်သေပြကြပါ။ နာမည်ရ အဖွဲ့များ ကမ္ဘာကျော်အဖွဲ့များကို များစွာ အားနာမိသော်လည်း ဆိုရေးရှိလာ၍ ဆိုရပေသည်။

နိဂုံးချုပ်ရသော်
စစ်အာဏာရှင်များနဲ့ စစ်အာဏာရှင်စနစ် အမြစ်ပြတ် အမှန်တကယ် ချုပ်ငြိမ်းစေချင်သလား။
ကိုယ်ကိုယ်တိုင်က ဘာတွေ (မိမိရဲ့ပိုင်ဆိုင်မှု နဲ့ ရရှိနေတဲ့ အခွင့်အရေးများ) ကို ပြည်သူ့အတွက် ပေးဆပ် စွန့်လွှတ်နိုင်မလဲ။
ဆိုတဲ့ မေးခွန်း ၂ ခု ကို အဖြေထုတ်နိုင်အောင် မိမိကိုယ်ကို မိမိအရင်မေးကြပါ။ ရိုးသားစွာဖြေကြည့်ကြပါ။

No Pain, No Gain.
အိမ်လွမ်းသူ
၁၂၊ ၂၀၀၈။

--------------------------------------------------------------------------------------------------------

(E-Mail မှတစ်ဆင့် လက်ခံရရှိသော စာတစ်စောင်ကို ပြန်လည်ဖော်ပြပေးလိုက်ပါသည်
- BigBBrown)

Mother Mar, Please Come and Save Our Burma !

ကြာနီကန် လွမ်းချင်း
အမေလူထုဒေါ်အမာသို့

အောင်ကျော်ဆန်း


ဟောဒီ ရာသီမှာလေ
ကြာနီတွေ
ယိမ်းနွဲ့ကာ ပွင့်ကြပေါ့ ။

အို ကြာနီကန်ရယ်
ခင်ဗျားမှာ
ရေကန်မရှိ၊ ကြာမရှိနဲ့
သမနိနှစ်တွေကို ကျောခိုင်း
သမိုင်းကို ကျောပေး
မန္တလေးရဲ့ အသည်းနှလုံးကို
မီးပုံရှို့ခဲ့တယ် ။

ဥသြတွေ တွန်သံထဲမှာ
မီးခိုးခေါင်းတိုင် တငွေ့ငွေ့နဲ့
တမြေ့မြေ့ ကျွမ်းအောင်
မီးလောင်သွား
ဘာကိုများ ထပ်ပြီးပေးရဦးမလဲ
မီးရှူးတန်ဆောင်ကို ဆုံးရှုံးခဲ့ရပေါ့
မန္တလေးမြို့ကြီးမှောင်သွားတယ် ။

အောင်ကျော်ဆန်း

(ပိတောက်ပွင့်သစ် စာပေအနုပညာ မဂ္ဂဇင်း၊ အမှတ် (၁၈)၊ ဇွန်၊ ၂၀၀၈၊ စာမျက်နှာ-၇၀)

-------------------------------------------------------------------------------------------

မှတ်ချက်။ ။ ဒီကဗျာကို ရေးတဲ့ ကိုအောင်ကျော်ဆန်းဟာ နာဂစ်မုန်တိုင်းပြီးခါစ ဧရာဝတီတိုင်းမှာ စေတနာဖြင့် အလောင်းကောက်တဲ့ကိစ္စနဲ့ ပတ်သက်ပြီး စစ်အဆိုးရရဲ့ မတရား ဖမ်းဆီးခြင်းခံထားရသူ ဖြစ်ပါတယ်။
သူဖမ်းဆီးခံရတဲ့ သတင်းအပြည့်အစုံကို အောက်က လင့်ခ်(Link)များမှာ ကလစ်နှိပ်ပြီး ဖတ်ရှုနိုင်ပါတယ်။

http://bigbbrown.blogspot.com/2008/08/ko-aung-kyaw-san-and-his-friends_5287.html
http://bigbbrown.blogspot.com/2008/08/photos-of-ko-aung-kyaw-san-and-his.html

Ludu Daw Ah Mar's 93rd Birthday

လူထုဒေါ်အမာ ၉၃ နှစ်မြောက်မွေးနေ့
2008-11-29
(RFA မှ သတင်းစာသား ကူးယူဖော်ပြသည်)

(၉၂ နှစ်ပြည့်မွေးနေ့ပွဲမှာ တွေ့ရတဲ့ အမေမာ)

အခုနှစ် ဧပြီလအစောပိုင်းမှာ ကွယ်လွန်သွားခဲ့တဲ့ အမေ လူထု ဒေါ်အမာရဲ့ ၉၃ နှစ် မြောက်မွေးနေ့ကို သူရှိစဉ်အချိန်က ကျင်းပလေ့ရှိတဲ့ တောင်သမန်အင်းက တောင်လေးလုံး ကျောင်းတိုက်မှာ ကျင်းပတာမဟုတ်ပဲ၊ မန္တလေး ဝိသိဒ္ဓါရုံကျောင်း တိုက်မှာ ကျင်းပတာ ဖြစ်တယ်လို့ အမေ လူထုဒေါ်အမာရဲ့သား စာရေးဆရာ ညီပုလေးက ပြောပါတယ်။

ဆရာညီပုလေး။ ။ "နယူးစီဗွီလိုင်းမှာရှိတဲ့ မဟာဝိသိဒ္ဓါရုံ ကျောင်းမှာ ပြုလုပ်ပါတယ်။ ဝိသိဒ္ဓါရုံ ဆရာတော်ကြီး အမှူးရှိတဲ့ သံဃာတော်အပါး ၁၈ဝ ကို ဆွမ်းကပ်ပါတယ်။ နောက်ပြီးတော့ အရပ်ရပ်က ကြွလာတဲ့ ပုဂ္ဂိုလ်တွေကိုလည်း ထမင်းနဲ့ တည်ခင်းဧည့်ခံ ပါတယ်ခင်ဗျ။ စန္ဒယား ဦးသိန်းမောင်က သူလုပ်ထားတဲ့ စီဒီလေးတခုလည်း အမေ့ကို သတိရပြီးတော့ ဂုဏ်ပြုပြီးတော့ ရှင်းပြ၊ ဖွင့်ပြပါတယ်။ မြန်မာ့တူရိယာပစ္စည်းနဲ့ ပတ်သက်တဲ့ သူလုပ်ထားတဲ့ စီဒီလေးတချပ်ရှိပါတယ်၊ အဲဒါလေး အမေ မကြည့်လိုက်ရလို့ အမေညွှန်ကြား လမ်းညွှန်တဲ့အတိုင်း သူလုပ်ထားတဲ့ အတိုင်း ပြပါတယ်။"

အမေလူထုဒေါ်အမာ မွေးနေ့ကို စာရေးဆရာတွေထဲက ဆရာမောင်မိုးသူ၊ ဆရာ ကိုလေးအင်းဝဂုဏ်ရည်၊ ကဗျာဆရာ ကြည်အောင်၊ ဆရာမ သန်းမြင့်အောင်၊ ကာတွန်းဆရာ အော်ပီကျယ်၊ ကဗျာဆရာ မင်းထက်မောင်၊ ဆရာကျော်ရင်မြင့်၊ ဆရာဆူးငှက် စသဖြင့် စာရေးဆရာ အများအပြား လာကြတယ်လို့ ဆရာညီပုလေးက ပြောပါတယ်။ လူကြီးရောဂါနဲ့ အမေရှိတုန်းက အခြေအနေနဲ့ အမေမရှိတော့တဲ့နောက် မွေးနေ့လုပ်ရတဲ့ ခံစားချက်နဲ့ ပါတ်သက်လို့ ဆရာညီပုလေး ပြောပြပါတယ်။

ဆရာညီပုလေး။ ။ “ကြွလာကြတဲ့ ပုဂ္ဂိုလ်အားလုံးက အမေ့သတိရကြပါတယ်။ ဒီနေ့ နောက်ပြီးတော့ ကြိုးစားပြီးတော့ အတတ်နိုင်ဆုံး လာကြပါတယ်။ စီးပွါးရေး ခက်ခဲနေတဲ့ ကြားက တော်တော်စုံစုံညီညီ လာကြပါတယ်။ အားလုံး စေတနာမေတ္တာ ထားကြတဲ့အတွက် အမေ့ရဲ့ အခမ်းအနားဟာ အောင်အောင်မြင်မြင်လေး ပြီးတဲ့အကြောင်းပါပဲ။

ဒါကတော့ ဆရာညီပုလေးပြောသွားတာပါ၊ အမေဟာ စာရေးဆရာသာမက ပြည်သူက လေးစားချစ်ခင်တဲ့သူ ဖြစ်တဲ့အကြောင်း စာရေးဆရာ ကျော်ရင်မြင့်ကလည်း မှတ်ချက်ပြုပါတယ်။

ဆရာကျော်ရင်မြင့်။ ။ "စာရေးဆရာတင်မကဘူး သူက ပြည်သူလူထုကို ချစ်ခဲ့တယ်။ ပြည်သူလူထု ရှေ့ကနေ ရပ်ခဲ့တယ်၊ အဲတော့ စာရေးဆရာတွေ အပါအဝင် ပြည်သူ လူထုကလဲ အမေ့ကို ချစ်တာပါပဲ။ အဲတော့ အမေမရှိပေမဲ့လည်း အမေ့ မွေးနေ့တော့ မှတ်မှတ်ရရ ရှိနေကြတာပါပဲ အမေ့ရဲ့ စေတနာ မေတ္တာကို ပြန်ပြီးတော့ တုံ့ပြန်တဲ့ သဘောပါပဲ။ နောက်တခုကတော့ အနယ်နယ် အရပ်ရပ်မှာရှိနေကြတဲ့ အမေ့ကို ချစ်ခင် လေးစားတဲ့ သူတွေက အမေ့မွေးနေ့ကို အကြောင်းပြုပြီးတော့ အချင်းချင်းတွေ့ကြရတယ်၊ ဆုံကြရတယ်၊ စာပေစကား ပြောကြရတယ်။ ဒီအလေ့အထ အစဉ်အလာလေးက ရှိနေတော့ အမေမရှိတော့ပေမယ့် အမေ့မွေးနေ့မှာ မှတ်မှတ်ရရရှိ နေအုံးမှာပါပဲ။ ကျွန်တော်တော့ အဲလို မြင်ပါတယ်ခင်ဗျ။"

စာရေးဆရာမကြီး လူထုဒေါ်အမာရဲ့ သားတယောက်ဖြစ်တဲ့ ဗမာပြည် ကွန်မြူနစ်ပါတီက ပြောရေးဆိုခွင့်ရှိသူ ရဲဘော်ဖိုးသံချောင်းကလည်း သူ့အမေကို အင်မတန် သတိရနေတယ်လို့ ပြောပါတယ်။

ဖိုးသံချောင်း။ ။ "ဒီကနေ့ဟာ အမေ မရှိတော့တဲ့နောက်မှာ ပထမဆုံးအမေ့ရဲ့ မွေးနေ့ ဖြစ်ပါတယ်။ အဲတော့ ဒီနေ့မှာ ကျွန်တော်ဟာ အမေ့ သားတယောက်အနေနဲ့ တင်မကပဲ ဗမာပြည်သား တယောက်အနေနဲ့ လွမ်းတာရော၊ တမ်းတတာရော ဗမာပြည်မှာ ဆက်ရှိ စေချင်သေးတာရော အဲဒီဟာတွေ အကုန်လုံး ရောပြွမ်းပြီး ခံစားရပါတယ်။ ဒါအမှန်အတိုင်း ပြောရရင် ကျွန်တော့်အနေနဲ့ ဒီကိစ္စကို မစဉ်းစားမိအောင်တောင် နေရပါတယ်။ ဘာပဲဖြစ်ဖြစ် ဗမာပြည်သားတွေဟာ အခုထက်ထိ ကျွန်တော့်အမေကိုလည်း မမေ့ဘူး၊ ကျန်တဲ့ဗမာပြည်က လေးစားအပ်တဲ့ပုဂ္ဂိုလ်တွေ ရှေ့ဆောင်လမ်းပြ ပုဂ္ဂိုလ်တွေကို ဘယ်သူ့ကိုမှ မမေ့ပဲနဲ့ ဆက်လက်ပြီး တိုက်ပွဲဝင်နေကြတာကို မြင်ရတဲ့အတွက် အများကြီးပဲ အမေ့အတွက် ရောအားလုံးအတွက်ရော ဂုဏ်လဲယူပါတယ်။ ဒီနိုင်ငံသား ဖြစ်ရတာ ကျွန်တော်ဂုဏ်လဲယူပါတယ်၊ ဒီလူတွေနဲ့ အတူတူ တိုက်ဖေါ်တိုက်ဖက်ဖြစ်ရတာ ဂုဏ်လဲယူပါတယ်၊ အခုအချိန်အခါမှာ ရန်သူက ပြင်းပြင်းထန်ထန် နှိပ်ကွပ်တိုက်ခိုက်နေတဲ့ အချိန်မှာ ကျွန်တော်အများကြီး အမေ့ကို သတိရမိပါတယ်။ အမေရှိရင် အမေလည်း ပြောနေမှာပဲလို့ပဲ အောင့်မေ့ပါတယ်။"

လူထုဒေါ်အမာရဲ့အဝေးရောက်သား ရဲဘော်ဖိုးသံချောင်းရဲ့ ရင်ဖွင့်ခံစားချက်ဖြစ်ပါတယ်။ စာရေးဆရာမကြီး လူထု ဒေါ်အမာဟာ ၁၉၃၆ ဒုတိယ ကျောင်းသားသပိတ်မှာ အင်္ဂလိပ်ကိုလိုနီ လက်လက်က သပိတ်မှောက် ကျောင်းသူဖြစ်ပါတယ်။ ဘာသာပြန်၊ ဝတ္တုတို၊ ဆောင်းပါး စာအုပ်မြောက်များစွာကို ရေးသားခဲ့သူဖြစ်ပါတယ်။ မကွယ်လွန်ခင် ကာလတ လျှောက်လုံးမှာ မြန်မာ့နိုင်ငံရေး အကြပ်အတည်းပြေ လည်ဖို့အတွက် အတိုက်အခံ အဖွဲ့တွေနဲ့ တွေ့ဆုံဆွေးနွေးဖို့လို တဲ့အကြောင်း မြန်မာစစ်အစိုးရတို့ ကွယ်လွန်ချိန်အထိ တိုက်တွန်းခဲ့သူဖြစ်ပါတယ်။ ဆရာမကြီးလူထုဒေါ်အမာကို စစ်အာဏာရှင်အောက်မှာကျရောက်နေတဲ့ ပြည်သူလူထု ဖက်ကနေ တလျှောက်လုံး ရပ်တည်သွားခဲ့တဲ့ စာရေးဆရာမ တစ်ယောက်အဖြစ် လူအများက အသိအမှတ် ပြုကြပါတယ်။

---------------------------------------------------------------------------------------------------------

NEWS SOURCE -
http://www.rfa.org/burmese/news/daw_ah_mar_93_b-day-11292008114035.html