"ခလေးသို့"
ခလေး စစ်သား
ခလေး လိင်ကျွန်
ခလေး ဆေးကုန်ကူး
ခလေး ပန်းရောင်း
ခလေး ဂျာနယ်ရောင်း
ခလေး စီဒီခွေရောင်း
ခလေး အရက်ရောင်း
ခလေး လက်ဖက်ရည်ရောင်း
ခလေး ဈေးရောင်း
ခလေး မြင်းမောင်း
ခလေး နွားကျောင်း
ခလေး အိမ်ဖော်
ခလေး စားပွဲထိုး
ခလေး လုပ်သား
ခလေး လယ်သမား
ခလေး နေ့စား
ခလေး မြက်နှုတ်ပေါင်းသင်
ခလေး အိမ်သာကျင်းတူး
ခလေး အုတ်ကျောက်သယ်
ခလေး ကတ္တရာဗန်းကိုင်
ခလေး စင်တင်ထိုင် သီချင်းဆို
ခလေး တည်းခိုခန်း အလုပ်သမား
ခလေး ဟိုအိမ်လူခေါ်ပွဲစား
ခလေး ဆီပန့်ကိုင်
ခလေး လေထိုးကျွတ်ဖာ
ခလေး ရေသန့်ဘူးကောက်
ခလေး တောက်တိုမယ်ရ
ခလေး သူဖုန်းစား
ခလေး သူခိုး
ခလေး ခါးပိုက်နှိုက်
ခလေး မိဘမဲ့
ခလေး လေလွင့်
ခလေး ကော်ရှူ
ခလေး ဆိုးသွမ်း
ခလေး လမ်းဘေးအိပ်
ခလေး အမှိုက်ပုံတိုး။
ခလေးတွေ ခလေးတွေ
ပညာနဲ့ ဝေးရ
အကြင်နာနဲ့ ဝေးရ
မေတ္တာနဲ့ ဝေးရ
ကစားကွင်းနဲ့ ဝေးရ။
မိဝေး ဖဝေး
ဖိုးဝေး ဖွားဝေး
ဦးဦးဝေး ဒေါ်ဒေါ်ဝေး။
ရက်ရက်စက်စက် အရိုက်ခံကြရ
ပက်ပက်စက်စက် အသုံးချခံကြရ
ပယ်ပယ်နှယ်နှယ် အနှယ်ခံကြရ
ခလေးဖြစ်ရှုံးနေကြရ။
ခလေးမှန်သမျှ
နှိပ်စက်ခံရခြင်းဘေး ဝေးပါစေ
ရက်စက်ခံရခြင်းဘေး ဝေးပါစေ
စွန့်ပယ်ခံရခြင်းဘေး ဝေးပါစေ
ချုပ်နှောင်ခံရခြင်းဘေး ဝေးပါစေ
ခွဲခြားဆက်ဆံခံရခြင်းဘေး ဝေးပါစေ
ခလေးပြ ဆန်တောင်းခံရခြင်းဘေး ဝေးပါစေ။
ခလေးများအရေး ဒို့များတွေး
ခလေးကောင်းမှု ဒို့ပေါင်းစု
ခလေးကမ္ဘာ ဘယ်ဆီမှာ
ခ ခလေးငယ် ချစ်စဖွယ်
ခ ခရေကုံး ပန်းသို့ပြုံး ။ ။
ညိုကြီး
10.10.13
(က ကလေးပါ ကိုယ်ချင်းစာ)
.png){kind=small}
Posts
No comments:
Post a Comment