15 December 2013

မူလဆုံမှတ် အနုပညာ အယ်လ်ဘမ် ထွက်ရှိ

မန္တလေးမြို့  မှ အနုပညာသမားများ စီစဉ်တင်ဆက်ထုတ်ဝေသည့်

နိုင်ငံရေး စာပေအနုပညာနှင့် အမြင်ဘာသာစကား
မူလဆုံမှတ် အနုပညာ အယ်လ်ဘမ်
le Rendez-vous original
l'Album Des Beaux-Arts
စာအုပ်ထွက်ရှိ



ပုံနှိပ်မှတ်တမ်း


 မာတိကာ





မူလဆုံမှတ် အနုပညာ အယ်လ်ဘမ် စာအုပ်မိတ်ဆက်ပွဲကို မန္တလေးမြို့  ၊ ၇၈လမ်း၊  ၃၁-၃၂ လမ်းကြားရှိ မင်းသီဟ ကဖေးတွင် (၁၅-၁၂-၂၀၁၃)ရက်၊ တနင်္ဂနွေနေ့၊ နံနက် ၉ နာရီမှ ၁၁ နာရီထိ ကျင်းပပြုလုပ်ခဲ့ကြောင်း သိရပါသည်။

မူလဆုံမှတ် အနုပညာ အယ်လ်ဘမ် စာအုပ်မိတ်ဆက်ပွဲ အခမ်းအနားဓာတ်ပုံကို ကဗျာဆရာ ပြေညိမ်းမိုဃ်း၏ facebook မှ ရယူပါသည်။

{{{ မူလဆုံမှတ် အနုပညာ အယ်လ်ဘမ်တွင် ကျွန်တော် ညိုကြီး၏ ကဗျာ - "လူကြီးများသို့" လည်း ပါဝင်ပါသည်။ ထိုကဗျာကို ကျွန်တော့် blog တွင် ဖော်ပြခဲ့စဉ်က "ခလေးများသို့" ခေါင်းစဉ်နှင့်ဖြစ်ပါသည်။
"လူကြီးများသို့ (သို့မဟုတ်) ခလေးများသို့" ကဗျာအား ကျွန်တော့် blog ၏ အင်တာနက်လိပ်စာ -
http://bigbbrown.blogspot.com/2013/10/blog-post.html
တွင်လည်း ဖတ်ရှုနိုင်ပါသည်။ }}}

14 December 2013

ရိုးရိုးလေးပဲ တွေးပါ ( မြန်မာနှင့် ထိုင်း ဘောလုံးပွဲကို အားပေးမည့် အိမ်ရှင်မြန်မာပရိသတ်သို့ )



"ရိုးရိုးလေးပဲ တွေးပါ"

မြန်မာဘောလုံးအသင်းနဲ့ အင်္ဂလန် ဒါမှမဟုတ် ဂျပန် ဘောလုံးအသင်းတို့နဲ့ ဘောလုံးတစ်ပွဲလောက် ကန်ပြီဆိုပါတော့။ ကန်ရတဲ့ကွင်းကလည်း အင်္ဂလန်က ကွင်းတစ်ကွင်း ဒါမှမဟုတ် ဂျပန်က ကွင်းတစ်ကွင်းမှာဆိုပါတော့။ မြန်မာအတွက် အဝေးကွင်းပေါ့ဗျာ။ အဲဒီမှာ အိမ်ရှင် အင်္ဂလန်/ဂျပန် ပရိသတ်က သူတို့နိုင်ငံတွေ မြန်မာနိုင်ငံကို ကျူးကျော်ခဲ့ဖူးစဉ်က အမှတ်အသားတစ်ခုခု (ဥပမာ သီပေါမင်းပါတော်မူ ဓာတ်ပုံဗီနိုင်းကြီးကိုဖြစ်ဖြစ်၊ ဂျပန်ခေတ်က ဓာတ်ပုံဗီနိုင်းကြီးကို ဖြစ်ဖြစ် အဲဒီဘောလုံးပွဲမှာ ကိုင်ဆောင်ပြသအားပေးပြီး မြန်မာတွေကို ထိကပါးရိကပါးလုပ်မယ်ဆိုရင် အဲဒီဘောလုံးပွဲကို တီဗွီကနေ တိုက်ရိုက်ကြည့်နေတဲ့ မြန်မာနိုင်ငံသားတွေ ဘယ်လိုခံစားရမလဲ။ ပျော်မလား။ ဒေါသထွက်မလား။ ဒေါသပဲထွက်မှာပေါ့။ မဆိုင်တဲ့အပေါက်ကို ဂလိုင်နဲ့ အခေါက်ခံရတယ်လို့ပဲ မှတ်ယူကြမှာ အသေအချာပါပဲ။ အိမ်ရှင်က ဧည့်သည်ကို စော်ကားတယ်လို့ပဲ မှတ်ယူကြမှာ အသေအချာပါပဲ။ ကိုယ်က ခံစားခဲ့ရတဲ့သူကိုး။

၂၇ ကြိမ်မြောက် ဆီးဂိမ်းမှာ အိမ်ရှင်မြန်မာနဲ့ ထိုင်းတို့ ဘောလုံးပွဲရှိတယ်။ အဲဒီမှာ ကိုယ့်နိုင်ငံက ကျူးကျော်ဖူးခဲ့တဲ့ ထိုင်းကို ဘုရင်ခေတ်က ပိုစတာ ဗီနိုင်းတွေနဲ့ အိမ်ရှင်က ဧည့်သည်ကို ရန်စစော်ကားသလို မဖြစ်စေချင်တာ ကျွန်တော့်စေတနာပါ။ ဘုရင်ခေတ်က ကျန်ခဲ့ပါပြီ။ လက်ရှိကိုယ့်နိုင်ငံရဲ့ အခြေအနေကို ပြန်သုံးသပ်ပါ။ ဘယ်အခြေဆိုက်နေသလဲလို့။ တက်နိုင်ငံတွေကို မီအောင် ကျွန်တော်တို့မှာ ကြိုးစားစရာတွေ အများကြီးလိုနေပါသေးတယ်။ ရှေ့က အာဏာရှင်အစိုးရအဆက်ဆက် ဖျက်ဆီးပစ်ခဲ့တဲ့ နိုင်ငံပုံရိပ်ကို ပြန်လည်မြှင့်တင်ကြရပါဦးမယ်။ ဒီအချိန်မှာ အရေးမပါတာတွေကို အရာမပေးစေလိုပါ။ အရေးမပါတာတွေနဲ့ နိုင်ငံရဲ့ ပုံရိပ်ကို မထိခိုက်စေလိုပါ။ နိုင်ငံရဲ့ ရှေ့ဆက် လျှောက်ရမယ့်ခြေလှမ်းတွေကို မတုံ့နှေးစေလိုပါ။

အမုန်းမီး မပွားပါစေနဲ့။ အချစ်မီးကိုသာ ထွန်းညှိပါ။ အမြင်ကျယ်ပါ။ ခေတ်မီမီ ကမ္ဘာကြည့် ကြည့်မြင်ပါ။ ရိုးရိုးလေးပဲ တွေးပါ။ ရိုးရိုးလေးပဲ အားပေးပါ။ ဒါဟာ ဘောလုံးကန်နေတာပါ။ အားကစားပွဲပါ။ စစ်တိုက်နေတာ မဟုတ်ပါဘူး။ ။

ညိုကြီး
(13.12.2013)

05 December 2013

၂၇ ကြိမ်မြောက် ဆီးဂိမ်းတွင် အိမ်ရှင်မြန်မာတို့ ဆုတံဆိပ်ရယူနိုင်မည့် အားကစားများ



"၂၇ ကြိမ်မြောက် ဆီးဂိမ်းတွင် အိမ်ရှင်မြန်မာတို့ ဆုတံဆိပ် သေချာပေါက်ဆွတ်ခူးနိုင်မည့် အားကစားများ"

ခြင်း - မွေးကတည်းက ဝိုက်ပင့်မြှောက်ခတ်ခုတ်ချလာတာ
လှေ - မွေးကတည်းက လှော်လာတာ
သေနတ်/မြားပစ် - မွေးကတည်းက ပစ်လာခတ်လာတာ
ဂျူဒို/တိုက်ကွမ်ဒို/ကရာတေး/ဝူရှူး - မွေးကတည်းက တိုက်လာခိုက်လာတာ
ပြေးခုန်ပစ် - မွေးကတည်းက ပြေးဟယ်ခုန်ဟယ်ပစ်ဟယ်ဖြစ်လာတာ
ဘိလိယက်/လက်ဝှေ့ - မွေးကတည်းက ထိုးချလာတာ
စစ်တုရင် - မွေးကတည်းက အကွက်တွေ ခဏခဏရွှေ့လာတာ
အလေးမ - မွေးကတည်းက ဟိုလူ့မ ဒီလူ့မ အကျင့်တွေ စွဲကပ်လာတာ

အဲဒီ အားကစားနည်းတွေမှာ မြန်မာပြည်အနေနဲ့ ရွှေတံဆိပ်ဆုအပါအဝင် ဆုတွေ သေချာ ပေါက် ရမှာပါ။ မယုံမရှိနဲ့။

(မွေးကတည်းက = လွပ်လပ်ရေး ရရှိမွေးဖွားကတည်းက)

ဒိုင်ဗင်ပစ်နဲ့ ဘော်လီဘော တွေကနေလည်းပဲ ဆုတွေ ရနိုင်ပါသေးတယ်။

အထူးသဖြင့် သေနတ်ပစ်မှာ 'ရွှေ' မရရင်တော့ မြန်မာတို့အနေနဲ့ အလွန်ခံရခက်စရာကောင်းမယ်လို့ထင်တယ်။ ဘာဖြစ်လို့လည်းဆိုတော့ လွပ်လပ်ရေးရဖို့လည်း သေနတ်ကိုင်ခဲ့ရတယ်။ လွတ်လပ်ပြီး အချင်းချင်း သတ်ဖြတ်ကြတော့လည်း သေနတ်ကိုင်ခဲ့ရတယ်။ သေနတ်ကိုင်ထားတဲ့ စစ်အာဏာရှင်စနစ်အောက်မှာလည်း နှစ်ပေါင်း ၆၀ ကျော် နေခဲ့ရတယ်။ သေနတ်ကိုင်တပ်မတော်နဲ့ အခြားသေနတ်ကိုင်အဖွဲ့အစည်းတွေကြားမှာလည်း ခုထိ ငြိမ်းချမ်းရေး ကောင်းကောင်းမရသေးဘူး။ ဦးသိန်းစိန်, ဦးရွှေမန်းနဲ့ လက်ရှိတိုင်းဒေသကြီး/ပြည်နယ်ဝန်ကြီးချုပ်တွေကလည်း သေနတ်သမားတွေဖြစ်ခဲ့ဖူးတယ်။ ကာချုပ်ကလည်း လက်ရှိအခင်းအကျင်းမှာအရေးပါတဲ့သေနတ်သမားဖြစ်နေတယ်။ လွှတ်တော်ကိုယ်စားလှယ် ၂၅ ရာခိုင်နှုန်းကလည်း သေနတ်သမားတွေပဲ။ ခုဆိုရင် အမျိုးသမီးတွေတောင် သေနတ်ကိုင်ဗိုလ်လောင်းဝင်ခွင့်ရနေပြီလေ။ :)

ဆီးဂိမ်းပြိုင်ပွဲဝင်အားကစားသမားအားလုံးကို လေးစားဂုဏ်ပြုလျက်-

ညို ကြီး
4.12.2013

22 November 2013

မန္တလေးမြို့ အခြေစိုက် "ကဗျာ" မဂ္ဂဇင်း (Poem Magazine) အမှတ် (၁) စတင် ထွက်ရှိ

မျက်နှာဖုံး


အယ်ဒီတာအဖွဲ့နှင့် ဆက်သွယ်ရန်


 မာတိကာ



10 November 2013

ကျွန်မ သမ္မတကြီး ဖြစ်ချင်တယ် (ခရမ်းပြာထက်လူ၏ ကဗျာ)


"ကျွန်မ သမ္မတကြီး ဖြစ်ချင်တယ်"

ကျွန်မကိုယ် ကျွန်မ ပန်းခင်းကြီးလို ပြင်ထားတယ်
ကျွန်မကိုယ် ကျွန်မ ထမင်းဝိုင်းကြီးလို ပြင်ထားတယ်
ကျွန်မကိုယ် ကျွန်မ ခြေသုတ်ပုဆိုးမြွေစွယ်ကျိုးလို့လည်း ပြင်ထားတယ်

ကျွန်မကိုယ် ကျွန်မ စာအုပ်စင်ကြီးလို ပြင်ထားတယ်
ကျွန်မကိုယ် ကျွန်မ ကြယ်တာရာညီလာခံကြီးလို ပြင်ထားတယ်
ကျွန်မကိုယ် ကျွန်မ စက်ဝိုင်းတစ်ခုအလယ်မှာ
ဓားပေါက်ခံရပ်နေတဲ့ မိန်းမတစ်ယောက်လိုလည်း ပြင်ထားတယ်

ကျွန်မကိုယ် ကျွန်မ မြေမြှုပ်မိုင်းတွေ မွစာကျဲနေတဲ့
အရပ်မှာပေါက်နေတဲ့ ရွက်ကျပင်ပေါက်တွေလို သဘောထားပြီး
ကျွန်မကိုယ် ကျွန်မ နေ့နဲ့ည မှားအိပ်နေရတဲ့
မီးပြတိုက်တစ်ခုလိုလည်း ကျင့်ထားတယ်။

ရှင်တို့ရှို့လိုက်တဲ့မီး
ကျွန်မမြားရဲ့ နောက်မြီးအဖျားမှာ ဟုန်းဟုန်းတောက်လောင်နေပါစေ
ကျွန်မရဲ့ ဦးတည်ချက်ပစ်မှတ်ဟာ ဘယ်တော့မှမလွဲ
ဂြိုဟ်တုတစ်စင်းနောက်မှာ ပန်းထွက်ကျန်ရစ်ခဲ့တဲ့ မီးစတွေလို
အဲ့ဒါဟာ ကျွန်မကို ပိုပြီးခွန်အားဖြစ်စေခဲ့။

ကလေးတွေ စပြီးဖွင့်လိုက်တဲ့ စာမျက်နှာဟာ
ကျွန်မအကြောင်းနဲ့ စ ရမယ်လို့ ရှင်တို့ထင်နေလား
အချစ် သို့မဟုတ် ကမ္ဘာကြီး သို့မဟုတ်
ရှေ့ကချိုင့်ခွက်ထူ လူသွားလမ်းလေးကို ကျောင်းဆင်းရင်ပြင်ကြစို့
ဒါနဲ့ စမယ်။

ကျွန်မကိုယ်တိုင် မာသာထရီဇာလို ပြင်ထားပြီး
ဒိုင်ယာနာမင်းသမီးလိုလည်း ဆင်ထားမယ်။

ကျွန်မတို့အိမ်မှာ ဘာတွေလိုနေလဲ
သူတို့ဘာကြောင့် လူတစ်ပိုင်းနတ်တစ်ပိုင်းဖြစ်နေကြသလဲ
သူတို့ဘာကြောင့် ယဉ်ကျေးကြသလဲ
သူတို့ရဲ့ ဦးခေါင်းတွေဖွင့်ကြည့်ဖို့
သူတို့ရဲ့ ပျော်ရွှင်မှုတွေကို သုတေသနလုပ်ဖို့။

သေနတ်တွေ ဗုံးတွေ အကြမ်းဖက်မှုတွေကြားထဲက တောင်သူတို့
ဘာလို့ အင်္ဂါဂြိုဟ်သွားလက်မှတ်တွေ
အလုအယက်ဝယ်နေကြတာလဲ။

ကျွန်မဟာ မိတ်ဖွဲ့ရမယ်
ကျွန်မတို့အိမ်အတွင်း လိုတိုးပိုလျှော့လုပ်ဖို့
ကျွန်မ လမ်းလျှောက်ထွက်ရမယ်။
စကြ၀ဠာထဲကနေ ကမ္ဘာကို ပြန်ကြည့်သလို
ကမ္ဘာထဲကနေ ကျွန်မတို့မြန်မာပြည်ကို ပြန်ကြည့်ရအောင်ပေါ့။
ကျွန်မ လမ်းလျှောက်ထွက်ရမယ်။

ကျွန်မ ကျောသားရင်သားမခွဲပေမယ့်
အမှန်တရားကိုတော့ ရအောင်ခွဲရမယ်။

ပုလင်းထဲကလာတဲ့ ဥပဒေနဲ့
ပါးစပ်ထဲကအန်ကျလာတဲ့ ပုဒ်မတွေကြားမှာ
ရှင်တို့ ကျွန်မတို့ ဘယ်လောက်ညစ်ပတ်နံစော် အော်ဂလီဆန်ခဲ့ရပြီဆိုတာ
ကျွန်မကိုယ်တိုင် သိခဲ့ရတာပဲ။

ကျွန်မကိုယ် ကျွန်မ
သတင်းဆာနေသူ ရှင်တို့အတွက်
သတင်းအမှန်ရဖို့ သတင်းစာအပြင်ဘက်မှာ ရပ်နေပါတယ်။

ကျွန်မအလုပ်တွေ များပါတယ်
ကျွန်မမှာ ကာလီမမယ်တော်လို လက်တွေအများကြီးမရှိသလို
ဒဿဂီရိလို ခေါင်းတွေလည်း အများကြီးမရှိတော့
ရှင်တို့နဲ့ အများကြီးအကြာကြီး မတွေ့နိုင်ဘူးပေါ့။

ရှင်တို့ သိပါတယ် ကျွန်မတစ်ယောက်တည်း
မျက်နှာချင်းဆိုင်ရမှာလည်း တစ်ယောက်တည်း
ဘေးချင်းယှဉ်လျှောက်ရမှာလည်း တစ်ယောက်တည်း
ကျွန်မက တစ်ယောက်တည်းရှင့်
ကျွန်မကလေးတွေက မုန့်ဖိုးကောင်းကောင်းလိုချင်တယ်
စမတ်ကျကျနေချင်တယ်
ကျောင်းမှာ ခုံကောင်းကောင်းနဲ့ ထိုင်ချင်တယ်
စာတော့ မကြိုးစားချင်ကြဘူး။
ကျွန်မက တစ်ယောက်တည်းရှင့်။

ကြယ်တွေ မရှိတော့လည်း ညက မကြွပြန်ဘူး
ကြယ်တွေ မရှိတော့လည်း ညက မလုံခြုံပြန်ဘူး
ကျွန်မကိုယ် ကျွန်မ လမင်းကြီးလို ပြင်ထားတယ်။

ကျွန်မကိုယ်ကျွန်မ ဒီနှစ်တွေမှာ စစ်မဖြစ်ဖို့ ပြင်ထားတယ်
တစ်ခါသေဖူး ပျဉ်ဖိုးနားလည်ခဲ့ပြီလေ
အခါအခါသေဖူးတဲ့လူတစ်ယောက်
ငရဲကိုတော့ နားလည်ရတော့မှာပေါ့။

ကျွန်မအာဏာလိုချင်တယ်
ရှင်တို့လက်ထဲကို အပ်မလို့။

အဲ့ဒီအာဏာနဲ့ အချိန်မရွေး
ကျွန်မကိုလည်း ဖြုတ်ချရင်ဖြုတ်ချနိုင်အောင်လို့
ဒါကြောင့် ကျွန်မမှော်ဆရာ မဖြစ်ချင်ဘူး
သမ္မတကြီးပဲ ဖြစ်ချင်တယ်
မှော်ဆရာတွေကို မွေးပြီး
မှော်ဆန်တဲ့ နိုင်ငံကြီး တည်ဆောက်လိုက်ချင်လို့ ။         ။

ခရမ်းပြာထက်လူ

26 October 2013

ရသအလင်းရဲ့ ၃ နှစ် နီးနီး ခရီး

ရသအလင်းရဲ့ ၃ နှစ် နီးနီး ခရီး
+++++++++++++++++++



စင်္ကာပူနိုင်ငံ အခြေစိုက် ရသအလင်းဖောင်ဒေးရှင်းသက်တမ်း(၃)နှစ်တာကာလကို ချင်းနင်းဝင်ရောက်လာခဲ့ပါပြီ။
ဒီ အချိန်ကာလအတွင်း စာပေအနုပညာနှင့် လူမှုရေးအသင်းအဖွဲ့များအတွက် စုစုပေါင်းငွေကျပ်(၁၁၉)သိန်းတိတိ လှူဒါန်းဂုဏ်ပြုနိုင်ခဲ့ပါတယ်။

ခု အလှူရှင်များ နဲ့ မိတ်ဆွေများအားလုံး သာဓုခေါ်မုဒိတာပွားစေနိုင်ဖို့ ရသအလင်းဆောင်ရွက်နိုင်ခဲ့ သမျှကို စာရင်းများနဲ့တကွ တင်ပြလိုက်ပါတယ်။

ရသအလင်းဖောင်ဒေးရှင်းကို ရန်ပုံငွေထည့်ဝင်ခဲ့သော မိတ်ဆွေများများအားလုံး၊ ရသအလင်းမှ ကျင်းပခဲ့တဲ့ ဟောပြောပွဲတွေမှာ စိတ်ရောကိုယ်ပါ ပါဝင်ကူညီခဲ့သူများ အားလုံးကို ရသအလင်းမှ လှိုက်လဲလေးနက်စွာ ကျေးဇူးတင်ရှိပါတယ်။

ယခုဆိုလျှင် ရသအလင်းမှ မူရင်းရည်ရွယ်ချက်ဖြစ်တဲ့ မြန်မာပြည်တွင်းမှ ကျန်းမာရေးအတွက် အရေးပေါ်ဆေးကုသရန်လိုအပ်နေတဲ့ စာပေကဗျာနှင့် ကာတွန်းပန်ချီ အနုပညာရှင်များကို ဂုဏ်ပြုငွေများ ပေးအပ် ချီးမြှင့်တဲ့ အစီအစဉ်အပြင် ခြေလှမ်းသစ်များအနေနဲ့ လူမှုရေး ပညာရေး အသင်းအဖွဲ့များကို နဲ့ စာကြည့်တိုက်များကို ထောက်ပံ့ လှူဒါန်းခြင်း အစီအစဉ်တွေကိုပါ တိုးချဲ့ ဆောင်ရွက်နေပါတယ်။

နောက်ထပ် အစီအစဉ်သစ်များနဲ့ စာပေအကျိုး ပြည်သူ့အကျိုးများကို နိုင်သလောက် စွမ်းသလောက် သယ်ပိုးထောက်ကူဖို့ အားမာန်အပြည့် ဆက်လက်ချီတက်သွားမှာဖြစ်ပါတယ်။ မြန်မာပြည်တွင်းမှာ ပြုလုပ်မယ့် အစီအစဉ်များလည်းရှိနေပြီး အစီအစဉ်အသေးစိတ်တွေကို ဆက်လက်တင်ပြပေးသွားပါ့မယ်။

အဲဒီ့အတွက် ရသအလင်းမှာ အသင်းဝင်အင်အားများလိုအပ်နေပြီ။ အထူးသဖြင့် မြန်မာပြည်တွင်းက လှုပ်ရှားဆောင်ရွက်နိုင်မယ့် အသင်းဝင်များ လိုအပ်နေပါတယ်။ အမှန်တကယ် စိတ်ဝင်တစား လက်တွဲဆောင်ရွက်လိုစိတ်ရှိသူ မည်သူကိုမဆို ဝမ်းမြောက်ဝမ်းသာ ကြိုဆိုနေပါကြောင်း လေးစားစွာ အသိပေးဖိတ်ခေါ်အပ်ပါတယ် …

+
၁)ကျန်းမာရေးအထောက်အပံ့အလို့ငှာ ဂုဏ်ပြုငွေပေးအပ်ချီးမြှင့်ခြင်း
- စာရေးဆရာ ကဗျာဆရာ ကာတွန်းဆရာ (၂၀)ဦး တစ်ဦးကို ကျပ် ၃သိန်းဖြင့် ငွေကျပ် သိန်း(၆၀)
၂) ကဗျာဆရာကြီးအောင်ချိမ့်အား တစ်သက်တာ ကဗျာဆရာဆု ပေးအပ်ချီးမြှင့်ခြင်း ငွေကျပ် ၅ သိန်း
၃) စာရေးဆရာကြီး အဘိုး ဒဂုန်တာရာအား ဂါရဝပြုကန်တော့ခြင်း ငွေကျပ်၅သိန်း
စုစုပေါင်း သိန်း(၇၀)တိတိ
++
၂)ပညာရေး၊လူမှုရေးအသင်းအဖွဲ့များအား လှူဒါန်းခြင်း
- ကချင်စစ်ဘေးဒဏ်သင့်ညီနောင်များအတွက် ငွေကျပ် (၁၀)သိန်း
- NLD ပညရေးရန်ပုံငွေအတွက် ငွေကျပ် (၁၀)သိန်း
- ဗမာနိုင်ငံလုံးဆိုင်ရာ ကျောင်းသားများသမဂ္ဂ (၇၇)နှစ်မြောက် အထိမ်းအမှတ်၊ ခေတ်အဆက်ဆက် ဗကသမျိုးဆက်များ တွေ့ဆုံပွဲ ဖြစ်မြောက်ရေးအတွက်ရည်ရွယ်၍ ငွေကျပ်(၁၀)သိန်း၊

- ဗမာနိုင်ငံလုံးဆိုင်ရာ ကျောင်းသားများသမဂ္ဂမှ ပြန်လည်ဦးစီးထုတ်ဝေမည်ဖြစ်သော အိုးဝေစာစဉ် ဖြစ်မြောက်ရေးအတွက်ရည်ရွယ်၍ ငွေကျပ်(၁၀)သိန်း၊

စုစုပေါင်း သိန်း(၄၀)တိတိ

+++
၂)စာကြည့်တိုက်များအား လှူဒါန်းခြင်း
- တင်အေးမွန်စာကြည့်တိုက် (ထိန်တောရွာ)
- ရာစုသစ်မီးအိမ်စာကြည့်တိုက်( ရွေဘိုမြို့)
- Open Mind Library စာကြည့်တိုက်လက်ပံတန်းမြို့နယ်
၃သိန်းနှုန်းဖြင့် စုစုပေါင်း (၉)သိန်းတိတိ

စုစုပေါင်း(၁၁၉)သိန်း တိတိ
++++++++++
ဂုဏ်ပြုငွေပေးအပ်ထားသော ဆရာဆရာမများစာရင်း
၁)ကာတွန်းဆရာ ဗိုမောင်
၂)ကဗျာဆရာ အောင်ဘညို
၃)ပန်းချီဆရာ ရာဟုလာ
၎)စာရေးဆရာ ကဗျာဆရာပိုင်စိုးဝေ
၅)ကဗျာဆရာ မောင်အောင်နီ
၆)ကဗျာဆရာ လှသန်း(ကြည်မောင်သန်း)
၇)စာရေးဆရာ ကဗျာဆရာအေးမင်းစော
၈)ကဗျာဆရာမောင်အောင်ပွင့်
၉)ဆရာကြီးမောင်လင်းယုန်(ရှမ်းပြည်)
၁၀)ဆရာမကြီး မအိ
၁၁)ဆရာကိုဆွေ
၁၂)ဆရာကြီးနေသွေးနီ
၁၃)ဆရာမောင်တင်ဆင့်
၁၄)ဆရာကြီးမောင်ဝံသ
၁၅)ဆရာကြီးဦးအောင်သင်း
၁၆)ဆရာမောင်ဒေါင်း
၁၇)ဆရာကြီးဦးဝင်းဖေ
၁၈)ဆရာနေမျိုး
၁၉)ဆရာမင်းလူ
၂၀)ဆရာပိုင်စိုးဝေ( ကျန်းမာရေးအခြေအနေရ ဒုတိယအကြိမ်မြောက်)

+++++++++++++++++++
"ရသအလင်းအကြောင်း အကျဉ်း"

ကျန်းမာရေးအတွက် အရေးပေါ်ဆေးကုသရန်လိုအပ်နေသော စာရေးဆရာ၊ကဗျာဆရာ၊ကာတွန်းဆရာများနှင့် ဂုဏ်ပြုထိုက်သူ အနုပညာရှင်ကြီးများကို ဂုဏ်ပြုနိုင်ရန်အတွက် စင်္ကာပူနိုင်ငံမှာရောက်ရှိနေတဲ့ စာပေအနုပညာချစ်မက်သူတွေစုစည်းပြီး ရသအလင်း ဖောင်ဒေးရှင်း ရယ်လို့ ၂၂.၄.၂၀၁၁ ခုနှစ်မှာ ဖွဲ့စည်းတည်ထောင်ခဲ့ကြပါတယ်။

ရသအလင်းဖောင်ဒေးရှင်းရယ်လို့ မဖွဲစည်းမီက ကဗျာဆရာမလုံမငြိမ်းချမ်းနဲ့ ကဗျာဆရာကိုလှသန်းကို ဂုဏ်ပြု ပေးအပ်ခဲ့ကြပါသေးတယ်။

+++++++++++++++++++
ရသအလင်းဖောင်ဒေးရှင်း၏ Facebook မှ ကူးယူဖော်ပြပါသည်

23 October 2013

မျှော်တော်ဇောနဲ့ မောလှပါပြီ ဒိုင်ယာရီ...

"မျှော်တော်ဇောနဲ့ မောလှပါပြီ ဒိုင်ယာရီ..."

အွန်လိုင်းကတစ်ဆင့် ရောင်းချမယ့် လေးဖြူရဲ့ ကိုယ်ပိုင်သံစဉ် သီချင်း အသစ် "ဒိုင်ယာရီ" ကို နားထောင်ချင်လွန်းနေတာ တစ်ပိုင်းတောင်သေတော့မယ်။ တေးရေးက အသစ်တဲ့။ "ဟန်စိုင်း" တဲ့။ Release လုပ်မယ့် အောက်တိုဘာ ၂၇ ရယ် မြန်မြန်ရောက်ပါတော့။


www.myanmarmusicstore.com မှာ ဝယ်ရမှာတဲ့။ ပြည်တွင်းကနေ ဝယ်မယ်ဆိုရင် မိုဘိုင်းဖုန်းဘီလ်နဲ့ ငွေချေနိုင်မယ်။ ဖုန်းဘီလ်ထဲက ကျပ် ၃၀၀ ပဲ ဖြတ်သွားမှာပါတဲ့။ Myan Pay စနစ်/ Y Pay စနစ်တွေနဲ့လည်း ဝယ်နိုင်မယ်တဲ့။ SMS စနစ်နဲ့ဆိုရင်တော့ Message Center Number ၁၈၈၉၉ ကို  buy s02229 ဆိုတဲ့ စာသား Message တစ်စောင်ပေးပို့ပြီး ဒိုင်ယာရီသီချင်း ဒေါင်းလုပ်လင့်ခ်ရယူနိုင်မယ်တဲ့။ ပြည်ပနိုင်ငံတွေကတော့ Paypal စနစ်နဲ့ ဝယ်လို့ရမယ်တဲ့။

မိတ်ဆွေများအနေနဲ့လည်း Original ဒိုင်ယာရီ သီချင်းကိုသာ ဝယ်ယူအားပေးစေလိုပါတယ်။

ညိုကြီး

++++++++++++++++

"ဒိုင်ယာရီ သီချင်း အမြည်း"

ရောင်စုံအိပ်မက်တို့ တဖြည်းဖြည်း ပြိုလဲနေ
အချိန်တန်ရင် ပြန်ပြီး နိုးထ လက်တွေ့ဘဝထဲ
အရာရာ ဆန်းစစ်ကြည့်ရင် ကြုံမယ် အနိမ့်အမြင့်များသာ
တနေကုန်ငါ ထိုင်ပြီးရေးဖြစ်တဲ့ ကဗျာ
ငါပြန်ပြီး မေ့ပစ်မယ့်အရာ

ကြွေရွက်ဝါ. . .
ဒိုင်ယာရီတွေထဲ ပြန်ပြီး ရှာဖွေတဲ့အခါ ငါမေ့ပစ်ထားတဲ့
ဟိုးအတိတ်က အဖြူရောင် စာမျက်နှာ
ဒဏ္ဍာရီ မြစ်ချောင်း တိမ်တိုက် တောင်တန်းတွေကြားမှာ အငြိမ်းချမ်းဆုံးနေရာ တမ်းတရင်းနဲ့ ... အိုး ရေ့ ...

(တေးရေး - ဟန်စိုင်း)

ဝက်ဆိုက်တွင် လွှင့်တင်ထားသော သီချင်းအမြည်းအား နားဆင်၍ ကူးယူဖော်ပြထားခြင်းဖြစ်ပါသည်
===================

၂၀၁၃ အောက်တိုဘာ ၂၇ ရက်၌ ကျပ်ငွေ ၃၀၀ ဖြင့် အွန်လိုင်းကတစ်ဆင့် ရောင်းချမည့် လေးဖြူ၏ "ဒိုင်ယာရီ" ကိုယ်ပိုင်သံစဉ် တေးသီချင်းအား အင်တာနက်လိပ်စာ

https://www.myanmarmusicstore.com/AlbumDetail.aspx?albumid=B0000184

တွင် အမြည်းသဘောမျိုး နားဆင်ခံစားနိုင်ပါသည်။ ဝယ်ယူရန် ကြိုတင်စာရင်းပေး မှာကြား(Pre-order)နိုင်ပါသည်။ မနားဆင်/ မဝယ်ယူခင်တွင် ပထမဦးစွာအနေဖြင့် အဆိုပါဝက်ဆိုက်တွင် Register ပြုလုပ်ထားရမည် ဖြစ်ပါသည်။

"SMS ဖြင့် ဝယ်ယူနားဆင်ရန်"
(** iOS & Andriod devices များသာ)

(ဒိုင်ယာရီ သီချင်း၏ Sound Code မှာ s02229 ဖြစ်ပါသည်)

buy s02229 ဟုရိုက်ထည့်ကာ ဖုန်းနံပတ် 18899 သို့ Message ပေးပို့ရပါမည်။

(ဒိုင်ယာရီ သီချင်း၏ Sound Code ဖြစ်သည့် s02229 အား Message Box တွင် buy ခံကာ ရိုက်ထည့်၍ Myanmar Music Store ၏ Message Center Number 18899 သို့ SMS ပေးပို့ လိုက်ရုံဖြင့် ဒိုင်ယာရီသီချင်းအား လွယ်ကူလျင်မြန်စွာ Download ပြုလုပ်၍ မိတ်ဆွေတို့၏ Mobile Phone များတွင် နားဆင်နိုင်ပါပြီ။ ကျသင့်ငွေကို မိတ်ဆွေတို့၏ Phone Bill မှ ကျပ်ငွေ ၃၀၀ ကောက်ခံမှာ ဖြစ်ပါတယ်။)

ထိုသီချင်းအား အခြားသူငယ်ချင်း/ချစ်သူတစ်ဦးထံသို့ လက်ဆောင်ပေးပို့လိုသည့်အခါ
gift s02229 to 959 - - - - - - - - - ဟု Message Center Number 18899 သို့ Message တစ်စောင်ပေးပို့လိုက်လျှင် မိမိပေးပို့သူ၏ လက်ကိုင်ဖုန်းတွင် ဒေါင်းလုပ်လင့်ခ်တစ်ခု Message ၀င်ပါလိမ့်မည်။ သီချင်းအား လက်ကိုင်ဖုန်းဖြင့် ဒေါင်းလုပ်လုပ်ရန်အတွက် အင်တာနက်မိသော ဖုန်းဖြစ်ရပါမည်။ (ဖုန်းအင်တာနက် (သို့မဟုတ်) Wifi)

လင့်ခ်ရရှိပါက မိုဘိုင်းလ်ဖုန်းဖြင့်သာမက ကွန်ပျူတာမှတစ်ဆင့်လည်း အဆိုပါလင့်ခ်အား ကူးယူ၍ ဒေါင်းလုပ်လုပ်နိုင်ပါသည်။

13 October 2013

ခလေးသို့


"ခလေးသို့"

 ခလေး စစ်သား
ခလေး လိင်ကျွန်
ခလေး ဆေးကုန်ကူး
ခလေး ပန်းရောင်း
ခလေး ဂျာနယ်ရောင်း
ခလေး စီဒီခွေရောင်း
ခလေး အရက်ရောင်း
ခလေး လက်ဖက်ရည်ရောင်း
ခလေး ဈေးရောင်း
ခလေး မြင်းမောင်း
ခလေး နွားကျောင်း
ခလေး အိမ်ဖော်
ခလေး စားပွဲထိုး
ခလေး လုပ်သား
ခလေး လယ်သမား
ခလေး နေ့စား
ခလေး မြက်နှုတ်ပေါင်းသင်
ခလေး အိမ်သာကျင်းတူး
ခလေး အုတ်ကျောက်သယ်
ခလေး ကတ္တရာဗန်းကိုင်
ခလေး စင်တင်ထိုင် သီချင်းဆို
ခလေး တည်းခိုခန်း အလုပ်သမား
ခလေး ဟိုအိမ်လူခေါ်ပွဲစား
ခလေး ဆီပန့်ကိုင်
ခလေး လေထိုးကျွတ်ဖာ
ခလေး ရေသန့်ဘူးကောက်
ခလေး တောက်တိုမယ်ရ
ခလေး သူဖုန်းစား
ခလေး သူခိုး
ခလေး ခါးပိုက်နှိုက်
ခလေး မိဘမဲ့
ခလေး လေလွင့်
ခလေး ကော်ရှူ
ခလေး ဆိုးသွမ်း
ခလေး လမ်းဘေးအိပ်
ခလေး အမှိုက်ပုံတိုး။

ခလေးတွေ ခလေးတွေ
ပညာနဲ့ ဝေးရ
အကြင်နာနဲ့ ဝေးရ
မေတ္တာနဲ့ ဝေးရ
ကစားကွင်းနဲ့ ဝေးရ။

မိဝေး ဖဝေး 
ဖိုးဝေး ဖွားဝေး
ဦးဦးဝေး ဒေါ်ဒေါ်ဝေး။

ရက်ရက်စက်စက် အရိုက်ခံကြရ
ပက်ပက်စက်စက် အသုံးချခံကြရ
ပယ်ပယ်နှယ်နှယ် အနှယ်ခံကြရ
ခလေးဖြစ်ရှုံးနေကြရ။

ခလေးမှန်သမျှ
နှိပ်စက်ခံရခြင်းဘေး ဝေးပါစေ
ရက်စက်ခံရခြင်းဘေး ဝေးပါစေ
စွန့်ပယ်ခံရခြင်းဘေး ဝေးပါစေ
ချုပ်နှောင်ခံရခြင်းဘေး ဝေးပါစေ
ခွဲခြားဆက်ဆံခံရခြင်းဘေး ဝေးပါစေ
ခလေးပြ ဆန်တောင်းခံရခြင်းဘေး ဝေးပါစေ။

ခလေးများအရေး ဒို့များတွေး
ခလေးကောင်းမှု ဒို့ပေါင်းစု
ခလေးကမ္ဘာ ဘယ်ဆီမှာ
ခ ခလေးငယ် ချစ်စဖွယ်
ခ ခရေကုံး ပန်းသို့ပြုံး ။ ။

 ညိုကြီး
10.10.13

 (က ကလေးပါ ကိုယ်ချင်းစာ)

26 September 2013

၆ နှစ်ပြည့် ရွှေဝါရောင်တော်လှန်ရေး တောင်းဆိုချက်များ










၂၀၀၇ စက်တင်ဘာ ရွှေဝါရောင်သံဃာ့အရေးအခင်း ၆ နှစ်ပြည့်အဖြစ် ၂၆ ရက် စက်တင်ဘာ ၂၆ ရက်နေ့က အိန္ဒိယနိုင်ငံ နယူးဒေလီမြို့ Jantar Mantar အရပ်၌ အိန္ဒိယနိုင်ငံရောက် မြန်မာနိုင်ငံသားရဟန်းရှင်လူဦးရေ (၅၀)ကျော်ခန့်စုစည်း၍ အောက်ပါအချက်များကို တောင်းဆိုခဲ့ကြကြောင်း သိရှိရပါသည်။

(၁)နိုင်ငံအရေးအကျဉ်းသားများအား ချွင်းချက်မရှိအမြန်ဆုံးလွှတ်ပေးရန်

(၂)သံဃာ့လှုပ်ရှားမှုများတွင် ပါဝင်ဆောင်ရွက်ခဲ့ကြသဖြင့် အကျဉ်းကျရာမှ ပြန်လည်လွတ်မြောက် လာကြသည့်                                    
  သံဃာတော်များနှင့်  သီလရှင်များအား မူလကျောင်းတိုက်များတွင် မနေနိုင်အောင် ဖိအားပေး   နေမှုများကို
  ချက်ချင်းရပ်တန့်ရန်              

(၃)မြန်မာနိုင်ငံတဝှမ်းလုံး၌ ဖြစ်ပေါ်လျက်ရှိသည့် ပြည်တွင်းစစ်နှင့် ပဋိပက္ခများ၊ အလုပ်သမား လယ်သမားများ
     အရေးဆို   တောင်းဆိုမှုများကို ငြိမ်းချမ်းစွာ အမြန်ဆုံး ဖြေရှင်းပေးရန်

(၄)သံဃာတော်များအား ဓါတ်တိုင်တွင် ကြိုးတုတ်ရိုက်နှက်ခဲ့ကြသည့်အပြင် အတင်းအဓမ္မ ဖမ်းဆီး
    ထောင်ချခဲ့မှုများနှင့် အရေးတော်ပုံအတွင်း ရက်စက်စွာ ပစ်ခတ်ဖြိုခွင်းမှုအား အစိုးရအနေနှင့် ဝန်ချတောင်းပန်ရန် နှင့် တာဝန်ရှိသူများကို အရေးယူရန်

(၅)၂၀၀၈ စစ်ကျွန်ဖွဲ့စည်းပုံအားဖျက်သိမ်းပြီး ပြည်သူ့ဆန္ဒနှင့်အညီဖွဲ့စည်းပုံအသစ်ရေးဆွဲရန်နှင့်တိုင်းရင်းသား ပေါင်းစုံ၏  ကိုယ်ပိုင်ပြဌာန်းခွင့်ရရှိရေးနှင့် အမျိုးသားတန်းတူရေးကို အာမခံသော ဖက်ဒရယ်ပြည်ထောင်စု    တည်ထောင်ရန်

25 September 2013

ရွှေဝါရောင်သံဃာ့လှုပ်ရှားမှု (၆) နှစ်မြောက် နှစ်ပတ်လည် ချီတက်ဆန္ဒပြပွဲ



ရွှေဝါရောင်သံဃာ့လှုပ်ရှားမှု (၆) နှစ်မြောက် နှစ်ပတ်လည် ချီတက်ဆန္ဒပြပွဲ

                                             သဘောထားကြေညာချက်                                      

နေ့စွဲ။   ။ ၂၆၊ ၉၊ ၂၀၁၃။

 ရွှေဝါရောင်သံဃာ့လှုပ်ရှားမှုကြီး ဖြစ်ပေါ်လာရခြင်းမှာ နအဖ စစ်အစိုးရသည် ပြည်သူလူထု၏ အထွေထွေအကျပ်တည်းများ ဖြစ်ပေါ်နေချိန်တွင် ရုတ်တရက် ဓာတ်ဆီဈေးနှုန်းများကို အဆမတန် မြှင့်တင်လိုက်သဖြင့် ပြည်သူများ က ငြိမ်းချမ်းစွာ ဆန္ဒပြတောင်းဆိုကြရာ နအဖ စစ်အစိုးရမှ အကြမ်းဖက် နှိမ်နှင်းဖမ်းဆီးခဲ့သည်။ရခိုင်ပြည်နယ်တွင်လည်း သံဃာတော်များက ငြိမ်းချမ်းစွာ ဆန္ဒပြတောင်းဆိုမှုများ ပြု လုပ်ကြရာ စစ်အစိုးရမှ ထပ်မံနှိမ်နှင်းမှု ပြုခဲ့သည်။

၅၊ ၉၊ ၂၀၀၇ ရက်နေ့ ပခုက္ကူမြို့တွင် သံဃာတော်များက ငြိမ်းချမ်းစွာ ဆန္ဒပြတောင်းဆိုမှုများ ဆက်လက် ပြုလုပ်ရာတွင် သံဃာတော်များဖြစ်သော ဦးပညာစက္က၊ ဦးပညာနန္ဒ၊ ဦးစန္ဒိမာတို့ သုံးပါးအား ကြိုးဖြင့် ဓာတ်တိုင်တွင် တုတ်နှောင်ပြီး ဖမ်းဆီးရိုက်နှက်ခဲ့သည့်အတွက် မြန်မာနိုင်ငံတဝှမ်းလုံးရှိ သံဃာတော်များက စစ်အစိုးရ၏ ကျူးလွန် စော်ကားသည့် လုပ်ရပ်ကို ၁၈၊ ၉၊ ၂၀၀၇ ရက်နေ့တွင် နောက်ဆုံးထားပြီး ဝန်ချ တောင်းပန်ရန် ကြေငြာချက် ထုတ်ပြန်ပြီး တောင်းဆိုခဲ့သော်လည်း စစ်အစိုးရမှ လိုက်နာမှုမရှိခဲ့သောကြောင့် ဝိနည်းတော်နှင့်အညီ ပတ္တနိက္ကုဇ္ဇန ကံဆောင်ခြင်းနှင့် ပြည်သူများ၏ လိုလားချက်များကို အမြန်ဆုံးပြည့်ဝစေရန် စီတန်းလှည့်လည် မေတ္တာပို့ခြင်းများ ပြုလုပ်ကြရာမှ ရွှေဝါရောင်တော်လှန်ရေးကြီး ပေါ်ပေါက်ခဲ့ပါသည်။

ရွှေဝါရောင်သံဃာ့လှုပ်ရှားမှုတွင်ပါဝင်ဆောင်ရွက်ခဲ့ကြသောသံဃာတော်အရှင်သူမြတ်များ၊ကျောင်းသားကျောင်းသူများ၊အဖွဲ့အစည်းများနှင့် ပြည်သူလူထုအပေါင်းတို့အားလည်းကောင်း၊ ငြိမ်းချမ်းစွာ မေတ္တာပို့ စီတန်းလှည့်လည်ကြစဉ် စစ်အစိုးရ၏ ရက်စက်စွာ ပစ်ခတ်နှိမ်နှင်းခြင်း၊ ဖန်ဆီးချုပ်နှောင်ခြင်း၊ အနှောက် အယှက် အမျိုးမျိုးပေးခြင်းများ ခံခဲ့ကြရသော ရဟန်းရှင်လူ ပြည်သူလူထုအပေါင်းတို့အားလည်းကောင်း တိ်ုင်းပြည် နှင့် လူမျိုးအတွက်ဆောင်ရွက်ချက်များကို အလေးအနက် ဂါရဝပြု၍ ဂုဏ်ပြုအပ်ပါသည်။

ကျွန်ုပ်တို့ အိန္ဒိယရောက် ဒီမိုကရေစီအင်အားစုများအနေဖြင့်

(၁)နိုင်ငံအရေးအကျဉ်းသားများအား ချွင်းချက်မရှိအမြန်ဆုံးလွှတ်ပေးရန်

(၂)သံဃာ့လှုပ်ရှားမှုများတွင် ပါဝင်ဆောင်ရွက်ခဲ့ကြသဖြင့် အကျဉ်းကျရာမှ ပြန်လည်လွတ်မြောက် လာကြသည့်                                    
  သံဃာတော်များနှင့်  သီလရှင်များအား မူလကျောင်းတိုက်များတွင် မနေနိုင်အောင် ဖိအားပေး   နေမှုများကို
  ချက်ချင်းရပ်တန့်ရန်              

(၃)မြန်မာနိုင်ငံတဝှမ်းလုံး၌ ဖြစ်ပေါ်လျက်ရှိသည့် ပြည်တွင်းစစ်နှင့် ပဋိပက္ခများ၊ အလုပ်သမား လယ်သမားများ
     အရေးဆို   တောင်းဆိုမှုများကို ငြိမ်းချမ်းစွာ အမြန်ဆုံး ဖြေရှင်းပေးရန်

(၄)သံဃာတော်များအား ဓါတ်တိုင်တွင် ကြိုးတုတ်ရိုက်နှက်ခဲ့ကြသည့်အပြင် အတင်းအဓမ္မ ဖမ်းဆီး
    ထောင်ချခဲ့မှုများနှင့် အရေးတော်ပုံအတွင်း ရက်စက်စွာ ပစ်ခတ်ဖြိုခွင်းမှုအား အစိုးရအနေနှင့် ဝန်ချတောင်းပန်ရန် နှင့် တာဝန်ရှိသူများကို အရေးယူရန်

(၅)၂၀၀၈ စစ်ကျွန်ဖွဲ့စည်းပုံအားဖျက်သိမ်းပြီး ပြည်သူ့ဆန္ဒနှင့်အညီဖွဲ့စည်းပုံအသစ်ရေးဆွဲရန်နှင့်တိုင်းရင်းသား ပေါင်းစုံ၏  ကိုယ်ပိုင်ပြဌာန်းခွင့်ရရှိရေးနှင့် အမျိုးသားတန်းတူရေးကို အာမခံသော ဖက်ဒရယ်ပြည်ထောင်စု    တည်ထောင်ရန်တောင်းဆို ကြေညာအပ်ပါသည်။

ရွှေဝါရောင်သံဃာတော်များနှင့် အိန္ဒိယရောက် ဒီမိုကရေစီ အင်အားစုများ

            နယူးဒေလီ - အိန္ဒိယ

24 September 2013

6th ANNIVERSARY  BURMA’S SAFFRON REVOLUTION



6th ANNIVERSARY  BURMA’S SAFFRON REVOLUTION

                                                            Press Release

 26.9.2013

We, the Burmese democratic activists led by Buddhist Monks, belong to the various organizations of students, youth, women, ethnic and political parties, assemble at Jantar Mantar to mark 6th anniversary of Saffron Movement in Burma in 2007, in which several hundreds of peace loving people including Buddhist monks had been killed when army brutally cracked down on them. Then thousands of Buddhists monks led peaceful procession in all major cities across the country for national reconciliation and peace in Burma and world as well. Monks did not shout any slogan against Junta at these peaceful demonstrations, but only chanting Buddha’s Mantra for love and peace.

Presently, the military junta has been trying to hoodwink world’s opinion by installing puppet civilian government led by the ex-army general Thein Sein through sham election in 2010. It is obvious that the situation in Burma (Myanmar) had no change at all and common people are still surfering and reeling under the brutal rule of junta. The people of Burma had been continued to be denied their fundamental rights. Political and rights activist are brutally cracked down to be killed, arrested, tortured and forced to leave the country or forced to be displaced. Hundreds of political prisoners are still remaining in jails and at the same time hundreds of thousands of people fled and taking refuge in neighbouring countries as the result of junta’s wars being waged in ethnic minority dominated areas.

Thus, we would like to express our view on current situation in Burma. Although we have confidence on Madam Aung San Suu Kyi’s commitment on people’s cause, we are very doubtful on junta’s promise of reform as they never keep their promises. We also believe that any political offshoot that growth under shadow of pro-military dictatorship constitution 2008 will be just another military government in civilian cloth in essence. The state power still remains in handful of military dictators named National Defence and Security Council, regardless of existence of sham election, puppet parliament and bogus civilian government. We firmly believe that Burma’s political crisis cannot be solved, no matter whatever political agreement made with whatever political party, as long as 2008 pro-military dictatorship constitution remains in force. The public life will largely remain in military bondage as per pro-military constitution, the military leaders are guaranteed with one-fourth of total parliamentary seats in all assemblies and all important ministerial positions, and confers power to legally stage serial coup d’etat at their will. Until now, all the ministries have been occupied by military officers or ex-military officers.

Therefore, we hereby demand Burmese Military Junta to implement following points immediately if it has sincerity to settle general crisis that Burma has been facing for half a century.


1.      To release all political prisoners and to initiate for a genuine peace process.

2.      To repeal or abolish 2008 undemocratic constitution.

3.      To make formal apology to Monks for cracking down of peaceful procession and chanting Buddha’s Mantra for love and peace.

4.      To implement for a Federal Union wherein the self-determination of ethnic nationalities’ own affairs are constitutionally granted.


 Program

Date: 26th September 2013 (11:00 A.m)

Venue: Jantar Mantar, New Delhi




ON BEHALF OF SAFFRON REVOLUTION MONKS IN DELHI

Burmese democracy activists in India

For Media; U Panya Zawta – 8130811264 (For Burmese)  & Nyo Tun –9810632758 (For English)

06 September 2013

မြန်မာ့မြန်မာ့ ရုပ်ရှင်



"မြန်မာ့မြန်မာ့ ရုပ်ရှင်"

ဘယ်သူ့ကိုမှ ထိခိုက်စေလိုတဲ့ ဆန္ဒမရှိပါ။ ဟော/ဘော/ဥရောပ/ဟောင်ကောင်/တရုတ်/ကိုရီးယား/ထိုင်း လိဝုဒ် စတဲ့ နိုင်ငံခြားရုပ်ရှင်တွေနဲ့ နှိုင်းယှဉ်ပြီးလည်း မပြောတော့ပါ။ မြန်မာ့မြန်မာ့ရုပ်ရှင် ဘယ်အခြေကို ဆိုက်နေပြီလဲဆိုတာ သိစေချင်တဲ့ စေတနာသက်သက်ပဲရှိပါတယ်။ ပုံထဲမှာဖော်ပြထားတဲ့ ဇာတ်လမ်းကိုပဲ ဖတ်ကြည့်ပါဦး။ သုံးသပ်ကြည့်ပါဦး။ ဆင်ဆာကြောင့် ငွေကြောင့် စက်ပစ္စည်းကြောင့် ပရိသတ်ကြောင့် စတဲ့ ဆင်ခြေဆင်လက်တွေကြားမှာ ထုတ်လုပ်သူအချို့ ရုပ်ရှင်ရုံပိုင်ရှင်အချို့ မင်းသားမင်းသမီး အချို့ ချမ်းသာသွားတာကလွဲလို့ ...။

စိတ်ထဲမှာ မကောင်းရပြန်ပါ။ ။

ဆူလွယ်နပ်လွယ် ညိုကြီး
26.8.2013

01 August 2013

ဇာတ်လမ်းကတော့ တော်တော်ကြီးကို ကြမ်းမှရလိမ့်မယ်






"ဇာတ်လမ်းကတော့ တော်တော်ကြီးကို ကြမ်းမှရလိမ့်မယ်"

ရေးနိုင်သူများခင်ဗျား။ ဇာတ်လမ်းတစ်ခု အကြံပြု တင်ပြချင်လို့ပါ။ ဇာတ်လမ်းကတော့ ရိုးရိုးပါပဲ။ ဒီမိုကရေစီရ သူများနိုင်ငံတွေမှာ ဒီလိုဇာတ်လမ်းမျိုး ခဏခဏရိုက်လွန်းလို့ သိပ်တောင်မဆန်းတော့ပါဘူး။ ဇာတ်လမ်းက ဒီလို။

နိုင်ငံတော်သမ္မတကို ပြန်ပေးဆွဲတာဖြစ်ဖြစ်၊ လုပ်ကြံဖို့ ကြံစည်တာဖြစ်ဖြစ်။ ဒါမှမဟုတ် နိုင်ငံတော်သမ္မတနောက်မှာ ကြိုးကိုင်တဲ့သူ ရှိနေတယ်ဆိုတဲ့ ပုံစံမျိုးပဲဖြစ်ဖြစ်။ သေချာတာကတော့ ဒီဇာတ်လမ်းထဲမှာဗျာ နိုင်ငံတော်သမ္မတဆိုတာ ပါကိုပါရမယ်။ ပုံစံတူစရာမလိုပါဘူးဗျာ။ ဆံပင် မရှိစရာလည်း မလိုပါဘူး။ ဒီဇာတ်လမ်းကို ရုပ်ရှင်ရိုက်ဖြစ်လို့ နိုင်ငံတော်သမ္မတနေရာမှာ ဇာဂနာ/ဗေလုဝ/ဆင်မ/ဒိန်းဒေါင်/ခင်လှိုင်/သီးလေးသီး/ဖိုက်စတား တစ်ဦးဦးကို သရုပ်ဆောင်ခိုင်းလည်း သိပ်ပြဿနာမရှိဘူး။ အဓိကက ဒီဇာတ်လမ်းကျောရိုးထဲမှာ နိုင်ငံတော်သမ္မတဆိုတဲ့ ရာထူးယူထားတဲ့ ဇာတ်ရုပ်တစ်ရုပ် ပါရမယ်။

ခုဆိုရင် ကျွန်တော်တို့ မြန်မာနိုင်ငံကလည်း Slumdog Millionaire ဇာတ်ကားထဲကလို မတူညီတဲ့ လူ့အဖွဲ့အစည်း(၂)ခုအကြားက ရန်ပွဲလိုမျိုးကိုလည်း ထည့်သွင်းရိုက်ပြလို့ ရနေပြီ မဟုတ်လား။ Slumdog Millionaire ဇာတ်ကားထဲမှာလို ဆင်းရဲသားဇာတ်ရုပ်တွေကလည်း ပေါမှပေါ မဟုတ်လား။ Slumdog Millionaire ဇာတ်ကားထဲမှာလို ပဟေဠိနန်းတော်အစီအစဉ်တောင် ရှိနေပြီ မဟုတ်လား။

ထားပါတော့။ ပြောချင်တာက အဲဒီဇာတ်လမ်းပေါ့ဗျာ။ နိုင်ငံတော်သမ္မတ ပါရမယ်။ ဇာတ်လမ်းက နိုင်ငံတော်သမ္မတနဲ့ ပတ်သက်နေရမယ်။ ဇာတ်လမ်းထဲမှာ ဆန္ဒပြပွဲတွေ၊ အဓိကရုဏ်းတွေလည်း ပါရမယ်။ အကြမ်းဖက်တာတွေ၊ အကြမ်းမဖက်တာတွေလည်း ပါရမယ်။ မီဒီယာတွေလည်း ပါရမယ်။ နိုင်ငံခြားဇာတ်ကားတွေထဲမှာလို အကျင့်ပျက်တဲ့ ထောက်လှမ်းရေးတွေ၊ အကျင့်ပျက်တဲ့ ရဲတွေ၊ အကျင့်ပျက်တဲ့ စစ်ဗိုလ်ချုပ်ကြီးတွေ၊ အကျင့်ပျက်တဲ့ တရားသူကြီးတွေ၊ အကျင့်ပျက်တဲ့ လွှတ်တော်အမတ်တွေ၊ အကျင့်ပျက်တဲ့ အစိုးရအာဏာပိုင်တွေ၊ အကျင့်ပျက်တဲ့ ၀န်ထမ်းကြီးကြီးမာစတာတွေ စသဖြင့်အကြောင်းတွေလည်း ပါဝင်ရမယ်။ ခရိုနီဇာတ်ရုပ်တွေလည်း ထည့်ချင်ထည့်ပေါ့။ လှည့်ကွက်တွေအများကြီးနဲ့ ဇာတ်လမ်းဗျာ။ အပစ်အခတ်၊ အညှစ်အသတ်တွေနဲ့ ဇာတ်လမ်းပေါ့ဗျာ။

မင်းသားနဲ့ မင်းသမီးကတော့ ဆံပင်နီကြောင်ကိုယ်စီနဲ့ပေါ့။ ခေတ်အကြိုက် ခပ်ပိန်ပိန်၊ ခပ်ဖြူဖြူ၊ ခပ်ဖျော့ဖျော့လေးတွေပေါ့။ အီမိုစတိုင်တွေဘာတွေ လုပ်ထားလည်း ရတယ်။ မင်းသားကတော့ ဆေးမင်ကြောင် ထိုးချင်ထိုး၊ မထိုးချင်နေ။ မင်းသမီးကတော့ ဆေးမင်ကြောင် ထိုးကိုထိုးထားရမယ်။ မင်းသား/မင်းသမီးက ဆေး/အရက်/ဘီယာ/ဆေးလိပ် ချတာမချတာကတော့ ထည့်ရေးချင်လည်းနေ၊ ထည့်မရေးချင်လည်းနေ။ မင်းသားရော မင်းသမီးရော နားတွေ၊ နှာခေါင်းတွေ၊ ပါးစပ်တွေ စသဖြင့်မှာ နားကပ်၊ နှာခေါင်းကပ်၊ ပါးစပ်ကပ်တွေနဲ့ အလှတွေ ဆင်ထားလို့လည်း ရသေးတယ်။ ဇာတ်သဘောအရပေါ့။ အနမ်းခန်း ခပ်ကြမ်းကြမ်းတွေ ပါလည်း ရသေးတယ်။ နိုက်ကလပ်တွေမှာ ကဲကြတာတွေလည်း ထည့်ရိုက်ပြလို့ရသေးတယ်။ ဗီလိန်ကတော့ ထုံးစံအတိုင်း ဆရာဝန်ဇာတ်ရုပ်ကိုပဲ ထည့်သွင်းကြတာပေါ့။

ဇာတ်လမ်းထဲမှာ ကားတွေ လေပေါ်ဝဲပျံသွားတာတွေ ပါရမယ်။ ငါးလောင်ပြိုင်လူသတ်မှုလို၊ ဖြူးမြို့နယ်ဘက်မှာဖြစ်သွားခဲ့တဲ့ ခေါင်းမပါတဲ့ ခန္ဓာကိုယ်ကြီးကို ပီနံအိတ်ထဲထည့် စွန့်ပစ်ထားတာမျိုးတွေဘာတွေ။ ရက်စက်တာတွေလည်း ပါရမယ်။ အဲ... နူးညံ့တာတွေလည်း ပါရမယ်ပေါ့ဗျာ။

ကျန်တာတော့ ရေးနိုင်သူများ ဆက်ရေးကြတော့ဗျာ။ ကျွန်တော်ရေးထားတဲ့ အတိုင်း အကုန် ပါဝင်ရမယ်ရယ်လို့တော့ မဟုတ်ပါဘူး။ ကျွန်တော်ရေးထားတဲ့ ဇာတ်ရုပ်တွေအတိုင်းလည်း ထပ်တူကျရမယ်ရယ်လို့လည်း မဆိုလိုပါဘူး။ မင်းသားကို တောင်ရှည်ပုဆိုး၊ တိုက်ပုံ၊ ခေါင်းပေါင်းနဲ့၊ မင်းသမီးကို သနပ်ခါးပါးကွက်ကြား၊ ထမိန်၊ လုံချည်နဲ့ ဇာတ်ရုပ်တွေ ဘာတွေ ဖန်တီးလည်း ရပါတယ်။ ဒါကတော့ ရေးနိုင်သူများ ကြိုက်သလို ရေးကြပါ။ အဓိကကတော့ ဒီဇာတ်လမ်းထဲမှာ နိုင်ငံတော်သမ္မတဆိုတာ ပါကိုပါရမယ်ဗျာ။ နိုင်ငံတော်သမ္မတကို စွတ်ဖားတဲ့ ဇာတ်ကွက်တွေတော့ စွတ်မလုပ်နဲ့ပေါ့ဗျာ။

ဒီနေ့ ဒီအချိန် ဒီအခါမှာ ကျွန်တော်ရေးထားတဲ့ ဇာတ်ညွှန်းလိုမျိုး၊ နိုင်ငံတော်သမ္မတဇာတ်ရုပ်ပါတဲ့ ဇာတ်လမ်းမျိုး စထွက်လို့ကတော့ လွှတ်ပေါက်ပြီပဲဗျာ။ ကျွန်တော် အာမခံပါတယ်။ (ခင်ဗျား အဖမ်းခံ/တရားစွဲခံရဖို့။ ခိခိ)

ညိုကြီး
၂၇၊ ၇၊ ၂၀၁၃

28 July 2013

Ohn Myint Hlaing, A Poet of Burma





၂ဝ၁၃၊ ဇွန် (၁၃)မှာ ကွယ်လွန်ခဲ့သော ကိုကိုးကျွန်းပြန် တော်လှန် ကဗျာဆရာ အုန်းမြင့်လှိုင် (၁၉၄၁ - ၂ဝ၁၃)၏ တစ်လပြည့်အမှတ်တရ ထုတ်ဝေခဲ့သည့် အုန်းမြင့်လှိုင် ကဗျာစာအုပ်

ဖြန့်ချိရေး

မြနန္ဒာ စာအုပ်တိုက်
၃၃/၄၉၊ ရှိုင်းကွန်ဒို၊ ၇ လွှာ၊
ဘဏ်လမ်းနှင့် မဟာဗန္ဓုလပန်းခြံလမ်း၊ ကျောက်တံတားမြို့နယ်၊
ရန်ကုန်
ဖုန်း - ဝ၉ - ၄၃ဝ၈၇၁၉၃

(ကဗျာစာအုပ်အား ကျေးဇူးပြုသော ကဗျာဆရာ ကိုရိုးဒီ အား ကျေးဇူးအထူးတင်ရှိပါသည်။)

ညိုကြီး

13 July 2013

Kyaw Soe Linn, A Driver Who Saved The Life of Aung San Suu Kyi in Depayin Massacre


၂၀ဝ၃။ မေလ ၃၀ ရက်။ ဒီပဲယင်း လုပ်ကြံခံရမှုကြီးတွင် ဒေါ်အောင်ဆန်းစုကြည်၏ ကားကို မောင်းနှင်သူ။
လုပ်ကြံသတ်ဖြတ်သူ လူယုတ်မာ စစ်အဆိုးရဘက်တော်သားများ ပိတ်ဆို့ ဝန်းရံ တိုက်ခိုက်နေသည့်ကြားမှ ဒေါ်အောင်ဆန်းစုကြည်၏ အသက်အား လွတ်မြောက်အောင် ကယ်တင်သူ။
ထိုစဉ်က ဒုတိယနှစ် ဥပဒေကျောင်းသား။ ယခု ရှေ့နေ။ မန္တလေးသား။
ကိုကျော်စိုးလင်း။

(ဓာတ်ပုံအား "ဒီပဲယင်း လုပ်ကြံမှုရှင်းတမ်း" စာအုပ်မှ ရယူပါသည်)

27 June 2013

ကဗျာထဲက သူရဲကောင်း



အောင်ဘညို

(အာရှအလင်း ဂျာနယ်၊ အတွဲ(၁)၊ အမှတ်(၁၀)၊ ၁၅-၆-၂၀၁၃ (စနေနေ့)

11 June 2013

မယုံမရှိပါနဲ့

"မယုံမရှိနဲ့"

လူတွေသေတာ
လူတွေသတ်တာ

ဒါ သတင်းပဲ။

ညိုကြီး

၁၂း၃၃ AM

17 May 2013

၂၀၁၃ ခုနှစ် မေတ္တာစာ

" ၂၀၁၃ ခုနှစ် မေတ္တာစာ "

ဘဘက သူများ အညှာတွေချည်း ကိုင်ခဲ့တာပေါ့
ဒါပေမယ့် အခု အနုပညာကို ချစ်တယ် ...
(ပန်းချီကားတွေရော ... ကော်ဖီပါ လွှတ်ချစ်တာ)

ဝါးတီး မပေးခဲ့ဘူး
အခု ထမင်း ရောင်းနေတယ် ...
(ကားရေဆေးခိုင်းသူနဲ့ ... ခုံသုတ်ရတာနဲ့ ... စိတ်အတော် လျှော့ရတာကလား)

သေနတ်တွေ အောက်မှာ
စာရေးကြီး စစ်စစ်ပါခင်ဗျာ
အခုအခါ သမ္မတ လုပ်နေပါတယ် ...
(ကြံရာပါ အကြွေးဆပ်ဖို့ ဟိုအစိုးရဆီ မျက်နှာချို သွေးရ ... ကိုယ့်အောက်က လူတွေ မနိုင်လို့ မျက်နှာပျက်ရ)

ဒီနိုင်ငံထဲမှာ နန်းတော်ကြီးနဲ့နေတာ
အခုအခါတော့ ဟောဟိုနားမှာ တောထွက်ပြီး နေတယ်
ကိုယ်တော်ကြီးကို မပြစ်မှားကြကုန်လင့် ...
(မနုဿတ္တဘာဝေါ ဒုလ္လဘော ... အကုန်လုံးလည်း ဖျောပြီးပြီတဲ့)

အောက်လွှတ်တော်နော်
နောက်က ပစ်ဆော်လိုက်ရင် ကော့သွားမယ်
ရော့ ... လာထား အပေးအယူ ...
(မိမိကတော့ ဒီမိုကရေစီ လေဒီနဲ့ ပေါင်းပြီတဲ့)

ဒီမိုကရေစီနော်
ဒီလို လေဒီကမှ လုပ်နိုင်မှာ
အခြေခံ ဥပဒေဟာ ချုပ်ရိုးပြုတ် ...
(ငုတ်တုတ်နေတဲ့ ကလေး ၂၅ ယောက်ကို ဆန်ပြုတ်တိုက်မတဲ့)

သံချပ်ထိုးမယ် ... ပေါ်လစီပြောမယ်
သဘောမှာ ညိ ... အပြောမှာ ထိရှ
သုမန ကျောမှာက ဒဏ်ရာတွေနဲ့ ...
(ကဗျာမချို ... စာမချို ... အဂ္ဂရိယတ်ထိုးရမယ့် ကိုယ်တော်တွေတဲ့)

(မြှုပ်ကွက်များ ဆက်၍ ချန်ထားသည်။ ရေးရမှာ ပျင်းသည်။ ရေးရင် အရှည်ကြီးပဲမို့ ... နိဂုံးကို ပို့ပြီ)

(ခေါင်းကိုင် ဖခင်ကြီးက တွေးသည်မှာ ...)
သနားဖို့ ကောင်းလိုက်တဲ့ ကောင်တွေကွာ
ငါ့ဆို
ဖေ့စ်ဘုတ်မှာ
စာဖတ်နေသူကြီးပဲ နာမည် ထွက်သကွ
အဟက်အဟက် ...
ဤသို့ဖြင့် ဇောက်မနက်သော်လည်း
(မနက်တိုင်း ဘုရားဖူး၍ နေလေသည်)

ထို့ကြောင့် မြန်မာပြည်ဟု ခေါ်သည်။
ဘုရားစူး မြန်မာပြည် ဖြစ်ပါသည်။

သင်ကာ
မေ၊ ၂၀၁၃

27 April 2013

ဦးသိန်းစိန် ဝေ့လည်ကြောင်ပတ်လုပ်နေခြင်း ကိစ္စ


သို့/-

ဦးသိန်းစိန်
နိုင်ငံတော်သမ္မတ

ရက်စွဲ။ ၂၄၊ ၄၊ ၂၀၁၃

အကြောင်းအရာ။ ။ အဆွေတော် မဖြေရှင်းဘဲ ဝေ့လည်ကြောင်ပတ်လုပ်နေခြင်း ကိစ္စ။

အထက်အကြောင်းအရာပါကိစ္စနှင့်ပတ်သက်၍ ပြောရမည်ဆိုလျှင် အဆွေတော်သည် အောက်ပါကိစ္စရပ်များအား အဘယ်ကြောင့် သိသိကြီးနှင့် မဖြေရှင်းဘဲ (မဖြေရှင်းရဲဘဲ) လွှတ်ထားရပါသနည်း။

၁။ တပ်မတော်တွင် လက်ရှိတာဝန်ထမ်းဆောင်နေသော ဗိုလ်အဆင့်မှစ၍ အထက်အဆင့်အရာရှိများသည် ပေးထားသည့်လစာထက် ဆပေါင်းများစွာပိုမိုသော ၀င်ငွေများ ဆက်လက်ရရှိနေကြခြင်း။ (ကျရာ ဌာနအလိုက် ပိုရတာ/ပိုပိုပြီးရတာ/မရတာသာ ကွာ၏)
၂။ ၀န်ထမ်းလောကအတွင်း လာဘ်ပေးလာဘ်ယူကိစ္စများ၊ ပြည်သူ့ဘဏ္ဍာငွေ အလွဲသုံးစားလုပ်နေမှုများ ပိုနေမြဲ ကျားနေမြဲ ဆက်လက်တည်ရှိနေခြင်း။
၃။ အခြေခံဝန်ထမ်းများခင်မျာ လစာ နှင့် မလောက်င၍ ၀မ်းရေးခက်နေခြင်း။ (နှစ်သောင်းကျပ်တိုးပေးမည်ဆိုသော်လည်း ရယ်ဖွယ်မျှသာ)
၎။ ၀န်ထမ်းများသည် သူ၏ ၀န်ထမ်းလစာသက်သက်ဖြင့် မိသားစု ဘ၀ မရပ်တည်နိုင်၍ အပိုဝင်ငွေရမည့် အခြားအလုပ်များအတွက် အချိန်ပေး အလုပ်လုပ်နေရသောကြောင့် တာဝန်ချိန်တွင် အာရုံစူးစိုက်မှုကျဆင်းခြင်း။
၎။ လာဘ်ပေးလာဘ်ယူကိစ္စများအတွင်း စီးဆင်းနေသော ငွေပမာဏနှင့် ၀န်ထမ်းအားလုံးအား လောက်ငသော လစာငွေပေးလိုက်လျှင် ကုန်ကျမည့် ငွေပမာဏတို့အား အချိုးချကြည့်လျှင် အတူတူပင်ဖြစ်သည်ကို သိလျက်သားနှင့် အဆွေတော်က မသိချင်ယောင် ဆောင်နေခြင်း။ မကိုင်တွယ်ခြင်း။
၅။ အချို့သောသူများသည် ဘာသာရေးနွယ်သည့် ပဋိပက္ခများအား အွန်လိုင်းကော အောက်လိုင်းမှာပါ ပေါ်တင်စိတ်ကြိုက် ဖန်တီးခွင့်ရနေကြခြင်း။
၆။ တရားဥပဒေစိုးမိုးရေးစကားလုံးသည် စကားလုံးမည်ကာမတ္တမျှသာ ရှိနေသေးခြင်း။
၇။ စသည်။

ညိုကြီး
အယ်ဒီတာချုပ်
http://bigbbrown.blogspot.com/

(ဟီးဟီး လူရှိန်အောင် ရာထူးတွေဘာတွေ ထည့်ကြည့်တာ။ ကိုယ့်ရေးတဲ့ Blog မှာ ကိုယ်အယ်ချုပ်ပဲဟာ။ နော့။)

မိတ္တူကို-
၁။ ဗိုလ်ချုပ်မှူးကြီး မင်းအောင်လှိုင်
၂။ ဦးရွှေမန်း
၃။ ဒေါ်အောင်ဆန်းစုကြည်
၎။ လွှတ်တော်အမတ်ဆိုသူများအားလုံး
၅။ နိုင်ငံရေးပါတီဆိုသည်များအားလုံး
၆။ မြန်မာနိုင်ငံသားအားလုံး


============================
Photo Credit to (AP Photo/Khin Maung Win) and www.thenation.com.

23 April 2013

ကျွန်တော်လား ?


" ကျွန်တော်လား "

လူတွေကို ကယ်တင်ဖို့
လေယာဉ်ပျံနဲ့ ခရီးသွားတယ်
ကောင်းပေ့ဆိုတဲ့ ဟိုတယ်မှာ တည်းတယ်
အရသာရှိပေ့ဆိုတဲ့ ဟိုတယ်စာ စားတယ်
ဈေးကြီးပေ့ဆိုတဲ့ ဟိုတယ်အစည်းအဝေးခန်းမတွေ ငှားတယ်
သက်ဆိုင်ရာ တာဝန်ရှိသူတွေကို ဖိတ်ခေါ်
စည်းဝေးတယ်၊ ၀ါ့ရှော့တယ်၊ လက်ချာရိုက်တယ်၊ ဟောပြောတယ်၊ တွေ့ဆုံဆွေးနွေးတယ်
ပွဲတွေ ပွဲတွေမှာ
ငွေတွေကို ပုံအောသုံးတယ်
ပွဲတွေ ပွဲတွေမှာ
အလှူကြီးပေးနေသလို ကျွေးတယ်၊ မွေးတယ်
ဘတ်ဂျက်ပိတ်ချိန်အမီ ချထားပေးတဲ့ ငွေတွေ မကုန်မှာစိုးလို့
မကုန် ကုန်အောင် သုံးတယ်၊ အသုံးပြရတယ်
ချောင်းသာ၊ ပုဂံ
ပုပ္ပားတောင်၊ ဧ၀ရက်တောင်
ဘယ်နေရာမှာဖြစ်ဖြစ် ပွဲတွေ ပွဲတွေ စီစဉ်လို့ရတယ်
ကမ္ဘာ့အလှူရှင်များက ပေးတဲ့ငွေ
မြန်မာ့မြေပေါ်မှာ ပျော်ပျော်ကြီး သုံးကြမယ်
အစိုးရဌာနဆိုင်ရာတာဝန်ရှိသူတွေနဲ့ အတူတကွ
ကျွန်တော်တို့ ပျော်ပျော်ကြီး သုံးကြမယ်
လူတွေကို ကယ်တင်ဖို့
ကျွန်တော်တို့ ဇိမ်နဲ့နေမှ ဖြစ်မယ်မဟုတ်လား
လူတွေကို ကယ်တင်ဖို့
ကျွန်တော်တို့ ပျော်နေဖို့ လိုမယ်မဟုတ်လား
လူတွေကို ကယ်တင်ရင်း
ကျွန်တော်တို့ မြတ်အောင်လည်း ကြံရမယ် မဟုတ်လား
လူတွေကို ကယ်တင်ရင်းနဲ့ ကျွန်တော်တို့ ပိုပိုပြီး ချမ်းသာလာတာ
ခင်ဗျားတို့ မြင်စေ့ချင်တယ်ဗျာ
ကျွန်တော်လား...
ခင်ဗျားတို့ သိပါတယ် ။ ။

ညိုကြီး
၂၃၊ ၄၊ ၂၀၁၃

(မှတ်ချက် ။ ။
ကမ္ဘာပေါ်က အခြားနိုင်ငံတွေမှာလည်း ကျွန်တော်တို့လို လူစား အများသားပါတဲ့ ခင်ဗျ။ ထူးဆန်းပေစွ... အိုလောက ။)

13 April 2013

ထွက်ပေါက်မရှာ ဖေါက်ထွက်ပါလော့ သံချပ်များ

" ထွက်ပေါက်မရှာ ဖေါက်ထွက်ပါလော့ "

အိန္ဒိယရောက် ဒီမိုကရေစီအင်အားစုများရဲ့ ၁၅ ကြိမ်မြောက်ကြိုးစားမှုဖြစ်တဲ့ ထွက်ပေါက်မရှာ ဖေါက်ထွက်ပါလော့ အမည်ရတဲ့ သံချပ်ကို မိဘပြည်သူများလက်သို့ ဖြန့်ချီလိုက်ပြီဖြစ်ပါတယ်။

ဒီသံချပ်ခွေမှာ ယနေ့ခေတ်ဖြစ်ပေါ်နေတဲ့ လူမှုရေး နိုင်ငံရေးအခြေအနေတွေကို ကွက်ကွက်ကွင်းကွင်း မြင်သာအောင် သီချင်းပုံစံတမျိုး ရိုးရာသံချပ်ပုံစံတသွယ်ဖြင့် ရေးဖွဲ့သီဆိုထားပါတယ်။

ပါဝင်တဲ့ ကဏ္ဍတွေကတော့ အဖွင့်နုတ်ခွန်းဆက် နိဒါန်း လူထုဘ၀အခြေအနေ၊ လွှတ်တော်နှင့်သူ၏အစိုးရ၊ အတိုက်ခံအင်အားစု၊ မီဒီယာ ပြည်တော်ပြန်နဲ၊ အပစ်ရပ်တို့အပြင် ပြည်သူတို့အတွက်လိုအပ်ချက်တွေကို တောင်းဆိုထားတဲ့ တိုက်ပွဲခေါ်သံကဏ္ဍနဲ့ အမျှဝေ ကဏ္ဍဆိုပြီး ကဏ္ဍအသီးသီးနဲ့ သီဆိုထားပါတယ်။

ဒီခွေပါသံချပ်တွေကို အင်တာနက်မှာအလွယ်တကူ ဒေါင်းလော့လုပ်ယူနိုင်သလို အမှန်တရားမြတ်နိုးသူတွေ မိဘပြည်သူများလက်ဝယ်ရောက်အောင် နည်းမျိုးစုံနဲ့ ဖြန့်ချီလိုက်ပြီဖြစ်ကြောင်း သတင်းကောင်းပါးလိုက်ပါတယ်။

https://soundcloud.com/nay-myo-linn

http://www.youtube.com/watch?v=gPFWzUE3bqE&feature=share

https://soundcloud.com/niknayman/thingyan-thangyat-2013-india?utm_source=soundcloud&utm_campaign=share&utm_medium=facebook&utm_content=https%3A%2F%2Fsoundcloud.com%2Fniknayman%2Fthingyan-thangyat-2013-india

10 April 2013

မေမေနဲ့ ဖေဖေတို့ရဲ့ အပြစ်ပါ

"မေမေနဲ့ ဖေဖေတို့ရဲ့  အပြစ်ပါ"

သားညိုကြီး အသားမည်းတာ
မေမေနဲ့ ဖေဖေတို့ရဲ့ အပြစ်
သားညိုကြီး လူမှား အသတ်ခံရလည်း
မေမေနဲ့ ဖေဖေတို့ရဲ့ အပြစ်ပဲ
မေမေနဲ့ ဖေဖေတို့ကမှ
အသားဖြူအောင်
လူမှား အသတ် မခံရအောင်
မွေး မပေးခဲ့ဘဲကိုး
တစ်ကမ္ဘာတည်း နေထိုင်ကြသူအချင်းချင်း
ဘာသာ၊ အသားအရောင် ကွဲပြားမှုအပေါ်မူတည်ပြီး
ဘာလို့ အချင်းချင်း မုန်းတီး သတ်ဖြတ်နေကြတာလဲ မေမေနဲ့ ဖေဖေ
လင်ကွန်းမတိုင်မီခေတ် အမေရိကန်မှာ သားညိုကြီး လူဖြစ်ခဲ့ရင်
အသားမည်းလို့ဆိုပြီး ကျွန်ဖြစ်ရင်ဖြစ်
ကျွန် မဖြစ်ရင်လည်း အသတ်ခံရတဲ့အထဲ
သားညိုကြီး ပါသွားခဲ့မှာပဲ မေမေနဲ့ ဖေဖေ
ဟစ်တလာခေတ် ဂျာမနီမှာ သားညိုကြီး လူဖြစ်ခဲ့လို့ ဂျူးဖြစ်နေရင်
(သားညိုကြီးက ကလေးငယ်လေးဖြစ်နေပစေ)
ဂျူးဖြစ်လို့ဆိုပြီး အသတ်ခံခဲ့ရမှာပဲ မေမေနဲ့ ဖေဖေ
အသားအရောင်နဲ့ ဘာသာတရား ရန်ပွဲစစ်ပွဲတွေအကြား
အင်အားကြီးတဲ့သူဘက်က သတ်ဖြတ်ခြင်းကို
သားညိုကြီး ခံစားရဦးမှာလား မေမေနဲ့ ဖေဖေ
အသားမည်းရခြင်းမှာ ရင်နာတယ်
အရေပြားကို ဆုတ်ခွာ၊ အရေပြားကို ရေနွေးပူလောင်းချ
ဆင်ဖြူတွေလို ခရုသင်းစွဲမှ လူတွေက ချစ်ကြမှာလား မေမေနဲ့ ဖေဖေ
မေမေနဲ့ ဖေဖေတို့ ကိုးကွယ်ရာ ဘာသာ
သားညိုကြီး ကိုးကွယ်ခဲ့ရတယ်
အဲဒီဘာသာတရားကို မုန်းတီးတဲ့ နိုင်ငံတစ်ခုခုမှာ လူသွားဖြစ်ခဲ့ရင်
အဲဒီဘာသာတရားပေါ်မူတည်ပြီး
သားညိုကြီး အသတ်ခံရဦးမှာလား မေမေနဲ့ ဖေဖေ
အမုန်းတရားတွေ ဘယ်တော့ငြိမ်းပါ့မလဲ...
သားညိုကြီးနာမည်ကိုတောင်
သားဖြူကြီးလို့ ပြောင်းလိုက်ရတော့မလား
မေမေနဲ့ ဖေဖေ ။ ။

ညိုကြီး
၂၀၁၃၊ ဧပြီ ၅

Thingyan Rain

https://www.facebook.com/photo.php?fbid=595256397151290&l=9c3325f0e5

တန်ခူးမည်မှတ်
ဖက်ဆွတ်ရေတိုး
သင်္ကြန်မိုး

thanks တိုးနှောင်မိုး for စာအုပ်
— with Toehnaung Moe.

Psychology

ငါသာ သူ့နေရာရောက်ရင် လမ်းဘေးဆိုင်မှာ ထိုင်စားတဲ့ ဓာတ်ပုံတင်မကဘူး ...

-စတုဒီသာပွဲမရှောင် အလှူတကာမှာ ထမင်းတစ်နပ်ကလေးဖြစ်ဖြစ် သက်သာပါစေတော့လို့ မျက်နှာငယ်ကလေးနဲ့ လိုက်စားခဲ့ရတဲ့ ဘ၀ ဓာတ်ပုံတွေ...
-ထမင်းတစ်နပ်၊ ကွမ်းတစ်ယာ အတွက်တောင် စပွန်ဆာလိုက်ရှာခဲ့ရတဲ့ ဘ၀ဓာတ်ပုံတွေ...
-ထမင်းနဲ့ ကြက်ဥ၊ ထမင်းနဲ့ လက်ဖက်၊ ထမင်းနဲ့ ကြက်သွန်ဖြူ၊ ထမင်းနဲ့ ၀က်အူချောင်း၊ ထမင်းနဲ့ ငါးသေတ္တာ၊ ထမင်းနဲ့ ဆီဆမ်းဆားဖြူး၊ ထမင်းနဲ့ ခေါက်ဆွဲပြုတ်၊ ထမင်းနဲ့ ကော်ဖီမစ်၊ ထမင်းနဲ့ ငရုတ်သီး လတိုင်းလတိုင်း လတစ်ဝက်လောက်က စပြီး မကြာခဏ တင်းတိမ်ခဲ့ရတဲ့ ဘ၀ ဓာတ်ပုံတွေ...
-အကြွေးရှင်က ချေးထားတဲ့ သူ့ပိုက်ဆံကို ပြန်တောင်းတဲ့အခါ မပေးနိုင်တဲ့အခါတိုင်း မှိုင်တွေစိတ်ဆင်းရဲနေရတဲ့ ဘ၀ ဓာတ်ပုံတွေ...
-အဲဒီ လမ်းဘေးမှာထိုင်စားတဲ့သူလို ခွဲတမ်းမြိုးမြိုးမြတ်မြတ်လည်း မရဖူးခဲ့၊ ပြည်သူ့ဘဏ္ဍာငွေကို ခွဲတမ်းချပြီးလည်း မျှ မယူခဲ့၊ ကိုယ်တတ်ကျွမ်းတဲ့ ပညာနဲ့ လူတွေဆီကလည်း ညာဝါးပြီး ပိုက်ဆံမရှာခဲ့ဖူးသူ တစ်ယောက်အနေနဲ့ ပိုက်ဆံပြတ်တဲ့အခါ မိဘ/ပေးမယ့်သူဆီ လက်ဖြန့်တောင်းရတဲ့အခါတိုင်း သိမ်ငယ်ခဲ့ရတဲ့ ဘ၀ဓာတ်ပုံတွေ...
-လုပ်မစားတတ်ခဲ့လို့ ချစ်ရသူမိန်းကလေးနဲ့ ပြဿနာတွေတက်၊ ပြဿနာတွေတက်၊ အို ပြဿနာတွေတက်၊ ပြဿနာတွေတက်ခဲ့ရတာတွေ...
-လူကြီးဆီက ရမယ့် လေး/ငါးထောင်/တစ်သောင်းကျပ် မုန့်ဖိုးကို တစ်လမှ ၂ ခါလောက်ရတဲ့အခါတိုင်း ထီပေါက်သလို ပျော်ခဲ့ရတဲ့ ဘ၀ဓာတ်ပုံတွေ... (၂၀၁၃ ခုနှစ်နော်)
-ကိုယ်နဲ့ အဆင့်တူပေမဲ့ သူငယ်ချင်းက တပ်ထဲမှာ ဗိုလ်၊ ကိုယ်က အရပ်ထဲမှာ ငိုနေရတုန်း ဘ၀ဓာတ်ပုံတွေ... (၂၀၁၃ ခုနှစ်အထိ အဲ့လို ကွာတုန်းနော်)

အင်း ငါသာ သူ့နေရာရောက်လို့ ငါ့ဘ၀ ဓာတ်ပုံတွေ ဖမ်းတင်လိုက်ရင်/အတင်ခိုင်းလိုက်ရင် Like ပေါင်း ကုဋေချီတောင် ရပြီးသကာလ ပြည်သူ့မေတ္တာတော် အနန္တကိုတောင် နေ့ချင်းညချင်းကြီး ရ ရပါစေ့ရဲ့။ေိေိ။


Psychology တော့ မင်းတို့ တတ်သလောက် ငါလည်း တတ်ပါသေးတယ်ကွ။ ငိငိ။

ညိုကြီး

Fwd: မင်္ဂလာဒိုး အနုပညာအင်အားစုမှ ရဲရဲတောက်တေးသံချပ်များ(ဂျပန်)



မင်္ဂလာဒိုး အနုပညာအင်အားစုမှ ရဲရဲတောက်တေးသံချပ်များ(ဂျပန်) စတင်ဖြန့် ချိ
အကြိမ် ၂၁ မြောက် အစဉ်လာမပျက် ဂျပန် မှ မင်္ဂလာဒိုး အနုပညာအင်အားစုမှ ရဲရဲတောက်တေးသံချပ်များ စတင်ဖြန့် ချိ...

2013 မင်္ဂလာဒိုးအနုပညာ အင်အားစု (ဂျပန်) အဖွဲ့ ၏ရဲရဲတောက်တေးသံချပ်များ 2013ခုရဲ့ မြန်မာပြည် သင်္ကြန် အမှီ တင်ဆက်ဖျော်ဖြေတင်ဆက်နိုင် ရန် အတွက် ဂျပန်နိုင်ငံရောက် မင်္ဂလာဒိုး အနုပညာအင်အားစု မှ
နှစ်စဉ် ကျင်းပနေကြ ဂျပန်နိုင်ငံရှိ မြန်မာ့ ရိုးရာ သင်္ကြန် ပွဲ များတွင် တင်ဆက်နေကျ ဒိုးပတ်သံ များဖြင့် နိုင်ငံတကာရောက် မြန်မာမိသားစု များနှင့် မြန်မာပြည်တွင်းမှ အောင်ပွဲရ အမျိုးသားဒီမိုကရေစီအဖွဲ့ ချုပ် ကိုထောက်ခံအားပေးနေသော
မိဘပြည်သူများအတွက် စိတ်သောက ကင်းဝေး နိုင်စေရန် နှင့် ဒုက္ခ အပေါင်းမှ ကင်းငြိမ်းစေရန် ရည်ရွယ် ချက် ဖြင့် အစဉ်လာမပျက် တနှစ်တခေါက် အတို့ အထိ ရိ စရာ လေးများနှင့်
မှန်မှန်ရောက်ရှိလာတဲ့ မင်္ဂလာဒိုး ရဲ့ သံချပ်များ အများပြည်သူများ ရှေ့မှောက်သို့ ရောက်ရှိလို့  လာခဲ့ပြန်ပါပြီ၊၊ ယခု နှစ်သံချပ်များကို ၊ကိုမျိုးသန့် ၊ကိုသောင်း၊ကိုအေးမင်းကို

၊ ခင်ငြိမ်းဆွေ နှင့် ကိုထွန်းဝေတို့ မှရေးသားခဲ့ကြခြင်း ဖြစ်ပါတယ်၊၊2013 တွင်လည်း ၁။ရိုးရာသင်္ကြန်
၂။အားလုံးကောင်းဖို့ ပြောင်းကြပါ
၃။ဖားတစ်ပိုင်း ငါးတစ်ပိုင်း
၎။ရိုဟင်ဂျာ
၅။အမတ်မင်း
၆။မပြောချင်ဘူး
၇။တိုကျိုသင်္ကြန်နဲ့ အိတ်ပေါက်ကြီး
၈။ဗမာစာသည် တို့ စာ
၉။အနုပညာစွမ်းအား
၁၀။ခေါင်းဆောင်ကောင်း
၁၁။နှစ်ကူးမင်္ဂလာ
စသည့်
တေးသံချပ်များ ဖြင့် မြန်မာပြည်တွင်းမှ မိဘရဟန်းရှင် ပြည်သူများ ကြည့်ရှု့ နိုင်စေရန်နှစ်စဉ်နှစ်တိုင်း အတာသင်္ကြန် မရောက်ခင်မှာ သံချပ် သီချင်းခွေ ဗွီဒီယိုတွေ ထုတ်လုပ်ပြီး ပြည်တွင်းနဲ့ နိုင်ငံတကာကို ဖြန့်ချိခဲ့တာ နှစ်စဉ်နှစ်တိုင်းပင် ဖြစ်ပါတယ်။
မြန်မာပြည်သင်္ကြန်နှင့်အတူ နှစ်စဉ်ဧပြီလတွင်ကျင်းပနေကြ တိုကျိုသင်္ကြန်ပွဲတော်သည် ဧပြီ 7 ရက်(7.4.2013)တွင်ကျင်းပမည်
ဟု မြန်မာ့ဒီမိုကရေစီ အဖွဲ့ ချုပ် မှ ဥက္ကဌ ဦးလှိုင်အေး က ပြောကြားခဲ့ပါသည်။
မြန်မာပြည်အလွမ်းပြေ ယိမ်းအကနှင့် ဒိုးပတ်သံများဖြင့်
ဝေေ၀ဆာဆာ မြူးမြူးကြွကြွ တင်ဆက်ထားသည်ကို တွေ့ ရမှာဖြစ်ပြီး မကြာမီအင်တာနက် စာမျက်နှာ များတွင် ဗွီဒီယို ဖြင့်တစ်ဝကြီး
ကြည့် ရှု့နိုင်ရန်စီစဉ်လျက် ရှိပါသည်။ယခုနှစ် တိုကျို သင်္ကြန်ပွဲတော်တွင် လည်း မင်္ဂလာဒိုးမှအဖွဲ့ ဝင် များဖြင့် ခြိမ့် ခြိမ့် သဲ ဖျော်ဖြေမည်ဖြစ်ပြီး
ဦးမျိုး သန့်  08050632509 နှင့် ၊ ကိုထွန်းဝေ 07066369696 kotunwai@gmail.com , တို့ ကို ထံ မေးမြန်း ဆက်သွယ်နိုင်ကြောင်း
သိရှိရပါတယ်။
ဗွီဒီယို.ရိုက်ကူးတည်းဖြတ် ကိုဇေယျာအောင် (ဂျပန်)
http://www.youtube.com/user/zayyar20283
http://www.youtube.com/user/kotunwai
ဒီနေရာတွင် ဒေါင့်လော့ယူပြီး ကြည့်ရှု့ နိုင်ပါတယ်။
http://youtu.be/knxbngnbtIY

၂၀၁၃ မင်္ဂလာဒိုး တေးသံချပ်



01 April 2013

မိတ္ထီလာက ပြန်ခဲ့တယ်


" မိတ္ထီလာက ပြန်ခဲ့တယ် "
 
မိတ္ထီလာမှာ ၂ဝ၁၃၊ မတ်လ၊ ၂ဝ ရက်ကနေ ၂၂ ရက် မနက်ပိုင်းလောက်အထိ ရက်ရက်စက်စက် လွတ်လပ်စွာ တမင် လူသတ်ခွင့်ပေးထားသလားတောင် အောက်မေ့ရတဲ့ အုပ်ချုပ်သူတွေရဲ့ စီမံခန့်ခွဲခဲ့ပုံကို သိခဲ့ရတော့ အလွန်တရာ အော့နှလုံးနာမိပါတယ်။

အဲဒီလို ကိုင်တွယ်ခဲ့ပုံအတွက် ဘယ် အုပ်ချုပ်သူကမှ တာဝန်ယူ တောင်းပန်တာမျိုးကိုလည်း ခုချိန်အထိ မတွေ့မြင်ရသေးပါဘူး။

ဆင်ခြေဆင်လက်တွေသာပေးခဲ့ပြီး နောက်ဒါမျိုးမဖြစ်စေရပါဘူးဆိုတဲ့ အုပ်ချုပ်သူတွေရဲ့ ပြောကြားချက်တွေနဲ့သာ ချွေးသိပ်ခံခဲ့ကြရပါတယ်။

မြွေမသေ တုတ်မကျိုး ရေဒီယိုမိန့်ခွန်းတွေသာ ပြောတတ်လွန်းတဲ့ မဟာ့မဟာသမ္မတအကြီးကြီးကိုလည်း စကားတတ်လှလွန်းချည်ရဲ့လို့ အောချယူခဲ့ရပါတယ်။

နောက်ကွယ်က ကြိုးကိုင်တာတွေဘာတွေကို အသာထာဦး၊ ရှေ့မကွယ်မှာ ပေါ်တင်ဖြစ်ပျက်ခဲ့တဲ့ ကြေကွဲဖွယ်ရာများအတွက်တော့ အုပ်ချုပ်သူတွေအနေနဲ့ နှာစေးတတ်လွန်းနေတယ် ထင်မိတယ်။

နှစ်ပေါင်း ၅ဝ လောက် နောက်ကျကျန်ခဲ့ရတဲ့အတွက် တက်နိုင်ငံတွေကို မီအောင် နောက်ထပ် နှစ်ပေါင်း ၅ဝ လောက် ကြိုးစားကြရဦးမယ်ဆိုတဲ့ သဘောပေပဲလား။

(၃၁-၃-၂ဝ၁၃)ရေဒီယိုမိန့်ခွန်းမှာ သမ္မတသုံးနှုံးခဲ့တဲ့ "နိုင်ငံတကာ မျက်နှာစာမှာ မျက်နှာပျက်ဖွယ်ရာများ" ဆိုတာထက် ကျွန်တော်တို့ တိုင်းသူပြည်သားတွေဟာ လူရိုင်းတွေ၊ လူ မယဉ်ကျေးတွေပဲလို့ နိုင်ငံတကာက ထင်မြင်သွားလောက်အောင် အုပ်ချုပ်သူတွေရဲ့ မိတ္ထီလာအရေး ကိုင်တွယ်ခဲ့ပုံဟာ ညံ့ဖျင်းလွန်းလှပါတယ်။

သင်ယူစရာတွေအတွက် ပေးဆပ်ခဲ့ရတဲ့ အရင်းအနှီးက ကြီးမားလွန်းခဲ့တာမို့ ဒီလို အရင်းအနှီးမျိုးကို နောက်တစ်ကြိမ် ထပ်မံ မပေးဆပ်ရပါစေနဲ့တော့လို့ပဲ ဆုတောင်းရမလို ဖြစ်နေပါပြီ။

ဒီမိုကရေစီဆိုတာကြီးကို မုန်းသွားအောင်များ အုပ်ချုပ်သူတွေ လုပ်နေကြပါသလား။ ။


ညိုကြီး
၃၁၊ ၃၊ ၁၃

(ဓာတ်ပုံ - (၃ဝ၊ ၃၊ ၂ဝ၁၃) မိတ္ထီလာမြို့တွင်းတစ်နေရာ)

18 March 2013

Education Policy Suggestion by Dr Thein Lwin (NNER)

မြန်မာနိုင်ငံ ပညာရေး မူဝါဒအတွက် အကြံပြုချက် 

ဒေါက်တာသိန်းလွင် 

နိုင်ငံလုံးဆိုင်ရာ ပညာရေးကွန်ယက် (NNER) ဖြစ်မြောက်ရေးအဖွဲ့

14 March 2013

Lepadaung Copper Mine Final Report by Investigation Commission (March 11, 2013)

စစ်ကိုင်းတိုင်းဒေသကြီး၊ မုံရွာခရိုင်၊ ဆားလင်းကြီးမြို့နယ်
လက်ပံတောင်းတောင် ကြေးနီစီမံကိန်း 

စုံစမ်းစစ်ဆေးရေးကော်မရှင်၏ အပြီးသတ် အစီရင်ခံစာ

၁၃၇၄ ခုနှစ်၊ တပို့တွဲလပြည့်ကျော် ၁၄ ရက် (၂၀၁၃ ခုနှစ်၊ မတ်လ ၁၁ ရက်)



(မတ် ၁၂၊ ၂၀၁၃)ထုတ် ရတနာပုံ နေ့စဉ်သတင်းစာမှ ကူးယူဖော်ပြသည်)

05 March 2013

Submission of Evidence to Myanmar Government’s Letpadaung Investigation Commission

Submission of Evidence to Myanmar Government’s Letpadaung Investigation Commission Lawyers 

DEDICATION:
Re Borne on Letpadaung Hill
99 monks sitting steadfast in circles,
One heart beating true for land-loving peoples,
Channeling the power of powerlessness,
Flutt’ring on butterfly-wings of compassion,
Chanting peace sutras under fire-bombs flying,
Tossed like sticks amist storms of secret suff’ring,
Flames and flesh, blood and water, inter-mingling,
Just! – As an all-mighty oceans’ ceaseless roar! –
Can such devotion ever be defeated?


Lawyers Network and Justice Trust 

(submitted on 28 January, 2013, re-submitted with exhibits on 1 February)

This information was gathered in December-January through site visits to the area and numerous interviews with affected persons from incidents at the Letpadaung copper mine conflict.

03 March 2013

နေပြည်တော်တွင် ရွှေကြောတွေ့


နေပြည်တော်တွင် ရွှေကြော ရှာဖွေတွေ့ ရှိကြောင်း သတ္တုတွင်းဝန်ကြီးဌာန ပြည်ထောင်စုဝန်ကြီး ဒေါက်တာမြင့်အောင်က အတည်ပြု ပြောကြားခဲ့သည်။

မြန်မာပို့စ် ဂလိုဘယ် သတင်းဂျာနယ်၊ သောကြာနေ့၊ ဇန်န၀ါရီ(၁၈)ရက်၊ ၂၀၁၃ ခုနှစ်

28 February 2013

ကျွန်တော်တို့ မြန်မာပြည်ကြီးမှာဗျာ


"ကျွန်တော်တို့  မြန်မာပြည်ကြီးမှာဗျာ.. "

 မြန်မာပြည်ကြီးမှာ
အရာရာထွက်တယ်
ကမ္ဘာမှာ
မြန်မာ တစ်ပြည်ထဲအတွက်
ကွက်ထွက်တာတွေ
အများကြီးပါလေ.....

အိမ်နီးချင်းနိုင်ငံတွေတောင်
ကိုယ့်ခြေဖ၀ါးအောက်ရောက်အောင်
အင်ပါယာချဲ့ထွင်နိုင်တဲ့ ဘုရင်
တို့ဆီကထွက်တယ်...
ငှက်ကလေး ကြက်ကလေးလို
သဘောင်္ပေါ်ပါသွားခဲ့တဲ့ဘုရင်လည်း
တို့ဆီက ထွက်တာပဲ..။

ဟိုရှေးကတည်းက
ရေမြုပ်ဗုံးတီထွင်ခဲ့တဲ့
ပညာရှင်လည်း
တို့ဆီကထွက်တယ်...
မခိုင်လုံတဲ့ ဆင်ခြေနဲ့
တီထွင်မှုကို ရပ်ခိုင်းတဲ့သူလည်း
တို့ဆီက ထွက်တာပဲ..။

နယ်ချဲ့မှန်သမျှ
တစ်ယောက်မှမချန်
တော်လှန်ခဲ့သူတွေ
တို့မြေက ထွက်တယ်...
လာသမျှလူအဖေခေါ်
ဘ၀တူတွေကိုဆော်တဲ့
မသူတော်အလိုတော်ရိတွေလည်း
တို့ဆီက ထွက်တာပဲ...။

မြင်းခွာအောက်မှာ
ရဲရဲတောက်
အသက်ပျောက်ခဲ့ရတဲ့
လက်နက်မဲ့ရဲဘော်
တို့ဆီကထွက်ခဲ့တယ်..
မြင်းလေးကောင်က ရထားကြီးစီး
ရွှေစလွယ်ကြီးနဲ့ လူကြီးလူကောင်းလည်း
တို့ ဆီကထွက်တာပဲ...။

တိုင်းပြည်ကြီး
ချောက်ကမ်းပါးဆီပို့သူတွေလည်း
တို့ဆီကထွက်တယ်..
နောက်ထပ်တဖန်
ကယ်တင်ရှင်ဆန်ဆန်နဲ့
အကြံအဖန် ဘ၀ရှင်မင်းလည်း
တို့ဆီက ထွက်တာပဲ..။

ကောက်ပဲသီးနှံ
ဆန်ရေစပါး
ပေါများအောင်စိုက်သွားတဲ့
လယ်သမားတွ
တို့မြေကထွက်တယ်..
သူတို့စိုက်တဲ့ ဆန်ကိုစား
သူတို့ကို သတ်ရန်ကြံသူများလည်း
တို့ဆီက ထွက်တာပဲ..။

ကျောက်သံပတ္တမြား
တွင်းထွက်ရတနာတွေ
တို့မြေကထွက်တယ်..
ဒီရတနာတွေအတွက်
ရက်ရက်စက်စက်
တိုင်းပြည်ဖျက်ခဲ့သူတွေလည်း
တို့ဆီကထွက်တာပဲ..။

နိုင်ငံကြီးနှစ်နိုင်ငံကြား
အဖိုးတန်တဲ့
နိုင်ငံရေးပထ၀ီအနေအထား အချက်
တို့ဆီမှာထွက်တယ်..
ဒီအနေအထားကို တန်ဖိုးမထား
ငွေလေးနှစ်ပြားတစ်ပြားနဲ့
သူစိမ်းရဲ့လက် ၀ကွက်အပ်ပြန်တော့
ရေနံပိုက်လိုင်းရှည်ကြီးလည်း
တို့ဆီကထွက်တာပဲ..။

ကမ္ဘာ့အဖွဲ့အစည်းမှာ
အကြီးအကဲခေါင်းဆောင်
ဂုဏ်ရောင်ပြောင်သူတစ်ယောက်
တို့ရှေ့မှောက်မှာ ထွက်ခဲ့တယ်..
သည်လိုလူကို တန်ဖိုးမထား
အငြိုးအာဃတတရားနဲ့
မျိုးမသမာရက်စက်သူလည်း
တို့ဆီကထွက်တာပဲ...။

ရှားပါးစာရင်းဝင်
ငြိမ်းချမ်းရေးဆုရှင်
တို့ပြည်တွင် ထွက်တယ်..
ဒီလိုဆုရှင်လည်း
လူမထင်စွာရက်စက်
အချုပ်အနှောင်မှာထားရက်သူလည်း
တို့ဆီကထွက်တာပဲ....။

အနှစ်တရာမှာတစ်ယောက်
ပေါ်ပေါက်ဖို့လွယ်မလား
တို့အမျိုးသားခေါင်းဆောင်တစ်ယောက်
တို့ဆီမှာပေါ်ပေါက်ခဲ့တယ်..
ဒီအမျိုးသားခေါင်းဆောင်ကြီးကို
အငြိုးဝင်ပြီး လုပ်ကြံရက်သူလည်း
တို့ဆီက ထွက်တာပဲ....။

တို့ဆီကထွက်တာတွေ
လက်ချိုးရေလို့တောင်မရ
အထင်ကရတစ်ခုဟာ
ကမ္ဘာမှာရှားပါလာနေတဲ့
မျိုးဆက်ဝင်သတ္တ၀ါ
ငါတို့ဆီမှာ အသေအချာရှိနေခဲ့တာ..
အဲ့ဒီသတ္တ၀ါမျိုးဟာ
မြန်မာ့မြေတလွှားမှာ
ပွားချင်းတိုင်းပွား
ပျော်ချင်တိုင်းပျော်
နေရာတိုင်းမှာရောက်
ဘယ်ခါမှပျောက်မယ်မသိတော့ဘူး..
ထူးဆန်းတဲ့ ကမ္ဘာ့ရှားပါးဝင်
မျိုးဆက်ကို ဘာထင်လို့လည်း
အဖြစ်မှန်ကိုမြင်အောင်ပြောရရင်လေ....
..စစ် အာ ဏာ ရှင် တွေ ပေါ့ ဗျာ...
အဲ့ဒီသတ္တ၀ါတွေလည်း
တို့ဆီက ထွက်တာပါပဲ.....။

"ခန့်ညီဖေ"

27, February .2013, Wednesday  12:20 P:M

21 February 2013

"လူကြီးသားသမီးလည်း အပြစ်လုပ်ရင် အရေးယူမှာပဲ" ဟု သမ္မတရုံးဝန်ကြီး ဦးစိုးသိန်း ပြောကြား


 အပြောနဲ့ အလုပ်တော့ ညီပစေပေါ့ဗျာ
" ဥပဒေဖောက်ဖျက်လာလျှင် ဘယ်သူ့မျက်နှာမှ မထောက်၊ လူကြီးသားသမီးလည်း အရေးယူမည် "

MEDIA One Journal, Vol. 1, No. 28

မီဒီယာဝမ်း အတွဲ(၁)၊ အမှတ်(၂၈) ဂျာနယ်
Download Link:
http://www.mediafire.com/view/?5z99wx9a3z685a8

+++++++++++++++++++++++++++++++++++++++++++++++++++++++++
 ဆက်စပ်သတင်း

ပြည်သူ့ရင်ပြင်မှာ အုပ်စုအလိုက် အစွမ်းပြသွားတဲ့ ပြိုင်ကားများ


ဓီမိုကယေဆီခေတ်မှာ ပြိုင်ကားမစီးရမှာ မဟုတ်၊ စီးရမှာပါ၊ မောင်းပါ။
မိမိကြောင့် သူတစ်ပါး အနှောင့်အယှက် မဖြစ်ပါစေနဲ့။

MYANMAR NEWS WEEK JOURNAL, အတွဲ(၂)၊ အမှတ်(၆၅)၊ (၁၇-၁-၂၀၁၃)

16 February 2013

National Network for Educational Reform (NNER) ~ Myanmar

ပညာရေးပြုပြင်ပြောင်းလဲရေး နိုင်ငံလုံးဆိုင်ရာကွန်ယက်
(National Network for Educational Reform ~ NNER)


ဤပညာရေးကွန်ယက်သည် နိုင်ငံလုံးဆိုင်ရာပညာရေးမူဝါဒ (National Educatiion Policy) တစ်ရပ်ချမှန်နိုင်ရန် အတွက် မြန်မာနိုင်ငံဒေသအသီးသီးရှိ ပညာရေးနှင့် သက်ဆိုင်သူအားလုံးနှင့် ပြည်ပရာက်မြန်မာနိုင်ငံသားများ ကျယ်ကျယ်ပြန့်ပြန့်ပါဝင်လာစေရန် ရည်ရွယ်၍ ဖွဲ့စည်းခြင်းဖြစ်ပါသည်။ ဤပညာရေးကွန်ယက်နှင့် ချိတ်ဆက်လိုသည့် အဖွဲ့အစည်းနှင့် လူပုဂ္ဂိုလ်များသည် စာမျက်နှာ(၅)တွင် ဖော်ပြထားသည့် အီးမေး(လ်)များမှတစ်ဆင့် ဆက်သွယ်နိုင်ပါသည်။


ပညာရေးပြုပြင်ပြောင်းလဲရေး နိုင်ငံလုံးဆိုင်ရာကွန်ယက် (National Network for Educational Reform ~ NNER) အကြောင်းအပြည့်အစုံကို အောက်က PDF ဖိုင်တွင် ကြည့်ရှုနိုင်ပါကြောင်း။

http://www.scribd.com/doc/125067336/NNER-and-October-Seminar-Statement



ပညာရေးပြုပြင်ပြောင်းလဲရေး နိုင်ငံလုံးဆိုင်ရာကွန်ယက် (National Network for Educational Reform ~ NNER)၏ အကြိုဆွေးနွေးပွဲများကို အောက်ပါအစီအစဉ်အတိုင်း (၁၅၊ ၂၊ ၂၀၁၃)ရက်က စစ်ကိုင်းနှင့် မန္တလေးတွင်ကျင်းပသွားရာ စစ်ကိုင်း ဆွေးနွေးပွဲတွင် တက်ရောက်ဆွေးနွေးသူ ဦးရေ (၅၀)ခန့်လည်းကောင်း၊ မန္တလေး ဆွေးနွေးပွဲတွင် တက်ရောက်ဆွေးနွေးသူ ဦးရေ (၁၀၀)ခန့်လည်းကောင်း ရှိကြောင်း သိရပါ၏။

နေရာ (၁)
(၁၅၊ ဖေဖော်ဝါရီ၊ ၂၀၁၃) (နံနက် ၁၀ နာရီ)
စစ်ကိုင်း၊ အောင်မြေဦး ဘုန်းတော်ကြီးသင်ပညာရေးကျောင်း

နေရာ (၂)
(၁၅၊ ဖေဖော်ဝါရီ၊ ၂၀၁၃) (နေ့လည် ၂ နာရီ)
မန္တလေး၊ ၃၅ လမ်းနှင့် လမ်း ၉၀ ထောင့်၊ INTENSITY Speaking Centre

15 February 2013

Aung San's Birthday ~ Feb 13, 1915

 

 "မွေးနေ့ရှင်"

၁၉၁၅ ခုနှစ်၊ ဖေဖော်ဝါရီ (၁၃)ရက်၊ စနေနေ့
ကမ္ဘာမြေပေါ်က ဗမာပြည်မှာ
ကလေးငယ်တစ်ဦး မွေးဖွား
အောင်ဆန်း
လူသားစစ်စစ်တစ်ဦးမျှသာ ဖြစ် ။

ကျွန်တော်တို့ ခင်ဗျားတို့
ကိုယ်စီကိုယ်စီ မွေးဖွားကြီးပြင်းလာခဲ့ကြ
အခြေအနေ?
မိမိဘ၀ကို မိမိကိုယ်တိုင်ကသာ ပြဌာန်းနိုင် ။

ညိုကြီး
(၁၃၊ ၂၊ ၁၃)

================
ပြက္ခဒိန်ကို ဒီနေရာက ယူပါတယ်
http://tandemantiques.com/wp-content/uploads/2010/02/calendar3.jpg