ဆောင်းမခိုတဲ့ အာဃာတနဲ့ ဘာသာမသိတဲ့ ကျည်ဆံ - အောင်သစ်ကြည်

ဆောင်းမခိုတဲ့ အာဃာတနဲ့ ဘာသာမသိတဲ့ ကျည်ဆံ

အောင်သစ်ကြည်

ပိတောက်ပွင့်သစ် စာပေအနုပညာမဂ္ဂဇင်း
အမှတ် (၆၁)၊ ဒီဇင်ဘာလ၊ ၂၀၁၅ ခုနှစ်

ဒေါက်တာကြည်မို့မို့လွင် (သို့မဟုတ်) ဇီးပင်ကြီးသူရဲကောင်း

ဒေါက်တာကြည်မို့မို့လွင် (သို့မဟုတ်) ဇီးပင်ကြီးသူရဲကောင်း

ကြီးနှစ်ကြီး

မြန်မာနိုင်ငံတွင် ဝန်ထမ်းများအကြားရေပန်းစားသော ကြီးနှစ်ကြီးရှိသည်။ ဖောင်ကြီးနှင့် ဇီးပင်ကြီး။ ထိုကြီးနှစ်ကြီးကို ကျော်ဖြတ်ပြီးမှသာ ဝန်ထမ်းများအဖို့ရာ ဝန်ထမ်းဘဝရာထူးတိုး သို့မဟုတ် ဝန်ထမ်းအဖြစ် ခန့်အပ်ခံရရေးကို အစဉ်းစားခံရပေမည်။ ထိုကြီးနှစ်ကြီးကို မဖြတ်မနေရ။ ပြည်ထောင်စု(သမ္မတ)မြန်မာနိုင်ငံတော်၊ ဝန်ထမ်းရွေးချယ်လေ့ကျင့်ရေးအဖွဲ့က ဖွင့်လှစ်သည့် ဗဟိုဝန်ထမ်းတက္ကသိုလ်(အောက်မြန်မာပြည်)နှင့် ဗဟိုဝန်ထမ်းတက္ကသိုလ်(အထက်မြန်မာပြည်)။ ဝန်ထမ်းအများစုကတော့ ဖောင်ကြီးနှင့် ဇီးပင်ကြီးဟုပင် လွယ်လွယ်အမှတ်သညာပြုထားကြသည်။

ထိုအချိန်

အချိန်ကာလကား ၂ဝ၁ဝ ခုနှစ်။ အာဏာရှင်စနစ်ကို ရွံမုန်းသူ ပြည်သူလူထုကြီးနှင့် အမျိုးသားဒီမိုကရေစီအဖွဲ့ချုပ်က သပိတ်မှောက်ခဲ့သော အထွေထွေရွေးကောက်ပွဲကျင်းပရာ ကာလ။ ထိုရွေးကောက်ပွဲကာလနှင့် တိုက်ဆိုင်စွာပင် ဇီးပင်ကြီး ခေါ် ပြင်ဦးလွင်မြို့နယ်၊ ဗဟိုဝန်ထမ်းတက္ကသိုလ်(အထက်မြန်မာပြည်)တွင် ဒေါက်တာကြည်မို့မို့လွင်သည် သူ၏ ဆရာဝန်ဝန်ထမ်းဘဝကို ဇီးပင်ကြီးသင်တန်းသားအဖြစ်နှင့် ဖြတ်သန်းနေခဲ့ရသည်။ သင်တန်းမှာ ၂ဝ၁ဝ ခုနှစ်၊ စက်တင်ဘာ (၇)ရက်နေ့မှ ဒီဇင်ဘာ (၉)ရက်နေ့အထိ ဖွင့်လှစ်ခဲ့သော အရာထမ်းအခြေခံသင်တန်း အမှတ်စဉ် (၃၃)။

ဒေါက်တာကြည်မို့မို့လွင်တို့လို လက်ထောက်ဆရာဝန်အဆင့်များအပါအဝင် အခြားဝန်ကြီးဌာနများမှ ဦးစီးအရာရှိအဆင့်များသည် "ဇေယျ" ဟူသော အမည်အောက်တွင် တစ်စုတစ်စည်းတည်း သင်တန်းတက်ကြရသည်။ ထိုအချိန်က ဆရာဝန်များအဖို့ ထိုသင်တန်းဆင်းလက်မှတ်ရမှသာ ဘွဲ့လွန်ဝင်ခွင့်စာမေးပွဲ ဖြေဆိုခွင့်ရှိသည်။ (ယခုအခါ၌မူ ထိုသင်တန်းပြီးမှသာ ဝန်ထမ်းဆရာဝန်ဖြစ်ခွင့်ရှိတော့သည်။) အခြားဝန်ကြီးဌာနများမှ ဦးစီးအရာရှိများအဖို့ရာလည်း ထို့အတူပင်။ ထိုသင်တန်းပြီးမှသာ ရာထူးတိုး အစဉ်းစားခံရမည်ဖြစ်သည်။ ဇေယျအပြင် ဗလ၊ သူရိန်၊ အကြိုဇေယျ၊ မဟာဇေယျ စသဖြင့် ဝန်ထမ်းရာထူးအဆင့်ဆင့်အတွက် အမည်အမျိုးမျိုးပေးထားသော သင်တန်းများရှိသည်။ သင်တန်းတက်ရသည်က ဇေယျအဖို့ (၃)လ။

ဘာတွေသင်

ဇီးပင်ကြီးက သင်တန်းဆရာများကတော့ စာသင်တာမဟုတ်ပါ၊ ဆွေးနွေးတာပါဟု ပြော၍ သမိုင်း၊ နိုင်ငံရေး၊ မွေးမြူရေး၊ စီမံခန့်ခွဲရေး အစရှိသည်ကို နည်းနည်းစီ သင်ကြားပို့ချကြသည်။ သို့သော် သမိုင်းနှင့်နိုင်ငံရေးသင်ခန်းစာများမှာ စစ်အာဏာရှင် သတင်းစာဆောင်းပါးများ၏ အာဘော်များနှင့် သိပ်မကွာလှ။ ထိုအချိန်က ခေတ်စားနေသည့် The Voice ဂျာနယ် ဝါဒများကိုလည်း ပို့ချကြသည်။ သင်တန်းသူတစ်ဦးနှင့် သင်တန်းသားတစ်ဦးက ခေါင်းစဉ်တစ်ခုအတွက် စင်ပေါ်တက်၍ အလှည့်ကျ ဟောကြားဆွေးနွေးရသည့် အစီအစဉ်တွေလည်း ပါဝင်သည်။ ဂျပန်ခေတ်မောင်းပြန်သေနတ်အစုတ်များနှင့် ကျည်ဆန်(၁၅)တောင့်ပစ်ပြရ၊ သေနတ်ထမ်းခြေထောက်မြှောက်တန်းစီပြရသည့် အစီအစဉ်တွေလည်း ပါဝင်သည်။ (ယခုအခါ သေနတ်အဟောင်းများကို သေနတ်အကောင်းများနှင့် လဲထားသည်ဟု ကြားသိရသည်။)

ဇာတ်လမ်းရဲ့အစ

(၇-၁၁-၂ဝ၁ဝ)တွင် အထွေထွေရွေးကောက်ပွဲကျင်းပသည်။ (၁၃-၁၁-၂ဝ၁ဝ)တွင် ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်လာသည်။ ဒေါ်အောင်ဆန်းစုကြည်အနေဖြင့် ယင်းရှေ့ (၂၁) နှစ်တာကာလအတွင်း စုပေါင်းရေတွက်သော် (၁၅)နှစ်ခန့် နေအိမ်အကျယ်ချုပ်အဖြစ် အာဏာရှင်များ၏ ချုပ်နှောင်မှုကိုခံခဲ့ရသည်။ ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်သည့်အခါ မြန်မာပြည်တဝှမ်းမှ ပြည်သူလူထုအများစုကြီးနည်းတူ ထိုအချိန်က ဇီးပင်ကြီးသင်တန်းတက်ရောက်နေသော ဝန်ထမ်းများလည်း ပျော်ရွှင်ကြသည်။ အားတက်ဝမ်းသာကြသည်။

ပြဿနာအမှတ်တစ်

ရွေးကောက်ပွဲအကြိုကာလ၌ ဇီးပင်ကြီးမှ ဝန်ထမ်းသင်တန်းသားများအား လက်ရှိအာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီအတွက် ကြိုတင်မဲများပေးရန် ဖိအားပေးနေသည်ဟူသော သတင်းများသည် နိုင်ငံခြားမှ ထုတ်လွှင့်သည့် မြန်မာရေဒီယိုသတင်းဌာနများနှင့် အင်တာနက်စာမျက်နှာများထက်တွင် ပလူပျံပါဝင်လာသည်။

ပြဿနာအမှတ်နှစ်

ဖောင်ကြီး၊ ဇီးပင်ကြီးသင်တန်းတိုင်းတွင် ကြုံရလေ့ရှိသည့် မှိုင်းတိုက်သူနှင့် မှိုင်းမကြိုက်သူပြဿနာဟု ဆိုလျှင် မမှားချေ။ အာဏာရှင့်အာဘော်များကို ကြားရနာရသည့်အခါ နလပိန်းတုံး မဟုတ်သော ဝန်ထမ်း သင်တန်းသူ၊ သင်တန်းသားများဘက်မှ ပြန်လှန် လှောင်ထေ့သံများ တသောသောညံလာခဲ့ကြရသည်။ အထူးသဖြင့် ဒေါက်တာကြည်မို့မို့လွင်တက်ရောက်နေသော ဇီးပင်ကြီးသင်တန်းအချိန်ကာလသည် မြန်မာပြည်နိုင်ငံရေးရေချိန်အလှုပ်နှင့်တိုက်ဆိုင်နေရာ သင်တန်းသူများနှင့် သင်တန်းသားများ မကြုံစဖူးအောင် စည်းလုံးရင်းနှီး၍ အာဏာရှင်စနစ်ကို အပြောင်ကြီးပြောင်၊ အလှောင်ကြီးလှောင်ကြတော့သည်။ (၄င်း အရာထမ်းအခြေခံသင်တန်း အမှတ်စဉ် (၃၃)ပြီးနောက်ပိုင်း ဖွင့်လှစ်သော သင်တန်းအမှတ်စဉ် (၃၄)တွင် သင်တန်းသားသပ်သပ်၊ သင်တန်းသူသပ်သပ် ခွဲခြားပို့ချခဲ့ရသည်အထိပင် ဖြစ်ခဲ့သည်ဟုသိရသည်။)

ထန်းသီးကြွေခိုက် ကျီးနင်းခိုက်

ထိုသို့ ကြိုတင်မဲသတင်းများတက်လာပြီး မရှေးမနှောင်းမှာပင် ဇီးပင်ကြီးတွင် ဇေယျသင်တန်းမှ ဒေါက်တာကြည်မို့မို့လွင်နှင့် လယ်ယာစိုက်ပျိုးရေးမှ ဦးစီးအရာရှိအမျိုးသားတစ်ယောက်တို့သည် စင်ပေါ်တက်၍ တက်ရောက်ဆွေးနွေးရန် အလှည့်ကျလာသည်။ ဆွေးနွေးရမည့် ခေါင်းစဉ်အမည်က "ပြည်ထောင်စုစိတ်ဓာတ်"။ ဒေါက်တာကြည်မို့မို့လွင်က စပြီး ဟောပြောရသည်။ ထိုစဉ်က သူ့အသက်က (၂၈)နှစ်ခန့်အရွယ်။ လက်ရှိတာဝန်ထမ်းဆောင်နေသည်က နာမည်ကျော် ကျောက်ဆည်မြို့ပြည်သူ့ဆေးရုံမှာ ဝန်ထမ်းဆရာဝန်။ ဒေါက်တာကြည်မို့မို့လွင်ကား ကြောက်ရွံ့ခြင်းမှ ကင်းလွတ်သူ တစ်ဦး။ ထိုဟောပြောပွဲမှာ သူပြောခဲ့သည့် စကားတစ်ခွန်းကိုပင်ကြည့်။ "........... သူတို့ အာဏာရှင်တွေ သူတို့ဘာသာသူတို့ စည်းလုံးကြသလို ကျွန်မတို့ပြည်သူတွေဘက်ကလည်း ပြည်သူပြည်သားအချင်းချင်း တသွေးတသားတည်း စည်းလုံးကြမှဖြစ်မယ်။ ............ တိုင်းရင်းသားစည်းလုံးညီညွတ်ရေးဆိုတာ အလိမ်အညာတွေနဲ့ တည်ဆောက်လို့မရဘူး။ စေတနာမျိုးစေ့မှန်မှ စိုက်တဲ့အပင်က သန်မှာပေါ့"။ လက်ခုပ်သံများ ညံသွားသည်။ နားထောင်နေသည့် ဝန်ထမ်းသင်တန်းသူသင်တန်းသားများက ကောင်းချီးသြဘာပေးကြသည်။ ထို့နောက် လယ်ယာစိုက်ပျိုးရေးမှ အသက်(၄၄)နှစ်ခန့် ဦးစီးအရာရှိအမျိုးသားကလည်း တက်ရောက်ဟောပြောဆွေးနွေးသည်။ ထိုဆရာကလည်း မိုးကျရွှေကိုယ်ကိစ္စများ၊ နယ်ခြားစောင့်တပ်ကိစ္စများ ထည့်သွင်း ဆွေးနွေးခဲ့သည်။ အုန်းအုန်းထ အားပေးကြသည်။ လာရောက်နားထောင်သည့် ဇီးပင်ကြီးမှ တာဝန်ရှိသူများကတော့ မျက်စိမျက်နှာ ကွက်ခနဲ ပျက်သွားလေသည်။

ငြိုးမာန်ဖွဲ့လေသလား

ဒေါက်တာကြည်မို့မို့လွင်တို့ ထိုသို့ ဟောပြောဆွေးနွေးသည်မှာ သင်တန်းကာလ(၃)လ၏ တစ်ဝက်၊ ၂ဝ၁ဝ ခုနှစ်၊ အထွေထွေရွေးကောက်ပွဲမတိုင်မီကာလ၊ အောက်တိုဘာ-နိုဝင်ဘာ စပ်ကူးမတ်ကူး။ သင်တန်းဆင်းရမည်က ဒီဇင်ဘာလ (၉)ရက်နေ့။ သင်တန်းဆင်းရမည်ဆိုတော့ ဖောင်ကြီး၊ ဇီးပင်ကြီးတို့ထုံးစံအတိုင်း စစ်ရေးပြအခမ်းအနားတွေဘာတွေ ပါလာသည်။ သံချေးတက်နေသည့် ဂျပန်ခေတ်မောင်းပြန်သေနတ် ကိုယ်စီထမ်းကာ သင်္ကြန်ယိမ်းကသလို ဟိုဘက်တိုးလိုက်ဒီဘက်တိုးလိုက်၊ ဟိုကွေ့ဒီလျှောက်လေ့ကျင့်ကြရသည်။ အားလုံး သတိ၊ အေးစေ၊ သက်သာတွေဘာတွေ လုပ်ကြရသည်။ ဒီဇင်ဘာ (၉)ရက် စစ်ရေးပြ အခမ်းအနားမတိုင်ခင် သုံးရက်ခန့်အလိုတွင် ဒေါက်တာကြည်မို့မို့လွင်ထံ သင်တန်းက အကြောင်းကြားလာသည်။ အာတီယူ (Return to Mother Unit) ဆိုလျှင် တော်ဦးမည်။ အခုက တိုင်းရင်းသားစည်းလုံးညီညွတ်မှုကို ပျက်ပြားစေအောင် ဟောပြောမှုဟု အကြောင်းပြ၍ အလုပ်မှ (Force to retire) ထုတ်ပယ်လိုက်သည့်အပြင် ဆေးကုသခွင့်လိုင်စင် (ဆမ)ကိုပါ သိမ်းလိုက်ကြသည်။ ဝန်ထမ်းရွေးချယ်လေ့ကျင့်ရေးအဖွဲ့က ကျန်းမာရေးဝန်ကြီးဌာနသို့ အကြောင်းကြားစာပို့၍ အလုပ်ဖြုတ်ခိုင်းသည် ဆို၏။ တောက်!!!

ဒီဇင်ဘာမျက်ရည်

သင်တန်းက ဆင်းခါနီးပြီ။ တေ့ဖြုတ်လိုက်ကြသည်။ သင်တန်းကာလတစ်ဝက်က ဟောပြောခဲ့သည့်အမှုကို စောစောအရေးယူလျှင် ဝန်ထမ်းသင်တန်းသူ သင်တန်းသားများ အုံကြွမှုဖြစ်မည်စိုးသဖြင့် သင်တန်းဆင်းခါနီး ရက်ပိုင်းအလိုမှ အရေးယူပြလိုက်သည်။  ဒေါက်တာကြည်မို့မို့လွင်အပါအဝင် သူနှင့်အတူ စင်ပေါ်တက်ဆွေးနွေးခဲ့သည့် လယ်ယာစိုက်ပျိုးရေးမှ ဦးစီးအရာရှိလည်း အလုပ်ဖြုတ်ခံလိုက်ရသည်။ နိုင်ငံတော်ပုန်ကန်မှုလောက်ပင် အပြစ်ကြီးသည်ဟု လေသံလွှင့်သည်။ သင်တန်းသူ၊ သင်တန်းသားတို့ မျက်ရည်မဆည်နိုင်ဖြစ်ကြရသည်။ သုံးလတာကာလ အတူတူသင်တန်းတက် ရင်းနှီးခဲ့ကြရသော ဝန်ထမ်းမိတ်ဆွေအချင်းချင်း စာနာကြသည်။ မတရားမှုကို ငုံ့မခံလိုကြ။ သို့သော် ရင်းရမည့် အရင်းအနှီးက ကြီးသည်။ ဇီးပင်ကြီးသင်တန်းမှ ဇေယျ (၃၃) သင်တန်းသူသင်တန်းသားအားလုံး သင်တန်းဆင်းလက်မှတ်မယူဘဲ နားလိုက်ကြရန် ပထမစဉ်းစားသေးသည်။ သို့သော် ဒေါက်တာကြည်မို့မို့လွင်နှင့် လယ်ယာစိုက်ပျိုးရေး အရာရှိတို့က တားကြသည်။ သည်းခံလိုက်ကြပါ။ ကျွန်တော်ကျွန်မတို့အတွက်နဲ့ ရှင်တို့မင်းတို့ဘဝတွေ အပျက်မခံကြပါနဲ့ဟုဆိုသည်။ လူတစ်ယောက်၏ ဘဝကို နင်းခြေရန် အဲသလောက်လွယ်ကူသလား။ တက်တခေါက်ခေါက်နှင့် စစ်ရေးပြပြီး သင်တန်းဆင်းလိုက်ကြရသည်။

ပြည်သူ့လွှတ်တော်ကိုယ်စားလှယ်လောင်း

၂ဝ၁၅ ခုနှစ် နိုဝင်ဘာရွေးကောက်ပွဲတွင် စဥ့်ကိုင်မြို့နယ်မဲဆန္ဒနယ်မှ အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော်ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်မည့်သူမှာ ဆရာဝန်တစ်ဦးဟု သိရသည်။ သူ ဘယ်သူလဲ။ မန္တလေးဆေးတက္ကသိုလ်ဆင်း ဒေါက်တာကြည်မို့မို့လွင်ဖြစ်နေသည်။ လွန်ခဲ့သော ၂ဝ၁ဝ ခုနှစ်၊ အောက်တိုဘာလက ဇီးပင်ကြီးဝန်ထမ်းသင်တန်းတွင် အာဏာရှင်ဆန့်ကျင်ရေး ဟောပြောမှုတစ်ခုကြောင့် အလုပ်မှထုတ်ပယ်၊ ဆမသိမ်းခြင်းခံခဲ့ရသည်အထိ အရက်စက်ခံခဲ့ရသော ပြည်သူ့ကိုယ်စားလှယ်လောင်းစစ်စစ်။ ၂ဝ၁ဝ မှသည် ၂ဝ၁၅။ ငါးနှစ်အကြာမှာ သူပြန်လာပြီ။ အလုပ်မှ ထုတ်ပယ်ခြင်းခံရပြီးနောက် အသိမ်းခံလိုက်ရသော ဆမကလေးကို အကြိမ်ကြိမ် ပြန်လည်ကြိုးစားလျှောက်ထားပြီးနောက် ဆမ ပြန်လည်ရရှိခဲ့သည်ဟုသိရသည်။ ထို့နောက် စဥ့်ကိုင်မြို့နယ်အတွင်းက ကျေးရွာကလေးတစ်ရွာတွင် ကိုယ်ပိုင်ဆေးခန်းကလေးတစ်ခန်း စတင်ဖွင့်လှစ်၍ ဘဝကို ပြန်လည် အခြေတည်ခဲ့ရသည်။ ပရဟိတလုပ်ငန်းများတွင် ဘဝကို နှစ်မြှုပ်ခဲ့ရသည်။ အခု မဲဆွယ်သည့်ကာလ ၂ဝ၁၅ ခုနှစ်၊ စက်တင်ဘာလတွင် ထုတ်ပြန်သော သူ၏ ကိုယ်ရေးအချက်အလက်ကို ကြည့်လိုက်ရမှ သူ၏ ရုန်းထနိုင်စွမ်းအားကို တွေ့လိုက်ရသည်။ မုန်တိုင်းကြားမှ တိုးထွက်လာသည့် သစ္စာပန်းတစ်ပွင့်။ သတ်သော်လည်း မသေသည့် စိတ်ဓာတ်။ ဒေါင်ဒေါင်မြည် ဒေါင်း။ 

ညို ကြီး

ကျောင်းသားသပိတ်မှ ရရှိလိုက်သော အမြတ်

ကျောင်းသားသပိတ်မှ ရရှိလိုက်သော အမြတ်

မြန်မာနိုင်ငံတွင် ၁၉၂ဝ ခုနှစ်က ဖြစ်ပွားခဲ့သည့် နယ်ချဲ့ဆန့်ကျင်ရေး ကျောင်းသားသပိတ်နှင့် ယခုနှစ်များအတွင်းဖြစ်ပွားလျက်ရှိသော ကျောင်းသားသပိတ်များသည် တိုက်ပွဲပုံသဏ္ဍာန်အနည်းငယ်ကွဲပြားသော်လည်း အနှစ်သာရပိုင်းတွင်မူ အတူတူပင်ဖြစ်သည်။ ခေတ်အဆက်ဆက် တိုက်ပွဲဝင် ကျောင်းသားတို့သည် မိမိတို့အတွက်သာမက နောက်လာနောက်သားကျောင်းသူ ကျောင်းသားများအတွက်ပါ ထည့်သွင်းစဉ်းစားခဲ့ကြ၍ တိုက်ပွဲဝင်ခဲ့ကြသည်ချည်းသာ ဖြစ်၏။ ၁၉၂ဝ ခုနှစ်က ကျောင်းသားများသည် ကျွန်ပညာရေးကို သပိတ်မှောက်ခဲ့ကြသလို လက်ပံတန်းတွင် လက်ရှိအာဏာဆုပ်ကိုင်ထားသူများ၏ အကြမ်းဖက် ဖြိုခွင်းခံလိုက်ရခြင်းဖြင့် ခေတ္တခဏရပ်နားသွားသည့် သပိတ်မှ ကျောင်းသားများသည်လည်း ဒီမိုကရေစီပညာရေးအတွက် သပိတ်မှောက်လျက်ရှိကြသူများဖြစ်သည်။ ကျွန်ပညာရေးကို နယ်ချဲ့လူမျိုးခြားအင်္ဂလိပ်တို့က သွပ်သွင်းခဲ့ကြသလို လက်ရှိပညာရေးစနစ်ကိုလည်း အရပ်သား အသွင်ပြောင်းလူမျိုးတူစစ်အာဏာရှင်များက သွပ်သွင်းခဲ့ကြခြင်းဖြစ်သည်။ ပွင့်ပွင့်လင်းလင်း သုံးသပ်ရလျှင် ၁၉၂ဝ ခုနှစ်ကျောင်းသားသပိတ်သည်လည်းကောင်း၊ ယခုဖြစ်ပွားလျက်ရှိသည့် ကျောင်းသားသပိတ်သည်လည်းကောင်း ပညာရေးစနစ်ကို ပြုပြင်ရန်သာမက အလိုရမ္မက်ကြီးပြီး ကိုယ်ကျိုးရှာသော အုပ်စိုးသူအား ဖြုတ်ချရန်လည်း ရည်မှန်းချက်တစိတ်တပိုင်း ပါဝင်ကြသည်သာ ဖြစ်၏။ ၁၉၂ဝ ခုနှစ်နှင့် ယခု ၂၀၁၄-၂၀၁၅ ခုနှစ် ကျောင်းသားသပိတ်များကြားတွင်လည်း ၁၉၃၆ ခုနှစ်ကျောင်းသားသပိတ်၊ ၁၉၃၈ ခုနှစ်ကျောင်းသားသပိတ်၊ ၁၉၆၂ ခုနှစ် ဆဲဗန်းဂျူလိုင်အရေးအခင်း၊ ၁၉၇၄ ခုနှစ် ဦးသန့်အရေးအခင်း၊ ၁၉၇၆ ခုနှစ် မှိုင်းရာပြည့်အရေးတော်ပုံ၊ ၁၉၈၈ ခုနှစ် အရေးအခင်း၊ ၁၉၉၆ ခုနှစ် ဒီဇင်ဘာ ကျောင်းသားလှုပ်ရှားမှုစသဖြင့် ကျောင်းသားသပိတ်များ ဆက်နွယ်ပေါ်ထွန်းခဲ့သည်မှာ အထင်အရှားပင်ဖြစ်၏။ ကျောင်းသား၏ သဘောသည် တက်ကြွ၏။ နိုးကြား၏။ တုံးတိုက်တိုက် ကျားကိုက်ကိုက် စိတ်ရှိ၏။

တော်လှန်ရေးစိတ်ဓာတ် အဓွန့်ရှည်စေခြင်း

၁၉၂ဝ ခုနှစ်ကျောင်းသားသပိတ်၏ အမြတ်မှာ အမျိုးသားကျောင်းများပေါ်ထွန်းလာခြင်း၊ ဗိုလ်ချုပ်အောင်ဆန်း၊ ဗိုလ်အောင်ကျော် အပါအဝင် လွတ်လပ်ရေးတိုက်ပွဲဝင် ခေါင်းဆောင်များစွာ မွေးထုတ်ပေးနိုင်ခဲ့ခြင်းဖြစ်သည်။ ၁၉၄၈ ခုနှစ်တွင် တိုင်းပြည်လွတ်လပ်ရေးရသည်အထိ အမြတ်ထွက်ခဲ့၏။ အခြားသော သပိတ်များအပါအဝင် ယခု ၂ဝ၁၅ ကျောင်းသားသပိတ်၏ အမြတ်သည်လည်း မြင်သာစွာရှိပါ၏။ ကျောင်းသားလူငယ်များတွင် အာဏာရှင်ကို အပြုတ်တိုက် တော်လှန်လိုသောစိတ်ရင့်သန်လာစေခြင်းသည် အမြတ်ဖြစ်၏။ ထို့ပြင်တဝ ယခုကျောင်းသားသပိတ်သည် ယခင်ကျောင်းသားသပိတ်များလိုပင် တိုက်ရဲခိုက်ရဲသော ခေါင်းဆောင်ကောင်းများစွာ မွေးထုတ်ပေးနိုင်ခြင်းဖြစ်၏။ မပြီးပြတ်သေးသော တော်လှန်ရေးကို အပြီးသတ်ဆင်နွှဲရန် တော်လှန်ရေးစိတ်ဓာတ် လက်ဆင့်ကမ်းနိုင်ခြင်းဖြစ်၏။ လွတ်လပ်ရေးရပြီးနောက် ၁၉၆၂ ခုနှစ်ကတည်းက စစ်အာဏာရှင်များက တိုင်းပြည့်အာဏာကို ချုပ်ကိုင်ထားသည်မှာ ယနေ့ထိတိုင်အောင်ပင်ဖြစ်သည်ကား ငြင်းမရ။ စစ်အာဏာရှင်တော်လှန်ရေးစိတ်ဓာတ်ကို တော်လှန်ရေးအဆင့်ဆင့်ဖြင့် လက်ကမ်းသယ်ယူခဲ့ကြသည်မှာ ၈၈၈၈ အရေးတော်ပုံကြီးမှာ အထင်ကရဖြစ်၏။ ထို့နောက် ကြို့ကြားတော်လှန်ရေးများ ပေါ်ပေါက်ခဲ့ပြီးနောက် ၂ဝဝ၇ စက်တင်ဘာ သံဃာ့အရေးအခင်းဖြင့် တော်လှန်ရေးစိတ်ဓာတ်ကို လက်ဆင့်ကမ်းမွေးမြူခဲ့ကြရပြန်၏။ ၂ဝဝ၇ မှစတင်ရေတွက်သော် ယခု ၂ဝ၁၅ ခုနှစ်ရောက်သည်အထိ (၈)နှစ်တာကာလအကြာတွင် လယ်သမား၊ အလုပ်သမား၊ ကျောင်းသားသပိတ်များသည် ပြန်လည်နိုးထလာခဲ့ရ၏။ ယခုကျောင်းသားသပိတ်မှ ထပ်မံသွေး၍ မွေးထုတ်ပေးလိုက်သော တော်လှန်ရေးစိတ်ဓာတ်ဖြင့် လူငယ်နောင်သားများသည် မပြီးပြတ်သေးသော တော်လှန်ရေးကို ဆက်လက်ဆင်နွှဲကြပေဦးမည်။ အားရကျေနပ်ဖွယ်ကောင်းပေစွ။

အာဏာရှင့်အစွယ်ကို လှစ်ဖယ်ပြခြင်း

လက်ပံတန်း၌ ကျောင်းသားသပိတ်ကို စစ်အာဏာရှင်အစိုးရမှ အကြမ်းဖက်ဖြိုခွင်းလိုက်သည်။ ကျောင်းသားကျောင်းသူများကို အင်အားအလွန်အကျွံသုံး၍ ရိုက်နှက်ကန်ကျောက်ဖမ်းဆီးရုံမျှမက ကျောင်းသားသပိတ်မှ စကားမပြောတတ်သည့် ကားတစီးကိုပင် အာဏာရှင်များက ချိုးဖဲ့ထုနှက်ဖျက်ဆီးလိုက်ကြသေးသည်။ ၄င်းအပြင် ကျောင်းသားသပိတ်ကို အကြမ်းမဖက်ဖို့ ဆန္ဒပြသော ရန်ကုန်မြို့တော်ခန်းမရှေ့မှ ငြိမ်းချမ်းစွာဆန္ဒပြနေသူများကိုလည်း မြန်မာဗွီဒီယိုဇာတ်ကားများထဲမှ လူဆိုးများက မင်းသမီးကို အတင်းအဓမ္မဖမ်းဆီးပြန်ပေးဆွဲသကဲ့သို့ တာဝန်/စည်းကမ်း လက်ပတ်နီ စွမ်းအားရှင်များ၊ ရဲများကို သုံး၍ အကြမ်းဖက်ခဲ့ကြသည်။ ထိုပြယုဂ်များသည် စစ်အာဏာရှင်စနစ်ဆက်လက်တည်မြဲနေသေးကြောင်း အမှတ်အသားများဖြစ်၏။ ရွှေပြည်သာမှ အလုပ်သမားသပိတ်ကိုလည်း အကြမ်းဖက်ဖြိုခွဲပြန်၏။ လက်ပံတောင်းတွင် လယ်သူမကြီး ဒေါ်ခင်ဝင်းအား အာဏာရှင်များက သတ်ပြလိုက်၏။ အာဏာ့ရှင်အစွယ်ကို အကောင်းဆုံး လှစ်ဖယ်ပြစေနိုင်ခဲ့သော အောင်ပွဲများပင်။ ဒီမိုကရေစီလိုလို ပြုပြင်ပြောင်းလဲရေးလိုလို မင်းသားခေါင်းဆောင်းထားသော စစ်အာဏာရှင်များ၏ မျက်နှာဖုံးကို ဆွဲခွာချနိုင်ခဲ့သော နိုင်ပွဲများပင်။ လယ်သမားတွေ နိုင်တယ်၊ အလုပ်သမားတွေနိုင်တယ်၊ ကျောင်းသားတွေနိုင်တယ် ဟု လူမှုကွန်ယက်များတွင် ထောပနာပြုနေကြခြင်းကို ရှုပါ။ မပြီးသေးသော တိုက်ပွဲအတွက် သွေးလက်ဆင့်ကမ်းနိုင်ပွဲများဖြစ်ပါသည်။ ထိုထို နိုင်ပွဲများအတွက် နိုင်ငံတကာမှ ပြည်သူများကပင် တခဲနက်ထောက်ခံလျက်ရှိ၏။

ပုဒ်မ ၄၃၆ အပါအဝင် ၂ဝဝ၈ ခုနှစ် နာဂစ်အခြေခံဥပဒေ ဖျက်သိမ်း/ပြင်ဆင်ရေးအတွက် အကြိုခြေလှမ်းများ

စစ်အာဏာရှင်များသည် သူတို့အာဏာတောက်စားချိန်အတွင်း တရားလက်လွတ်ပြုမူခဲ့သမျှ အပြစ်မရှိစေရဟူသော ဟာသဥပဒေများ အပါအဝင် စစ်အာဏာရှင်စနစ်ဆွဲဆန့်ရေး ဥပဒေများထည့်သွင်းရေးဆွဲထားသည့် ၂ဝဝ၈ နာဂစ်အခြေခံဥပဒေကို ဖျက်သိမ်းရန် သို့မဟုတ် ပြင်ဆင်ရန် ယခု လယ်သမား၊ အလုပ်သမား၊ ကျောင်းသားသပိတ်များက ရှေ့ပြေးခြေလှမ်းများဖြစ်ကြကုန်၏။ အကြိုခြေသွေးပွဲ၊ အင်အားပြပွဲများဖြစ်ကြကုန်၏။ အာဏာရှင်တို့ကို မျက်ကလူးဆန်ပြာဖြစ်စေမည့် အကြိုရွှေ့ကွက်များဖြစ်၏။ အခြေခံဥပဒေကို ဖျက်ပြီးပြန်ဆွဲမလား၊ ပြင်မလား သတိပေးသံများဖြစ်၏။ ပြည်သူတို့သည် အကြောက်တရားအောက်တွင် ကာလကြာရှည်နေခဲ့ရသော်ငြား တော်လှန်ရေးစိတ်ဓာတ်ကား သေမသွားပေ။ စစ်အာဏာရှင်များက အာဏာပြန်သိမ်းမည်ဟု ခြိမ်းခြောက်ကြောက်ရွံ့နေသူများလည်း ရှိသေးသည်ကို ရယ်စရာပင် မြင်တွေ့နေရသည်။ တကယ်တော့ ၁၉၆၂ ခုနှစ်ကတည်းက စစ်အာဏာရှင်များသိမ်းထားသောအာဏာသည် ယခု ၂ဝ၁၅ ခုနှစ်ရောက်သည်အထိ ပြည်သူတို့ထံ ပြန်မလာသေးချေ။ မြင်အောင်ကြည့်စရာပင် မလိုလောက်အောင် ဘောလုံးကွင်းထဲရောက်နေသော ဂေါ်ဇီလာကဲ့သို့ ပြူးပြူးကြီးပေါ်နေ၏။ ယခု ၂ဝ၁၅ ခုနှစ်ရောက်သည့်တိုင်အောင်ပင် တိုင်းပြည်ကို စီးပွားရေးလုပ်ငန်းကြီးတခုသဖွယ်သဘောထားကာ လူဆိုးဂိုဏ်းစစ်အာဏာရှင်များ စီးပွားရှာ သွေးစုပ်ခြယ်လှယ်နေကြဆဲဖြစ်၏။ လွှတ်တော်၊ သမ္မတရုံး၊ တပ်မတော်၊ ကြံခိုင်ရေးပါတီ စသဖြင့် အမျိုးမျိုး မျက်လှည့်ပြရန်ကြိုးစားသော်လည်း ပြကွက်က ရိုးနေပေရာ ပရိသတ်အဖို့ ကြည့်လေရယ်ရလေ ဖြစ်သထက်ဖြစ်လာတော့သည်။

အလွှာစုံတော်လှန်ရေး

နယ်ချဲ့/ဖက်ဆစ်ထံမှ လွတ်လပ်ရေးတိုက်ယူခဲ့စဉ်ကာလက အယူအဆအမျိုးမျိုးကွဲကာ နိုင်ငံရေးအင်အားစုအမျိုးမျိုးကွဲခဲ့သော်လည်း အဆုံးသတ်မှာ ဗမာပြည်လွတ်လပ်ရေးရဖို့ပင်ဖြစ်ပေရာ ယခုလည်းထိုသို့ပင် မြင်ရပေမည်။ ယခုခေတ်တွင် ဆင်နွှဲနေသည့် တော်လှန်ရေး မူကွဲအမျိုးမျိုး၏ ဦးတည်ရာမှာလည်း စစ်အာဏာရှင်စနစ်ပြုတ်ကျရေး/ဖြုတ်ချရေးပင်ဖြစ်ရပေမည်။

လွှတ်တော်တွင်းနိုင်ငံရေးနှင့် လွှတ်တော်ပြင်ပနိုင်ငံရေးဟု ခွဲခြားမြင်နေလို့မရပေ။ နှောင်းလူတို့၏ တော်လှန်ရေးနှင့် တက်လူတို့၏ တော်လှန်ရေးကို ပေါင်းစပ်မြင်ဖို့ လိုနေ၏။ အမျိုးမျိုးကွဲပြားတော်လှန်နေကြသော်လည်း ပန်းတိုင်မှာ အတူတူပင်ဖြစ်သည်ကို မြင်အောင်ကြည့်ကြဖို့ လို၏။ ယခုပြည်တွင်းတွင် ပေါက်ဖွားလျက်ရှိသော လယ်သမား၊ အလုပ်သမား၊ ကျောင်းသား သပိတ်များသည်ကား တက်လူတို့၏ အလွှာစုံတော်လှန်ရေးဖြစ်၏။ လူထုလူတန်းစားအသီးသီးကို ကိုယ်စားပြုသော တော်လှန်ရေးဖြစ်၏။ လက်ပံတန်းကျောင်းသားသပိတ်သည် လည်းကောင်း၊ တက္ကသိုလ်နှင့်ကောလိပ်အသီးသီးမှ ကျောင်းသား/ဆရာ သမဂ္ဂအသီးသီးသည်လည်းကောင်း၊ အလုပ်သမားသမဂ္ဂအသီးသီးသည် လည်းကောင်း၊ အနုပညာသမဂ္ဂအသီးသီးသည်လည်းကောင်း၊ အလွှာစုံမှ စစ်အာဏာရှင်စနစ်ဆန့်ကျင်ရေးလှုပ်ရှားမှုအသီးသီးသည်လည်းကောင်း သတ်၍မသေသော တော်လှန်ရေးမျိုးဆက်၏ အသီးအပွင့်များဖြစ်ကြ၏။ နယ်ချဲ့နှင့် ဖက်ဆစ်တို့ထံမှ လွတ်လပ်ရေးကို တိုက်ယူခဲ့ရစဉ်ကလည်း ယခုကဲ့သို့ပင် လူထုလူတန်းစားအသီးသီး၏ တော်လှန်ရေးအသီးသီးတို့ ပေါင်းစပ်ခဲ့ရ၏။

ခွပ်ဒေါင်းသွေးလက်ဆင့်ကမ်း

မြန်မာပြည်နှင့် ဒေါင်းသည် လွတ်လပ်ရေးတိုက်ပွဲဝင်စဉ်ကစ၍ ယနေ့အထိ အစဉ်အလာရှိ၏။ ဒေါင်းနေရာကို ခြသေ့င်္၊ ဆင်တို့နှင့် အစားထိုးရန် စစ်အာဏာရှင်များက ကြံဆောင်သော်လည်း အထမမြောက်။ ဒေါင်းသည် မသေ။ မသေသည့် ဒေါင်း။ ယခုကျောင်းသားသပိတ်များတွင် ဒေါင်းအလံ တလူလူလွင့်နေသည်ကို မြင်ရသည်မှာ ကျက်သရေအပေါင်းခညောင်းလှပေ၏။ အာဏာရှင်၏ သွေးခွဲခံရမှုအမျိုးမျိုးရှိနေလင့်ကစား ဒေါင်းစိတ်ဓာတ်သည် ကျမသွား။ အပွန်းအပဲ့အနည်းငယ်ရှိသော်ငြား ကွဲမသွား။ ပြိုမသွား။ နုပျိုလျက်ရှိဆဲ ဒေါင်း။ ခွပ်ဒေါင်း။ NLD သည်လည်း ၈၈၈၈ အရေးတော်ပုံမှ ပေါက်ဖွားလာသည့်ပါတီဖြစ်ရာ ခွပ်ဒေါင်းပါတီဖြစ်၏။ ကျောင်းသားများသည်လည်း ခွပ်နေသော ဒေါင်းများဖြစ်ကြ၏။ အစွန်းရောက်ဝါဒများဖြင့် ဘာသာရေးမှိုင်းတိုက်ကာ ဒေါင်းများကို သတ်ရန်ကြိုးစားသော်လည်း ဒေါင်းများကား မသေ။ အသွေးခံရလေ ခွပ်တက်ထက်လေ ဒေါင်းများသာ ဖြစ်လာကြ၏။ သုံးလွန်းတင်မှ ကြိုး၊ ဒေါင်ဒေါင်မြည်မှ အိုးဆိုသော ဒေါင်းအိုးဝေများ ဖြစ်လာကြ၏။

အာဏာရှင့်ထွက်ပေါက်

ခွပ်ဒေါင်းတို့သည် ရက်စက်တတ်သူများမဟုတ်ကြ။ ခွပ်ဒေါင်းတို့က ခြသေ့င်္နှင့်ဆင်များ၏ ထွက်ပေါက်ကို ငဲ့ကြည့်ပေးပါ၏။ ချောင်ပိတ်မရိုက်ပါဟု ကတိတည်သော ဒေါ်အောင်ဆန်းစုကြည်မှ ကတိအထပ်အထပ်ပေး၏။ ကတိမတည်သော စစ်အာဏာရှင်တို့ကမူ တည်ကြည်သည့် မည်သည့်ကတိမှ ပေးထားသည်မရှိ။ ပြည်သူကို ထွက်ပေါက်မပေး။ ယခု ၂ဝ၁၅ ခုနှစ်ရောက်သည့်တိုင်အောင် ပြည်သူကို ဆက်ကြေးကောက်နေသလို ဆက်ဆံ၏။ သူတို့ အကျိုးစီးပွားကိုသာ တိုးရှာ၏။ လက်ရှိ တိုင်း/ပြည်နယ်ဝန်ကြီးချုပ်များအပါအဝင် လွှတ်တော်ခေါင်းဆောင်များကအစ ဆက်လက်ခြစားနေခဲ့ကြသည်။ သူတို့မိသားစုများသည် ပြည်သူထက် တမူးပိုရှူနေချင်ကြသေးသည်။ ပိုရှူနေကြသေးသည်။ ပေးထားသည့် ထွက်ပေါက်မှ အသာအကြည်ထွက်ခွာလျှင် ခွင့်လွှတ်တတ်သည့် ပြည်သူက ခွင့်လွှတ်လိုက်ကြမည်သာ ဖြစ်သော်လည်း ယခုထိ ထွက်ပေါက်ကို မျက်ကွယ်ပြုလျက်ရှိသေး၏။ ၂၀၀၈ ခုနှစ် နာဂစ်အခြေခံဥပဒေနှင့်အညီ ကျင်းပမည်ဆိုသည့် ၂ဝ၁၅ ခုနှစ်ရွေးကောက်ပွဲသည်ပင် မရေရာ။ ဆောက်ဖြစ်မှ ကျောင်းဒကာ။

တန်းတူအခွင့်အရေးမရသေးသည့် တိုင်းရင်းသားများ

ပြဿနာသည် များအောင်ပြုလျှင် များ၍ နည်းအောင်ပြုလျှင် နည်းလိမ့်မည်။ စစ်အာဏာရှင်များမီးမောင်းထိုးပြနေသည့် တိုင်းရင်းသားများနှင့်ဖြစ်နေသော ပြဿနာသည်လည်း ထိုသဘောပင်။ မျက်ဖြူဆိုက်လေ စစ်အာဏာရှင်အကြိုက်လေဖြစ်ပေရာ စစ်မှန်သော ငြိမ်းချမ်းရေးကို တည်ဆောက်နိုင်ရန် အလှမ်းကွာနေဦးမည်သာဖြစ်၏။ ပြည်မနှင့်တန်းတူအခွင့်အရေးမရသမျှ ကာလပတ်လုံး တိုင်းရင်းသားများက တော်လှန်နေမည်သာဖြစ်၏။ ပြည်ထောင်စုသည် စာရွက်ပေါ်မှာသာရှိပြီး လက်တွေ့ဘဝတွင် ဗမာအပါအဝင် တိုင်းရင်းသားများအကြား သွေးခွဲနေသူမှာ စစ်အာဏာရှင်ကိုယ်တိုင်သာဖြစ်၏။ ထို့အတူ ကိုးကွယ်သည့်ဘာသာတရားအပေါ်အမှီပြု၍ ပြည်သူပြည်သားအချင်းချင်း သွေးခွဲနေသူမှာ စစ်အာဏာရှင်ကိုယ်တိုင်သာဖြစ်၏။ မူမမှန်သည့် ခြေလှမ်းများကို ယုံရန်ခက်လှသည်။

နေဝန်းနီကြက်ဥကြော်ကိစ္စ

လူမှုကွန်ယက်များမှတဆင့် မြင်တွေ့နေရသော နေဝန်းနီကြက်ဥကြော်ကိစ္စသည်လည်း အရှင်းကလေးဖြစ်၏။ တစ်အိမ်ထောင် ဗိုလ်တစ်ဗိုလ် မရှိမနေရပုံစံမျိုးဖြင့် ဗိုလ်သင်တန်းများစွာဖွင့်လှစ်၍ မက်လုံးပေးကာ လူငယ်များကို တပ်ထဲဝင်စေခဲ့ခြင်း၏ အကျိုးဆက်ကား ယခုလို နေဝန်းနီကြက်ဥကြော်ကိစ္စများပေါ်ပေါက်လာရခြင်းဖြစ်၏။ စစ်သားသည်လည်း ပြည်သူပင်ဖြစ်ရာ တိုက်ပွဲကျသည့် စစ်သားအတွက် ပြည်သူက ဝမ်းနည်းမည်သာဖြစ်၏။ သို့သော် အာဏာ့ရှင်လော်ဘီများက သွေးခွဲ၏။ ပြည်သူနှင့် စစ်သားကို သွေးကွဲစေ၏။ ပြည်သူနှင့် စစ်သားတသားတည်းဖြစ်မည်ကို အာဏာရှင်တို့ အကြောက်ဆုံးဖြစ်၏။ ကျောင်းသား၊ ဘုရားသားသံဃာ၊ စစ်သား သားသုံးသား ညီညွတ်မှာကို အကြောက်ဆုံးဖြစ်၏။ သို့ကြောင့်လည်း ကျောင်းသားအချင်းချင်း၊ ပြည်သူအချင်းချင်း၊ သံဃာအချင်းချင်း၊ စစ်သားနှင့်ပြည်သူ သွေးခွဲ၏။ အစွန်းရောက်ဝါဒဘာသာရေးမှိုင်းတိုက်ကာ သွေးကွဲစေ၏။ စစ်သားများကိုလည်း "မင်းတို့ကြည့်ကြ၊ မင်းတို့က တိုင်းပြည်အတွက် ဘယ်လောက်အသေခံခံ မင်းတို့ကို မသနားကြဘူး။ တွေ့လား။ ငါတို့ဦးဆောင်မှုနောက်လိုက်မှ မင်းတို့ချမ်းသာရာရမှာ" ဟု အာဏာရှင့်အမိန့်နာခံစေရန် ပြည်သူနှင့်ကင်းကွာစေရန် အာဏာရှင်လော်ဘီများက ပုံဖော်လှုံ့ဆော်၏။ အတော်အောက်တန်းကျပြီး ရက်စက်သည့်ကိစ္စဖြစ်၏။ မိမိအာဏာတည်မြဲရေးနှင့် မိမိတို့စီးပွားရေးကိစ္စများ ဆက်လက်ကြီးပွားဖို့ကိုဆိုလျှင် မည်သူ့ကိုမျှ ချနင်းရန် ဝန်မလေးသော အာဏာရှင်များပင်။ မြင်အောင်ကြည့်ကြဖို့လို၏။

လက်တဆုပ်စာသာရှိသည့်အာဏာရှင်နှင့် သန်းငါးဆယ်ပြည်သူ

ဂလိုဘယ်လိုက်ဇေးရှင်းနှင့် သတင်းနည်းပညာခေတ်တွင် ပြည်သူကို ညာချင်တိုင်းညာမရတော့သည်မှာ အာဏာရှင်ပြုတ်ကျရေးအတွက် အားသာသည့်အချက်ဖြစ်၏။ အခွင့်အရေးကို မိမိရရ ဆုပ်ကိုင်နိုင်ကြဖို့သာလို၏။ ရွေးကောက်ပွဲမှ ဖြုတ်ချခြင်းဖြစ်စေ၊ သပိတ်များမှ ဖြုတ်ချခြင်းဖြစ်စေ အာဏာရှင်ကိုဖြုတ်ချရေးသည် အန္တိမပန်းတိုင်ဖြစ်သင့်၏။ ပြည်သူအချင်းချင်း ရန်သတ်နေရန် အကြောင်းမရှိပေ။ အာဏာရှင်များသည် တကယ်တော့ လက်တဆုပ်စာသာရှိ၏။ များများစားစားမရှိ။ စစ်သားများအပါအဝင် ပြည်သူတို့၏ အင်အားသည် ကြီးမားစွ။ ပေါင်းစည်းဖို့လို၏။ အာဏာရှင့်အကျိုးကိုထမ်းရွက်နေသူလော်ဘီများကိုလည်း ပြည်သူ့အင်အားကြီးမားကြောင်း သူတို့သိအောင်ပြနိုင်လျှင် ပြည်သူဘက်ရောက်လာဖို့သာ ရှိ၏။ အာဏာရှင်ကို ပေါင်းစည်းအား၊ ပေါင်းစပ်တော်လှန်ရေးဖြင့် တိုက်ရပေမည်။ တော်လှန်ရေး၊ နိုင်ငံရေးနည်းအမျိုးမျိုးကွဲပြားနိုင်သော်လည်း အချင်းချင်းအပြစ်ဖို့နေရန်မလိုဘဲ တခုတည်းသောပန်းတိုင်ဖြစ်သည့် စစ်အာဏာရှင်စနစ်ဖြုတ်ချရေး၊ အာဏာရှင်များပြုတ်ကျရေးအတွက် သွားသည့်လမ်းတိုင်းသည် သူ့လမ်းနှင့်သူ တန်ဖိုးရှိနေသည်ကို မြင်အောင်ကြည့်လျက် ရှေ့ဆက်တက်ကြဖို့ဖြစ်၏။ လက်ပံတန်းကျောင်းသားသပိတ်အပါအဝင် လယ်သမား၊ အလုပ်သမားများ၏ သပိတ်အသီးသီးသည်လည်းကောင်း၊ မီဒီယာ၊ အနုပညာနှင့် ပြည်သူပြည်သားအသီးသီး၏ အမှန်တရားဖော်ထုတ်ကြွေးကြော်မှုများသည်လည်းကောင်း ဒီမိုကရေစီအသွင်ကူးပြောင်းရေး အတွက် ခြေလှမ်းများပင်ဖြစ်ကြ၏။ ခိုင်မြဲဖို့လို၏။ သန်မာဖို့လို၏။ ကျောင်းသားသပိတ်မှ ရရှိလိုက်သော အမြတ်သည်ကား အဖိုးထိုက်လှပေတကား။ ပြည်သူပြည်သားတိုင်းရင်းသားအပေါင်း၏ ဘုံရည်မှန်းချက်ဖြစ်သည့် စစ်အာဏာရှင်စနစ်ပျက်သုဉ်းရေးလမ်းစကား တဖန်နိုးကြွပေါ်ပေပြီ။ စစ်အာဏာရှင်စနစ်ကို တိုင်းရင်းသားပေါင်းစုံ၊ ဘာသာပေါင်းစုံ၊ အလွှာပေါင်းစုံ ဆက်လက်ပူးပေါင်းတော်လှန်ကြဖို့လိုသည်။ သာဓု သာဓု သာဓု။ ဘုရားသခင်ကောင်းချီးပေးပါစေ။ အက်စ်ဆယ်လာ့မု အာ့လေကွန်းမ် (As-salamu alaykum)။ အာမင်။ နမစတေး။

ညို ကြီး

၁၈-၃-၂၀၁၅

(ဓာတ်ပုံ - စိုးဇေယျာထွန်း/ရိုက်တာ
http://widerimage.reuters.com/story/student-protests-in-myanmar)

Toe Lwin (Ottara Ah Lin) sings his song, "Nyein Chan Gya Par Sae" with Zero Color Music Band (Video & Lyrics)

တိုးလွင်(ဥတ္တရအလင်း)က ၄င်းကိုယ်တိုင်ရေးစပ်သီကုံးထားသည့် "ငြိမ်းချမ်းကြပါစေ" သီချင်းအား ပဲခူးရေဘေးသင့်ပြည်သူများအတွက် အလှူခံနေသော Zero Color ပရဟိတ တေးဂီတအဖွဲ့နှင့်အတူ ရန်ကုန်မြို့၊ လှိုင်သာယာမြို့နယ်၌ သီဆိုနေစဉ် (၁၆-၈-၂ဝ၁၄)

(Nyo Gyi ညိုကြီး ရိုက်ကူးသည်)



" ငြိမ်းချမ်းကြပါစေ "

ရေး/ဆို - တိုးလွင် (ဥတ္တရအလင်း)

အချင်းချင်းတွေကွဲ့ စစ်မဖြစ်ကြနဲ့ ရှေးရှေးကထက် ပိုချစ်ကြလေ ...

C F C G C F C G C

ဒါဒို့ပြည် ဒါဒို့ရဲ့မြေ တိုင်းရင်းသားတို့ အကုန်စင် ပိုင်တဲ့မြေ...
အချင်းချင်းတွေကွဲ့ စစ်မဖြစ်ကြနဲ့ ရှေးရှေးကထက် ပိုချစ်ကြလေ...

တန်းတူညီမျှ လူ့အခွင့်အရေးတွေ ညီတူညီမျှစေ
တောင်ပေါ်မြေပြန့် မခွဲခြားနဲ့တော့လေ...
ကချင် ကယား ကရင် ချင်းနဲ့ ဗမာ မွန် ရခိုင် ရှမ်း...
ရှေးရှေးကထက် ပိုချစ်ကြလေ...

ပြည်တွင်းစစ်ရဲ့ မီးကြောင့် ဒို့ ညီကို မောင်နှမတွေ ...
အော်ဟစ်ပြေးလွှား သေကြေပျက်စီးနေ...
ခလေးလေးတွေနဲ့ အဘိုးအဘွားမိဘတွေ
ငြိမ်းငြိမ်းချမ်းချမ်း ငြိမ်းချမ်းကြပါစေ...

Ko Ye Lwin (Medium Wave) sings the sound: 'Nadi Mingala' in Art Show tributed to Thakhin Kodaw Hmine (Video)

(2-8-2014) ရက်က လောကနတ်ပန်းချီပြခန်း၊ ပန်းဆိုးတန်း ပန်းချီပြခန်း၊ ပန်းဆိုးတန်းလမ်း၊ ကျောက်တံတားမြို့နယ်၊ ရန်ကုန်မြို့တွင် ပြသခဲ့သည့် "မဟာမှိုင်းအလွန် နှစ် ၅၀ ပန်းချီပြပွဲ" တွင် ကိုရဲလွင်(မဇ္ဈိမလှိုင်း)က Zero Color Music Band နှင့်အတူ "နဒီမင်္ဂလာ" သီချင်းအား သီဆို၍ ဆရာကြီး သခင်ကိုယ်တော်မှိုင်းအား ဂုဏ်ပြုနေစဉ်

Nyo Gyi ရိုက်ကူးတင်ဆက်သည်။

စစ်တွေမှာ NGO အဆောက်အဦးတွေနဲ့ ပစ္စည်းတွေ ဖျက်ဆီးခံရတဲ့ ကိစ္စ

"စစ်တွေမှာ NGO အဆောက်အဦးတွေနဲ့ ပစ္စည်းတွေ ဖျက်ဆီးခံရတဲ့ ကိစ္စ"

ပြီးခဲ့တဲ့ ရက်သတ္တပတ်က စစ်တွေကို ရောက်တုန်း ရခိုင်လူမျိုးအချို့၊ မြန်မာနိုင်ငံသား iNGO ၀န်ထမ်းအချို့နဲ့ စကားပြောခဲ့ရပြီး သိခဲ့ရသမျှကတော့ -

၁။ ၂၆-၃-၂၀၁၄ ရက်နေ့ ညနေပိုင်းမှာ သာသနာ့အလံကိစ္စနဲ့ပတ်သက်ပြီး စစ်တွေမှာ Malteser International နဲ့ ပြဿနာတက်တယ်။ ထားတော့။

၂။ ၂၇-၃-၂၀၁၄ (တပ်မတော်နေ့) မှာတော့ မနက်က စလို့ ညနေအထိ စစ်တွေမြို့မှာ အခြေစိုက်တဲ့ UN လက်အောက်ခံ အဖွဲ့အစည်းတွေအပါအ၀င် NGO တွေရဲ့ အဆောက်အဦးတွေ တစ်လုံးပြီး တစ်လုံး ဖျက်ဆီးခံရတယ်။ ညနေမှာ သေနတ်သံပေး တားဆီးတာကလွဲလို့ ရဲနဲ့ စစ်တပ်က ဖျက်ဆီးသမျှကို တစ်နေကုန် လက်ပိုက်ကြည့်နေခဲ့တယ်။

၃။ ဦးဆောင်ပြီး ဖျက်ဆီးသူတွေဟာ စစ်တွေမြို့ခံတွေကတောင် မမြင်ဖူးတဲ့သူတွေပါသတဲ့။ စစ်တွေမြို့ခံတွေက ဦးစီးဦးရွက်ပြုပြီး ဖျက်ဆီးခဲ့တာ မဟုတ်ဘူးပေါ့လေ။ ဖျက်ဆီးသူတွေဟာ ၁၃ နှစ် ၁၄ နှစ်အရွယ်လေးတွေအပါအ၀င် လူငယ်တွေ များသတဲ့။ ဘုမသိဘမသိ မြို့ခံအနည်းငယ် ရောယောင် ပါဝင်ခဲ့မိတာကလွဲလို့ ဖျက်ဆီးသူများအဖွဲ့ဟာ သေချာစနစ်ချ အကွက်ကျစွာ လှုပ်ရှားသွားတယ်။ အဆောက်အဦးတစ်ခုကို ဖျက်ဆီးပြီးသွားရင် အဖျက်ခံလိုက်ရတဲ့ အဆောက်အဦးကို ရဲတွေက ၀ိုင်းထားလိုက်တယ်။ မဖျက်ခင်မှာ ကာကွယ်တားဆီးခြင်း အလျဉ်းမရှိခဲ့ပါ။ ဖျက်တဲ့အဖွဲ့က နောက်ထပ် အဆောက်အဦးတစ်ခုဆီ ဖျက်ဆီးဖို့ ဆက်လက်ချီတက်တယ်။ ဖျက်တယ်။ အဖွဲ့တွေခွဲပြီး ဖျက်ဆီးတာမျိုးလည်း ရှိတယ်။ ရဲတွေက ဖျက်ပြီးမှသာ ဖျက်ပြီးသား အဆောက်အဦးကို ၀ိုင်းလိုက်ပြန်တယ်။ ဖျက်တယ်။ ၀ိုင်းတယ်။ ဖျက်တယ်။ ၀ိုင်းတယ်။ တားတာဆီးတာ မရှိခဲ့ပါ။

၎။ ဖျက်ဆီးသူတွေဟာ အဆောက်အဦးတွေကို သူတို့ဖျက်ဆီးနေစဉ် မှတ်တမ်းတင် ဓာတ်ပုံရိုက်သူတွေကိုလည်း ရန်ရှာခဲ့ပြီး ဓာတ်ပုံ/ဗွီဒီယို မရိုက်ဖို့ တားမြစ်ခဲ့ကြသတဲ့။

၅။ ဖျက်ဆီးသူတွေမှာ ဖျက်ဆီးဖို့ လက်နက်အစုံအလင် ပါလာသတဲ့။ တူ၊ တူရွင်း၊ ရဲဒင်း၊ ပုဆိန် စသဖြင့်ပေါ့လေ။ ခဲနဲ့ပစ်တာ ဘာညာလည်း ရှိတာပေါ့လေ။

၆။ ပြောရရင်တော့ မိတ္ထီလာမှာလိုပဲ ရဲတွေရှေ့မှာတင် လူတွေကို ပျော်ပျော်ကြီး သတ်ခဲ့သလိုပေါ့လေ။ စစ်တွေမှာတော့ ရဲနဲ့စစ်တပ်တွေရှိနေတဲ့ကြားက NGO အဆောက်အဦးတွေနဲ့ ပစ္စည်းတွေကိုပဲ ရွေးဖျက်ခဲ့တာပေါ့လေ။ NGO ၀န်ထမ်းတွေကို အသက်အန္တရာယ်ပြုတာ ဘာညာတော့ မရှိခဲ့ဘူးပေါ့လေ။ အဲ့ဒီ ညနေဘက်မှာ UN လက်အောက်ခံ အဖွဲ့အစည်း NGO ဂိုဒေါင်တွေ အဖျက်ခံရတော့မှ လုံခြုံရေးက သေနတ်သံပေးပြီး တားတယ်ဆိုပါတော့။ ဇာတ်သိမ်းတော့ ကံအကြောင်းမလှတဲ့ ရခိုင်တိုင်းရင်းသူလေးတစ်ယောက် ကျည်သင့်ပြီး သေခဲ့ရတယ် ဆိုပါတော့။

၇။ မြန်မာနိုင်ငံသား iNGO ၀န်ထမ်းတစ်ယောက်ပြောပြတာကတော့ NGO အဆောက်အဦးတွေနဲ့ ပစ္စည်းတွေကို ဖျက်ဆီးခဲ့သူ အကုန်လုံး အဖမ်းခံရတာ မဟုတ်ပါဘူးတဲ့။ လွှတ်ထားတဲ့သူ/လွတ်သွားတဲ့သူတွေ အများကြီး ရှိပါသေးတယ်တဲ့။

၈။ ရခိုင်လူမျိုးတစ်ယောက်ကတော့ သူ့အမြင်ကို ပြောပြရာမှာ AZG/MSF(Holland) နဲ့ Malteser အဖွဲ့တွေအပေါ် မကျေနပ်မှုအချို့ ရှိတာကလွဲလို့ UN လက်အောက်ခံအဖွဲ့အစည်းတွေ အပါအ၀င် NGO အဆောက်အဦးတွေနဲ့ ပစ္စည်းတွေကို ခုလို လွပ်လွပ်လပ်လပ် အေးအေးဆေးဆေး စနစ်တကျ ဖျက်လိုဖျက်ဆီးလုပ်တာဟာ အစိုးရကျောထောက်နောက်ခံပြုထားတဲ့ အဖျက်သမားတွေရဲ့ လုပ်ရပ်သာဖြစ်တယ်။ ဒီလုပ်ရပ်တွေဟာ အစိုးရအနေနဲ့ ရခိုင်လူမျိုးတွေကို သိက္ခာချတာ သက်သက်သာဖြစ်တယ်လို့ ဆိုပါတယ်။

၉။ UN လက်အောက်ခံအဖွဲ့အစည်းတွေ အပါအ၀င် NGO အဖွဲ့အစည်းတွေရဲ့ အဆောက်အဦးနဲ့ပစ္စည်းတွေကို (၂၆-၃-၂၀၁၄) တပ်မတော်အကြိုနေ့နဲ့ (၂၇-၃-၂၀၁၄) တပ်မတော်နေ့တွေမှာ အားပါးတရ ဖျက်ဆီးခဲ့ပြီး UN အပါအ၀င် NGO တွေကို ရခိုင်ပြည်နယ်ကနေ လှလှပပ ခဏတာ ပထုတ်နိုင်ခဲ့တဲ့ အချိန်ဟာ တိုက်ဆိုင်တယ်ပဲပြောပြော အစိုးရအနေနဲ့ သန်းခေါင်စာရင်းကောက်ဖို့ တာဆူနေခဲ့တဲ့ အချိန်ဆိုလည်း မမှားဘူးပေါ့လေ။ ။

Nyo Gyi
၅၊ ၅၊ ၂၀၁၄

ကျွန်မ သမ္မတကြီး ဖြစ်ချင်တယ် (ခရမ်းပြာထက်လူ၏ ကဗျာ)

"ကျွန်မ သမ္မတကြီး ဖြစ်ချင်တယ်"

ကျွန်မကိုယ် ကျွန်မ ပန်းခင်းကြီးလို ပြင်ထားတယ်
ကျွန်မကိုယ် ကျွန်မ ထမင်းဝိုင်းကြီးလို ပြင်ထားတယ်
ကျွန်မကိုယ် ကျွန်မ ခြေသုတ်ပုဆိုးမြွေစွယ်ကျိုးလို့လည်း ပြင်ထားတယ်

ကျွန်မကိုယ် ကျွန်မ စာအုပ်စင်ကြီးလို ပြင်ထားတယ်
ကျွန်မကိုယ် ကျွန်မ ကြယ်တာရာညီလာခံကြီးလို ပြင်ထားတယ်
ကျွန်မကိုယ် ကျွန်မ စက်ဝိုင်းတစ်ခုအလယ်မှာ
ဓားပေါက်ခံရပ်နေတဲ့ မိန်းမတစ်ယောက်လိုလည်း ပြင်ထားတယ်

ကျွန်မကိုယ် ကျွန်မ မြေမြှုပ်မိုင်းတွေ မွစာကျဲနေတဲ့
အရပ်မှာပေါက်နေတဲ့ ရွက်ကျပင်ပေါက်တွေလို သဘောထားပြီး
ကျွန်မကိုယ် ကျွန်မ နေ့နဲ့ည မှားအိပ်နေရတဲ့
မီးပြတိုက်တစ်ခုလိုလည်း ကျင့်ထားတယ်။

ရှင်တို့ရှို့လိုက်တဲ့မီး
ကျွန်မမြားရဲ့ နောက်မြီးအဖျားမှာ ဟုန်းဟုန်းတောက်လောင်နေပါစေ
ကျွန်မရဲ့ ဦးတည်ချက်ပစ်မှတ်ဟာ ဘယ်တော့မှမလွဲ
ဂြိုဟ်တုတစ်စင်းနောက်မှာ ပန်းထွက်ကျန်ရစ်ခဲ့တဲ့ မီးစတွေလို
အဲ့ဒါဟာ ကျွန်မကို ပိုပြီးခွန်အားဖြစ်စေခဲ့။

ကလေးတွေ စပြီးဖွင့်လိုက်တဲ့ စာမျက်နှာဟာ
ကျွန်မအကြောင်းနဲ့ စ ရမယ်လို့ ရှင်တို့ထင်နေလား
အချစ် သို့မဟုတ် ကမ္ဘာကြီး သို့မဟုတ်
ရှေ့ကချိုင့်ခွက်ထူ လူသွားလမ်းလေးကို ကျောင်းဆင်းရင်ပြင်ကြစို့
ဒါနဲ့ စမယ်။

ကျွန်မကိုယ်တိုင် မာသာထရီဇာလို ပြင်ထားပြီး
ဒိုင်ယာနာမင်းသမီးလိုလည်း ဆင်ထားမယ်။

ကျွန်မတို့အိမ်မှာ ဘာတွေလိုနေလဲ
သူတို့ဘာကြောင့် လူတစ်ပိုင်းနတ်တစ်ပိုင်းဖြစ်နေကြသလဲ
သူတို့ဘာကြောင့် ယဉ်ကျေးကြသလဲ
သူတို့ရဲ့ ဦးခေါင်းတွေဖွင့်ကြည့်ဖို့
သူတို့ရဲ့ ပျော်ရွှင်မှုတွေကို သုတေသနလုပ်ဖို့။

သေနတ်တွေ ဗုံးတွေ အကြမ်းဖက်မှုတွေကြားထဲက တောင်သူတို့
ဘာလို့ အင်္ဂါဂြိုဟ်သွားလက်မှတ်တွေ
အလုအယက်ဝယ်နေကြတာလဲ။

ကျွန်မဟာ မိတ်ဖွဲ့ရမယ်
ကျွန်မတို့အိမ်အတွင်း လိုတိုးပိုလျှော့လုပ်ဖို့
ကျွန်မ လမ်းလျှောက်ထွက်ရမယ်။
စကြ၀ဠာထဲကနေ ကမ္ဘာကို ပြန်ကြည့်သလို
ကမ္ဘာထဲကနေ ကျွန်မတို့မြန်မာပြည်ကို ပြန်ကြည့်ရအောင်ပေါ့။
ကျွန်မ လမ်းလျှောက်ထွက်ရမယ်။

ကျွန်မ ကျောသားရင်သားမခွဲပေမယ့်
အမှန်တရားကိုတော့ ရအောင်ခွဲရမယ်။

ပုလင်းထဲကလာတဲ့ ဥပဒေနဲ့
ပါးစပ်ထဲကအန်ကျလာတဲ့ ပုဒ်မတွေကြားမှာ
ရှင်တို့ ကျွန်မတို့ ဘယ်လောက်ညစ်ပတ်နံစော် အော်ဂလီဆန်ခဲ့ရပြီဆိုတာ
ကျွန်မကိုယ်တိုင် သိခဲ့ရတာပဲ။

ကျွန်မကိုယ် ကျွန်မ
သတင်းဆာနေသူ ရှင်တို့အတွက်
သတင်းအမှန်ရဖို့ သတင်းစာအပြင်ဘက်မှာ ရပ်နေပါတယ်။

ကျွန်မအလုပ်တွေ များပါတယ်
ကျွန်မမှာ ကာလီမမယ်တော်လို လက်တွေအများကြီးမရှိသလို
ဒဿဂီရိလို ခေါင်းတွေလည်း အများကြီးမရှိတော့
ရှင်တို့နဲ့ အများကြီးအကြာကြီး မတွေ့နိုင်ဘူးပေါ့။

ရှင်တို့ သိပါတယ် ကျွန်မတစ်ယောက်တည်း
မျက်နှာချင်းဆိုင်ရမှာလည်း တစ်ယောက်တည်း
ဘေးချင်းယှဉ်လျှောက်ရမှာလည်း တစ်ယောက်တည်း
ကျွန်မက တစ်ယောက်တည်းရှင့်
ကျွန်မကလေးတွေက မုန့်ဖိုးကောင်းကောင်းလိုချင်တယ်
စမတ်ကျကျနေချင်တယ်
ကျောင်းမှာ ခုံကောင်းကောင်းနဲ့ ထိုင်ချင်တယ်
စာတော့ မကြိုးစားချင်ကြဘူး။
ကျွန်မက တစ်ယောက်တည်းရှင့်။

ကြယ်တွေ မရှိတော့လည်း ညက မကြွပြန်ဘူး
ကြယ်တွေ မရှိတော့လည်း ညက မလုံခြုံပြန်ဘူး
ကျွန်မကိုယ် ကျွန်မ လမင်းကြီးလို ပြင်ထားတယ်။

ကျွန်မကိုယ်ကျွန်မ ဒီနှစ်တွေမှာ စစ်မဖြစ်ဖို့ ပြင်ထားတယ်
တစ်ခါသေဖူး ပျဉ်ဖိုးနားလည်ခဲ့ပြီလေ
အခါအခါသေဖူးတဲ့လူတစ်ယောက်
ငရဲကိုတော့ နားလည်ရတော့မှာပေါ့။

ကျွန်မအာဏာလိုချင်တယ်
ရှင်တို့လက်ထဲကို အပ်မလို့။

အဲ့ဒီအာဏာနဲ့ အချိန်မရွေး
ကျွန်မကိုလည်း ဖြုတ်ချရင်ဖြုတ်ချနိုင်အောင်လို့
ဒါကြောင့် ကျွန်မမှော်ဆရာ မဖြစ်ချင်ဘူး
သမ္မတကြီးပဲ ဖြစ်ချင်တယ်
မှော်ဆရာတွေကို မွေးပြီး
မှော်ဆန်တဲ့ နိုင်ငံကြီး တည်ဆောက်လိုက်ချင်လို့ ။         ။

ခရမ်းပြာထက်လူ

MTV EXIT Live in Myanmar

လူကုန်ကူးမှု အရေးပေါ် ဖုန်းနံပါတ်

09 49 555 999

If you see something suspicious,

Myanmar Flag Color and International Day of Peace

The Campaign for Nuclear Disarmament (CND) symbol, designed by Gerald Holtom in 1958. It later became a universal peace symbol used in many different versions worldwide.
 

Reference:
http://en.wikipedia.org/wiki/Peace_symbols

In front of Mandalay Prison (Video) - မန္တလေး အိုးဘိုထောင်ရှေ့ မြင်ကွင်းများ (မူဗီ)

မန္တလေးအိုးဘိုထောင်ရှေ့ မြင်ကွင်းများ
(Friday 13, January, 2012)

Facebook Video



YouTube Video

Life's Light NGO Will Go To Kachin State And Donate to Victims of Civil War

ဘ၀အလင်း ပရဟိတအသင်း
ကချင်ဒေသ စစ်ဘေးဒုက္ခသည်များအား သွားရောက်လှူဒါန်းမည်

From Peace

(၁၊ ဒီဇင်ဘာ၊ ၂၀၁၁) နေ့လည် ၁ နာရီ ၁၅ မိနစ်ခန့်က မန္တလေးမြို့၊ ၈၆ လမ်း၊ ၃၈ လမ်းထောင့်ရှိ ကင်းဝန်မင်းကြီးဘုန်းကြီးကျောင်းတိုက်မှာ ဘ၀အလင်းပရဟိတအသင်းမှ ဦးဥတ္တမသာရ (ဖုန်း- ၀၉-၂၀၃၅၉၃၆)က ဦးဆောင်ပြီး "ကချင်ဒေသ စစ်ဘေးဒုက္ခသည်များအား ကူညီလှူဒါန်းရေး" စာနယ်ဇင်းရှင်းလင်းပွဲတစ်ရပ် ကျင်းပခဲ့ပါတယ်။

ဘ၀အလင်းပရဟိတက ဦးဆောင်ပြီး ကချင်ဒေသ စစ်ဒုက္ခသည်များအတွက် အလှူကောက်ခံနေရာ စုစုပေါင်း ကျပ်ငွေ သိန်း ၇၀ ကျော်ဖိုးနှင့် အ၀တ်အထည်များ၊ ဆေးဝါးများ၊ ကျောင်းသုံးပစ္စည်းများရရှိနေပြီဆိုပါတယ်။

ဘ၀အလင်းပရဟိတအသင်းအနေနဲ့ ၂၀၁၁ ခုနှစ်၊ ဒီဇင်ဘာလ၊ ၃ ရက်နေ့မှာ နာရေးကူညီမှုအသင်း(ရန်ကုန်)၊ ၈၈ မျိုးဆက်ကျောင်းသားများအဖွဲ့တို့နဲ့အတူ မန္တလေးမြို့မှ မြစ်ကြီးနားမြို့သို့ စစ်ဒုက္ခသည်များကို ကူညီရန် ထွက်ခွာမှာဖြစ်ပါတယ်။

စစ်ဘေးဒဏ်သင့် ကချင်ပြည်နယ်ရောက်တဲ့အခါ အတူစုပေါင်းခရီးထွက်လာသော ပရဟိတအသင်းများအနေနဲ့ မိမိတို့လှူဒါန်းရန်သတ်မှတ်ထားသည့် အရပ်ဒေသများအသီးသီးသို့ သီးခြား သွားရောက်လှူဒါန်းကြမှာ ဖြစ်ကြောင်း သိရပါတယ်။

ညိုကြီး

------------------------------

From Peace

From Peace

လှူဒါန်းနိုင်သည့် နေရာများ

ဦးဥတ္တမသာရ - 09 2035936
ကင်းဝန်မင်းကြီးကျောင်းတိုက်၊ ဖန်ချက်တန်းကျောင်း၊ မန္တလေး။

ကိုပေါင်ချိန် (ခ) ကိုသက်ဦးမောင် - 09 2023218
စိမ်းရွှင်တောက်ပွဲရုံ၊ ကျောက်ဝိုင်းတိုက်တန်း၊ မန္တလေး။

ကိုတာတာ - 09 47133332
စိမ်းရွှင်တောက်ပွဲရုံ၊ ကျောက်ဝိုင်းတိုက်တန်း၊ မန္တလေး။

ကိုဇော်မင်းခိုင် - 09 2002024
စိမ်းနုဝါကျောက်မျက်ရောင်းဝယ်ရေး၊ မန္တလေး။

ကိုမြင့်သန်း - 09 2055755
အကွက်(၂၇၆)၊ ရှမ်းဝိုင်းရပ်၊ မန္တလေး။

Religions & NGOs From Mandalay Unite For Victims of Civil War

မန္တလေးမြို့၊ ဘာသာပေါင်းစုံ ကရုဏာရှင်များအဖွဲ့
ကချင်ဒေသရှိ သွေးရင်းညီနောင်သားချင်း တိုင်းရင်းသားလူမျိုးများအတွက်
စာနာထောက်ထားမှု မေတ္တာပြဆုတောင်းခြင်း

(၃၀၊ နိုဝင်ဘာ၊ ၂၀၁၁)

From Peace

အဆိုပါ အခမ်းအနားကို မန္တလေးမြို့၊ ၈၂ လမ်း၊ ၂၅ လမ်းနှင့် ၂၆ လမ်းကြားရှိ ရွှေနှလုံးတော် ကာသီဒြယ် ခရစ်ယာန်ဘုရားရှိခိုးကျောင်းတွင် (၃၀၊ ၁၁၊ ၂၀၁၁) နေ့လည် ၂ နာရီမှ ၄ နာရီကျော်ခန့်အထိ ကျင်းပခဲ့ပါသည်။

From Peace

အခမ်းအနားအစီအစဉ်များ

၁။ အခမ်းအနား ဖွင့်လှစ်ကြောင်း ကြေညာခြင်း
၂။ ဆုတောင်းပွဲပြုလုပ်ရခြင်းအကြောင်းတင်ပြခြင်း - ဆရာတော်အရှင်ဦးစိန္တိတ (အာရှအလင်းရောင် ဆရာတော်)
၃။ အစ္စလာမ်မစ်သာသနာမှ ဆုတောင်းမေတ္တာပို့သခြင်း
၎။ ဘဟာအီဘာသာ သာသနာမှ ဆုတောင်းမေတ္တာပို့သခြင်း
၅။ ဗုဒ္ဓဘာသာ သာသနာမှ ဆုတောင်းမေတ္တာပို့သခြင်း
၆။ ဟိန္ဒူသာသနာမှ ဆုတောင်းမေတ္တာပို့သခြင်း
၇။ ခရစ်ယာန်သာသနာမှ ဆုတောင်းမေတ္တာပို့သခြင်း
၈။ အလှူငွေ လှူဒါန်းမည့်လုပ်ငန်းအစီအစဉ်တင်ပြခြင်း
၉။ အလှူငွေ ကောက်ခံခြင်း
၁၀။ အခမ်းအနားပြီးဆုံးကြောင်း ကြေညာခြင်း

မှတ်ချက်။
အခမ်းအနားပြီးဆုံးပါက သက်ဆိုင်ရာလူမှုအဖွဲ့အစည်းအသီးသီးမှ အမှုဆောင်လူကြီးများ အစည်းအဝေးကျင်းပခြင်း အစီအစဉ် ဆက်လက်ပြုလုပ်ပါမည်။

From Peace

တက်ရောက်သော အဖွဲ့အစည်းများ

အာရှအလင်းရောင်ဖောင်ဒေးရှင်း(ပြင်ဦးလွင်)၊ ဗြဟ္မစိုရ်လူမှုကူညီရေးအသင်း၊ YMCA၊ ဘဟာအီဘာသာမှ တာဝန်ရှိသူများ၊ မန္တလေးကရုဏာ၊ ပုလဲပရဟိတ၊ မဟာမြိုင် လူမှုကူညီရေးအသင်း၊ ဇနသုခ ရေသန့်အလှူတော်၊ ကရင်နှစ်ခြင်းခရစ်ယာန်၊ ကချင်နှစ်ခြင်းခရစ်ယာန်၊ ယေဇူးရွှေနှလုံးတော်၊ ရခိုင်သဟာရ၊ မက်သဒစ်အသင်းတော်(အထက်မြန်မာပြည်)၊ YSCM၊ ချမ်းမြမေတ္တာလူမှုကူညီရေး၊ အစ္စလာမ်ဘာသာမှ တာဝန်ရှိသူများ၊ လောကပါလလူမှုရေး၊ ရတနာမွန်သွေးလှူရှင်အသင်း၊ ဗိသုကာလူမှုရေး၊ စိတ္တသုခလူမှုကူညီရေး၊ ဟိန္ဒူဘာသာမှ တာဝန်ရှိသူများ၊ ကလေးချစ်သူများကွန်ယက်၊ လွတ်လပ်သောသူငယ်ချင်းများအင်အားစု၊ ရတနာ့မေတ္တာ၊ မြင့်မြတ်ဧရာဝတီ

အစရှိသည့် မန္တလေးမြို့ခံ ဘာသာသာသနာပေါင်းစုံမှ တာဝန်ရှိသူများ၊ လူမှုကူညီရေးအသင်းပေါင်းစုံမှ တာဝန်ရှိသူများ၊ အလှူရှင်များ၊ သတင်းထောက်များ အဆိုပါ အခမ်းအနားသို့ တက်ရောက်ခဲ့ပါသည်။
(အခမ်းအနားသို့ တက်ရောက်ခဲ့ပြီး ယခုစာရင်းတွင် ဖော်ပြရန်ကျန်ရှိသော ဘာသာရေး၊ လူမှုရေးအဖွဲ့အစည်းများလည်း ရှိနိုင်ပါသည်။)

From Peace

စစ်ဒုက္ခသည်များထံ သွားရောက်လှူဒါန်းမည်

၂၀၁၁ ခုနှစ်၊ ဒီဇင်ဘာ ဒုတိယပတ်အတွင်း စစ်မက်ဖြစ်ပွားလျက်ရှိသော ကချင်ဒေသရှိ စစ်ဘေးဒဏ်သင့်ဒုက္ခသည်များကို မန္တလေးမြို့၊ ဘာသာပေါင်းစုံကရုဏာရှင်များအဖွဲ့က အကူအညီများသွားရောက် ပေးအပ်လှူဒါန်းမည်ဖြစ်ကြောင်းသတင်းရရှိပါသည်။

စစ်ဒုက္ခသည်များအတွက် တတ်အားသမျှ ပါဝင်လှူဒါန်းကြရန် နှိုးဆော်လိုက်ရပါသည်။

ညိုကြီး

--------------------
Video File

https://www.facebook.com/video/video.php?v=319583231385276

Stop the Civil War! We Want Peace!

မန္တလေး၊ ကံတက်ကုန်းမစိုးရိမ် ဘုန်းကြီးပညာသင်ကျောင်းမှ ငြိမ်းချမ်းရေးတောင်းဆိုပွဲ

နိုဝင်ဘာ ၂၄၊ ၂၀၁၁ (ကြာသပတေးနေ့)

From Peace

ယနေ့ နေ့လည် ၁ နာရီမှ ၃ နာရီထိ မန္တလေးမြို့၊ မဟာအောင်မြေမြို့နယ်၊ ၅၅ လမ်း၊ ၄၀ နှင့် ၄၁ လမ်းကြား၊ ရဲမွန်တောင်ရပ်ရှိ ကံတက်ကုန်းမစိုးရိမ် ဘုန်းကြီးပညာသင်ကျောင်းမှာ ငြိမ်းချမ်းရေးဟောပြောပွဲနှင့် တိုင်းရင်းသားပေါင်းစုံ ကလေးငယ်များ၏ ငြိမ်းချမ်းရေးတောင်းဆိုပွဲအခမ်းအနား ကျင်းပခဲ့ပါတယ်။

စာရေးဆရာများဖြစ်ကြသော
၁။ ညီပုလေး
၂။ ဆူးငှက်
၃။ ညီစေမင်း
တို့က တိုင်းရင်းသားသွေးစည်းညီညွတ်ရေး၊ ပြည်တွင်းငြိမ်းချမ်းရေးနှင့် စစ်ရပ်စဲရေးအကြောင်းများ ဟောပြောခဲ့ပါတယ်။

From Peace

အခမ်းအနားအပြီးမှာ ကံတက်ကုန်းမစိုးရိမ်ဘုန်းကြီးပညာသင်ကျောင်းမှ တိုင်းရင်းသားပေါင်းစုံ ကလေးငယ်များက

၁။ သွေးချင်းညီအကိုများအတွက် ပြည်တွင်းငြိမ်းချမ်းရေးကို ပေးပါ
၂။ ပြည်တွင်းစစ်ကို ရပ်ပေးပါ
၃။ ဗမာ = ကချင်

ဟူသော စာတမ်းများကိုင်ဆောင်ကာ

"စစ်ဟူသည် နိုင်သူလည်း ဒုက္ခရောက်၏။
ရှုံးသူလည်း ဒုက္ခရောက်၏။
အမြန်ဆုံး ရပ်ပေးပါ။"

ဟူသော ငြိမ်းချမ်းရေးတောင်းဆိုကြွေးကြော်သံများရွတ်ဆိုခဲ့ပါတယ်။

ညိုကြီး

From Peace

From Peace

(မနက်ဖြန် (၂၅၊ နိုဝင်ဘာ၊ ၂၀၁၁)၊ နေ့ ၂ နာရီမှ ညနေ ၄ နာရီအထိလည်း အထက်ပါ ကံတက်ကုန်း(မစိုးရိမ်)ကျောင်းတိုက်မှာပင် ကလေးချစ်သူများကွန်ယက်မှ ကြီးမှူး၍ "နယ်မြေလုံခြံမှုမရှိသော ဒေသများရှိ ကလေးသူငယ်များသို့ ထောက်ပံ့ကူညီလှူဒါန်းရန် အလှူငွေလက်ခံခြင်းနှင့် ငြိမ်းချမ်းရေးဆုတောင်းပွဲ" ကျင်းပဦးမည်ဖြစ်ပါကြောင်း အသိပေးဖိတ်ခေါ်အပ်ပါသည်။)

Video Clip
https://www.facebook.com/video/video.php?v=316117248398541