29 December 2012

အဓိက ကတော့ စနစ်ပဲ

" အဓိက ကတော့ စနစ်ပဲ "

ကျန်းမာရေး၊ ပညာရေး၊ စီးပွားရေး၊ လူမှုရေး၊ နိုင်ငံရေး၊ ဥပဒေပြုရေး၊ တရားစီရင်ရေး၊ အုပ်ချုပ်ရေး၊ မီဒီယာ၊ တပ်မတော်၊ ရဲ၊ NGO၊ ၀န်ထမ်း၊ ပုဂ္ဂလိကလုပ်ငန်း၊ ဖျော်ဖြေရေးလုပ်ငန်း...စသဖြင့်။

ဘယ်လောကမှာဖြစ်ဖြစ် စုန်းပြူးတို့၊ ငခုံးမတို့ဆိုတာ ရှိနေတာပဲ။ စုန်းပြူးကို ဖော်ထုတ်ဖို့၊ ငခုံးမကို ကုန်းပေါ်ပစ်တင်နိုင်ဖို့သာ လိုရင်းပဲ။ စုန်းမပြူးနိုင်အောင်၊ ငခုံး မ,မ နိုင်အောင် တရားဥပဒေရေးရာ ခိုင်မာတိကျရမယ်။ စီမံခန့်ခွဲမှုရေးရာ အားကောင်းရမယ်။ တန်အောင်ခိုင်းချင်ရင် ၀ အောင် ကျွေးထားဖို့ လိုမယ်။

အဓိက ကတော့ စနစ်ပဲ။ စနစ် မသေချာရင် အချစ်ဆိုတာမှာတောင် 'အတု' ပဲ သင်တို့ရရှိလိမ့်မယ်။

ညိုကြီး

21 December 2012

354 Days left to 27th SEA Games in Myanmar, 2013


၂၇ ကြိမ်မြောက် အရှေ့တောင်အာရှအားကစားပြိုင်ပွဲ မြန်မာနိုင်ငံ၌ ကျင်းပရန် ၃၅၄ ရက်သာ လိုပါတော့သည်။

www.mmseagames2013.com

18 December 2012

MTV EXIT Live in Myanmar


လူကုန်ကူးမှု အရေးပေါ် ဖုန်းနံပါတ်

09 49 555 999

If you see something suspicious,

12 December 2012

ပြောင်းနည်းအမျိုးမျိုး ရှိလေသတတ်


"ပြောင်း"

ပြောင်းနည်းအမျိုးမျိုးရှိလေသတတ်။
ကမ္ဘာပေါ်မှာ ဘယ်သူနဲ့မှ မတူအောင် ပြောင်းမှာလား
သိမ်မွေ့  ညင်သာစွာ ပြောင်းမှာလား
မသိလိုက် မသိဖာသာ ပြောင်းမှာလား
အလိုလိုနေရင်း ပြောင်းမှာလား
စမန်တက်ရင်း ပြောင်းမှာလား
ပြောင်းဖူးလို ပြောင်းမှာလား
ပြောင်းဝလို ပြောင်းမှာလား
တဖြောင်းဖြောင်းနေအောင် ပြောင်းမှာလား
ကျွန်တော်တို့ရဲ့  အပြောင်းအလဲဟာ ဘယ်သူနဲ့မှ မတူပါဘူးတဲ့
ဟတ်လား
ဟစ်တလာက ခြောက်သန်း သတ်တယ်ပြောကြတာပဲ
သန်းခြောက်ဆယ်အသတ်ခံရတာ ဘယ်သူမှ မသိခဲ့ မခံစားခဲ့ရပါဘူး
ကိုယ့်တာကို ကိုယ်ပဲသိပါတယ်
ပညာမတတ် အသိဥာဏ်နည်းတဲ့
ကျုပ်တို့လို လူတွေအပေါ် ချ/ခြစားပြီး လူပြန်လုပ်နေရတာ
ခင်ဗျားတို့ မငြီးငွေ့  သေးဘူးလားဗျာ
ချိန်ခွင်လျှာဆိုတာကြီးကိုလည်း မုန်းလှပါပြီ
အစွဲ၊ ၀ါဒ၊ မှိုင်းဆိုတာကြီးတွေကိုလည်း မုန်းလှပါပြီ
စနစ်တကျ ဖျက်စီးသူတွေအောက်မှာ စနစ်တကျအပျက်စီးခံခဲ့ကြရ
ဘ၀တွေ...။

ဟေ့လူတွေ !
တကယ်ပြောင်းချင်တာလား
ကြားဖူးနေကြ ရစ်သမ်အတိုင်းပြောရရင်
တကယ်ပြောင်းချင် တကယ်ပြောင်း
အဟုတ်ပြောင်းရမည်သာပဲပေါ့
အဟက်ဟက် ။        ။

စည်းကမ်းပြည့်ဝရုံသာမက ခေတ်မီတိုးတက်ပြီး လန်ပြန်ကန်ထွက်လောက်အောင် တိုင်းပြည်ကို ချစ်လှပါသော သာမန်တွေထဲက သာမန်ပြည်သူတစ်ဦးဖြစ်သည့်

ညိုကြီး

(မှတ်ချက်။  "ပညာမတတ် အသိဥာဏ်နည်းတဲ့" စကားလုံး Credit to အရိုး+ဓီရာမိုရ်)

06 December 2012

မြန်မာ့ရိုးရာ သောက်စရာ ထန်းရည်ကိုသာ အားပေးပါ


တော်သေးပြီ...။
ဘီယာ မသောက်တော့ဘူး ။
ထန်းရည်ပဲ ပြောင်းသောက်မယ် ။

" မြန်မာ့ရိုးရာ သောက်စရာ
ထန်းရည်ကိုသာ အားပေးပါ "

ဗမာ ထန်းရည်သည် ... ဒို့ အရည်
ဗမာ ထန်းပင်သည် ... ဒို့ အပင်
ဗမာ ထန်းလျက်သည် ... ဒို့ ထန်းလျက် ။

ဒို့ ထန်းရည်ကို ... ချစ်ပါ
ဒို့ ထန်းပင်ကို ... မြတ်နိုးပါ
ဒို့ ထန်းလျက်ကို ... စားကြပါ ။

ညိုကြီး
(30.11.2012)

(မှတ်ချက်။ တန်ဆေး လွန်ဘေး)

(ထန်းပင်မြစ်သည် ဒို့ အမြစ် ဟု ကို Minn Thaik မှ ထပ်မံ ဖြည့်စွက်ပေးပါသည်။ :P)

(နောက်ခံ ဓာတ်ပုံက အိမ်ရှေ့ မင်းထန်းတောကို ရောက်ဖူးသခိုက် Nyo Gyi ရိုက်ခဲ့ဖူးတဲ့ ဓာတ်ပုံလေးပါခင်ဗျ။)



29 November 2012

Lapadaung Rider


လက်ပံတောင်း စီးသူ

စစ်ကိုင်းတိုင်း ကပ်ဆိုက်နေသည်။
ဆီတွဲမီးလောင်၊ ငလျင်လှုပ်၊ မီးလောင်တိုက်အသွင်းခံရ ။
ဘာသာ သာသနာ အစော်ကားခံရ ။

(ဒေါ်အောင်ဆန်းစုကြည်ကို လုပ်ကြံခဲ့တာကလည်း ဒီပဲယင်း(စစ်ကိုင်းတိုင်း)မှာပဲ ဆိုတာ မမေ့စေချင်ဘူး။ ၈၈ တုန်းက လူအတော်များများ သေကြေပျက်စီးခဲ့ကြရတာလည်း စစ်ကိုင်းတိုင်းမှာပါပဲ)

Nyo Gyi



(ကဲ ... နောက်ထပ် ဘယ်သူ့ပုံ နဲ့ ဖန်တီးပေးတာ လိုချင်ကြသေးလဲ???)
Just for a Jail ... အဲလေ... Just for a Joke !

:P


အစကတော့ ၄ ယောက်ပုံနဲ့ ၄ ပုံ ဖန်တီးမလို့ပဲ...။
ဒါက နံပတ် ၀မ်း ပေါ့။
တောင်းဆိုသူ အရမ်းများတဲ့သူကို ထပ်မံ ဖန်တီးပေးပါမည်။

:) 

(မှတ်ချက်။ ဆရာအော်ပီကျယ်၏ အောက်ပါ ကာတွန်းကို ကြည့်ပြီး Idea မြစ်ဖျားခံလာတာပါ။

https://www.facebook.com/photo.php?fbid=493785687332255&set=a.142225162488311.26254.121507374560090&type=1&relevant_count=1
)

28 November 2012

5 years old Nyo Gyi (ငါးနှစ်သား ညိုကြီး)

(November 26, 2012 is my blog's 5th birthday!)

ငါးနှစ်သား

နိုဝင်ဘာ ၂၆၊ ၂၀၁၂ က ကျွန်တော် Blog စတင်ရေးဖြစ်ခြင်း ငါးနှစ်ပြည့်ပါ။
http://bigbbrown.blogspot.com/

ငါးနှစ်ပြည့်မှာ တတိယအကြိမ်မြောက်အဖြစ် ကျွန်တော့် Blog ရဲ့  ခေါင်းစည်းစာတမ်းအချို့ နဲ့ ဓာတ်ပုံကို ပြောင်းပစ်မယ်လို့ စဉ်းစားထားပါတယ်။

ခဲတစ်ပစ်စာ

ညိုကြီး

17 November 2012

သို့ ... ဗိုလ်ချုပ်မှူးကြီး သန်းရွှေ(ငြိမ်း)

"သို့ ... ဗိုလ်ချုပ်မှူးကြီး သန်းရွှေ(ငြိမ်း)"

နာမည်ကို ငြိမ်းတပ်ပြီး
ငြိမ်ပြီး ကြံနေတဲ့ သူ။
မီးခိုးတွေအူနေတဲ့ မြင်ကွင်း
သူက
ဆူရင် လက်ဖက်ခြောက်ခတ်ဖို့ပဲ သိတယ်။

ကချင်အရေး
တရုတ်ကို ဖင်ပေးခဲ့တဲ့ ဒဏ်ရာ
တောင်လည်းဆုံး တောလည်းပြုန်း
သူတို့ ဘုန်းခဲ့တဲ့ ရွှေတွေ
ခင်ဗျားက သန်းခြောက်ဆယ်ထဲက လူတစ်ယောက်ထက်ပိုတဲ့
ယုတ်မာမှုက
သန်းခြောက်ထောင်ထဲက လူတစ်ယောက်။
သိန်းသန်းသောင်းနဲ့ ဖွဲ့တည်ခဲ့သော
အာဏာရှင်ရွှေအ ခေတ်ကြီး
မင်းအောင်လှိုင်စေဖို့ ရွှေတွေမန်းပေးတာလည်း
ခင်ဗျားပဲ။

အချွန်းတွေရိုက်ချိုး
မျက်မှုန်းကျိုးတော့ ထောင်ချ
ဒါ...ငါ့မူဝါဒဆိုတဲ့ ခင်ဗျား
ကောင်းလိုက်တဲ့ စိတ်နှလုံးသားကြီး
မိသားစုများစွာ ပျက်စီးကျေမွခဲ့ပြီးပြီ
အသွေးလည်း မချန်ဘူး
အသားလည်း မချန်ဘူး
ကိုယ်ကောင်းစားရေးအတွက် ရဲဘော်ရဲဘက်လည်း
ချနင်းရဲတဲ့ ခင်ဗျား
ရတနာစိန်ကျောက် ကျွန်းသစ်ရေနံ
ဘိန်းပါ မကျန်အောင်
ကိုယ်ပိုင်ပစ္စည်းလို ထုတ်ယူသုံးစွဲတော့ ခင်ဗျား
သဘာဝကပေးတဲ့ ကျိန်စာခံရတော့ ပြည်သူ
အမေလိုတန်ဖိုးထားတဲ့ ဧရာဝတီကိုတောင်
ခင်ဗျားမို့ ခေါင်းဖြတ်ရောင်းရဲတယ်
မင်းမှာသစ္စာ လူမှာကတိ
လုံးဝ နတ္တိပဲ။

ဘင်္ဂါလီ မီးဟုန်းဟုန်းတောက်အောင်
ရိုဟင်ဂျာတွေအနောက်က ဖိဝင်လာတာလည်း
မောင်ဖြူဆိုတဲ့ မဲမဲကြီးက မိန်းမရှစ်ယောက်
အိမ်ထောင်စုဇယားက ဆယ်မျက်နှာ
မြန်မာပြည်သားမှတ်ပုံတင်ကိုင်ဖို့
ဘယ်သူကဇီးထုတ်ထုပ်သလို ၀င်ခွင့်လုပ်ပေးလိုက်တာလဲ။
ဥပဒေရဲ့  ပြင်ပမှာ ဥပဒေမရှိ
ဥပဒေရဲ့  အတွင်းမှာလည်း ဥပဒေမရှိ
တရားရုံးတွေမှာ လင်းစွဲတွေရှိနေတယ်
ကြောင်ကြီးက ကြွက်ကလေးကို စောင့်ရှောက်သတဲ့ဗျာ။

ငယ်ကျိုးငယ်နာ မဖော်ရအောင်
၂၀၀၈  ဖွဲစည်းပုံကို စိတ်ကြိုက်ပြုပြင်
သေမှာကြောက်လို့ အရှင်ထွက် ထွက်သွား
ဗျောင်လူလည်ကျတဲ့ ထွက်ရပ်ပေါက်ဆင်ဇာတ်
ဝိဇ္ဇာမှတကယ့် ၀ိဇ္ဇာ။
တစ်တိုင်းပြည်လုံး ပညာမဲ့အောင်ထားတယ်
တစ်တိုင်းပြည်လုံး ချွတ်ခြုံကျအောင်ထားတယ်
တစ်တိုင်းပြည်လုံး ဆင်းရဲတွင်းနက်အောင်ထားခဲ့တယ်
တစ်တိုင်းပြည်လုံး တစ်စစီပြိုကွဲအောင်ထားခဲ့တယ်
ဒီတိုင်းပြည်ကမိသားစုတွေ အမြဲတမ်းစိုးရိမ်နေကြတယ်
ဒီတိုင်းပြည်ကလူငယ်တွေ ပညာရေး အဆင့်မမီတော့ဘူး
ဒါတွေကို စီစဉ်ပြီးမှ
န.အ.ဖ GAME ကိုတီထွင်ပြီး အမုန်းဆွဲနေတော့တာ။

အစိတ်သားတွေ လွှတ်တော်ထဲထည့်ထားလည်း
မြန်မာရုပ်ရှင်ကားတွေလို ဇာတ်သိမ်းကြိုသိနေတဲ့လူထု
ညံ့တယ်လို့တော့ မထင်နဲ့
ရူးချင်ယောင်ဆောင်ပြီး ငြိမ်နေတာ
လူအခွင့်ရေးစစ်စစ်နဲ့
ဒီမိုကရေစီစစ်စစ်ကို ဥပဒေစစ်စစ်နဲ့မျှော်မိလို့ ။

ပြည်သူချစ်မှ ကဗျည်းတင်တာမဟုတ်
အလိုလိုပေါ်လာတဲ့ မျိုးချစ်စိတ်
လူတိုင်းနှလုံးသားမှာရှိတဲ့ တော်ဝင်နှင်းဆီ
သံမဏိလိပ်ပြာက
ခင်ဗျားတို့အလိုလိုကြောက်နေတဲ့ ခြောက်အိမ်မက်လား။
သူ့ စကားက သေနတ်ပြောင်းတွေကောက်သွားတယ်
သူ့အကြည့်က ပလ္လင်လှုပ်သွားတယ်
သူ့မေတ္တာကိုထောင်ချထားလည်း
တစ်ကမ္ဘာလုံး စီးဖြန်းထားတဲ့ပုံရိပ်
သေရာပါအောင် သိမ်ငယ်မိတဲ့စိတ်က
ခင်ဗျားတို့ကို တုန်လှုပ်စေသလား။

ဥာဏ်နီဥာဏ်နက်တွေနဲ့
အဖြူအမဲရုပ်ရှင်ထဲက ထွက်ခဲ့ပါတော့
ခင်ဗျားဆောင်းခိုင်းတဲ့ မင်းသားခေါင်းတွေ
ခေါင်းပေါင်း ဘယ်ကိုစောင်းနေသလဲ
အကန့်အသတ်ရှိပြီး အထိမခံနိုင်တဲ့ဂြိုဟ်မှာ
ကျွန်တော်တို့ နေထိုင်ကြတယ်ဆိုတာ
ခင်ဗျားသိခဲ့ရင် ။          ။

တိုးနှောင်မိုး
(အရပ်သားကဗျာဆရာ)

တိုးနှောင်မိုး၏ Facebook စာမျက်နှာ ~ https://www.facebook.com/toehnaung.moe

15 November 2012

ထပ်မံ ကျူးလွန်ဖို့ ၀န်လေးမယ် မဟုတ်ပါဘူး

"ထပ်မံ ကျူးလွန်ဖို့ ၀န်လေးမယ် မဟုတ်ပါဘူး"

ဆိုးသွမ်းသူတွေ ကိစ္စ အရင် ပြောပါရစေ။ ကားတစ်စီးကို ပြိုင်ကားလေးစီးနဲ့ လိုက်ပြီး ၀ိုင်းရိုက်တဲ့ အမှု၊ ခရီးသည်တင်ကားကို တားပြီး ကားပေါ်ပါတဲ့ ခရီးသည်တွေကို ၀ိုင်းရိုက်တယ်ဆိုတဲ့ ကိစ္စ၊ လူအင်အားစုဖွဲ့  ပြီး ရပ်ကွက်ထဲမှာ သောင်းကျန်းတယ်ဆိုတဲ့ ကိစ္စ စတဲ့ အမှုတွေဆိုတာ တရားစွဲလိုက်ရုံနဲ့ ပြီးတဲ့ အမှုမျိုးတွေ မဟုတ်ပါဘူး။ ဒီလို ဆိုးသွမ်းသောင်းကျန်းသူတွေကို ငြိမ်ဝပ်ပိပြားရေး ဥပဒေတွေအရပါ အရေးယူဖို့လိုပါတယ်။ နောက်ထပ် မဆိုးသွမ်းအောင် အာမခံမယ့်သူတွေနဲ့ ခံဝန်ချုပ် ပြုလုပ်စေသင့်ပါတယ်။ ဒါမှသာ နောက်ထပ် မဆိုးသွမ်းရဲမှာ၊ မဆိုးသွမ်းနိုင်မှာ ဖြစ်ပါတယ်။ ဒါ တည်ငြိမ်အေးချမ်းရေးအတွက် လုပ်ရတာဖြစ်ပါတယ်။ သာမန် နာကျင်စေမှုလောက်နဲ့သာ အရေးယူတယ်ဆိုရင် ထပ်မံ ကျူးလွန်ဖို့ ၀န်လေးမယ် မဟုတ်ပါဘူး။

ရဲမှူးကြီး မြင့်ဝေ(ငြိမ်း)
တစေ့တစောင်း ရဲလုပ်ငန်းအကြောင်း (၃၅) ဆောင်းပါး
မှုခင်းသတင်း ဂျာနယ်၊ အတွဲ (၁၇)၊ အမှတ် (၁)၊ ၁၄၊ ၁၁၊ ၂၀၁၂

10 November 2012

ဒီမိုကရေစီ အရေခြုံထားတဲ့ အာဏာရှင်စနစ်

ဒီမိုကရေစီ အရေခြုံထားတဲ့ အာဏာရှင်စနစ်

“၁၉၆၂ ဥပဒေကိုလည်း မဖျက်သေးဘူး။ ပုဂ္ဂလိက သတင်းစာထုတ်ဖို့ကိုလည်း ဝေ့လည်ကြောင်ပတ် လုပ်နေတယ်။ ရုပ်မြင်သံကြားမှာလည်း ခရိုနီကုမ္ပဏီတွေကိုပဲ လက်ဝါးကြီးအုပ် လုပ်ကိုင်ခွင့်ပေးထားတယ်။ အစိုးရမှာ Freedom of Press အတွက် အဖြေမရှိဘူး။ တစ်နည်းဆိုရင် ဒီမိုကရေစီအတွက် အာမခံချက် မပေးနိုင်သေးဘူး။

စင်ကာပူမှာလို မီဒီယာကို အစိုးရက ငွေကြေးအင်အား၊ ဥပဒေနဲ့ ထိန်းချုပ်ပြီး မိုနိုပိုလီလုပ်

ဖို့လုပ်နေ တယ်။ စင်ကာပူ၊ မလေးရှား၊ ကမ္ဘော ဒီးယားလိုမျိုး သတင်းမီဒီယာကိုထိန်း ချုပ်ဖို့ ကြိုးစားနေတဲ့ အစိုးရဟာ ဘယ်လိုနည်းနဲ့မှ ဒီမိုကရေစီအစိုးရ မဖြစ်နိုင်ဘူး။

ဘီဘီစီနဲ့ အင်တာဗျူးမှာ ပြန်ကြားရေးဝန်ကြီးက စည်းကမ်းပြည့်ဝတဲ့ ဒီမိုကရေစီလို့ သုံးနှုန်းခဲ့ပါတယ်။ ဒါရဲ့အဓိပ္ပာယ်ဟာ ဒီမိုကရေစီ အရေခြုံထားတဲ့ အာဏာရှင်စနစ်ဆိုတာကော တာဝန်ရှိတဲ့ လူတွေ နားလည်သလားလို့ မေးချင်ပါတယ်။ ကျွန်တော်တို့နိုင်ငံမှာ ကမ္ဘောဒီးယား၊ မလေးရှား၊ စင်ကာပူတို့လို တစ်ပါတီတည်းက အာဏာထိန်းချုပ် အတိုက်အခံကို အလုပ်ဖြစ်ရုံ အချိုသတ်ပေါင်း၊ သတင်းမီဒီယာကို လက်ဝါးကြီးအုပ်လုပ်ထားတဲ့ အရေခြုံဒီမိုကရေစီမျိုး မလိုလားဘူးဆိုတာ ရှင်းရှင်းလင်းလင်း ပြောချင်ပါတယ်။”

ဒေါက်တာသန်းထွဋ်အောင် Eleven Media Group

http://news-eleven.com/index.php?option=com_content&view=article&id=16295%3A2012-11-06-10-20-44&catid=42%3A2009-11-10-07-36-59&Itemid=112

07 November 2012

ရန်ကုန်သွားမယ့် သူငယ်ချင်းသို့ အမှာပါးခြင်း

"ရန်ကုန်သွားမယ့် သူငယ်ချင်းသို့ အမှာပါးခြင်း"

သူငယ်ချင်းရေ...

ရန်ကုန်သွားမယ်ဆိုလို့ မှာလိုက်ဦးမယ်။ ညပိုင်း သတိနဲ့သွား။ သတိနဲ့ စား။
ရန်ကုန်မြို့ ထဲ ညဖက် ကားမောင်းမယ်ဆိုရင် ပြိုင်ကား ဒါမှမဟုတ် အုပ်စုလိုက် ပြိုင်မောင်းနေတဲ့ ကားတွေတွေ့ ရင် ခပ်ဝေးဝေးက ရှောင်၊ ကားပြိုင် မမောင်းမိစေနဲ့။
ကိုယ် ည ဖက် အပြင်ထွက်မယ်ဆိုတာနဲ့ ဦးသန်းရွှေတို့၊ ဦးမောင်အေးတို့၊ ဦးသိန်းစိန်တို့၊ ဦးရွှေမန်းတို့၊ ဦးခင်ရီတို့ ဒါမှမဟုတ် အာဏာရတစ်ဦးဦး ဒါမှမဟုတ် ခရိုနီအကြီးစားတစ်ဦးဦးရဲ့  ဆွေမျိုးသားချင်းတွေကို ပြောထား။ သူတို့နဲ့ ချိတ်ဆက်ထား။ သူတို့နဲ့ မခင်သေးရင် ခင်အောင်ပေါင်းထား။ သူတို့ ဖုန်းနံပတ်တွေ ယူထား။ ရန်ဖြစ်တော့မယ် ကြံရင် သူတို့အကူအညီကို ယူ။ သူတို့လူတွေကို တပ်ကူခေါ်။ ဒါဆို မင်း ဖြဲချင်တာ ဖြဲလို့ရပြီ။
:) :(

မျက်နှာမွဲ သူငယ်ချင်း၏ အသက်အန္တရာယ်ကို စိုးရိမ်စွာဖြင့်...

ညိုကြီး

04 November 2012

နန်းခင်ဇေယျာနှင့် ရေကူးဝတ်စုံ

"နန်းခင်ဇေယျာနှင့် ရေကူးဝတ်စုံ"

ညီမရဲ့  ပြိုင်ပွဲဝင် ဝတ်စုံအပေါ် အမြင် အမျိုးမျိုးနဲ့ ဝေဖန်ကြတဲ့ အပေါ် ညီမမှာ ပြောစရာ တစ်ခုခုများ ရှိမလား။
(မင်းရန်နိုင်, Hello စာပေအနုပညာဂျာနယ်, Vol 4, Issue 3, Tuesday, 30, Oct, 2012)

ညီမ ဒီမှာနေကတည်းက ဘီကနီပုံစံမျိုးနဲ့ လူရှေ့ မှာ မချွတ်ဖူးခဲ့ဘူးပေါ့နော်။ ဒါပေမဲ့ ဒီပွဲကို ပြိုင်ရမယ်ဆိုကတည်းက ရေကူးဝတ်စုံနဲ့ ပြိုင်ရမယ်ဆိုတာ သိခဲ့တယ်။ အဲဒီမှာ ညီမ နည်းနည်းလုံမယ့် ရေကူးဝတ်စုံကို စဉ်းစားခဲ့တယ်။ ဒါပေမဲ့ ပြိုင်ပွဲစည်းမျဉ်းထဲမှာ အရှက်လုံရုံ အပေါ်တစ်ထည် အောက်တစ်ထည်နဲ့ ပြိုင်ရမယ်ဆိုတော့ မြန်မာနိုင်ငံမှာလည်း ဒါက ရောင်းတာမဟုတ်ဘူးလေ။ အဲတော့ ညီမမှာ ရေကူးဝတ်စုံအတွက် တော်တော်ရှာပြီး ဗီယက်နမ်မှာ ဝယ်ခဲ့ရတယ်ပေါ့နော်။ အဲဒါနဲ့ ပြိုင်ခဲ့ရတယ်။ ပြိုင်ပွဲမှာ ၃ ရက်ရောက်ပြီး ၄ ရက်မြောက်မှာ ဓာတ်ပုံရိုက်ခဲ့ရတယ်။ ကင်မရာချိန်တဲ့အချိန်မှာ တစ်ခါမှလည်း မဝတ်ဖူးဘူး။ ဒီလို ပုံစံနဲ့လဲ မရိုက်ခဲ့ဖူးတော့ ယုံကြည်မှုမရှိဘူးပေါ့။ ဒါပေမဲ့ ဒါပြိုင်ပွဲဝင်နေတာပါလား ဆိုတဲ့ အတွေးနဲ့ ငါမဟုတ်တာ လုပ်တာမဟုတ်ဘူး။ လူတိုင်းဝတ်ရတာဆိုတဲ့ ခံယူချက်နဲ့ ညီမ ပျော်ပျော်ရွှင်ရွှင် တက်တက်ကြွကြွနဲ့ ဓာတ်ပုံရိုက်ခဲ့ရတယ်။
(နန်းခင်ဇေယျာ)

01 November 2012

ဒေါ်အောင်ဆန်းစုကြည် သမ္မတ ဖြစ်နိုင်


နိုင်များ

ဒေါ်အောင်ဆန်းစုကြည် သမ္မတ ဖြစ်နိုင်
ရန်ကုန်မြို့  ကြီး အာရှ အလှဆုံးမြို့  ကြီး ဖြစ်နိုင်
ကမ္ဘာကြီး မကြာမီ ငြိမ်းချမ်းရေး ရနိုင်
မည်သူမဆို ကြိုးစား ဘုရား ဖြစ်နိုင်

သုခမိန်လှိုင်
3 Oct 2012

Mandalay ICON Magazine, Vol 4, No 12, Nov, 2012

26 October 2012

Because of Words

"စကားကြောင့်..."

ကျွန်ုပ်သည်
မိမိ၏ ချစ်သောတိုင်းပြည်အား
စစ်မီး၊ ရန်မီးမရှိ ယခုထက် ပိုမိုကြီးပွားတိုးတက်စေလို၏
ဤမှန်သော သစ္စာစကားကြောင့်
ကျွန်ုပ်တို့၏ ချစ်လှစွာသော ဗ/မြန်မာပြည်ကြီး
မီးဟူသမျှ ကင်းစင်ငြိမ်းပကာ
ကမ္ဘာ့အလယ် မျက်နှာတော် မငယ်ပါရစေနဲ့
ဘုရား...

စကားနောက် အမှားမပါကြဘဲ
စကားနောက် တရားသာ ပါကြစေကုန်
သတည်း....။

ညိုကြီး
25.10.2012

19 October 2012

Sai Kham Leik (2008)


ဆရာ စိုင်းခမ်းလိတ်အား ဆရာ စိုင်းခမ်းလိတ်၏ နေအိမ်တွင် တွေ့ဆုံခဲ့ရစဉ် (၂၀၀၈ ခုနှစ်)

© Nyo Gyi

Time
2008

Place
Sai Kham Leik's Home in Mandalay

Person
Sai Kham Leik

10 October 2012

သပွတ်အူတိုင်းပြည်က ခေတ်သစ်ကိတ္တမုခ ဘီလူးများ


"ခေတ်သစ် ကိတ္တမုခ ဘီလူးများ"

စားတယ်... တွေ့လိုက်တာနဲ့ ဇယားချုပ် အစအနမကျန် ရိတ်သိမ်း
ဆွေခုနစ်ဆက်မျိုးခုနစ်ဆက် ရွှေလှည်းကိုးစီး ငွေလှည်းကိုးစီးတိုက်လို့ မကုန် စားတယ်
ကောင်းကင်ပြာပြာ ဘာမှ မရှိတော့
ဂြိုဟ်တာရာ နက္ခတ်စကြ၀ဠာကို စားပစ်တယ်
ပင်လယ်ပြာပြာ ဘာမှ မရှိတော့
မြေပေါ်မြေအောက် ဘာမှမရှိတော့
ဘာမှမရှိ... ဘာမှမကျန် သယံဇာတ တက်တက်ပြောင် အကုန်ဝါးတယ် စားတယ်
မျိုးဆက်တွေ တုန်းအောင် စားပစ်တယ်... အမှန်တရား ဦးနှောက်တွေ ဖောက်စားတယ်
နောက်ဆုံးစားစရာ မရှိရင်
ကိုယ့်ခြေထောက် ကိုယ်စား... ကိုယ့်လက် ကိုယ်စား... ကိုယ့်အသားကိုယ် ပြန်စား
ကိုယ့်ခန္ဓာကိုယ်... ကိုယ်ပြန်စား
စားလို့မရတဲ့ ခေါင်းချည်းသာ ကျန်
သပွတ်အူတိုင်းပြည်က ခေတ်သစ်ကိတ္တမုခ ဘီလူးတွေ...

ကောက်နွယ်ကနောင်

(idea magazine, October, 2012)

09 October 2012

လူလည်မသားများသို့

"ခင်ဗျားတို့ = လူလည်မသားများ"

ကျုပ် ရှင်းရှင်းပဲပြောမယ်။
ဒေါ်အောင်ဆန်းစုကြည်(NLD)မရှိလည်း ဘာမှမဖြစ်ဘူး။
(သူကအသက်ကြီးနေပြီလေ။ သူအသက်သေသည်အထိ ဗမာပြည်ကို လုံးဝမကယ်နိုင်အောင် ခင်ဗျားတို့လုပ်ထားဖို့ပဲ စဉ်းစားနေတာမဟုတ်လား)
ကိုမင်းကိုနိုင်(88)မရှိလည်း ဘာမှမဖြစ်ဘူး။
(သူ ဗမြန်မာပြည်ကို မကယ်နိုင်အောင် ခင်ဗျားတို့ ဆက်ပြီး ကြံကြဦးမယ်မဟုတ်လား)

သန်း ၅ဝ (ခု သန်း ၆ဝ မကသော) ဗမြန်မာပြည်သူတွေအတွက် အလုပ်လုပ်မယ့်သူေ

တွ တစ်ပုံကြီးရှိသေးတယ်ဆိုတာ အာဏာရှင်(အာဏာသေ)တွေ သဘောပေါက်သင့်တယ်။

ဘယ်သူသေသေ ငတေမာရင် ပြီးရောဆိုသူတွေရှိသလို
ဘယ်သူရှင်ရှင် ကိုယ်မမာရင် ပြီးရောဆိုသူတွေလည်း အပုံကြီးရှိသေးတယ်ဆိုတာ ခင်ဗျားတို့ သဘောပေါက်သင့်ပါတယ်။

သွေးဆိုတာ မွေးမှမဟုတ်ဘူး။
သူ့အလိုလိုလည်း (ရွေးတတ်) တွေးတတ်တယ်ဆိုတာ
ခင်ဗျားတို့ သဘောပေါက်သင့်တယ်။

Nyo Gyi

07 October 2012

Jade War in Burma (Myanmar)

အဖေပြောတဲ့ စကားကို သဘောကျမိတယ်။ တကယ်တော့ ကချင်မှာ ဖြစ်နေတဲ့ စစ်ပွဲဆိုတာ တကယ်တော့ " ကျောက်စိမ်း " စစ်ပွဲ ပဲတဲ့။
My father said that the war in Kachin State of Burma/Myanmar is a type of Jade War.
:)

06 October 2012

ကစားပွဲ

ကျွန်တော် ကစားပွဲထဲ ပြန်ဝင်ပါမယ်။
Published with Blogger-droid v2.0.9

28 September 2012

လိမ္မာရစ်ကြပါ

အင်တာနက်၊ သတင်းနှင့် နိုင်ငံရေးလောကမှ ကာလ အကန့်အသတ်မရှိ ညိုကြီး အနားယူပါမည်။ လိမ္မာရစ်ကြပါ။

ပြောပါ - ကာတွန်းအော်ပီကျယ်၏ လက်ရာ





ပြောပါ...

ကာတွန်း အော်ပီကျယ်
Health for ALL cartoon, JUNE, 2012

Credit to Hnin Meme Than

21 September 2012

Myanmar Flag Color and International Day of Peace


The Campaign for Nuclear Disarmament (CND) symbol, designed by Gerald Holtom in 1958. It later became a universal peace symbol used in many different versions worldwide.
 

18 September 2012

လူရွှင်တော်များသို့ အကြံပြုခြင်း


"လူရွှင်တော်များသို့ အကြံပြုခြင်း"


လူရွှင်တော်တွေအနေနဲ့
တစ်ခါလာလည်း မော်တော်ပီကယ်ကို ဟာသလုပ်
တစ်ခါလာလည်း မီးသတ်ကို ဟာသလုပ်
တစ်ခါလာလည်း လျှပ်စစ်မီးကို ဟာသလုပ်
တစ်ခါလာလည်း ကုန်ဈေးနှုန်းကြီးတာကို ဟာသလုပ်
တစ်ခါလာလည်း ဆေးရုံနဲ့ ဆရာဝန်တွေကို ဟာသလုပ်
တစ်ခါလာလည်း ကျောင်းဆရာ၊ ဆရာမတွေကို ဟာသလုပ်
တစ်ခါလာလည်း တစ်လုံး၊ နှစ်လုံး၊ သုံးလုံး၊ လေးလုံးကို ဟာသလုပ်
တစ်ခါလာလည်း မိန်းကလေးလိုဝတ်စားပြီး ဟာသလုပ်
တစ်ခါလာလည်း အဆိုတော်နဲ့ မင်းသား၊ မင်းသမီးတွေကို ဟာသလုပ်
တစ်ခါလာလည်း ....
ရိုးနေ အီနေပါပြီဗျာ
လုပ်စရာ သည်(ဒီ)လောက်မရှားပါဘူး
ဖဲ့ကြစမ်းပါ
ရွဲ့ကြစမ်းပါ
ကာတွန်းဆရာတွေကို အတုယူကြစမ်းပါ
ကွန်မြူနီကေးရှင်းရဲ့ အရေးပါပုံကို သတိရကြစမ်းပါ
မော်မီးလျှပ်ကုန်ဆေးရာလုံးမိန်းတော်မင်းကိုလည်း ဖဲ့နိုင်ကြသလို
နေညွန့်ရွှေအေးမန်းဆန်းရီဥလွှတ်တီကိုသာမက
လိုအပ်ရင် လိုအပ်သလို
သာပေါင်းညာလည်လိမ်လှည့်ယုတ်လုခြောက်စားတွေကိုလည်း ဖဲ့နိုင်ကြပါစေ
ဟာသဆိုတာမှာ...
အောက်လုံးလည်း အရေးပါသလို
အထက်လုံးလည်း အရေးပါပေရဲ့
သို့ကလို အဲ့သလိုသာ
ကြေညာမောင်းခတ်လိုက်ပါရစေငဲ့။


ညိုကြီး
https://www.facebook.com/nyogyi


(မှတ်ချက်။
တစ်ခါတစ်လေ လူရွှင်တော်တွေဟာ ကိုယ့်ပွဲလာကြည့်တဲ့ ပရိသတ်ကို ငဲ့ရတာတွေ၊ ပရိသတ်အမျိုးအစားပေါ် မူတည်ပြီး ပြက်ရတာတွေလည်း ရှိတတ်တာကို လက်ခံပါတယ်။)

17 September 2012

လသာ (China Town in Yangon)

China Town in Yangon (September, 2012)

© Nyo Gyi

"လသာ"

ကပါကပါ မမရာ
ညည လသာသာ
လသာမှာ 
"လ" တကယ် သာပါရဲ့လား...။

ညိုကြီး

(Nyocam Album မှ အခြား ဓာတ်ပုံများအား 
တွင် ကြည့်ရှုနိုင်ပါသည်) 

10 September 2012

မုံယိုနေတဲ့ ရွာ (သို့မဟုတ်) မုံရွာ


" မုံယိုနေတဲ့ ရွာ (သို့မဟုတ်) မုံရွာ "

ဘယ်အရေးမှ လက်မနှေးတဲ့ ရွာ
သာအေးလောက်ကတော့ အသာလေးပဲ...။

ညိုကြီး

(စက်တင်ဘာ၊ ၁၀၊ ၂၀၁၂)

07 September 2012

Show fist under Longyi


ပုဆိုးခြုံထဲက လက်သီးပြနေသော ညိုကြီး

It is a Burmese Proverb.

Show fist under Longyi
(Showing 'Latt Thee' from the inside of 'Pa Soe')

Thanks a lot my friends for translating.

ကျွန်တော့် Blog လေး Update မလုပ်နိုင်တာ တကယ်လွမ်းမိ၊ သတိရမိပါတယ်။ Blog ထက် facebook မှာ အသုံးများနေလို့ပါ။ အင်တာနက်လောကမှာတော့ ကျွန်တော်ရှိနေဆဲပါ။ တော်တော်များများကို facebook မှာပဲ တင်ဖြစ်၊ Share ဖြစ်နေပါတယ်။
ကျွန်တော့်ရဲ့ facebook လေးကိုလည်း လာလည်ကြဖို့ ဖိတ်ခေါ်ပါတယ်။



12 April 2012

သံချပ်တွေ ပြန်လာပြီ...

လူရွှင်တော် နှုတ်ခမ်းမွှေး ပါပါလေး သံချပ်အဖွဲ့

ခွပ်လိုက်ကြစို့ သူငယ်ချင်း
(ဗြောင်ပြော ဒဲ့ပြော)

မန္တလေးသင်္ကြန်တွင်းကာလ ၁၁-၁၂-၁၃-၁၄ ရက်များ လှည့်လည် ဖျော်ဖြေပါမည်။

------------------------------------


One of Thingyan "Than-Chut" Groups from Mandalay, Myanmar.
Comedian Par Par Lay from The moustache brothers of Mandalay leads this group.

Thingyan "Than-Chut" Groups have been banned during Another Military Dictatorship Era in Burma (1989-2010)

Now, Thein Sein Government allows Thingyan "Than-Chut" Groups to participate in Burmese 2012 Thingyan.

08 April 2012

မင်္ဂလာဒိုး အနုပညာအင်အားစုမှ ရဲရဲတောက်တေးသံချပ်များ(ဂျပန်)


အကြိမ် ၂၀ မြောက် အစဉ်လာမပျက် ဂျပန် မှ မင်္ဂလာဒိုး အနုပညာအင်အားစုမှ
ရဲရဲတောက်တေးသံချပ်များ စတင်ဖြန့် ချိ ……….


2012 မင်္ဂလာဒိုးအနုပညာ အင်အားစု (ဂျပန်) အဖွဲ့ ၏ ရဲရဲတောက်တေးသံချပ်များကို 2012ခုရဲ့ မြန်မာပြည် သင်္ကြန် အမှီ တင်ဆက်ဖျော်ဖြေတင်ဆက်နိုင် ရန် အတွက် ဂျပန်နိုင်ငံရောက် မင်္ဂလာဒိုး အနုပညာအင်အားစု မှ နှစ်စဉ် ကျင်းပနေကြ ဂျပန်နိုင်ငံရှိ မြန်မာ့ ရိုးရာ သင်္ကြန် ပွဲ များတွင် တင်ဆက်နေကျ ဒိုးပတ်သံ များဖြင့် နိုင်ငံတကာရောက် မြန်မာမိသားစု များနှင့် မြန်မာပြည်တွင်းမှ အောင်ပွဲရ အမျိုးသားဒီမိုကရေစီအဖွဲ့ ချုပ်
ကိုထောက်ခံအားပေးနေသော မိဘပြည်သူများအတွက် စိတ်သောက ကင်းဝေး နိုင်စေရန်နှင့် ဒုက္ခ အပေါင်းမှ ကင်းငြိမ်းစေရန် ရည်ရွယ် ချက် ဖြင့် အစဉ်လာမပျက် တစ်နှစ်တစ်ခေါက် အတို့ အထိ ရိ စရာေ လးများနှင့် မှန်မှန်ရောက်ရှိလာတဲ့ မင်္ဂလာဒိုး ရဲ့ သံချပ်များအများပြည်သူများ ရှေ့မှောက်သို့ ရောက်ရှိလို့  လာခဲ့ပြန်ပါပြီ၊၊

ယခု နှစ်သံချပ်များကို ကိုမျိုး သန့် ၊ကိုသောင်း တို့မှစီစဉ်ပြီး၊ကိုမျိုးသန့် ၊ ကိုသောင်း၊ ခင်ငြိမ်းဆွေ နှင့်
ကိုထွန်းဝေတို့ မှရေးသားခဲ့ကြခြင်း ဖြစ်ပါတယ်၊၊

2012 ယခုနှစ်တွင်လည်း

၁။ အဖွင့်တေးသံ ၂။ပြန်ကြားရေး ၃။ အထွေထွေ ၄။ NLD ကို ဂုဏ်ပြုခြင်း ၅။
အခန်းပြောင်းတေးသံ ၆။ညီညွတ်ရေး ၇။ရန်ပွဲတွေ၇ပ် ၈။ကုန်ဈေးနှုန်း
၉။သံချပ်ဆင်ဆာ ၁၀။ ဂျပန်မှ အပြန်ခရီး ၁၁။ မဟော်သဓာ
သားတရားစီရင်ခန်း ၁၂။ကမ္ဘာမကြေ

စသည့် တေးသံချပ်များ ဖြင့် မြန်မာပြည်တွင်းမှ မိဘရဟန်းရှင် ပြည်သူများ ကြည့်ရှုနိုင်စေရန်နှစ်စဉ်နှစ်တိုင်း အတာသင်္ကြန် မရောက်ခင်မှာ သံချပ် သီချင်းခွေ ဗွီဒီယိုတွေ ထုတ်လုပ်ပြီး ပြည်တွင်းနဲ့ နိုင်ငံတကာကို ဖြန့်ချိခဲ့တာ နှစ်စဉ်နှစ်တိုင်းပင် ဖြစ်ပါတယ်။

မြန်မာပြည်သင်္ကြန်နှင့်အတူ နှစ်စဉ်ဧပြီလတွင်ကျင်းပနေကြ တိုကျိုသင်္ကြန်ပွဲတော်သည် ဧပြီ 15 ရက်(15.4.2012)တွင်ကျင်းပမည်ဟုမြန်မာ့ဒီမိုကရေစီ အဖွဲ့ ချုပ် မှ ဥက္ကဌ ဦးလှိုင်အေး က ပြောကြားခဲ့ပါသည်။

မြန်မာပြည်အလွမ်းပြေ ယိမ်းအကနှင့် ဒိုးပတ်သံများဖြင့် ဝေေ၀ဆာဆာမြူးမြူးကြွကြွ တင်ဆက်ထားသည်ကို တွေ့ ရမှာဖြစ်ပြီး မကြာမီအင်တာနက်စာမျက်နှာ များတွင် ဗွီဒီယို ဖြင့်တစ်ဝကြီး ကြည့်ရှု့နိုင်ရန်စီစဉ်လျက် ရှိပါသည်။ ယခုနှစ် တိုကျို သင်္ကြန်ပွဲတော်တွင်လည်း မင်္ဂလာဒိုးမှအဖွဲ့ ဝင် များဖြင့် ခြိမ့် ခြိမ့် သဲ ဖျော်ဖြေမည်ဖြစ်ပြီး

ဦးမျိုး သန့်  080 5063 2509 နှင့် ၊ ကိုထွန်းဝေ 080 3099 1503
kotunwai@gmail.com , tunwai.jp@gmail.com တို့  ထံ မေးမြန်း ဆက်သွယ်နိုင်ကြောင်း

သိရှိရပါတယ်။

ဗွီဒီယို.ရိုက်ကူးတည်းဖြတ် ကိုဇေယျာအောင်


ဗွီဒီယိုများ လင့်နှိပ်ပြီး အမြန်ယူကြပါရန်....

အားလုံးကို လေးစားချစ်ခင်လျက်

ထွန်းဝေ

“ပရ” နိုင်ငံရေးသမား

'ပရ' နိုင်ငံရေးသမား
ရိုးရိုးကျင့်
မြင့်မြင့်ကြံ
မှန်တာလုပ်
ဟုတ်တာပြော
သဘောဖြောင့်
စောင့်သစ္စာ
လေ့လာနည်းလမ်း
စည်းကမ်းသေချာ
စေတနာရှေ့ထား
အများကောင်းကျိုး
မြော်ကိုးရွက်ဆောင်
ထက်အောင်စံပြ
ကြံဆကာရည်
ပြည်သူသာအဘ
ပြည်သူသာအမိပင်
စိတ်တွင်စွဲမှတ်
မွန်မြတ်ဘဝင်
အားရွှင်ပြည့်လျှမ်း
ဆောင်ထမ်းကျေပွန်
ပြည့်တာဝန်အလှ
ဘဝ ပိုင်ရန်တွေးထား
'ပရ' နိုင်ငံရေးသမား

ကြိုင်လှမောင်မောင်
၂၀၁၂-၀၄-၀၆

19 March 2012

မဲဘယ်လိုခိုး၊ ဘယ်လိုလိမ်ကြသလဲ (၁) - How Military+USDP Government Make Fake Vote for 2012 By-Election

Fake Vote Created by USDP for 2012 by-Election

မဲဘယ်လိုခိုး၊ ဘယ်လိုလိမ်ကြသလဲ (၁)

ယောမင်းလေး


(March, 2012)

အသည်းကြားက မဲတစ်ပြားဟု ဆိုကြ၏။ ဆိုလိုသည်မှာ မဲတစ်ပြား၏ တန်ဖိုးကြီးပုံ၊ အရေးကြီးပုံကို တင်စားပြောဆိုခြင်းဖြစ်ပေသည်။ မှန်ပါသည်။ ကျွန်ုပ်တို့၏ ကောင်းကျိုးဆိုးပြစ်ကို ပြုပြင်ဖန်တီးမည့် ပုဂ္ဂိုလ်တစ်ယောက်ကို ရွေးချယ်တင်မြှောက်ရာ၌ မဲတစ်ပြားသည် လွန်စွာမှ တန်ဖိုးကြီး၏။ အရွေးမှားက ခွေးများဖြစ်သွားနိုင်၏။

ကျွန်ုပ်တို့ကို ဖိနှိပ်လိုသူများကလည်း နည်းမျိုးစုံဖြင့် ခိုးကြလိမ်ကြ၏။ တစ်တိုင်းပြည်လုံး ဖက်ဆစ်စနစ်ကို အလိုမရှိသဖြင့် တွန်းလှန်ဖြိုဖျက်နေသည့်ကြားမှ ထိုလူများနှင့် ထမင်းဝနေသော (သို့မဟုတ်) အရိုးအရင်းအရင်းစုတ်ရသူများက ထိုစနစ်၊ ထိုလူတို့ကို ပံ့ပိုးကူညီ လိမ်လည်ခိုးဝှက်ပေးကြ၏။

ထိုသည်လည်း အပြစ်မဆိုသာပါပေ။ ဂျပန်ခေတ်၌ ဂျပန်အလိုတော်ရိ၊ အင်္ဂလိပ်ခေတ်မှ အင်္ဂလိပ်အလိုတော်ရိတို့ကို မသိအောင်ရှောင်ရှား၍ ဗိုလ်ချုပ်အောင်ဆန်းတို့သည်ပင် လွတ်လပ်ရေးရအောင် ကြိုးပမ်းခဲ့ရသေးသည် မဟုတ်ပါလော။

ယခု မန္တလေးတိုင်း၊ မဟာအောင်မြေမြို့နယ် လစ်လပ်သော လွှတ်တော်ကိုယ်စားလှယ်နေရာ ရွေးချယ်ရာ၌ ရွေးကောက်ပွဲကော်မရှင်သည် နည်းမျိုးစုံနှင့် မဲလိမ်မဲခိုးပြုလုပ်၏။ သူတို့ မဲခိုးမဲလိမ်နည်းတစ်ခုမှာ ဤသို့ဖြစ်၏။ သူတို့ကြံ့ခိုင်ရေးသို့ သေချာပေါက် မဲထည့်မည့်ပုဂ္ဂိုလ်ကို အကွက် (၂၈၉)၌လည်း မဲစာရင်းထည့်ထား၏။ ထိုနှင့်မျက်နှာချင်းဆိုင် အကွက် (၂၉၄)၌လည်း မဲစာရင်းထည့်ထား၏။ ဤသို့ထည့်ခြင်းဖြင့် တစ်နေရာ မဲအတွက် ကြိုတင်မဲယူ၍ တစ်နေရာ၌ လူကိုယ်တိုင်သွားရောက်ထည့်၏။ ဤသို့ဖြင့် ကြံ့ခိုင်ရေးမဲရအောင် ကြံစည်ကြ၏။ အတိုက်အခံဘက် ထည့်မည်ဟု သေချာသော မဲဆန္ဒရှင်များကိုတော့ မေ့တာလိုလို၊ အသက်မပြည့်တာလိုလိုနှင့် မဲစာရင်း၌ ချန်ခဲ့၏။ သွားရောက်ပြောသောအခါ သေချာစိစစ်ပါဦးမည်။ လေးရက်လောက်စောင့်ပါဟု ပြော၏။ သူတို့ချန်ခဲ့သော ပုဂ္ဂိုလ်မှာ အသက်မပြည့်သေးပြောရအောင်ကလည်း ကလေး နှစ်ယောက်ပင်ရ၍ သားသမီးသည်ပင် အမှတ် ၁၄ ကျောင်း၌ ကျောင်းတက်နေပေပြီ။

ကျွန်ုပ်တို့သည် အရမ်းစွပ်စွဲ အပုပ်ချသည်မဟုတ်။ ကျွန်ုပ်တို့၏ စူးရှထက်မြက်လှသော သတင်းထောက်များမှ တစ်ဆင့် ခိုင်လုံသော သတင်းအချက်အလက်တို့ကို ရှာဖွေတွေ့ရှိခဲ့ရပေပြီ။

ဥပမာ- မဟာအောင်မြေမြို့နယ် မဲဆန္ဒနယ်မှ ဆန္ဒမဲအမှတ်စဉ် (၅၃၉၆) ဦးရဲကျော်သူ (၉/မဟမ(နိုင်)၀၀၁၅၂၇ သည် အကွက် ၂၈၉ ၌လည်း မဲဆန္ဒစာရင်းပါ၏။ အကွက် ၂၉၄ ၌လည်း ကိုရဲကျော်သူ (၉/မဟမ(နိုင်)၀၀၁၅၂၇) အမှတ်စဉ် (၅၉၂၀)ဟု ပါပြန်၏။ ထို၌ မွေးသက္ကရာဇ် ၃-၂-၁၉၇၄ အစား ၉-၀၈-၁၉၇၃ ဟု ပြောင်းထားသည်သာ ကွာ၏။

ပုံ ၁


ပုံ ၂


ထိုကဲ့သို့ပင် အမှတ်စဉ် (၅၈၇၉) ကိုသိန်းထိုက်၊ (၅၈၈၀) မယဉ်ယဉ်ဝင်း၊ (၅၈၈၁) မောင်စိုင်းဝဏ္ဏတို့သည် အကွက် ၂၉၄ ၌ မဲဆန္ဒစာရင်းဖော်ပြထားသလို အမှတ်စဉ် (၅၄၄၈)၊ (၅၄၄၉)၊ (၅၄၅၀) ၌လည်း အကွက် ၂၈၉ အတွက် မဲစာရင်းဖော်ပြထားပြန်၏။ မှတ်ပုံတင် နံပတ်များမှာ မပြောင်းလဲ။ ဖွားသက္ကရာဇ်များကိုမူ ယခင် ရဲကျော်သူ ကဲ့သို့ပင် ပြောင်းလဲထား၏။

ပုံ ၃


ပုံ ၄


ကိုသိန်းထိုက်သည် တစ်နေရာ၌ ၉-၃-၁၉၇၂ ဖြစ်၍ အကွက် ၂၉၄ ၌ ၉-၁၀-၁၉၇၂ ဖြစ်၏။ မယဉ်ယဉ်ဝင်းသည် အကွက် ၂၈၉ ၌ ၁၂-၁-၁၉၇၄ မွေးဖြစ်၍ အကွက် ၂၉၄ ၌ ၇-၀၄-၁၉၇၄ မွေးဖြစ်၏။ သူတို့၏သား မောင်စိုင်းဝဏ္ဏမှာ အကွက် ၂၈၉ ၌ ၁၀-၉-၁၉၉၂ ဖြစ်၍ အကွက် ၂၉၄ ၌ ၂၈-၄-၁၉၉၂ ဖြစ်၏။ ဆက်လက်စုံစမ်းသိရှိရသည်မှာ သူတို့မိသားစုသည် မဟာအောင်မြေမြို့နယ်၊ ဒေးဝန်းအရှေ့ရပ်ကွက် မဲဆန္ဒကော်မရှင်ဥက္ကဌ၏ တူများဖြစ်ကြောင်း သိရှိရ၏။

ထို့အတူ ဆန္ဒမဲအမှတ်စဉ် (၅၇၅၈) ကိုမိုးဇော်ဦး၊ အမှတ်စဉ် (၅၇၅၉) မခင်မျိုးဝင်းတို့သည်လည်း အကွက် ၂၉၄ ၌ တစ်ခါပါ၏။ အကွက် ၂၉၄ ၌ပင် အမှတ်စဉ် (၅၉၁၈)၊ အမှတ်စဉ် (၅၉၁၉) တို့တွင်လည်း ကိုမိုးဇော်ဦး၊ မခင်မျိုးဝင်းတို့ ထပ်ပါပြန်၏။

ပုံ ၅


ပုံ ၆


ဤသည်မှာ ကျွန်ုပ်တို့ ဖော်ထုတ်နိုင်သေးသော လတ်တလော စာရင်းသာဖြစ်၏။ သူတို့ဆွေမျိုးများကို အသက်မပြည့်သေးဘဲ ထည့်ထားသည်မှာ ဘယ်မျှ ကျွန်ုပ်တို့ မသိနိုင်သေး။ အတွင်းရေးမှူးဆိုသူများ၏ ဆွေတော်အပေါင်း၊ မျိုးတော်ရှစ်သောင်းကိုလည်း မဖော်ထုတ်နိုင်သေး။

မဲတစ်ပြား၏ တန်ဖိုး မည်မျှရှိသည်ကို မဲရေတွက်ရာ၌ သိနိုင်၏။ ယခုပင် ၁၂ မဲမျှတွေ့ရပေပြီ။ ၁၂ မဲ နှစ်ပြန်ဆိုလျှင် ၂၄ မဲ။ ဤသို့ ပြန်ကြည့်လျှင် ခေါက်ချိုးတက်၍ သွားပေမည်။ ကင်းဝန်မင်းကြီး ဆန်ကို နှစ်ပြန်စားသလို ဖြစ်မည်ကို ပြည်သူအပေါင်း သတိကောင်းကောင်းထား၍ စောင့်ကြည့်ဖော်ထုတ်သင့်ပေကြောင်း တင်ပြအပ်ပေသည်။

ယောမင်းလေး

www.facebook.com/cjmyanmar

DTP by Nyo Gyi

(PDF ဖိုင်အား Download ရယူချင်သူများအတွက်
http://www.scribd.com/nyog_1/d/85829263-Fake-Vote-Created-by-USDP-for-2012-by-Election
တွင် Upload တင်ထားပါကြောင်း...)

18 March 2012

ညိုကြီး၏ Blog စာမျက်နှာတွင် Update Post များ မတက်သည်ကို အားမရသည့် ညိုကြီး၏ ပရိသတ်များသို့

ကျွန်တော် ညိုကြီး၏ Blog စာမျက်နှာတွင် Update Post များ မတက်သည်ကို အားမရသည့် ညိုကြီး၏ ပရိသတ်များခင်ဗျား ...

ကျွန်တော်သည် အချို့သော ဓာတ်ပုံ၊ သတင်း၊ ဗွီဒီယိုများကို Facebook တွင်သာ ပထမဦးစွာ အရင်တင်လိုက်ပြီးနောက် ကျွန်တော့်၏ ဤ Blog စာမျက်နှာတွင် တင်ပါဦးမည်ဟု အားခဲထားသော်လည်း
ညိုကြီးသည် အချိန်မလောက်ငှသောဝေဒနာသည်တစ်ဦးဖြစ်ပေရာ Facebook တွင် တင်ပြီးသော အနှီ ဓာတ်ပုံ၊ သတင်း၊ ဗွီဒီယို အစရှိသည်တို့ကို ဤ Blog တွင် ပြန်မတင်ဖြစ်သည်များလည်း ရှိနေပါသည်။

ထို့ကြောင့် Blog မိတ်ဆွေများအနေနဲ့ အချိန်အအားလေးများရှိလျှင် -

ကျွန်တော်ညိုကြီး၏ Facebook စာမျက်နှာ
www.facebook.com/nyogyi

သို့လည်း အလည်တစ်ခေါက် လာရောက်၍ သတင်း၊ ဓာတ်ပုံ၊ ဗွီဒီယိုများ မြည်းစမ်းလှည့်ပါဦးဟု အထူးမေတ္တာရပ်ခံ၊ ဖိတ်မန္တက ပြုလိုက်ရပါသည်။


ရှေ့ဆက်၊ ဆက်လက်၊ လက်တွဲ တိုက်ပွဲဝင်ကြဦးစို့ !

Nyo Gyi of Burma

03 March 2012

ဒေါ်အောင်ဆန်းစုကြည်၏ မန္တလေးခရီးစဉ် ဓာတ်ပုံများ - Mother Suu's Mandalay Trip (Photos)

ဒေါ်အောင်ဆန်းစုကြည်၏ မန္တလေးခရီးစဉ် ဓာတ်ပုံများ

From Daw Aung San Suu Kyi in Mandalay

အခြားပုံများကို အောက်က လင့်ခ်မှာ သွားကြည့်ပါ။

https://picasaweb.google.com/116723507462397308445/DawAungSanSuuKyiInMandalay?authuser=0&feat=directlink





ညိုကြီး
ရိုက်ကူးတင်ဆက်သည်

Facebook မှာလည်း တင်ထားပါတယ်။
www.facebook.com/nyogyi

https://www.facebook.com/media/set/?set=a.384773418199590.97020.100000008066345&type=3

02 March 2012

ဒေါ်အောင်ဆန်းစုကြည်အား ထောက်ခံသည့် မန္တလေးသားများကို မှတ်တမ်းတင်ထားရန် အာဏာပိုင်များအဆင့်ဆင့် ညွှန်ကြား

ဒေါ်အောင်ဆန်းစုကြည်အား ထောက်ခံသည့် မန္တလေးသားများကို မှတ်တမ်းတင်ထားရန် အာဏာပိုင်များအဆင့်ဆင့် ညွှန်ကြား

From San & Suu


ပြီးခဲ့သော ရက်များအတွင်း တစ်နေ့သ၌ ကျွန်ုပ်၏ မိတ်ဆွေတစ်ဦး မန္တလေးမြို့ပေါ်က ရဲစခန်းတစ်ခုအတွင်း အမှတ်မထင် ရောက်ရှိနေခိုက် ရဲအချင်းချင်း (သို့မဟုတ်) ရဲမှ ရပ်ကွက်ရုံး (သို့မဟုတ်) ရဲမှ စစ်ကြံ့ဖွံ့ထောက်လှမ်းရေး သတင်းပေးတစ်ဦးဦးအား ဖုန်းဖြင့် ညွှန်ကြားပြောဆိုနေသည့်အသံကို ကြားခဲ့ရရာ အကြောင်းအရာမှာ ဤသို့ဖြစ်၏။

"၂ဝ၁၂ ခုနှစ်၊ မတ်လ၊ ၃ - ၄ ရက်များတွင် ဒေါ်အောင်ဆန်းစုကြည်၏ မန္တလေးခရီးစဉ် ရှိ၏။ ဒေါ်အောင်ဆန်းစုကြည် မန္တလေးမှာ ရှိနေစဉ်အတွင်း သူမအားထောက်ခံသည့် အိမ်များက ဆိုင်းဘုတ်၊ ပိုစတာ၊ စာတမ်းများ တင်ကြလိမ့်မည်။ အဆိုပါ အိမ်များကို စာရင်းပြုစု၊ မှတ်တမ်းတင်ထားရန်"

ဟူသတည်း။

မန္တလေးမှ ရဲစခန်းတိုင်း၊ ရပ်ကွက်အာဏာပိုင်တိုင်း၊ စစ်ကြံ့ဖွံ့သတင်းပေးတိုင်း အနှီ တာဝန်ကို ယူကာ ဒေါ်အောင်ဆန်းစုကြည်အား ထောက်ခံသည့်မန္တလေးအိမ်များစာရင်းကို စောင့်ကြည့်ရယူကြမည့်သဘောရှိ၏။

(လက်ရှိ နိုင်ငံတော် သမ္မတဆိုသူက အတည်ပေါက် နားဝင်ချိုစည်းရုံး-အပြစ်ကာ စကားတွေကို မိန့်ခွန်းဆိုပြီး ပြောလိုက်။ သူ့အောက်က သူ့လူတွေက အရင်စတိုင်မပြောင်း၊နည်းညစ်နည်းဟောင်းတွေ သုံးလိုက်နဲ့ ပြဇာတ်ထဲမှာ ရှေ့ကဇာတ်လိုက် သေနတ်ပစ်ပြတာကိုကန့်လန့်ကာ နောက်ကလူက ဗျောက်သံပေးဖို့ မေ့သလိုမျိုးဖြစ်နေပြီဗျို့။

ကဲ... မန္တလေးသားတွေဘာလုပ်ကြမလဲ။ ဒီသတင်းကို မျှဝေတာက ဒေါ်အောင်ဆန်းစုကြည်ကို ထောက်ခံတဲ့နေရာမှာ မန္တလေးသားတွေ ရွံ့သွားစေဖို့၊ တွန့်သွားစေဖို့ လုံးဝ မဟုတ်ပါဘူး။ စစ်ကြံ့ဖွတ်အဆိုးရကတော့ ဒီလို ဒီလို ကြိုတင် ကြံစည်ပြင်ဆင်ထားကြပြီ...ဆိုတာ သိစေချင်လို့ပါ။ ဒီသတင်းကို သိရပြီးတဲ့နောက် ဒေါ်အောင်ဆန်းစုကြည် လာတဲ့အခါ မန္တလေးသားတွေ ဘာလုပ်ကြမလဲ။)

ဒေါ်အောင်ဆန်းစုကြည်ကို အားပေးထောက်ခံတဲ့နေရာမှာ "မကြောက်တမ်း မရွံ့တမ်း... မန်းသားတွေ အောင်ပန်း ဆွတ်ကြရပေမည်" ဆိုသည်ကိုဖြင့် ကျွန်ုပ်အနေနှင့် သံသယ တစိုးတစိမျှမရှိ၊ သေချာစွာ ယုံကြည်မိပါတော့သတည်း။ ။

(နားနှင့် ဆတ်ဆတ်ကြားခဲ့ရပြီး ပြန်လည် ဖောက်သည်ချသော မိတ်ဆွေကြီးအား ညိုကြီးက ဤစာနှင့်အတူ အလေးပြုလိုက်ရပေကြောင်း)

ညိုကြီး

၂.၃.၂၀၁၂

29 February 2012

Asia Hero General Aung San (Song) for 88 Generation Students

"အာရှသူရဲကောင်း ဗိုလ်အောင်ဆန်း သီချင်း" အား
ပန်တျာဌေးဌေးမြင့် (လမင်းတရာ) နှင့် သူမ၏ သားဖြစ်သူတို့ သီဆိုစဉ်

(၈၈) မျိုးဆက်ကျောင်းသားများအား ကြိုဆိုနှုတ်ဆက်ဧည့်ခံပွဲ

၂၈.၂.၂၀၁၂
Oriental House, Mandalay

ညိုကြီး ရိုက်ကူးသည်။

Youtube Video


Facebook Video

Than Chut (သံချပ်) for 88 Generation Students by Moustache Brother

လူရွှင်တော် ပါပါလေးနှင့် ညီအစ်ကိုများရဲ့
" အာဇာနည်ကျောင်းသားများ ကြိုဆိုရေး သံချပ် "

လူရွှင်တော် ပါပါလေး
Moustache Brothers

From 88 Generation Students


(၈၈) မျိုးဆက်ကျောင်းသားများအား ကြိုဆိုနှုတ်ဆက်ဧည့်ခံပွဲ

၂၈.၂.၂၀၁၂
Oriental House, Mandalay

ညိုကြီး ရိုက်ကူးသည်။

သံချပ် ဗွီဒီယို

Facebook Video



သံချပ်စာသား


From 88 Generation Students

88 Generation Students pay respect to Mandalay 17 Martyrs (Video)

၈၈ မျိုးဆက်ကျောင်းသားများ
မန္တလေး ၁၃၀၀ ပြည့် အာဇာနည် ၁၇ ဦး ဗိမာန်တွင် လွမ်းသူ့ပန်းခွေချ၊ ဂါရ၀ပြု သစ်ပင်စိုက်၊ အလှူငွေလှူဒါန်း

28.2.2012 (Tuesday)

၂၈.၂.၂၀၁၂ နံနက် ၉ နာရီခွဲတွင် ကိုမင်းကိုနိုင်၊ ကိုကိုကြီး၊ ကိုဌေးကြွယ်၊ ကိုဂျင်မီ၊ ကိုလှမျိုးနောင်၊ ကိုမင်းဇေယျာ၊ ကိုအောင်သူ၊ ကိုအောင်နိုင်၊ ကိုပဏ္ဍိတ်ထွန်း၊ ကိုကိုကြီး(စမ်းချောင်း)၊ မနီလာသိန်း၊ မမီးမီး၊ မမာမာဦး၊ မသက်သက်အောင် အစရှိသော ၈၈ မျိုးဆက်ကျောင်းသားများအဖွဲ့သည် မန္တလေး ၁၃၀၀ ပြည့် အာဇာနည် ၁၇ ဦး ဗိမာန်သို့ရောက်ရှိပြီး မန္တလေး ၁၃၀၀ ပြည့် အာဇာနည် ၁၇ ဦးအားရည်စူး၍ လွမ်းသူ့ပန်းခွေချခြင်း၊ အလေးပြုခြင်း၊ အလှူရှင် ကိုမြဇော်၏ အလှူငွေ ကျပ် (၈)သောင်းအား လက်ခံခြင်း၊ လက်ခံထားသည့် အလှူငွေ (၈)သောင်းကျပ်အား မန္တလေး ၁၃၀၀ ပြည့် အာဇာနည် ၁၇ ဦး ဗိမာန်ဝင်းအတွင်းစိုက်ပျိုးခါစ သစ်ပင်များ ရှင်သန်စေရန် ရေရရှိရေးအတွက် ပြန်လည်လှူဒါန်းခြင်း၊ ဗိမာန်ဝင်းအတွင်း သစ်ပင်စိုက်ခြင်း တို့ကို ဆောင်ရွက်ခဲ့ကြသည်။

၎င်းနောက် နံနက် ၁၀ နာရီတွင် ၈၈ မျိုးဆက်ကျောင်းသားများအဖွဲ့သည် စစ်ကိုင်းမြို့သို့ ဆက်လက်ထွက်ခွာသွားကြသည်။

ညိုကြီး

Youtube Video


Facebook Video

၈၈ မျိုးဆက်ကျောင်းသားများအား မန္တလေးလူထု တစ်ခဲနက်ထောက်ခံကြိုဆို - 88 Generation Students in Mandalay (Photos)

မန္တလေးရောက် ၈၈ မျိုးဆက်ကျောင်းသားများ၏ ဓာတ်ပုံများအား Nyo Gyi ၏ Facebook တွင် အားပါးတရ ကြည့်ရှုနိုင်ပါသည်။

https://www.facebook.com/nyogyi


88 Generation Students in Mandalay

By Nyo Gyi (Albums)

https://www.facebook.com/media/set/?set=a.381498761860389.96440.100000008066345&type=3

27 February 2012

မန္တလေးမှာ ကြံ့ဖွံ့ပါတီက စည်ပင်လုပ်သားများအား အသုံးချ၍ ၄င်းတို့ပါတီအတွက် မဲဆွယ်ခိုင်း - Dirty Methods of USDP

မန္တလေးမှာ ကြံ့ဖွံ့ပါတီက စည်ပင်လုပ်သားများအား အသုံးချ၍ ၄င်းတို့ပါတီအတွက် မဲဆွယ်ခိုင်း

From Dirty Methods and USDP


From Dirty Methods and USDP


From Dirty Methods and USDP


From Dirty Methods and USDP



စတုတ္ထမဏ္ဍိုင် များသို့-

ဒီနေ့ မနက် ၈ နာရီက မန္တလေးမြို့၊ ၈၂လမ်း- ၃၈လမ်းထောင့်မှာ
မန္တလေးစည်ပင်သာယာရေးကော်မတီမှ အရာရှိကြီးများနဲ့
ပြည်သူ့ရဲတပ်ဖွဲ့မှအရာရှိများပါဝင်တဲ့ ဌာနပိုင်ကားများကို တွေ့ရပါတယ်။

၎င်းယူနီဖောင်းဝတ်အရာရှိများဟာ စည်ပင်ဌာနရဲ့ သန့်ရှင်းရေးဝန်ထမ်း ၅၀ ခန့် ရဲ့
ရေစီးမြောင်းများသန့်ရှင်းခြင်း၊ လမ်းဘေးဝဲယာရှိအမှိုက်များကိုသန့်ရှင်းခြင်း၊ စည်ပင်အမှိုက်သိမ်းဌာနရဲ့
ကားများပေါ်တင်ကြခြင်းတို့ ဆောင်ရွက်တာဝန်ထမ်းဆောင်ခြင်းတို့ကို ကြည့်ရှုကြတာ တွေ့ရပါတယ်။

ဒါပေမယ့်-
သူတို့အမှိုက်သိမ်းဝန်ထမ်းများဟာ ယူနီဖောင်းအစား ကြံ့ခိုင်ရေးပါတီရဲ့
တံဆိပ်များပါဝင်သောတီရှပ်များကိုဝတ်ဆင်ကြပြီး အပေါ်ဝေ့ကုတ်စည်ပင်ဝတ်စုံများဝတ်ထားခြင်း၊ ကြံခိုင်ရေးပါတီအမှတ်တံဆိပ်ပါ ဦးထုပ်အစိမ်းရောင်များ ဆောင်းထားခြင်း၊ စည်ပင်အမှိုက်သိမ်းကားယာဉ်မောင်းဟာ စည်ပင်ဝတ်စုံဖြစ်တဲ့ နက်ပြာဝတ်စုံဝတ်ဆင်ပြီး ယင်းပါတီဦးထုပ်များ ဆောင်းထားခြင်းတို့ကို တွေ့ခဲ့ရပါတယ်။

မနေ့ကမှဖတ်ခဲ့ရတဲ့ ပြည်သူ့ခေတ်ဂျာနယ်၊ စာမျက်နှာ၃၀ မှာ ဆောင်းပါးရှင်
ဝင်းထွဋ်ဇော်ရဲ့ ((ဒီမိုကရေစီနိုင်ငံရေးယဉ်ကျေးမှုတည်ဆောက်ဖို့))
ဆောင်းပါးမှာရေးသားထားချက်နဲ့ဆိုရင်
ဒီလှုပ်ရှားမှုဟာ တရားမျှတမှုမရှိဘူးလို့ ထင်ပါတယ်။

စတုတ္ထမဏ္ဍိုင်များ သိစေရန်တင်ပြအပ်ပါတယ်။

ကိုဝင်းဇော်ဦး
မန္တလေး

-----------------------------------------------------
(ဓာတ်ပုံများနှင့်တကွ သတင်းပေးပို့သော မန္တလေးမှ ကိုဝင်းဇော်ဦး အား ညိုကြီး က ကျေးဇူးအထူးတင်ပါကြောင်း)

ဆင်းရဲနွမ်းပါးမှုလျှော့ချရေးနှင့် ၂လုံး၊၃လုံး၊ဘောလုံးဒိုင်များ - Gambling in Myanmar

ဆင်းရဲနွမ်းပါးမှုလျှော့ချရေးနှင့် ၂လုံး၊၃လုံး၊ဘောလုံးဒိုင်များ
( ပြည်ထဲရေးဝန်ကြီး သိစေလိုပါသည် )

၂လုံး၊၃လုံးလောင်းကစားမှာ မြန်မာနိုင်ငံတွင် ဆယ်စုနှစ် ၂စု ကျော်မျှ နိုင်ငံသားမျာ၏ ၀င်ငွေများအား ဂုတ်သွေးစုပ်နေသည်မှာ အားလုံးအသိပင်ဖြစ်ပါသည်။ နိုင်ငံတော်အစိုးရမှ ဆင်းရဲနွမ်းပါးမှုလျှော့ချရေးအတွက် ၂လုံး၊၃လုံးထီနှင့် ဘောလုံးလောင်းကစားအမျိုးမျိုးကို ကင်းစင်ပပျောက်အောင် ဆောင်ရွက်မည်ဟု သိရသည့် အခါ အလွန်ပင်ဝမ်းသာမိပါသည်။ ကျွန်တော်တို့နိုင်ငံတွင် ၂လုံး၊၃လုံးနှင့် ဘောလုံးလောင်းကစားသူများမှာ အများအားဖြင့်ဝင်ငွေနည်းပါးသော ကျေးလက်ပြည်သူများဖြစ်ပါသည်။ သူတို့၏ရိုးသားမှုအပေါ် လောင်းကစား၏ မက်လုံးပေးမှုများကြောင့် မိသားစုစားဝတ်နေရေးပြေလည်စေခြင်းအလို့ငှာ ရှိစုမဲ့စုနှင့် မျှော်လင့်ကာ ကစားကြပါသည်။ သို့သော် သူတို့မျှော်လင့်သလိုမဖြစ်ပဲ အချို့ဆိုလျှင် အိမ်ထောင်များပျက်စီးခြင်း ရပ်ကွက်ထဲမှ ထွက်ပြေးခြင်း၊ မိမိကိုယ်ကိုအဆုံးစီရင်ခြင်း စသောဆိုးရွားလှသည့် အဖြစ်များကို ကျွန်တော်တို့ မကြာခဏတွေ့မြင်ကြားသိနေကြရပါသည်။

မိရိုးဖလာဥယျာဉ်လုပ်ငန်းဖြင့် အတော်အသင့်အဆင်ပြေသော ကျွန်တော်တို့ မိသားစုတွင်ပင် အဖေ၏ဘောလုံးလောင်းခြင်း၊ အမေ၏ ၂လုံး၃လုံးလောင်းခြင်းတို့ကြောင့် တစ်နှစ်ပြီးတစ်နှစ် ငွေကြေးအများအပြား ဆုံးရှုံးနေရပါသည်။ ဤသို့လောင်းကစားခြင်းကြောင့် ပြည်သူများ၏၀င်ငွေများမှာ လောင်းကစားဒိုင်များနှင့် လိုင်းကြေးကောက်သော အကျင့်ပျက် ရဲများထံသာရောက်ရှိနေရပါသည်။ ကျွန်တော်တို့ မြိတ်မြို့တွင် ၂၀၁၁ခုနှစ် ၆လပိုင်း ရလပိုင်း လောက်ကတော့ လောင်းကစားဒိုင်များရပ်နားသွားကြပါသည်။ ယခုပြန်၍ ယခင်အတိုင်း မြို့ပေါ်ကျေးရွာ အနှံအပြားမှာ လောင်းကစားဒိုင်များ ပြန်လည်လုပ်ကိုင်နေသည်ကိုတွေ့ရပါသည်။ ကျွှန်တော်တို့ မြို့သစ်ဈေးထဲတွင် လောင်းကစားဒိုင်များသည် ရဲအဖွဲ့များအား လိုင်းကြေးပေးပြီး ပြောင်ပြောင်တင်းတင်းပင် ရောင်းချနေကြပါသည်။

ပြီးခဲ့သော ၁လပိုင်းက လူကြီးလာမည်ဆို၍ လောင်း ကစားဒိုင်များအား ရဲများကတစ်ပါတ်နားရန်ပြောသည်ဟုသိရပါသည်။ ယခုပြန်၍ ရောင်းချနေပြန်သည်။ တစ်ကယ်ဖမ်းလျှင် တစ်ကယ်မလုပ်ရဲကြပါ ထိထိရောက်ရောက်နှင့် ကင်းစင်ပပျောက်အောင် ဆောင်ရွက်ပေးကြပါဟု နိုင်ငံအကျိုးကို လိုလားသော နိုင်ငံသားတစ်ယောက်အနေနှင့် ရေးသားလိုက်ပါသည်။

PP

(ယနေ့ ကျွန်ုပ်၏ bigbbrown@gmail.com ထဲသို့ Feb 24, 2012 က ရောက်ရှိလာသော စာတစ်စောင်ဖြစ်ပါသည်)
(စာအောက်ခြေမှာ ကလောင်နာမည်မပါတော့ ပို့သူနာမည်အတိုကောက် PP ကိုပဲ ကလောင်နာမည်အဖြစ်ယူလိုက်ပါသည်)

19 February 2012

အမေစုကို မန်းကျုံးဘေးမှာ မဏ္ဍပ်ထိုးပြီး ကြိုရအောင် - A Plan from Mandalay to Welcome Mother Suu

From San & Suu


ဒေါ်အောင်ဆန်းစုကြည် မန္တလေးကိုလာတဲ့အခါ
နန်းတော်ကျုံးဘေးပတ်လည်မှာ မဏ္ဍပ်တွေထိုးပြီး ကြိုဆိုကြရအောင် !

မန်းသင်္ကြန်လို ကျုံးဘေး ပတ်ပတ်လည်မှာ မဏ္ဍပ်တွေဆောက်။
ဒေါ်အောင်ဆန်းစုကြည်က ကျုံးဘေးတစ်နေရာမှာ အကြီးမား၊ အခမ်းနားဆုံး ဆောက်လုပ်ထားတဲ့ မဏ္ဍပ်ကြီး တစ်ခုပေါ်ကနေ မိန့်ခွန်းပြော။
ကျန်တဲ့ မဏ္ဍပ်တွေပေါ်မှာ Led TV ကြီးတွေ (ဒါမှမဟုတ်) Projector နဲ့ ပိတ်ကားစကြီးတွေထားပြီး ဒေါ်အောင်ဆန်းစုကြည်မိန့်ခွန်းပြောတာကို တိုက်ရိုက်ထုတ်လွှင့်ပြသ။
ကဲ...! တွေးကြည့်ရုံနဲ့တင် ဘယ်လောက်များ ကျေနပ်အားရစရာ ကောင်းလိုက်မတုန်း။

Nyo Gyi

13 February 2012

Blood Donation Ceremony as a Tribute to 97th Birthday of General Aung San

ဗိုလ်ချုပ်အောင်ဆန်း၏ (၉၇)နှစ်မြောက်မွေးနေ့အထိမ်းအမှတ် သွေးလှူဒါန်းပွဲ

From Burmese Martyrs


From Burmese Martyrs


မြင့်မြတ်ဧရာဝတီ လူမှုကွန်ယက်၏ ပဉ္စမအကြိမ်မြောက် သွေးလှူဒါန်းပွဲကို ဖေဖော်ဝါရီ(၁၃)ရက်နေ့တွင် ကျရောက်သော အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ (၉၇)နှစ်မြောက်မွေးနေ့ကို ဂုဏ်ပြုသော အထိမ်းအမှတ်အဖြစ် ကျင်းပပါမည်။

သွေးလှူပွဲကျင်းပမည့် နေရာ

ကံတက်ကုန်းကုသိုလ်ဖြစ်အခမဲ့ဆေးခန်း
ကံတက်ကုန်းမစိုးရိမ်ကျောင်းတိုက်
၅၅ လမ်း၊ ၄ဝ - ၄၁ လမ်းကြား၊ ရဲမွန်တောင်ရပ်၊
မဟာအောင်မြေမြို့နယ်၊ မန္တလေး။

အချိန်

နံနက် (၉)နာရီတွင် စတင်လှူဒါန်းပါမည်

နေ့ရက်

ဖေဖော်ဝါရီ (၁၃) ရက်၊ ၂ဝ၁၂
တပို့တွဲလပြည့်ကျော် (၆) ရက်။

မြင့်မြတ်ဧရာဝတီ လူမှုကွန်ယက်

----------------------------------------------------------
(ဝန်ခံချက်-

အထက်ပါပုံမှ နောက်ခံ သွေးစက်ပုံအား
မှ ရယူပါသည်။

Nyo Gyi)

12 February 2012

Fallen Students' Day at Mandalay - မြောက်ပိုင်းတွင် ကြွေလွင့်သွားသော ကျောင်းသားများ အမှတ်တရနေ့

မြောက်ပိုင်းတွင် ကြွေလွင့်သွားသော ကျောင်းသားများ အမှတ်တရနေ့

ဘုံပျံတောရ မြဝတီမင်းကြီးကျောင်းတိုက်၊ မန္တလေးမြို့

၁၂-၂-၂ဝ၁၂ (တနင်္ဂနွေ)







11 February 2012

အာဇာနည် (၁၇)ဦးဗိမာန် သန့်ရှင်းရေးနှင့် ရည်စူးအမျှဝေ ဆွမ်းလောင်းလှူပွဲ - Sanitation around the Building of Building from Mandalay

မန္တလေး၊ ၁၃၀၀ ပြည့် အာဇာနည် (၁၇)ဦးဗိမာန် သန့်ရှင်းရေးနှင့်
အာဇာနည် (၁၇)ဦးအား ရည်စူးအမျှဝေ၍ သံဃာတော်များအား ဆွမ်းလောင်းလှူပွဲ


From Burmese Martyrs


From Burmese Martyrs


နေ့ရက် - ၁၀၊ ၂၊ ၂၀၁၂ (သောကြာနေ့)
အချိန် - နံနက် ၇ နာရီမှ နေ့လည် ၁ နာရီ ခန့် အထိ

From Burmese Martyrs


From Burmese Martyrs


စိမ်းရောင်စို၊ ချမ်းမြသုခ၊ ဘ၀အလင်း၊ NLD၊ မန်းစည်ပင် အစရှိတဲ့ အဖွဲ့အစည်းများ၊ ဘာသာပေါင်းစုံမှ ရဟန်းဘုန်းကြီးလူပုဂ္ဂိုလ်များ၊ ပြည်သူများ၊ ကျောင်းသားကျောင်းသူများက မန္တလေး၊ ၁၃၀၀ ပြည့် အာဇာနည် (၁၇)ဦးဗိမာန် သန့်ရှင်းရေး ၀ိုင်းဝန်းဆောင်ရွက်ခဲ့ကြပါကြောင်း...။

From Burmese Martyrs


အမှိုက်ခြုံနွယ်များ ရှင်းလင်းပြီးနောက်

၁၃၀၀ ပြည့် အရေးတော်ပုံတွင် မန္တလေး ကျဆုံးခဲ့သော အာဇာနည် ၁၇ ဦးအား ရည်စူး၍ အမျှပေးဝေခဲ့ကြကြောင်း သိရပါတယ်။

ညိုကြီး

From Burmese Martyrs

အမှိုက်ခြုံနွယ်များ ရှင်းလင်းပြီးနောက်တွေ့ရသော မန္တလေး၊ ၁၃၀၀ ပြည့် အာဇာနည် (၁၇)ဦးဗိမာန်ဝင်းအတွင်း မြင်ကွင်း

09 February 2012

To Raise Funds for Political Prisoners of Burma - စည်းချက်ညီ (ရန်ပုံငွေရှာဖွေရေးအဖွဲ့)

နိုင်ငံရေးအကျဉ်းသားမိသားစုများ အကျိုးဆောင်ကွန်ယက်
စည်းချက်ညီ (ရန်ပုံငွေရှာဖွေရေးအဖွဲ့)

From Historic Poems

သို့ ......
ဆရာ/ဆရာမ
.............................
.............................
နေ့စွဲ

ကျွန်တော်များ စည်းချက်ညီမှ ဆရာ/ဆရာမတို့၏ သုံးကြောင်း၊ ငါးကြောင်း ကဗျာစာမူများနှင့် တွဲဖက်ပြီး လက်ရေးပို့စကဒ်များ ထုတ်ဝေဖြန့်ချိရောင်းချသွားမည်ဖြစ်ပါသည်။ အနုပညာရှင်များ၊ ကဗျာဆရာများက မိမိတို့ တတ်စွမ်းသမျှ အနုပညာဖြင့် ပါဝင်ရေးသားပံ့ပိုးပေးပါရန် မေတ္တာရပ်ခံအပ်ပါသည်။

ကျွန်တော်တို့၏ ရည်ရွယ်ချက်မှာ ထောင်အသီးသီးတွင် ကျန်ရစ်နေဆဲဖြစ်သည့် နိုင်ငံရေးအကျဉ်းသားများအတွက် ဆေးဝါး၊ အစားအစာ၊ စာအုပ်စာတမ်း စသည့်လိုအပ်ချက်များကို ရရှိလာသော ရန်ပုံငွေများနှင့် သုံးစွဲဝယ်ယူပြီး သွားရောက်ပေးပို့မည်ဖြစ်ပါသည်။

ယခု (၆.၂.၂၀၁၂) ကျိုက္ကဆံဘုရားပွဲတော်မှ စတင်ပြီး ဆိုင်ခန်းဖွင့်၍ အနုပညာပစ္စည်းများ၊ တီရှပ်၊ အိတ်၊ လွယ်အိတ်၊ ပို့စကဒ်နှင့် စာအုပ်များကို ရန်ပုံငွေရရှိရန် ရောင်းချသွားမည်ဖြစ်သည့်အတွက် ကျွန်တော်တို့နှင့်အတူ ပူးပေါင်းပါဝင်အားပေးကြပါရန် လေးစားစွာ တိုက်တွန်းနှိုးဆော်အပ်ပါသည်။

ညီညီထွန်း (မီးဒုတ်)
တာဝန်ခံ
၀၉ ၇၃၂၃၈၃၉၆

စည်းချက်ညီ
(ရန်ပုံငွေရှာဖွေရေးအဖွဲ့)

06 February 2012

ပွင့်သစ်လွင်ပြင် ပန်းချီပြပွဲ(မန္တလေး) ကို ကြံ့ဖွတ်က ခြိမ်းခြောက် - USDP Attacks NLD's Art Show in Mandalay

မန္တလေး၌ NLD က ကြီးမှူးကျင်းပသည့် ပွင့်သစ်လွင်ပြင် ပန်းချီပြပွဲ ကို ကြံ့ဖွတ်က ခြိမ်းခြောက်

From Pwint Thit Lwin Pyin Art Show (Mandalay, 2012)


မန္တလေး၊ ၈၄ လမ်းနှင့် ၃၁ လမ်းထောင့်ရှိ ဓမ္မသာလ ဗိမာန်၌ ၂၀၁၂၊ ဖေဖော်ဝါရီ ၄၊ ၅၊ ၆ သုံးရက်တာ NLD က ကြီးမှူးကျင်းပပြီး ခင်းကျင်းပြသနေသည့် ပွင့်သစ်လွင်ပြင် ပန်းချီပြပွဲ၏ တာဝန်ခံတစ်ဦးဖြစ်သူ ဦးကျော်မိုးသာ ၏ နေအိမ်ကို (၂၀၁၂၊ ဖေဖော်ဝါရီ၊ ၅) ရက် နံနက်အစောပိုင်းက ကြံ့ခိုင်ရေးနှင့် ဖွံ့ဖြိုးရေး(အတိုကောက် - ကြံ့ဖွတ်)ပါတီမှ ဦးမြမောင် (လက်ဖက်ခြောက်လုပ်ငန်းပိုင်ရှင်၊ မန္တလေး) ဆိုသူ ရောက်လာပြီး ခြိမ်းခြောက်ပြောဆိုခဲ့ကြောင်း ကြားသိရပါသည်။

ကြံ့ဖွတ်မြမောင် လာရောက်ချိန်၌ ဦးကျော်မိုးသာသည် ၄င်း၏ နေအိမ်၌ မရှိပေ။ ဦးကျော်မိုးသာ၏ သားဖြစ်သူနှင့်သာ တွေ့ဆုံသွားပြီး အဆိုပါ ကြံ့ဖွတ်မြမောင်က ပြောဆိုသည်မှာ...
၁။ " ဒီကောင်မပုံတွေပဲ နေရာတကာတွေ့နေရတယ်။ မော်ဒယ်လ်ကျနေတာပဲ " ဟု နေအိမ်တွင်းချိတ်ဆွဲထားသော ဒေါ်အောင်ဆန်းစုကြည်ပုံပါ ပြက္ခဒိန်ပိုစတာများကို ကြည့်ပြီး ပြောဆိုခဲ့သည်ဆို၏။
၂။ အဆိုပါ ကြံ့ဖွတ် မြမောင်ကပင် ဆက်လက်၍ -
"ပွင့်သစ်လွင်ပြင် ပန်းချီပြပွဲမှာ ဦးကျော်မိုးသာ၏ ပန်းချီကားရောင်းရသည်ကြားကြောင်း။ ပွင့်သစ်လွင်ပြင်ပန်းချီပြပွဲမှာ ရောင်းရသည့် ပန်းချီဆရာများ၏ နာမည်များစာရင်း၊ ၄င်းရောင်းရသည့်ပန်းချီကားများကို ၀ယ်ယူသွားသော ပန်းချီကားဝယ်ယူသူများစာရင်းနှင့် ၀ယ်ယူသူများ၏ နေရပ်လိပ်စာအတိအကျများ ရယူလိုကြောင်း"
ဆက်ပြောပြန်သည်ဆို၏။

အဆိုပါ ကြံ့ဖွတ်မြမောင်သည် ၄င်းနှင့် မသက်ဆိုင်ဘဲ NLD က ကြီးမှူးကျင်းပသည့် ပွင့်သစ်လွင်ပြင် ပန်းချီပြပွဲမှ ပန်းချီကားရောင်းရသူ ပန်းချီဆရာများနှင့် ပန်းချီးကားဝယ်ယူသူများစာရင်း(နေရပ်လိပ်စာအပါအ၀င်) တောင်းယူရသည့် အကြောင်းရင်းမှာ မည်သည့်ကြောင့်နည်း။

ပန်းချီဆရာများနှင့် ပန်းချီကားဝယ်ယူသူများကို ၄င်းတို့ ကြံ့ဖွတ်ပါတီက တစ်ခုခု လုပ်ပစ်ရန် ကြံစည်နေသလော...။ စဉ်းစားစရာ များစွာရှိလာရပေပြီ။
ဒီပဲယင်း နှင့် ၂၀၀၇ စက်တင်ဘာ အရေးအခင်းများတွင် ကြံ့ဖွတ်များ အသုံးပြုခဲ့သည့် လူသတ်၊ဖမ်း၊ခြိမ်းခြောက်သည့်နည်းလမ်းများကို ယခုလို လင်းပွင့်ရမည့် ခေတ်ရောက်သည်အထိ ကြံ့ဖွတ်ပါတီက အသုံးပြုနေသည်ကို မန္တလေးမှ အဆိုပါ ကြံ့ဖွတ်မြမောင်တို့လို လူစားမျိုးကိုကြည့်ကာ အကဲဖြတ်နိုင်ကြပါစေကုန်သတည်း။

သာဓု... သာဓု... သာဓု။

မန္တလေးမှ ပန်းချီချစ်သူတစ်ဦး