MEMORIAL CEREMONY FOR MASOEYEIN'S U KOVIDA

မစိုးရိမ်ဆရာတော်ဘုရားကြီး ဦးကောဝိဒ ပျံလွန်တော်မူခြင်း တစ်လပြည့်အခမ်းအနား ဖိတ်စာများ

ပျံလွန်တော်မူပြီးဖြစ်တော်မူသော မစိုးရိမ်ဆရာတော်ဘုရားကြီး ဦးကောဝိဒ အားရည်စူး၍ တစ်လပြည့် ကုသိုလ်ပြုပွဲကို ယနေ့ (၂၉၊ ၅၊ ၀၀၈)နေ့တွင် မစိုးရိမ်ကျောင်းတိုက်(အလယ်တိုက်ကြီး) တွင် စည်းကားသိုက်မြိုက်စွာကျင်းပခဲ့ပါသည်။ သံဃာတော်အပါး (၇၀၀) ကျော်တို့အား ဆွမ်းလောင်းပြီး ပင့်သံဃာ (၁၀၀)ကျော်တို့အား ဆွမ်းကပ် လှူဒါန်း ရေစက်ချ အမျှအတန်းဝေခဲ့ပါသည်။

စောင်းမူမူသိန်းအဖွဲ့မှလည်း ဆရာတော်ဘုရားကြီးအား စောင်း+အဆို အနုပညာများဖြင့် ပူဇော်ကန်တော့ခဲ့ကြောင်း သတင်းရရှိသည်။

လက်ရှိမစိုးရိမ်တိုက်သစ် ဆရာတော်ကြီး ဦးရာဇာဓမ္မာဘိဝံသက ရေစက်ချ အမျှအတန်းဝေပြီး ဆရာတော် ဦးကောဝိဒ၏ ငယ်ဘ၀ အတွေ့အကြုံများကို (၈၈ အရေးအခင်း၊ ပတ္တ္ဆနိကုဇ္ဇနကံဆောင်ခြင်း အစရှိသည်များ အပါအ၀င်) ဟောပြောခဲ့ပါသည်။ ဓမ္မစကြာဝတ်အသင်းမှလည်း သာသနာတော်ကို ဖျက်ဆီးစော်ကားသူတို့သည် ဆိုးဝါးစွာ ပျက်စီးစေတတ်ကြောင်းပါဝင်သော တေးထပ်များ၊ ဆရာတော်ကြီး၏ ဂုဏ်ကို ဖွဲ့ညွှန်သော တေးထပ်များဖြင့် ပူဇော်သီဆိုခဲ့ပါသည်။

(သတင်း ဓာတ်ပုံများကို နောက်ပိုင်းတွင် ဆက်လက် ဖော်ပြသွားပါမည် - BigBBrown)

Masoeyane Monks are ready for 2nd time

Other pictures can be viewed at MASOEYANE MONKS' PHOTO ALBUM

(၂၉၊ ၅၊ ၀၀၈)နေ့မှာ နာဂစ်ဒေသ (လပွတ္တာကျေးရွာများ)သို့ ဒုတိယအကြိမ်မြောက် ကျပ်ငွေ (သိန်း လေးဆယ်ကျော်)နှင့် အခြား ပစ္စည်းများ(တန်ဖိုးငွေ သိန်းငါးဆယ်ကျော်ခန့်)နှင့်အတူ ကိုယ်တိုင်ကိုယ်ကျ သွားရောက်လှူဒါန်းပါဦးမည်။ ပြည်တွင်း၊ ပြည်ပအလှူရှင်များ ဆက်သွယ်လှူဒါန်းနိုင်ပါသည်။

FREE BURMA

Free our leader, DAW AUNG SAN SU KYI

NOW !

MASOEYANE'S INVITATION TO DONATE

မန္တလေး-မစိုးရိမ်ကျောင်းတိုက်ကြီးဦးဆောင်သော
နာဂစ်လေဘေး ကယ်ဆယ်ရေး

Masoeyane's invitation to donate

http://picasaweb.google.com/zinmayko07/MasoeyaneSInvitationToDonate

မေ (၂၁)ရက်နေ့တွင် ဖျာပုံမြို့နယ်၊ ကြက်ဖမွေးစောင်း၊ အဇုတ်ကြီး၊ ဖိုးလေးရွာ စုစုပေါင်း ကျေးရွာ(၃)ရွာအား မန္တလေးမြို့၊ မစိုးရိမ်ကျောင်းတိုက် နာယက ဆရာတော်များဦးဆောင်သောအဖွဲ့မှ လေဘေးသင့် ဒကာ၊ ဒကာမများသို့ အလှူခံရရှိသည့် ကျပ်သိန်းပေါင်း (၄၀)နှင့် တကွ အသုံးအဆောင်ပစ္စည်းများ ပေးပို့ ကူညီခဲ့ကြသည်။ ထိုသို့ ပေးပို့ ကူညီရာမှ အပြန်၌ လေဘေးဒုက္ခသည်တို့၏ ဖြစ်ပေါ်နေသော အခြေအနေအရပ်ရပ်နှင့် ပြန်လည် ထူထောင်ရေးလုပ်ငန်းများ များစွာ ပြုလုပ်ရန် ရှိသေးကြောင်း မစိုးရိမ်နာယကဆရာတော်များ မျက်မြင်ကိုယ်တွေ့ သိရှိခဲ့ကြသည့်အတွက် မစိုးရိမ်ကျောင်းတိုက်တွင် အောက်ပါအစီအစဉ်အတိုင်း ကယ်ဆယ်ရေးလုပ်ငန်းများ ဆက်လက်လုပ်ဆောင်သွားမည်ဟု သတင်းရရှိသည်။ ထို့ကြောင့် ပြည်တွင်း၊ ပြည်ပမှ အလှူရှင်များအနေဖြင့် မန္တလေး-မစိုးရိမ်ကျောင်းတိုက်ကြီးသို့ တိုက်ရိုက်လှူဒါန်းနိုင်ကြောင်း သတင်းရရှိသည်။

ဆက်လက်လုပ်ဆောင်သွားမည့် ကယ်ဆယ်ရေး လုပ်ငန်းစဉ်များမှာ-

၁။ လေဘေး သင့်ရောက်ရာ ဒေသများကို လူမှုစီးပွားရေးဖွံ့ဖြိုးတိုးတက်စေရန် လုပ်ဆောင်ပေးခြင်း
၂။ (အထူးသဖြင့်) လေဘေးဒဏ်သင့်၍ မိဘနှစ်ပါး ဆုံးရှုံးရသော မိဘမဲ့ ကလေးများ၏ ပညာရေး၊ ကျန်းမာရေး၊ စားဝတ်နေရေးတို့ကို ပံ့ပိုးထောက်ပံ့ရန် လုပ်ဆောင်ခြင်း
၃။ လေဘေးဒုက္ခသည်များ၏ စားဝတ်နေရေး၊ ကျန်းမာရေး ပြည့်စုံစေရန် ဘက်စုံဆောင်ရွက်ပေးခြင်း
၎။ လိုအပ်လျှင် အခြား ကယ်ဆယ်ထောက်ပံ့ရေးအဖွဲ့အစည်းများနှင့် ပူးပေါင်းဆောင်ရွက်ခြင်း

လှူဒါန်းဆက်သွယ်ရန် လိပ်စာ(မြန်မာပြည်တွင်း)

နာယကဆရာတော်များအဖွဲ့
မစိုးရိမ်ကျောင်းတိုက်ကြီး
ဦးဓမ္မသာမီဘိဝံသ- ဖုန်း- ၀၉-၂၀၃၅၆၄၅
ဦးသီလာနန္ဒာဘိဝံသ-ဖုန်း-၀၉-၂၀၃၅၆၇၄

မစိုးရိမ်ကျောင်းတိုက်ကြီး
၈၇ လမ်း၊ ၃၆x၃၇ လမ်းကြား၊ မန္တလေး

လှူဒါန်းဆက်သွယ်ရန် လိပ်စာ(ပြည်ပ)

ဦးပညာဇောတ
မော်စန္ဒရ၀မ်း မန္တလေးကျောင်းတိုက်
မယ်စရီယန်မြို့
ထိုင်းနိုင်ငံ
ဖုန်း- ၀၈၆-၁၈၂၉၅၂၆
Email: pinnajota@gmail.com
Bank Account: 509-1638199
Bank: Krung Thai Bank

BURMA MONKS' ACTIVITIES AFTER NARGIS

"ရဟန်းသံဃာများ၏ မေတ္တာ၊ ကရုဏာ၊ စေတနာ" နှင့်
"စစ်အဆိုးရ၏ အ၀ိဇ္ဇာ၊ တဏှာ၊ ဝေဒနာ"

(မဇ္ဈိမဂုဏ်ရည်ဆရာတော် ဒေါက်တာကောဝိဒ မန္တလေး၌ နာဂစ်တရားပွဲကျင်းပနေစဉ်)

ဗုဒ္ဓသာသနာ နေလို၊ လလို ထွန်းလင်းသော ဗမာပြည်ကြီးတွင် ဗုဒ္ဓဘာသာ ရဟန်းသံဃာများသည် ပြည်သူပြည်သားများ ဒုက္ခကပ်ဆိုးတစ်ခုခုနှင့် တွေ့ကြုံခံစားရလေတိုင်း ရှေ့ဆုံးမှ ဦးဆောင်ကာ ပြည်သူပြည်သားများဘက်က ရပ်တည်လျက် ကာကွယ်၊ ကူညီ၊ ကယ်ဆယ်မြဲဖြစ်သည်။

လက်ရှိမျက်မှောက်ကာလ၏ အထင်ရှားဆုံးသာဓကများပေးရပါက-

၂၀၀၇ ခုနှစ်၊ စက်တင်ဘာလ၊ ရွှေဝါရောင်တော်လှန်ရေးကြီး

-ဆင်းရဲဒုက္ခဘေးတွင်းသက်ဆင်း၍ မင်းဆိုးမင်းညစ်အောက်တွင် လူ့အခွင့်အရေးများဆုံးရှုံးနေရသော ဗမာတိုင်းသူပြည်သားများအတွက် ဗမာပြည်မြို့ကြီးများတွင် မေတ္တာပို့၊ စီတန်း၊ လှည့်လည်ခဲ့ကြသည်၊ စစ်အဆိုးရ၏ သတ်ဖြတ်၊ ဖမ်းဆီး၊ နှိပ်စက်မှုများကို ရဲရဲတောက် ခံဝံ့ကြသည်ကို ကမ္ဘာကပင် သိမြင်ခဲ့ကြသည်။

ယခုတစ်ဖန် ၂၀၀၈ ခုနှစ်၊ မေလ၊ နာဂစ်လေမုန်တိုင်းကြီး

-ပြီးခဲ့သည့် ၂၀၀၈၊ မေလ (၂) နှင့် (၃)ရက်များတွင် ဘင်္ဂလားပင်လယ်အော်၌ စတင်ဖြစ်ပေါ်ပြီး လေတိုက်နှုန်း တစ်နာရီမိုင် (၁၂၀)မှ မိုင်(၂၀၀)ခန့်အထိ ရှိသော နာဂစ်လေမုန်တိုင်းကြီးသည် ဗမာပြည်အောက်ပိုင်း- ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ မွန် နှင့် ကရင်ပြည်နယ်များကို ကို ပြင်းစွာ ၀င်ရောက်တိုက်ခတ်ခဲ့သည်ကို အများသိပြီးဖြစ်သည်။
-စစ်အဆိုးရ၏ မိုးလေ၀သ သတင်းထုတ်ပြန်မှုအားနည်းခြင်း၊ သတိပေးမှု အားနည်းခြင်း၊ ပြည်သူတို့၏ အသက်အိုးအိမ်စည်းစိမ်ထက် ဘာမဟုတ်သည့် အာဏာကို မက်မောတွယ်ဖက်ကာ စစ်အာဏာသက်ဆိုးရှည်စေမည့် မေလ(၁၀)ရက်နေ့၊ ဖွဲ့စည်းပုံအခြေခံဥပဒေအတည်ပြုရေးကိုသာ သည်းကြီးမည်းကြီး စောက်ချ လုပ်ကိုင်ခဲ့ခြင်းတို့ကြောင့် နဂိုကတည်းက စစ်အဆိုးရနှိပ်စက်မှုကြောင့် ဆင်းရဲမွဲတေနေသော ပြည်သူပြည်သားများမှာ နာဂစ်လေမုန်တိုင်း၏ ဖဲ့ခြွေမှုကြောင့် အသက်အိုးအိမ်စည်းစိမ်များ လွင့်ပါးပျောက်ဆုံးခဲ့ကြရသည်။
-လေမုန်တိုင်းနှင့်တွဲပါလာသော ဒီရေလှိုင်းလုံးများမြင့်တက်မှုကြောင့် ကျေးရွာလိုက်ပျောက်ဆုံး၊ သေဆုံးမှုများ ဖြစ်ပွားခဲ့ရသည်။
-ယခုအခါ ကုလသမဂ္ဂ၏ ခန့်မှန်းတွက်ချက်မှုများအရ နာဂစ်မုန်တိုင်းကြောင့် သေဆုံး+ပျောက်ဆုံးသူဦးရေ (တစ်သိန်းကျော်၊ နှစ်သိန်းနီးပါး)ခန့်၊ အိုးအိမ်ပျောက်ဆုံး မွဲပြာကျသူ (တစ်သန်းခွဲ-နှစ်သန်းနီးပါး)ခန့်ရှိသွားပြီဖြစ်သည်။
-ယခုနာဂစ်မုန်တိုင်းခံဒေသစုစုပေါင်းသည် ဗမာပြည်၏ ၆၅% သော ဆန်၊ ၈၀% သော စိုက်ပျိုးရေး၊ ၅၀%သော အသားထုတ်လှုပ်မှုနှင့် ၄၀% သော ၀က်သားထုတ်လုပ်မှုရှိသော ဒေသများဖြစ်သည်။ မုန်တိုင်းအသင့်ခံရဆုံး ဧရာဝတီတိုင်း၏ အထက်ပါလုပ်ငန်းများမှာ အလုံးစုံနီးပါး ပျက်သုဉ်းသွားချေပြီ။ လူဦးရေအထူထပ်ဆုံး ဧရာဝတီတိုင်းလည်း ဖြစ်ပြန်သဖြင့် အသေအပျောက်အများဆုံးလည်း ဖြစ်သွားရချေပြီ။
-မုန်တိုင်းဒဏ်သင့်ခံဒေသများတွင်နေထိုင်သော စုစုပေါင်းလူဦးရေသည် (၂၄)သန်းခန့်ရှိသည်။ ဗမာပြည်ကြီးတစ်ခုလုံး၏ လူဦးရေသည်(၅၅.၄)သန်းခန့်ရှိသည်။ ထို့ကြောင့် မုန်တိုင်းသင့်ခံလူဦးရေသည် တွက်လျှင် ဗမာတစ်ပြည်လုံး၏ ၄၃ ရာခိုင်နှုန်းခန့်သော်မျှရှိသည်။
-မုန်တိုင်းအပြီး ကယ်ဆယ်ရေးလုပ်ငန်းများတွင် စစ်အဆိုးရက အေးတိအေးစက်နှင့် ရက်စက်မျက်ကွယ်ပြုနိုင်သလောက် ရဟန်းသံဃာတော်များကတော့ အစောဆုံး၊ အမြန်ဆုံး၊ အတက်ကြွဆုံး နာဂစ်ဒုက္ခသည်များအတွက် ကူညီ၊ ကယ်ဆယ်ရေးများ စတင်ခဲ့ကြသည်။

ထင်ရှားသော ရဟန်း၊ သံဃာ၊ ဆရာတော်များ၏ စွမ်းဆောင်မှုများ

-စစ်ကိုင်း-သီတဂူဆရာတော်ဘုရားကြီး ဒေါက်တာအရှင်ဥာဏိဿရသည် ဘိုကလေးနယ်ကို အခြေပြု၍ ကျေးရွာများတွင် ဆေးကုသရေးစခန်းများ (၅)ခန်းဖွင့်လှစ်ပြီး ကယ်ဆယ်ကုသလျက်ရှိသည်။ အခြားကူညီမှုများလည်း ပေးလျက်ရှိသည်။ မုန်တိုင်းထဲတွင် အသက်ဆုံးရှုံးသွားသော မိဘမဲ့ကလေးများအတွက်လည်း ကူညီလျက်ရှိသည်။ ဒကာ၊ ဒကာမများကလည်း ဆရာတော်ကြီးကို အမြဲမပြတ်လှူဒါန်းလျက်ရှိသည်။
-ဓမ္မစေတီဆရာတော် ဦးကောသလ္လ၊ မဇ္ဈိမဂုဏ်ရည်ဆရာတော် ဒေါက်တာကောဝိဒ၊ ဦးသုမင်္ဂလ အစရှိသည့် တရားဟော ဓမ္မကထိကများကလည်း နာဂစ်လေဘေး ကူညီရေးအတွက် နယ်မြို့အစုံ တရားဟောပွဲများ ခြိမ့်ခြိမ့်သဲ ကျင်းပကာ အလှူခံလျက်ရှိပြီး မုန်တိုင်းဒဏ်သင့်ရာ ဒေသများသို့ ပို့ဆောင် ကယ်ဆယ်လျက်ရှိသည်။
-အရှင် ဆေကိန္ဒသည်လည်း အမြဲမပြတ် သွားရောက်ကူညီလျက်ရှိသည်။
-မန္တလေး မစိုးရိမ်ကျောင်းတိုက်၊ အမရပူရ မဟာဂန္ဓာရုံကျောင်းတိုက် အစရှိသည့် ကျောင်းတိုက်ကြီးများမှ သံဃာတော်များကလည်း ဦးဆောင်ကာ အလှူငွေ၊ ပစ္စည်းများ ခံယူ၊ စုစည်း၍ နာဂစ်ဒေသသို့ ပို့ဆောင် ကယ်ဆယ်လျက်ရှိသည်။

စစ်အဆိုးရ၏ လုပ်ဆောင်ချက်များ

-စစ်အဆိုးရ၏ လုပ်ဆောင်ချက်များကတော့ဖြင့် စိတ်ပျက်ဖွယ်၊ ဒေါသထွက်ဖွယ်တွေက များသည်။
၁။ မိုးလေ၀သ သတင်း ကြိုတင်ထုတ်ပြန်မှု မတိကျ၊ မှားယွင်း၊ အားနည်းခြင်း
၂။ အန္တရာယ် သတိပေးမှု မတိကျ၊ မှားယွင်း၊ အားနည်း၊ ပေါ့လျော့ခြင်း
၃။ မုန်တိုင်းကြီးကျရောက်ပြီးသောအခါ၌လည်း ကယ်ဆယ်ရေးလုပ်ငန်း နှောင့်နှေး၊ ကြန့်ကြာ၊ ညံ့ဖျင်းခြင်း
၎။ နိုင်ငံတကာမှ အကူအညီများပေးပါမည်၊ ကယ်ဆယ်ရေးလုပ်သားများ အမြန်လွှတ်ပေးပါမည်ဟု ခခယယ ပြောဆိုနေသည့်တိုင် စစ်အဆိုးရကတော့ သူတို့အာဏာတည်မြဲရေး အခြေခံဥပဒေအတည်ပြုပွဲကို အနှောင့်အယှက်ဖြစ်မည်စိုးပြီး အလွယ်တကူ လက်မခံခဲ့၊ ငြင်းဆန်ခဲ့၊ တွေဝေခဲ့ခြင်း များ အထင်အရှားဖြစ်သည်။
(အခြေခံဥပဒေ အတည်ပြုရေး မဲပေးနေ့ မေလ (၁၀)၊ (၂၄)ရက် များ ကုန်လွန်သည်အထိ အချိန်ဆွဲထားခြင်းဖြစ်သည်။ တကယ်တော့ စစ်အဆိုးရအဖွဲ့ဝင်များသည် "ဘယ်သူသေသေ ငရွှေမာလျှင် ပြီးရော" လူစားမျိုးများသာ ဖြစ်ကြပုံရသည်။)
၅။ နိုင်ငံတကာမှ ကယ်ဆယ်ရေးပစ္စည်းများ ဗမာပြည်တွင်းရောက်လာတော့လည်း ဒုက္ခသည်များထံသို့ မပို့ဘဲ ဈေးကွက်ထဲရောက်သည့် ဟာကရောက် ဖြစ်ကုန်တာလည်းရှိသည်။ ဒုက္ခသည်အတူတူချင်း ကြံဖွတ်ဒုက္ခသည်၊ စစ်သားဒုက္ခသည်၊ ရယကအဖွဲ့ဝင်ဒုက္ခသည်၊ စွမ်းအားရှင် ဒုက္ခသည် အစရှိသဖြင့် စစ်အဆိုးရ လက်ကိုင်တုတ်ဒုက္ခသည်များကို အခြားသာမန်ဒုက္ခသည်များထက် မျက်နှာလိုက်ပြီး ဝေပုံမကျတာမျိုးလည်း ရှိသေးသည်။
၆။ နောက်ဆုံး ကုလသမဂ္ဂအထွေထွေအတွင်းရေးမှူး မစ္စတာ ဘန်ကီမွန်းကိုယ်တိုင် မောင်သန်းရွှေကိုလာတွေ့ပြီး "မင်း နိုင်ငံတကာ အကူအညီကို လက်ခံ၊ လက်မခံရင် အတင်းဝင်ရောက် ကယ်တင်ရလိမ့်မယ်" ဟု မာန်မဲ ပြောဆိုတော့မှ စစ်အဆိုးရက နိုင်ငံတကာ ကယ်ဆယ်ရေးလုပ်သားများကို လက်ခံတော်မူလေသည်။
၇။ သို့သော်လည်း "ဆောက်ဖြစ်မှ ကျောင်းဒကာ" ဆိုသည့် မူအတိုင်း စစ်အဆိုးရ၏ ခြေလှမ်းယုတ်၊ ခြေလှမ်းမှားများကိုတော့ ဆက်လက်စောင့်ကြည့်ရဦးမည်သာ ဖြစ်တော့သည်။

ညိုကြီး
26.May.008

REF:
- Communicable diseases risk assessment and interventions, Cyclone Nargis: Myanmar, May 2008, WHO
-News from Internet Websites and Blogs and Setallite

SITAGU SAYADAW'S KINDNESS

နာဂစ်မုန်တိုင်းကယ်ဆယ်ရေးအတွက်
သီတဂူဆရာတော် အရှင်ဥာဏိဿရ
ပြည်ပတွင် တရားပွဲလှည့်လည်ကျင်းပမည်

ဂျေမိုး
မေ ၂၄၊ ၂၀၀၈
(မိုးမခ Multimedia)

စင်္ကာပူ။ ။ သီတဂူဆရာတော်ဘုရားကြီး အရှင်ဥာဏိဿရသည် စင်္ကာပူနိုင်ငံ Eunos MRT အနီးရှိ မင်္ဂလာဝိဟာရကျောင်းတိုက်၌ (၂၅)ရက်နေ့ ညနေ (၈)နာရီတွင် ဓမ္မတရားတော်ဟောကြားမည်ဖြစ်သည်။

သီတဂူဆရာတော်ဘုရားကြီးသည် ထိုင်းနိုင်ငံသံဃာ့ရာဇာမှ လေမုန်တိုင်းဒဏ်ခံ ပြည်သူတွေအတွက် အလှုငွေလက်ခံပေးဖို့ရာ ဖိတ်ကြားခြင်းကြောင့် ထိုင်းနိုင်ငံ၊ ဘန်ကောက်မြို့ကိုရောက်ရှိလျှက်ရှိနေပြီး စင်္ကာပူနိုင်ငံသို့ ဆက်လက်ကြွချီလာမည်ဟုသိရသည်။ နာဂစ်မုန်တိုင်းဒဏ်ခံခဲ့ရသောဒေသရှိ ပြည်သူများအတွက် လိုအပ်နေသော ဆေးဝါးနှင့် ကူညီထောက်ပံ့ရေး ပစ္စည်းများကို စင်္ကာပူနိုင်ငံမှာ ဝယ်ယူမည်ဟုသိရှိရသည်။

နာဂစ်မုန်တိုင်းတိုက်ခိုက်အပြီး ရက်ပိုင်းအတွင်းမှာပင် ဆရာတော်အရှင်ဥာဏိဿရ ကိုယ်တော်တိုင် လေမုန်တိုင်းဒဏ်ခံရသော ဒေသများသို့သွားရောက်ကာ ကယ်ဆယ်ရေးလုပ်ငန်းများကို ကျယ်ကျယ်ပြန့်ပြန့် ပြုလုပ်ခဲ့သည်။

လေမုန်တိုင်းတိုက်ခိုက်ခံရသောဒေသ နောက်ဆုံးအခြေအနေနှင့်ပတ်သက်၍ ဆရာတော်ဘုရားကြီးနှင့် ဘီဘီစီ မြန်မာပိုင်း ရေဒီယိုမေးမြန်းခန်းတွင် …

"ဘုန်းကြီးရောက်တဲ့နယ်မြေတခွင်မှာ လူတွေဒုက္ခဖြစ်ပြီးတော့ မသေဘဲနဲ့ကျန်နေတဲ့သူတွေက ရာခိုင်နှုန်း ၈၀-၉၀ လောက်အားလုံး ဘုန်းကြီးကျောင်းတွေမှာ မှီခိုနေကြတာတွေ့ရတယ် ဘုန်းကြီးကျောင်းတွေကလဲပဲ အမိုးတွေမရှိတာကများတော့ စိုစိုစွတ်စွတ်နဲ့ နေကြရတာကို တွေ့ရတယ် ပျက်သွားတဲ့ရွာတွေကို ပြန်ဆောက်ဖို့အနေအထားကတော့ ဒကာကြီး အတော်ကိုမျှော်လင့်ချက်ဝေးတဲ့အနေအထားရှိတယ်"

"ရွာတွေကဆောက်တုန်းကလဲပဲ ဓနိလေးတွေ လမုပင်လေးတွေ၊ ဝါးလုံးလေးတွေ နဲ့ဆောက်တော့ ဒီလောက်ပြင်းထန်တဲ့လေကြားမှာ ဒီသစ်တိုသစ်စတွေဟာ အကုန်တစမကျန် ဝါးလေးတွေ၊ဓနိတွေ၊လမုပင်လေးတွေ အကုန်လွင့်ကုန်တာ မြင်ကွင်းက… တခါတည်း ငုပ်တုတ်ငုပ်တုတ်နဲ့ တိုင်ငုပ်တိုလေးတွေပဲကျန်တော့ ဒီနေရာမှာ ဒီလူတွေဟာ အိမ်ပြန်ဆောက်နိုင်ဖို့တော်တော်ခက်မယ်ဒကာကြီး"

"ပြီးတော့လယ်ကွင်းတွေကလဲ အကုန်လုံး ဆားငံရေတွေဝင်သွားတော့ လယ်ပြန်လုပ်နိုင်ဖို့လဲပဲ တော်တော်ခက်မယ် နွားတွေကျွဲတွေကလဲပဲ မကျန်သလောက်ဖြစ်နေတယ် အကုန်လုံး လေထဲလွင့် ရေမြုပ်ပြီးတော့ သေကုန်ကျတော့ ကျွဲနွားမရှိတဲ့ခမျာမှာလဲပဲ လယ်ထွန်ဖို့ခက်မယ် မျိုး-တွေလဲရဖို့မလွယ်ဘူး အဲဒီတော့အခက်အခဲတွေကြားထဲက ပြည်လည်ထူထောင်ဖို့ဆိုတာ အများကြီးအများကြီးလိုသေးတယ် အကူအညီအထောက်အပံ့တွေလိုမှာပါ"

နိုင်ငံတကာကယ်ဆယ်ရေးအဖွဲ့များဝင်ခွင့်ပေးလိုက်တဲ့ကိစ္စနှင့်ပတ်သက်ပြီးမိန့်ကြားရာမှာ …

"ဘုန်းကြီးကတော့ အကောင်းမြင်တဲ့ဘက်ကနေကြည့်ပြီး ဒါဟာ အလွန်အလားအလာကောင်းတဲ့ လက္ခဏာပဲလို့ ဘုန်းကြီးကတော့ ဒီလိုတွက်ပါတယ် သို့သော်လည်းပဲ နိုင်ငံတကာဆိုတော့ နိုင်ငံပေါင်း ဘယ်လောက်များများက လာပြီးတော့ ဘယ်လိုပစ္စည်းမျိုးတွေစပေးမလဲဆိုတာ ရှေးဦးစွာ Survey လုပ်တဲ့အနေနဲ့ ကွင်းဆင်းကြည့်ရှုဖို့ကိစ္စမှာ Transport တွေဘာတွေ တော်တော်များများလိုလိမ့်မယ်။ ဒကာကြီး ရေယာဉ်တွေလိုမယ် ကောင်းကင်က ဖြတ်သွားကြည့်တာလောက်နဲ့ မလုံလောက်ဘူး အဲဒီအပျက်အစီးတွေကိုသွားကြည့်ဖို့ရာ လမ်းတွေဖောက်ပေးဖို့လိုလိမ့်မယ်…. ဆိုတော့ ကြာမယ် ဒကာကြီး…. ကြာလိမ့်မယ်ထင်တယ်… ပြီးတော့ ဘယ်လောက်ပဲ နိုင်ငံတကာက ပေးပေး ဒီဧရိယာကြီးအနေအထားကကို အလွန်ခက်ခဲတဲ့ အနေအထားဖြစ်နေတယ် ထိထိရောက်ရောက် ရှိမှရှိပါ့မလားဆိုတာကို ဘုန်းကြီးလဲ စိတ်ထဲတွေးပြီးတော့ စိတ်ထဲသိပ်တော့မကောင်းဘူး စိတ်ပူတယ်ဒကာကြီး"

အနာဂတ်မှာ လက်တွဲလုပ်ဆောင်ဖို့နဲ့ပတ်သက်ပြီး ဆရာတော်ကြီးမှ …

"အကုန်လုံးက လက်တွဲဖို့တော့လိုနေပြီ ဒကာကြီး ဘာဖြစ်လို့လဲဆိုတော့ ဘာသာရေးနဲ့ကြည့်မယ်ဆိုရင်လဲ ခရစ်ယာန်ရွာတွေကော အစ္စလမ်ရွာတွေကော ဗုဒ္ဓဘာသာရွာတွေ ခံရတာပဲ။ နိုင်ငံရေးနဲ့ကြည့်ရင်လဲပဲ လက်ရှိနိုင်ငံတော်အစိုးရကို အားပေးထောက်ခံတဲ့သူတွေကိုကော နိုင်ငံတော်အစိုးရကို ချချင်တဲ့သူတွေရောအကုန်လုံး ခံရတဲ့နေရာမှာ အတူတူပဲလေ၊ အရပ်သားလဲခံရသလို အဲဒီအရပ်မှာ စစ်သူ စစ်သားတွေလဲ ခံကြရတာပဲ၊ ဘာသာရေးကင်းမဲ့တဲ့သူတွေ ခံရသလို ဘာသာရေးခေါင်းဆောင်တွေလည်း ခံရတာပဲ။ ဒုက္ခဆိုလို့ရှိရင် ခံစားရတာအကုန်လုံး တူညီနေတဲ့အတွက်မို့ ဒီအဖြေရှာတဲ့အခါမှာလဲ အကုန်လုံးတူဖို့လိုတယ် တူညီတဲ့ Common Platform တစ်ခုကို ဘုန်းကြီးတို့တည်ဆောက်ရမယ် ဘာသာရေးရှုဒေါင့် လူမှုရေးရှုဒေါင့် နိုင်ငံရေးရှုဒေါင့် အဲဒီရှုဒေါင့်တွေက ကြည့်တာတွေကို ခဏရပ်တန့်ပြီးတော့ အကုန်လုံးတစ်ခါတည်း ဂရုဏာစိတ်ဓါတ်နဲ့ ဂရုဏာစိတ်ဓါတ် common Platform ပေါ့ဗျာ။ အဲဒါလေးအပေါ်မှာ အတူတကွ လက်တွဲလျှောက်လှမ်း သွားရင်တော့ အနာဂတ်မှာ အတော်ကောင်းတဲ့အလားအလာရှိတယ်လို့ ဘုန်းကြီးတော့ ဒီလိုပဲထင်တာပါပဲ"

ဟုမိန့်ကြားသွားပါတယ်။

စင်္ကာပူတရားပွဲအပြီးတွင် ဆရာတော်ဘုရားကြီးဟာ မြန်မာပြည်ကို ပြန်လည်ကြွချီမည်လို့ သိရသည်။

About NARGIS, After NARGIS,

"နာဂစ် ဆိုင်ကလုံးမုန်တိုင်း တိုက်ခတ်အပြီး ဖြစ်ရပ်ဆိုးများ"
http://www.mizzimaburmese.com/news/1177-2008-05-23-09-32-32

"လူသန်းပေါင်းများစွာကို ဒုက္ခရောက်ပျက်စီးစေသော Cyclone Nargis အကြောင်း တစေ့တစောင်း "
http://en.wikipedia.org/wiki/Cyclone_Nargis

"ငါးကြောင့် ရောဂါကူးမည်မဟုတ်ဟု ဆရာဝန် ပြောကြား"
http://www.mizzimaburmese.com/news/inside-burma/1/1182-2008-05-24-07-54-58

IT'S SO LATE !

ကယ်ဆယ်ရေး ဝန်ထမ်း အားလုံးကို ဝင်ခွင့်ပြုရန် ဗိုလ်ချုပ်မှူးကြီး သန်းရွှေ သဘောတူဟု ဘန်ကီမွန်းပြောကြား

မဇ္ဈိမသတင်းဌာန
သောကြာနေ့၊ မေလ 23 2008 14:10 - မြန်မာစံတော်ချိန်

ချင်းမိုင်။ ။ ကယ်ဆယ်ရေး ဝန်ထမ်း အားလုံးကို ဝင်ရောက် ကူညီခွင့်ပေးရန် စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေထံမှ သဘောတူညီချက် ရပြီဟု ကုလသမဂ္ဂ အထွေထွေ အတွင်းရေးမှူးချုပ်က ပြောသည်။

နေပြည်တော်တွင် ဗိုလ်ချုပ်မှူးကြီး သန်းရွှေနှင့် ယနေ့ နေ့လည်က (၂) နာရီကြာ တွေ့ဆုံအပြီးတွင် ကုလသမဂ္ဂ အကြီးအကဲက သတင်းထောက်များအား ယင်းသို့ ထုတ်ဖော် ပြောဆိုလိုက်ခြင်း ဖြစ်ပြီး မည်သည့် နိုင်ငံသားမဆို ဝင်ရောက်ခွင့် ရမည်ဟု ဆိုသည်။

ကုလသမဂ္ဂ အထွေထွေ အတွင်းရေးမှူးချုပ်သည် မြန်မာပြည်တွင် မုန်တိုင်းကြောင့် ဒုက္ခရောက်နေသော ၂ သန်းခွဲကို အကူအညီ ပေးနိုင်ရေးအတွက် နိုင်ငံတကာမှ အကူအညီများ မြန်မာပြည် ဝင်ရောက်ရေး ဖိအားပေးရန် ယမန်နေ့က ရောက်ရှိနေခြင်း ဖြစ်သည်။

ယမန်နေ့က စစ်အစိုးရ ဝန်ကြီးချုပ် သိန်းစိန်၊ နိုင်ငံတကာမှ အေဂျင်စီများနှင့် ရန်ကုန်မြို့တွင် တွေ့ဆုံခဲ့သလို ဧရာဝတီ မြစ်ဝကျွန်းပေါ် ဒေသရှိ မုန်တိုင်းသင့် ဒေသများဖြစ်သော ဒေးဒရဲနှင့် မော်ကျွန်းသို့ ၂ နာရီကြာ သွားရောက်ကာ ဒုက္ခသည်များနှင့် တွေ့ဆုံခဲ့သည်။

မစ္စတာ ဘန်ကီမွန်းသည် ယနေ့ညနေတွင် ထိုင်းနိုင်ငံ ဘန်ကောက်သို့ ပြန်လာပြီးနောက် တနင်္ဂနွေနေ့တွင် ရန်ကုန်သို့ ပြန်လည် သွားရောက်ပြီး နိုင်ငံတကာ အစည်းအဝေးသို့ တက်ရောက်ရန် စီစဉ်ထားသည်၊

မြန်မာပြည်တွင် မုန်ုတိုင်းအလွန် ပြန်လည် ထူထောင်ရေး လုပ်ငန်းများအတွက် ကုလသမဂ္ဂ အထွေထွေ အတွင်းရေးမှူးနှင့် အာဆီယံတို့က ကြီးမှူး ကျင်းပမည့် အစည်းအဝေးသို့ နိုင်ငံပေါင်း (၃ဝ) ကျော်နှင့် ကုလသမဂ္ဂ အေဂျင်စီများ တက်ရောက်မည်ဟု သိရသည်။

BINLARDIN IS NOT SO BAD AS SPDC

“မြန်မာနိုင်ငံမှာ လေမုန်တိုင်းဒဏ် ခံရလို့ ဒုက္ခရောက်နေရသူတွေကို ကမ္ဘာတ၀ှမ်းမှာရှိတဲ့ မူဆလင်တွေက ၀ိုင်းဝန်းကူညီကြပါ”လို့ အယ်လ်ကိုင်းဒါးခေါင်းဆောင် အိုစမာဘင်လာဒင်က တိုက်တွန်းပြောကြား

သတင်း - အာရ်အက်ဖ်အေ

ရှောင်ပုန်းနေတဲ့ နေရာကနေပြီးတော့ မြန်မာပြည်က မုန်တိုင်းဘေးနဲ့ ပတ်သက်ပြီး ပြောကြားထားတဲ့ ရေဒီယို သတင်းထုတ်ပြန်ချက်ထဲမှာ အိုစမာဘင်လာဒင်က အခုလို တိုက်တွန်း ပြောဆိုထားတာပါ။ သူရဲ့ ပြောကြားချက်တွေထဲမှာ “ဂျူးတွေနဲ့ မွတ်ဆလင်ဘာသာအပေါ် မယုံကြည်သူတွေကို ဆန့်ကျင်တိုက်ခိုက်နေ တဲ့ မြင့်မြတ်တဲ့ ဘာသာရေးစစ်ပွဲဟာ အရေးကြီးပါတယ်။ ဒါပေမယ့် ဒီ့ထက်အရေးကြီးနေတာက မြန်မာပြည်က ရင်နင့်စရာ လူသားချင်းဆိုင်ရာ ဖြစ်ရပ်ကြီးပါပဲ”လို့ အိုစမာဘင်လာဒင်က ပြောကြားထားပါတယ်။

“ဘုရားသခင်အလ္လာဟာ စာနာသနားမှုကို လက်ကိုင်ထားသူ ဖြစ်တဲ့အတွက် သူ့ရဲ့ နောက်လိုက်တွေဖြစ်တဲ့ မွတ်ဆလင်တွေအနေနဲ့ စာနာသနားမှုကို အကောင်အထည်ဖော် လုပ်ဆောင်သူတွေ ဖြစ်ရမယ်”လို့ သူက တိုက်တွန်းထားပါတယ်။ သူက ဆက်လက်ပြီး ပြောကြားထားရာမှာ “ကမ္ဘာပေါ်က မွတ်ဆလင်နိုင်ငံ အများစုဟာ ရေနံနဲ့ ကြွယ်ဝချမ်းသာတဲ့ နိုင်ငံတွေ ဖြစ်ကြပါတယ်။ ဘုရားသခင်က ပေးထားတဲ့ ဒီချမ်းသာကြွယ်ဝမှုတွေကို ဘုရားသခင် အလိုရှိတဲ့အတိုင်း ကလေးသူငယ်တွေနဲ့ ဒုက္ခရောက်နေသူတွေကို ပေးဝေဖို့ မွတ်ဆလင်တွေမှာ ၀တ္တရားရှိတဲ့အကြောင်း၊ ဒီဒုက္ခရောက်နေတဲ့ ကလေးတွေနဲ့ ဒုက္ခသည်တွေဟာ ကမ္ဘာ့ရဲ့ ဘယ်နေရာမှာပဲရှိရှိ အစ္စလာမ်ဘာသာကို သက်ဝင်ယုံကြည်ကြသူတွေ မဟုတ်ပေမယ့်လည်း သူတို့ကို ကူညီပေးဝေရပါမယ်”လို့ အယ်လ်ကိုင်းဒါးခေါင်းဆောင် အိုစမာဘင်လာဒင်က တိုက်တွန်းထားပါတယ်။

ဆက်လက်ပြီး သူဟာ တမန်တော်တဦး မဟုတ်ဘဲ သာမန်လူသားတဦးသာ ဖြစ်တဲ့အကြောင်း၊ အခုလို ၀မ်းနည်းပူဆွေး ငိုကြွေးနေရသူတွေအတွက် သူ့အနေနဲ့ ဖြစ်နိုင်မယ်ဆိုရင် မြန်မာနိုင်ငံက မုန်တိုင်းဘေး ကျရောက်နေသူတွေကို သွားရောက်ကယ်ဆယ်မယ့် ကယ်ဆယ်ရေးအဖွဲ့ကို ဦးဆောင်ပြီး သူကိုယ်တိုင် သွားလိုက်ချင်ပါတယ်လို့ ပြောဆိုထားပါတယ်။ နောက်ဆုံး သူပြောကြားတာကတော့ အပြစ်မဲ့တဲ့သူတွေရဲ့ အသက်တွေကို ကယ်တင်တဲ့ အလုပ်ဟာ မှန်ကန်တဲ့ အလုပ်ဖြစ်တဲ့အတွက် လုပ်ဆောင်ရမှာဖြစ်ကြောင်း၊ ဒီလိုလုပ်ခြင်းအားဖြင့် ကျန်တဲ့တကမ္ဘာလုံးကလည်း မွတ်ဆလင်တွေရဲ့ အတုကိုယူပြီး လိုက်ပါလုပ်ဆောင် လာပါလိမ့်မယ့်လို့ ပြောဆိုထားပါတယ်။

အိုစမာဘင်လာဒင်ဟာ အာဖဂန်နစ္စတန်မှာ အခြေစိုက်ကာ အယ်လ်ကိုင်းဒါးအဖွဲ့ကို ခေါင်းဆောင်နေပြီး အကြမ်းဖက် လုပ်ရပ်တွေအတွက် တာဝန်ရှိတယ်ဆိုတဲ့ အတွက်ကြောင့်မို့လို့ အမေရိကန်နဲ့ မဟာမိတ်တပ်ဖွဲ့ တွေ အာဖဂန်နစ္စတန်ကို ၀င်ရောက်တိုက်ခိုက်စဉ်ကတည်းက ထွက်ပြေး ပုန်းရှောင်နေရသူ ဖြစ်ပါတယ်။

INCREASED DEATH TOLL MORE AND MORE?

SPDC'S TRICKS ON VOTING

"စစ်အဆိုးရ၏ လူထုဆန္ဒခံယူပွဲနှင့် ပတ်သက်၍ လိမ်နည်း၊ ညစ်နည်းများ"

Photo (AFP)

(အထက်အဆင့်တွင် အများသိပြီးသည့်အတိုင်း နအဖ၏ လူစုံအကုန် မဟုတ်တာလုပ်ကြသည်။
အခြေခံအဆင့်တွင် ပြုလုပ်သူများမှာ ရယက၊ ကျေးရွာရယက၊ ကြံဖွတ်၊ စွမ်းအားရှင်များ)

မေ (၁၀)ရက်မတိုင်မီ

၁။ အမှန်မခြစ်လျှင် ဘာဖြစ်မည်ညာဖြစ်မည် (ထောင်သုံးနှစ်ကျသွားမည်တောင်ပါလိုက်သေး) ဟု သိသိသာသာတစ်မျိုး၊ မသိမသာတစ်မျိုး ခြိမ်းခြောက်ကြသည်။ (ရွာများတွင် ပိုဆိုးသည်။)

၂။ ကြိုတင်မဲများကို အိမ်တိုင်ရာရောက် လိုက်လံကောက်ခံသည်။ သူတို့ကိုယ်တိုင်တောင် အမှန်ခြစ်၊ ခြစ်ပေးလိုက်သေးသည်။ ပြီးမှ စာအိတ်ထဲထည့် သူတို့ယူသွားသည်။ (ရွာများတွင် ပိုဆိုးသည်။ တစ်ရွာလုံး ကြိုတင်မဲ အမှန်ခြစ်များ ရယူသွားသည်များရှိသည်။)

၃။ အချို့ရပ်ကွက်များတွင် ရယက ဥက္ကဌကိုယ်တိုင် အိမ်တိုင်ရာရောက်လိုက်လံပြီး မဲထည့်ရမည့် (၁၀)ရက်နေ့တွင် မဲထည့်မည့် စာရင်းပါ လူများ မဲရုံကို လာစရာမလိုတော့ကြောင်း။ ခင်ဗျားတို့ကိုယ်စား ကျွန်တော်တို့က တာဝန်ယူပြီး မဲထည့်ပေးမည်ြ ဖစ်ကြောင်းပြောဆိုကာ အမှန်ခြစ်များကို အဓမ္မရယူသွားသည်။

၎။ လူထုမှာ အခြေခံဥပဒေဆိုတာ ချို(ဂျို)နဲ့လားဟု မေးရမလိုပင် စိတ်လည်းမ၀င်စား၊ သဘောလည်းမပေါက်၊ ကြောက်တာသာ သိကြသည်။ ဒီကြားထဲ နာဂစ်မုန်တိုင်းကြောင့် လူတွေမှာ သနားကရုဏာကိစ္စဘက် ရောက်ကုန်ကြသည်။ ဒါကို နအဖ က အခွင့်ကောင်းယူပြီး ဇွတ်အတင်း (လူမဆန်စွာ၊ နာဂစ်မုန်တိုင်းခံ ပြည်သူပြည်သားများကို ရက်စက်စွာမေ့ထားပြီး) ဆန္ဒခံယူပွဲကို မေ(၁၀)ရက်မှာပင် ပြုလုပ်သွားသည်။

မေ (၁၀)ရက်နေ့

၁။ မဲရုံများတွင် စစ်ထောက်လှမ်းရေး၊ ရိုးရိုးနအဖသတင်းပေးများ၊ ရယက၊ ကျေးရွာရယက၊ ကြံဖွတ်၊ စွမ်းအားရှင်များနှင့် ပြည့်နှက်နေသည်။

၂။ မဲရုံအ၀တွင် ကြိုတင်၍ YES အင်္ကျီများဝတ်ပြီးလမ်းသလားပြသည်။ အမှန်ခြစ်သာ ခြစ်ကြဖို့ ပေါ်တင်လောဆော်သည်။ အော်လန်ကြီးနှင့် အော်ကြသည်ပင် ရှိသည်။ မဲရုံထဲ ရောက်သွားတော့လည်း အမှန်သာ ခြစ်ကြဖို့ မဲထည့်မည့်သူကို ဖိအားပေးပြောဆိုကြသည်။

၃။ မဲထည့်ရန်လာသူများအား မဲရုံထဲတွင် ရောက်ရှိကြောင်းလက်မှတ်သာ ထိုးခိုင်းပြီး မဲထည့်ရန်လက်မှတ်များကို မပေးတော့ဘဲ ပြန်လွှတ်ခဲ့သည်များလည်း ရှိသည်။

၎။ အချို့မဲရုံထဲတွင် မဲထည့်ရန်လာသူများကို ဆီးကြိုပြီး မဲလက်မှတ်များရယူ၍ သူတို့ဘာသာ အမှန်ခြစ် ယူခြစ်ပစ်လိုက်ကြပြီး မဲပုံးထဲ ထည့်လိုက်ကြသည်။
ပြည်သူများက ကိုယ်တိုင်ထည့်ခွင့်မရှိ။

၅။ မဲရုံပိတ်ပြီး အမှန်တွေ ဇွတ်ခြစ်ပစ်တာမျိုးလည်း ကြားရသည်။

၆။ မဲထည့်ရန်လာသူများကလည်း ဘာမှန်းမသိဘဲ အရိုးစွဲ အကြောက်တရားဝါဒီများက အများစု ဖြစ်ရာ အမှန်တွေသာ စွတ်ခြစ်ကြသည်။
အလိုတော်ရိများကမူ အမှန်ခြစ်ခြစ်ပြီး မဲစာရွက်ကိုပင် မခေါက်တော့ဘဲ မဲပုံးဘေးက အစောင့်ကိုတောင် ပေါ်တင်ပြသပြီးမှ မဲပုံးထဲထည့်သည်။

၇။ ညနေမဲစာရင်းရေတွက်ကြတော့လည်း ၁၀ ဦးစာရင်းတွင် စစ်ထောက်လှမ်းရေး၊ ရိုးရိုးနအဖသတင်းပေးများ၊ ရယက၊ ကျေးရွာရယက၊ ကြံဖွတ်၊ စွမ်းအားရှင်များ က အများစု ဖြစ်သည်။ ပြည်သူအစစ်မပါသလောက်။

၈။ မဲရေတွက်ရာတွင် စောင့်ကြည့်သော ၁၀ ဦးတွင် ပြည်သူအစစ်များပါဝင်ပါကလည်း ထိုပြည်သူအစစ်များ ပြန်သွားသောအခါကျမှ မဲများကို

အမှန်ခြစ်များနှင့် အပြိုင်အဆိုင်လဲလှယ်လိုက်ကြသည်လည်း ရှိသည်။

၉။ ညနေ စာရင်းများချုပ်တော့ YES က NO ကို မတရားသော နည်းလမ်းများသုံးပြီး မဲရုံအများစုတွင် အနိုင်ရရှိသွားကြောင်း သတင်းများ ရရှိပါသည်။

(သို့သော် ဘာတွေဘယ်လိုပဲ မဟုတ်တမ်းတရားအတည်ပြုပြု တစ်ရက်တည်းနဲ့တောင် ဖျက်နိုင်ရင် ကိစ္စပြတ်ပါတယ်ဗျာ။ လူထုစိန်ဝင်းပြောသလို လူထုအားသာ အခရာပေါ့ဗျာ။)

Email ဖြင့် သတင်းပေးပို့သူ - မောင်မည်း

Oh!!!

နောက်မုန်တိုင်းတခု လာနိုင်သည်ဟု ကုလသမဂ္ဂ သတိပေး
ဧရာဝတီ မေ ၉၊ ၂၀၀၈

နောက်ထပ် မုန်တိုင်းတခု မြန်မာပြည်ကို ဦးတည်လာနိုင်သည်ဟု ကမ္ဘာ့ကုလသမဂ္ဂက ယနေ့ သတိပေး ကြေညာလိုက်ကြောင်း AFP သတင်းတွင် ရေးသားဖော်ပြထားသည်။

၎င်းမုန်တိုင်းမှာ ကြောက်မက်ဖွယ်ရာ နာဂစ် ဆိုင်ကလုံး မုန်တိုင်းနောက်မှ ဖြည်းညင်းစွာ ရွေ့လျားလာသော နာက်ဆက်တွဲ မုန်တိုင်း ဖြစ်ပြီး အခြေအနေ အမျိုးမျိုးဖြစ်သွားနိုင်သည်ဟု ဆိုထားသည်။

နာဂစ်မုန်တိုင်း ဒဏ်ကြောင့် အနည်းဆုံး လူဦးရေ ၁.၅ သန်းခန့် အိုးမဲ့အိမ်မဲ့ ဖြစ်ခဲ့ရပြီး လူ ၁ သိန်းကျော် သေဆုံးခဲ့ရသဖြင့် မုန်တိုင်းဆိုသည့် အသံကပင် မြန်မာပြည်သူလူထုအတွက် အလွန် ထိတ်လန့် ကြောက်ရွံ့ ဖွယ်ရာ ဖြစ်နေရကြောင်း ကုလသမဂ္ဂ၏ ပြောရေးဆိုခွင့်ရှိသူ ရစ်ချတ် ဟိုဆေးကပြောသည်။

“ကျနော်တို့ မိုးလေဝသ ပညာရှင်တွေရဲ့ အဆိုအရတော့ လာမယ့် ၇ ရက်အတွင်း မြန်မာပြည်မှာ မိုးသည်းထန်စွာ ရွာသွန်းမယ်လို့ သိရပါတယ်” ဟု ဟိုဆေးက AFP သို့ ပြောကြားလိုက်သည်။

“လူတွေမှာ အမိုးအကာမရှိတဲ့အချိန် နောက်ထပ်မိုးသည်းထန်မယ့် ကိစ္စက တော်တော် ကြီးမယ့် ပြဿနာ ဖြစ်လာနိုင်တယ်” ဟု ၎င်းကဆက်ပြောသည်။

“ရေကြောင့် ကူးစက်ရောဂါတွေ ပျံ့နှံ့နိုင်တာနဲ့ အမိုးမရှိတာနဲ့ မုန်တိုင်းထပ်လာဦးမှာနဲ့….။ နောက်တခါ မုန်တိုင်းထပ်လာလို့ မြစ်ဝကျွန်းပေါ် ဒေသကိုဝင်ခဲ့ရင်…ပြဿနာကတော့ အကြီးကြီးပဲ” ဟု၎င်းကပြောသည်။

နှစ်ပေါင်းများစွာ အထီးကျန်စွာ နေခဲ့သော မြန်မာစစ်အစိုးရအနေနှင့် နိုင်ငံတကာ အကူအညီများကို အစောပိုင်းကာလက လက်ခံမည်ဟု ဆိုခဲ့သော်လည်း သဘာဝဘေးဒဏ် ကယ်ဆယ်ရေးကျွမ်းကျင် ပညာရှင်များ အပါအဝင် ကယ်ဆယ်ရေး လုပ်သားများကို လက်ခံရန် အဆင်သင့်မဖြစ်သေးပေ။

“အခုထွက်ပေါ်လာတဲ့ သတင်းနဲ့ ပတ်သက်လို့ မြန်မြန် ကြိုတင်ဆောင်ရွက်မှုတွေ မလုပ်ဘူး ဆိုရင် မကြာခင်လာမယ့် ဆိုင်ကလုံန်းကြောင့် နောက်ထပ် လူတွေအများကြီး သေရဦးမယ်” ဟု ဟိုဆေးက ပြောသည်။

ယခုအချိန်သည် မြန်မာပြည်၌ မုတ်သုန်ရာသီ အစပျိုးချိန်ဖြစ်သောကြောင့် မိုးသက်မုန်တိုင်းများ ကျရောက်ကာ မိုးသည်းထန်စွာ ရွာသွန်းလေ့ရှိသော အချိန်လည်း ဖြစ်သည်။

“မုန်တိုင်းမလာလည်း မိုးရာသီကစပြီ။ အမိုးမရှိတဲ့အိမ်တွေကတော့ တော်တော်လေး ဒုက္ခရောက်ရ ဦးမှာပဲ” ဟု ရန်ကုန်မြို့မှ ဒေသခံတဦးက ပြောသည်။

ခိုင်လုံသော မိုးလေဝသ သတင်းရပ်ကွက်တခု၏ အဆိုအရ မြန်မာပြည်သို့ နာဂစ်မုန်တိုင်း မဝင်ရောက်မီ အစောပိုင်း အိန္ဒိယနှင့် ထိုင်းနိုင်ငံတို့တွင် သတိပေးကြေညာစဉ် ကတည်းက မိုးလေဝသနှင့် ဇလဗေဒ ဌာန ညွှန်ကြားရေးမှူးချုပ် ဦးထွန်းလွင်က ပြင်းထန်သည့် မုန်တိုင်းဖြစ်နိုင်ကြောင်း နေပြည်တော်သို့ အကြောင်း ကြားခဲ့သည်ဟုဆိုသည်။

သို့ရာတွင် နေပြည်တော်မှ တာဝန်ရှိသူများက ပြည်သူလူထု အထိတ်တလန့်ဖြစ်မည် စိုးသောကြောင့် ၎င်းသတင်းကို ကြေညာခြင်းမပြုရန် ပိတ်ပင်ခဲ့သည်ဟု သိရသည်။

NARGIS OR THE DEVIL FOR BURMA

မေလ (၂)ရက်နေ့က မြန်မာပြည်အောက်ပိုင်းကို ဒုက္ခပေးသွားသော နာဂစ်မုန်တိုင်းကြောင့် ယခုအခါ လူတစ်သိန်းကျော်သေဆုံးပြီး လူဦးရေ ၁.၅ သန်းခန့် အိုးအိမ်မဲ့သွားခဲ့ရချေပြီ။

စစ်အဆိုးရကတော့ ပြည်သူပြည်သားတွေ ခံစားနေရတဲ့ ဒုက္ခများကို မေ့ထားပြီး သူတို့ အာဏာတည်မြဲရေး အခြေခံဥပဒေတည်မြဲရေးကို ဦးစားပေးကာ မေလ (၁၀)ရက်နေ့မှာ လူထုဆန္ဒခံယူပွဲကို ရက်ရက်စက်စက် ကျင်းပတော့မှာ ဖြစ်ပါတယ်။

သူ့တရားသူ စီရင်သွားမလား။ ပြည်သူတွေကပဲ သူတို့ (နအဖ)ကို စီရင်လိုက်မလား။

VERY SAD NEWS

(၂၉၊ ၄၊ ၀၀၈)ရက်နေ့က သာသနာ့မောဠိ - အပြည်ပြည်ဆိုင်ရာ မြန်မာရဟန်းတော်များ အဖွဲ့ချုပ် - ပဓာနစေရ ဆရာတော် မစိုးရိမ်ဆရာတော်ဘုရားကြီး ဦးကောဝိဒါဘိဝံသ ပျံလွန်တော်မူသွားသည့်အတွက် အထူးပင် ၀မ်းနည်းကြေကွဲရပါသည်။

တပည့်တော်တော်တို့ အတွက် တစ်အား လျော့သွားသည် မှန်သော်လည်း အရှင်ဘုရား၏ မျှော်မှန်းချက်များဖြစ်သော စစ်အဆိုးရကြောင့် ညစ်နွမ်းရသည့် ဗုဒ္ဓသာသနာ မြန်မာပြည်တွင် ပြန်လည် ထွန်းကားရှင်သန်စေရေး၊ မြန်မာပြည်သူပြည်သားအပေါင်း စစ်ကျွန်ဘ၀မှ ကင်းလွတ်ကာ လူ့အခွင့်အရင်းစံချိန်စံညွှန်းများနှင့် အညီ နေထိုင်နိုင်ရေး အစရှိသည်တို့ကို တပည့်တော်တို့မှ မြန်မာပြည်သူပြညသားအပေါင်းနှင့်အတူလက်တွဲ၍ စစ်အဆိုးရကို လူထုတိုက်ပွဲဆင်ရင်း ဆက်လက်ဆောင်ရွက်သွားပါမည်ဟု သံန္နိဋ္ဌာန်ချအပ်ပါသည်ဘုရား။

ပြိုင်တူ ခြိမ်းမှ ဟိန်းမယ့် မိုး

(၁) ကျနော်တို့အားလုံး No

ရဲဘော်များ မိတ်ဆွေများခင်ဗျား

၂၀၀၇ ခုနှစ်ရဲ့ သြဂုတ်၊ စက်တင်ဘာလများက အစပြုခဲ့တဲ့ မြန်မာနိုင်ငံပြည်သူများရဲ့ ရွှေဝါရောင်တော်လှန်ရေးကြီးက ဒီကနေ့အထိ အရှိန်အဟုန်မြင့်မားစွာနဲ့ ချီတက်နေဆဲပါပဲ။ စစ်အာဏာရှင်တွေရဲ့ အကြမ်းဖက်တုံ့ပြန်မှုများအောက်မှာ ဒူးမထောက် ဦးမညွတ်ပဲ လမ်းခွဲခဲ့ရတဲ့ရဲဘော်များကို ကြေကွဲစွာ နှုတ်ဆက်၊ အိပ်မက်အသစ်တွေမွေးဖွား၊ အနာဂတ်ကို တည်ဆောက်မဲ့ ခင်ဗျားတို့ရဲ့ လက်များဟာ သန်မာနေဆဲ၊ ခင်ဗျားတို့ရဲ့ ရင်ခုန်သံတွေဟာ ရဲရင့်နွေးထွေးနေဆဲ၊ ခင်ဗျားတို့ရဲ့ မျှော်လင့်ချက်များက လတ်ဆတ် တောက်ပနေဆဲ၊ မြန်မာနိုင်ငံ ဒုတိယလွတ်လပ်ရေးတိုက်ပွဲရဲ့ အောင်ပန်းကို မကြာခင်မှာ ခင်ဗျားတို့ ဆင်မြန်းနိုင်ကြတော့မယ် ....... ကျနော်ယုံကြည်မိပါရဲ့ ..... ။

၁၉၈၈ ခုနှစ်ကစခဲ့တဲ့ အကြမ်းမဖက်တဲ့ ဒီမိုကရေစီရေး လူထုလှုပ်ရှားမှုကြီးဟာ အနှစ် ၂၀ ထဲကို ရောက်ရှိလာသလို လူထုတိုက်ပွဲရဲ့ ပုံသဏ္ဍာန်ဟာလည်း ပြောင်းလဲခဲ့ပါပြီ။ ဒီကနေ့ ဒီအချိန်မှာ ကျနော်တို့ဟာ ဒီမိုကရေစီရေးလှုပ်ရှားမှုကြီးရဲ့ အထွဋ်အထိပ်တိုက်ပွဲကို ရောက်ရှိနေပါပြီ။ စစ်အာဏာရှင်တွေက တိုင်းပြည်ကို ရာသက်ပန်အုပ်ချုပ်နိုင်ဖို့အတွက် သူတို့စိတ်တိုင်းကျ ရေးဆွဲထားတဲ့ မြန်မာနိုင်ငံ စစ်ကျွန်ပြုရေးဥပဒေကို တဖက်သတ်ပြဌာန်း အတည်ပြုဖို့ ကြိုးစားနေပါပြီ။ ဒီပွဲမှာ သူတို့အောင်မြင်ခဲ့ရင် ကျနော်တို့ရဲ့ ၁၉၉၀ ရွေးကောက် ပွဲရလဒ် ထာဝရ ဆုံးရှုံးရတော့မယ်။ စစ်အာဏာရှင်စနစ်ဟာ မြန်မာနိုင်ငံမှာ တရားဝင် ဖြစ်လာပြီး ကျနော်တို့ပြည်သူတွေ သားစဉ်မြေးဆက် စစ်ကျွန်ဘဝ ရောက်ကြရတော့မယ်။ ဒီမိုကရေစီ လူ့အခွင့်အရေးနဲ့ တိုင်းရင်းသားလူမျိုးစုများ အရေးတွေဟာ စစ်ဖိနပ်များအောက် မှာ နာကျင်ကြရတော့မယ်။

စကားတခု ကြားဖူးပါတယ်။ “တိုက်ပွဲပုံသဏ္ဍာန်ကို ရန်သူက ဖန်တီးပြီး တိုက်ပွဲရဲ့အရှိန်အဟုန်က ညီညွတ်မှုကို တည်ဆောက် ပေးတယ်” တဲ့။ ဘယ်သူဘယ်ဝါက ပြောခဲ့သလဲ မမှတ်မိတော့ပါ။ ဒါပေမယ့် ကျနော်တို့အတွက် သိပ်ကိုမှန်ကန်တဲ့ စကားပါပဲ။ နအဖက သူတဖက်သတ် ရေးဆွဲထားတဲ့ ဖွဲ့စည်းပုံအခြေခံဥပဒေကို လူထုဆန္ဒခံယူပွဲနဲ့ အတည်ပြုမယ်လို့ ကြွေးကြော်လိုက်တာဟာ ဒီမိုကရေစီ အင်အားစုများ အတွက် တိုက်ပွဲပုံသဏ္ဍာန်ကို ဖန်တီးပေးလိုက်တာပါပဲ။ “မြန်မာပြည်ကို ရာသက်ပန် အုပ်ချုပ်တော့မယ်ဟေ့”လို့ စစ်ဘီလူးများက ကြွေးကြော်လိုက်တာဟာ မြန်မာပြည်သူလူထုကို စစ်ကြေငြာလိုက်တာပါပဲ။ စိန်ခေါ်လိုက်တာပါပဲ။ ဒီစိန်ခေါ်မှုကို ကျနော်တို့ ရင်ဆိုင်လိုက် ပါတယ်။ စစ်အာဏာရှင်စနစ်ကို လုံးဝ(လုံးဝ) အလိုမရှိဘူးလို့ မြန်မာပြည်သူတွေက ၁၉၉၀ ရွေးကောက်ပွဲမှာ ပြတ်ပြတ်သားသား ကြေငြာခဲ့ကြသလို၊ အခုလာမယ့် မေလ လူထုဆန္ဒခံယူပွဲမှာလည်း ထပ်မံ ပြတ်ပြတ်သားသား ကြေငြာကြမှာပါ။ နအဖရဲ့ စစ်တပ်အကျိုးပြု ဖွဲ့စည်းပုံအခြေခံဥပဒေကို ပြည်သူလူထုက ပြတ်ပြတ်သားသား ကန့်ကွက်ကြမှာပါ။

ဒီတိုက်ပွဲကြီးရဲ့ အရှိန်အဟုန်က ကြီးမားလွန်းပြီး ကျနော်တို့တိုင်းပြည်ရဲ့ ကံကြမ္မာကို အဆုံးအဖြတ်ပေးရမယ့် အခြေအနေမျိုးမို့ ကျနော်တို့ ညီညွတ်လာကြပါပြီ။ ကျနော်တို့အားလုံး ပြည်တွင်းပြည်ပ ဘယ်လောက်ပဲဝေးဝေး။ အရောင်တွေ ဘယ်လိုပဲကွဲကွဲ၊ အဖွဲ့အစည်းတွေ ဘယ်လိုပဲများများ၊ စစ်အုပ်စုရဲ့ မိစ္ဆာချောက်ကမ်းပါးကြီးထဲကို ကျဖို့ တည်းတည်းလေးဖြစ်နေတဲ့ ကျနော်တို့အမိမြေကို ကယ်တင်ဖို့ ကျနော်တို့ ညီညွတ်လာကြပါပြီ။

နှစ်ပေါင်းများစွာ ကျနော်တို့ အားမလိုအားမရ ဖြစ်ခဲ့ရတဲ့ အမျိုးသားဒီမိုကရေစီအဖွဲ့ချုပ်ရဲ့ ခေါင်းဆောင်ကြီးများကလည်း ဒီအမြင့်မား ဆုံးတိုက်ပွဲမှာ ရဲရဲရင့်ရင့် ရှေ့တန်းကရပ်လို့၊ ၁၉၈၈ နောက်ပိုင်းမှာမှ မွေးဖွားကြတဲ့ လူငယ် ကျောင်းသားကလေးတွေကအစ လက်နှစ် ဖက်ကို ကြက်ခြေခတ်လို့၊ ဌာနဆိုင်ရာဝန်ထမ်းများနဲ့ တပ်မတော်သား မိသားစုဝင်များကအစ “No”လို့ တဖွဖွ ရေရွတ်ကြလို့၊ တိုင်းရင်းသားလူမျိုးစုများကလည်း “No”၊ ပြည်ပရောက်မြန်မာများကလည်း “No” ဆရာတော် သံဃာတော်များကလည်း “No”၊ နံမည်ကျော်အနုပညာရှင်များကလည်း “No”၊ ကျနော်တိုဏ္ဍအားလုံးရဲ့ တညီတညွတ်တည်း ကြွေးကြော်သံက “No”၊ စစ်တပ်ရဲ့ဖွဲ့စည်းပုံအခြေခံဥပဒေကိုလည်း “No”၊ စစ်တပ်ကိုလည်း “No”၊ မတရားတဲ့ အုပ်စိုးမှုမှန်သမျှကိုလည်း “No”၊ ဒီထက်ရှင်းတာ မရှိနိုင်တော့ပါဘူး။

(၂) နအဖရဲ့ ခြေလှမ်းများ

ဗိုလ်သန်းရွှေခေါင်းဆောင်တဲ့ နအဖစစ်အုပ်စုဟာ မတရားမှုများနဲ့ တည်ဆောက်ဖွဲ့စည်းထားတဲ့ မိစ္ဆာတွေပါ။ တချို့က ‘ဗိုလ်သန်းရွှေက ဆန္ဒခံယူပွဲကို သေသေချာချာ တွက်ဆပြင်ဆင်ခြင်း မရှိပဲ ခေါ်ယူလိုက်တာ’လို့ တွက်ဆကြပါတယ်။ ဘယ်လိုပဲဖြစ်ဖြစ် ပြည်သူ့ဆန္ဒ ခံယူပွဲကို ၂၀၀၈ ခုနှစ် မေလမှာ ခေါ်ယူဖို့ ကြေငြာတာနဲ့ တပြိုင်တည်းမှာပဲ ရွေးကောက်ပွဲအသစ်ကို ၂၀၁၀ မှာ ကျင်းပဖို့ ကြေငြာတာ ဟာဖြင့် ဒီအတုအယောင် ဖွဲ့စည်းပုံအခြေခံဥပဒေကို အတင်းအဓမ္မ အတည်ပြုဖို့ စစ်အာဏာရှင်များက ပိုင်းဖြတ်ထားကြောင်း သိသာ ထင်ရှားတဲ့ အထောက်အထားပါပဲ။ စစ်အုပ်စုဟာ ၂၀၀၈ မေ ဆနခြံယူပွဲမှာ ဘယ်လိုနည်းနဲ့ဖြစ်ဖြစ် အနိုင်ရအောင် ကြိုးစားမှာပါ။

နေ့စဉ်ထုတ်သတင်းစာတွေမှာ ရေဒီယိုနဲ့ ရုပ်မြင်သံကြားမှာ ပြည်သူလူထုကို ထောက်ခံမဲပေးကြဖို့ အကြီးအကျယ် စည်းရုံးနေပါတယ်။ နေရာဒေသ အနှံ့အပြားမှာလည်း ဆိုင်းဘုတ်ကြီးတွေ ထောင်ပြီး ထောက်ခံမဲ ပေးခိုင်းနေပါတယ်။ နအဖရဲ့ ဝန်ကြီးတွေ၊ ဝန်ကလေးတွေ၊ ဗိုလ်ချုပ်တွေ နေရာအနှံ့အပြားကို သွားပြီး ခြိမ်းခြောက်လိုက်၊ လှည့်ဖျားလိုက်၊ လာဘ်ထိုးလိုက် လုပ်နေတာကတော့ မကြားချင်မှ အဆုံးပါပဲ။ တချိန်တည်း တပြိုင်တည်းမှာပဲ ပြည်သူလူထုကို ကန့်ကွက်မဲပေးဖို့ ဦးဆောင်စည်းရုံးနေတဲ့ အဖွဲ့ချုပ်အဖွဲ့ဝင်တွေ၊ ၈၈ မျိုးဆက် ကျောင်းသားတွေ၊ ပြည်သူ့လွှတ်တော်ကိုယ်စားလှယ်တွေဟာဖြင့် နအဖ ငှားရမ်းထားတဲ့ ကြေးစားလူမိုက်များရဲ့ တိုက်ခိုက်မှုအောက်မှာ နာကျင်ကြ၊ ဒဏ်ရာရကြ၊ အဖမ်းအဆီးခံကြရနဲ့ .....။

နအဖက ဒီဖွဲ့စည်းပုံအခြေခံဥပဒေကို လွယ်လွယ်ကူကူ အတည်ပြုနိုင်ရေးအတွက် လိုအပ်တဲ့ ထောက်ခံမဲ ပမာဏကိုလည်း မြင့်မြင့် မားမား မသတ်မှတ်ထားပါဘူး။ ဒီဖွဲ့စည်းပုံကို နောင်တချိန်မှာ ပြန်ပြင်မယ်ဆိုရင် လွှတ်တော်မှာ ၇၅% ကျော် ထောက်ခံမဲနဲ့ လူထုဆန္ဒခံ ယူပွဲမှာ ၅၀%ကျော် ထောက်ခံမဲ လိုမှာ ဖြစ်ပေမယ့် ဒီဖွဲ့စည်းပုံကို လူထုဆန္ဒခံယူပွဲမှာ အတည်ပြုဖို့အတွက်တော့ မဲပေးပိုင်ခွင့်ရှိသူ အားလုံးရဲ့ ၂၅% ကျော်သာ လိုအပ်မှာ ဖြစ်ပါတယ်။ ဒီကနေ့ မြန်မာနိုင်ငံလူဦးရေကို ၅၆ သန်းလို့ ခန့်မှန်းပြီး မဲပေးပိုင်ခွင့်ရှိသူ ၃၂ သန်းလို့ ခန့်မှန်းတဲ့ အတွက် ဒီဖွဲ့စည်းပုံကို မဲပေးပိုင်ခွင့်ရှိသူ ၈ သန်းကျော်လောက်က ထောက်ခံရုံနဲ့ အတည်ပြုမှာပါ။

ဆန္ဒခံယူပွဲမှာ ကန့်ကွက်မဲပေးမှာ သေချာသလောက်ရှိတဲ့ နိုင်ငံသား တော်တော်များများဟာလည်း မဲပေးခွင့် မရကြပါဘူး။ အခုပြုလုပ်ခဲ့ ပြုလုပ်နေဆဲဖြစ်တဲ့ ထိုင်း၊ စင်္ကာပူ၊ မလေးရှား အစရှိတဲ့ ပြည်ပနိုင်ငံများမှာရှိတဲ့ မြန်မာသံရုံးများက ကြိုတင်မဲဆန္ဒပေးပွဲများကို လေ့လာ ကြည့်မယ်ဆိုရင် ပြည်ပရောက်မြန်မာနိုင်ငံသား အများစု၊ အထူးသဖြင့် ထိုင်းနိုင်ငံမှာဆိုရင် တသန်းကျော်ဟာ မဲပေးခွင့် ဆုံးရှုံးနေတာ တွေ့ရပါတယ်။

ပြည်တွင်းမှာလည်း သူတို့ကိုယ်တိုင် ပြဌာန်းထားတဲ့ ဆန္ဒခံယူပွဲဥပဒေကို ချိုးဖေါက်ပြီး ဝန်ထမ်းတွေကို သက်ဆိုင်ရာဌာနတွေမှာ၊ ဆရာ ဆရာမတွေကို သက်ဆိုင်ရာကျောင်းတွေမှာ မဲရုံဆောက်ခွင့် မရှိပဲ မဲရုံဆောက်ပြီး ကြိုတင်မဲပေးခိုင်းနေတာဟာ ကြီးမားတဲ့ မတရားမှုပါပဲ။ ဖွဲ့စည်းပုံအခြေခံဥပဒေကို ဝေဖန်ရင် ထောင်ဒဏ် တသက်တကျွန်း၊ ဆန္ဒခံယူပွဲကို နှောက်ယှက်ရင် ထောင်ဒဏ် ၃ နှစ် စတဲ့ ဥပဒေတွေနဲ့ လည်း ဖွဲ့စည်းပုံအခြေခံဥပဒေ အတည်ပြုနိုင်ရေး အကာအကွယ် ပေးထားပါသေးတယ်။ ဒါအပြင် နိုင်ငံတကာက တောင်းဆိုတဲ့ နိုင်ငံ တကာအကဲခတ်များ ဆန္ဒခံယူပွဲကို လေ့လာစောင့်ကြည့်ခွင့်ရရေး တောင်းဆိုချက်ကိုလည်း နအဖက ငြင်းပယ်ထားပါသေးတယ်။

အကြီးမားဆုံး လိမ်လည်မှုတွေကတော့ ဆနခြံယူပွဲ ကျင်းပတဲ့နေ့ မေ ၁၀ ရက်နဲ့ နောက်ရက်တွေမှာ ဖြစ်မှာပါ။ နအဖရဲ့ ဆန္ဒခံယူပွဲ ဥပဒေအရ မဲရုံတွေမှာ မဲစာရင်းအနိုင်အရှုံးကို ထုတ်ပြန်ကြေငြာခွင့် မရှိပါဘူး။ ဆိုင်ရာမဲရုံများရဲ့ မဲစာရင်းအနိုင်အရှုံးကို သက်ဆိုင်ရာ မြို့နယ်ကော်မရှင်က လက်ခံစုဆောင်းပြီး သက်ဆိုင်ရာ ပြည်နယ်တိုင်းကော်မရှင်များထံပို့၊ ယင်းတို့မှတဖန် ဗဟိုကော်မရှင်ကို ပို့ပြီး ကြပ်ပြေး နေပြည်တော်မှာ အခြေစိုက်တဲ့ ဗဟိုကော်မရှင်ကမှ ဒီကိန်းဂဏန်းများကို ပေါင်းပြီး အနိုင်အရှုံး ကြေငြာမှာပါ။ အားလုံးသိတဲ့ အတိုင်း ဆန္ဒခံယူပွဲကျင်းပရေး ဗဟိုကော်မရှင်ရဲ့ ဥက္ကဌ ဦးအောင်တိုးဟာ အမျိုးသားညီလာခံ ကျင်းပရေးလုပ်ငန်းကော်မတီရဲ့ ဥက္ကဌ လည်းဖြစ်၊ ဖွဲ့စည်းပုံအခြေခံဥပဒေမူကြမ်း ရေးဆွဲရေးကော်မရှင်ရဲဏ္ဍ ဥက္ကဌလည်း ဖြစ်ပြီး၊ ကော်မရှင်အဖွဲ့ဝင်တွေဟာလည်း နအဖက စိတ်တိုင်းကျ ရွေးချယ်ထားတဲ့ လူတွေပါ၊ ဗဟိုကော်မရှင်က အဆင့်ဆင့် တင်ပြလာတဲ့ မဲစာရင်းများကို ပေါင်းစပ်ရေတွက်ရာမှာလည်း မည်သူကမှ စောင့်ကြပ်လေ့လာနိုင်မှာ မဟုတ်ပါ။ ဒါကြောင့် အကြီးမားဆုံး လိမ်လည်မှုကြီးဟာ ဆနခြံယူပွဲအပြီး နောက်တပတ်ခန့် အကြာ ကြပ်ပြေး နေပြည်တော် ဗဟိုကော်မရှင်က မဲစာရင်း ထုတ်ပြန်ကြေငြာတဲ့အခါမှာ ဖြစ်ပါလိမ့်မယ်။ ကန့်ကွက်မဲတွေ ဘယ်လောက်ပဲများများ ဖွဲ့စည်းပုံ အခြေခံဥပဒေကို အနိုင်ပေး အတည်ပြုမှာပါ။

ဆန္ဒခံယူပွဲကျင်းပတဲ့နေ့ ညနေဖက် မဲရုံပိတ်ချိန်မှာ မဲရုံမှူးနဲ့အဖွဲ့က မဲပုံးထဲက မဲတွေကို ရေတွက်ပါလိမ့်မယ်။ ဥပဒေအရ မဲရေတွက်တဲ့ အချိန်မှာ အနည်းဆုံး ၁၀ ဦးထက် မပိုတဲ့ မဲပေးခွင့်ရှိသူတွေရှေ့မှောက်မှာ ရေတွက်ရမှာ ဖြစ်ပေမယ့် ကြံ့ဖွံ့နဲ့ စွမ်းအားရှင်တွေသာ အဲဒီ ၁၀ ဦး ဖြစ်မှာပါ။ ရေတွက်ပြီးတဲ့နောက် မဲစာရင်းကို သက်ဆိုင်ရာ ရပ်ကွက်ကျေးရွာကော်မရှင်ထံ တင်ပို့ရမှာပါ။ ရပ်ကွက်ကျေးရွာ ကော်မရှင်တွေက သူတို့ထံရောက်လာတဲ့ မဲရုံအသီးသီးက စာရင်းတွေကို စုပေါင်းပြီး မြို့နယ်ကော်မရှင်တွေထံ တင်ပြ၊ မြို့နယ် ကော်မရှင်တွေက ကျေးရွာရပ်ကွက်ကော်မရှင်များက တင်သွင်းတဲ့ မဲစာရင်းတွေကို ထပ်ပေါင်းပြီး သက်ဆိုင်ရာ ပြည်နယ်တိုင်း ကော်မရှင်ကိုတင်၊ ပြည်နယ်တိုင်းကော်မရှင်က သက်ဆိုင်ရာမြို့နယ်များက တင်ပြလာတဲ့ မဲစာရင်းများကို ထပ်ပေါင်းပြီး ကြပ်ပြေး နေပြည်တော်က ဗဟိုကော်မရှင်ကိုတင်။ ကြပ်ပြေးနေပြည်တော် ဗဟိုကော်မရှင်က ပြည်နယ်တိုင်းကော်မရှင်များက တင်ပို့လာတဲ့ မဲစာရင်းများကို ထပ်ပေါင်း၊ အဲဒါကိုမှ အရင်ရရှိထားတဲ့ ကြိုတင်မဲများကို ထပ်မံပေါင်းစပ်ပြီး နောက်ဆုံးပိတ် မဲစာရင်းကို ကြေငြာမှာပါ။ ဒါကြောင့် မဲရုံပိတ်တဲ့ညနေက စပြီး မဲရုံမှူးများနဲ့ ကော်မရှင်အဆင့်ဆင့်ရဲ့ လိမ်လည်ပွဲကြီး စပါပြီ၊ မဲရုံမှူးတွေအဆင့်မှာ လိမ်လို့ခက် ရင်တောင်မှ အဲဒီမဲစာရင်းတွေ ကျေးရွာရပ်ကွက်ကော်မရှင်အရောက်မှာ စတင်လိမ်လို့ ရပါပြီ။ အဲဒီနောက် မြို့နယ်ကော်မရှင်တွေက ထပ်လိမ်၊ ပြီးတော့ ပြည်နယ်ှတိုင်းကော်မရှင်တွေက ထပ်လိမ်နဲ့ ကြပ်ပြေးနေပြည်တော် ဗဟိုကော်မရှင်က ကြိုတင်မဲများနဲ့ ထပ်ပေါင်း လိမ်လည်ပြီးတဲ့နောက်မှာတော့ နအဖရဲဏ္ဍ ဖွဲ့စည်းပုံအခြေခံဥပဒေဟာ ထောက်ခံမဲ ၁၀၀%၊ ကန့်ကွက်မဲ မရှိနဲ့ အတည်ပြုနိုင်မှာပါ။

(၃) ဒီလိုဆိုရင် ......

အဲဒီလိုဆိုရင် အခု ကျနော်တို့က လူထုကို ကန့်ကွက်မဲပေးဖို့ စည်းရုံးနေတာ၊ ကန့်ကွက်မဲတွေ ပေးနေကြတာ ဘာထူးမှာလည်း တချို့က မေးနိုင်ပါတယ်၊ တနိုင်ငံလုံးအတိုင်းအတာနဲ့ ကန့်ကွက်မဲပေးဖို့ စည်းရုံးနေတာ၊ မကြောက်မရွံ့ ကန့်ကွက်မဲပေးနေကြတာ၊ အဖမ်းအဆီး အနိုင့်အထက်ပြုမှုများကို ရင်ဆိုင်ရပြီး လှုပ်ရှားနေကြတာဟာ နအဖရဲ့ အဓမ္မအတည်ပြုမှုကို ကန့်ကွက်နိုင်ဖို့နဲ့ နအဖရဲ့ ဖွဲ့စည်းပုံကို အသိအမှတ် မပြုဖို့ အတွက်ပါ။ နအဖက ဒီဖွဲ့စည်းပုံကို ဘယ်လိုပဲ လိမ်လည်အတည်ပြုပြု၊ ပြည်သူလူထုက လက်မခံရင်၊ နိုင်ငံတကာအစိုး ရတွေက လက်မခံရင်၊ ဘယ်လိုမှ ဒီဥပဒေကို အသက်သွင်းလို့ မရနိုင်ပါဘူး။ အခုကစလို့ ဆန္ဒခံယူပွဲလုပ်တဲ့နေ့အထိ လူထုလှုပ်ရှားမှုတွေ ဟာ နအဖရဲ့ မသမာမှုတွေကို ဖေါ်ထုတ်ရင်း လူထုရဲ့ လက်မခံမှုတွေကို ထုတ်ဖေါ်ပြသနေတာပါ။ အဲဒီနောက်မှာတော့ နအဖရဲ့ ဖွဲ့စည်းပုံ ကို နိုင်ငံတကာက အသိအမှတ်မပြုရေး ဆက်ပြီး လှုပ်ရှားကြရမှာပါ။

စကတည်းက ကျနော်တို့က ဒီဖွဲ့စည်းပုံကို မကန့်ကွက်ခဲ့ဘူး၊ မငြင်းဆန်ခဲ့ဘူးဆိုရင် ဒီဖွဲ့စည်းပုံ အတည်ပြုပြီးသွားတဲ့အချိန်မှာ ဒီဖွဲ့စည်းပုံ အသက်ဝင်လာမှုကို ငြင်းဆန်ကန့်ကွက်နိုင်တော့မှာ မဟုတ်ပါဘူး။

အခုဆိုရင် ဒီဖွဲ့စည်းပုံအခြေခံဥပဒေရဲ့ မတရားမှုတွေကို ကျနော်တို့အားလုံးက မြန်မာပြည်သူတွေရော ကမ္ဘာ့ပြည်သူတွေရော အားလုံး သိအောင် ထုတ်ဖေါ်ပြသနိုင်ကြသလို ဒီဖွဲ့စည်းပုံ အတုအယောင်ကို လုံးဝလက်မခံနိုင်ဘူးဆိုတဲ့ မြန်မာပြည်သူများရဲ့ဆန္ဒတွေကိုလည်း ကမ္ဘာကသိအောင် ပြနိုင်ကြပါပြီ။ ဆန္ဒခံယူပွဲရက်တောင် မရောက်သေးပါဘူး။ စင်္ကာပူ၊ ဂျပန်၊ ထိုင်း၊ မလေးရှား၊ အင်္ဂလန်၊ ပြင်သစ်စတဲ့ ပြည်ပရောက်မြန်မာများက သူတို့ရဲ့ဆန့်ကျင်မှုကို နိုင်ငံတကာအစိုးရများ၊ ပြည်သူများသိအောင် ထုတ်ဖေါ်ပြသပြီ၊ ပြသနေကြဆဲပါ။ ဒီအရှိန်အဟုန်ဟာ ဆက်လက်မြင့်မားနေပြီး မေ (၁၀)ရက်နေ့မှာတော့ မြန်မာနိုင်ငံတွင်းက ပြည်သူသန်းပေါင်းများစွာရဲ့ လူထုဆန္ဒ ထုတ်ဖေါ်ပြသပွဲကြီး ဖြစ်လာတော့မှာပါ။ နအဖဟာ ဆန္ဒခံယူပွဲရလဒ်ကို လိမ်လို့ရပေမယ့် မြန်မာပြည်သူလူထုရဲ့ ကန့်ကွက်မှု၊ ငြင်းဆန်မှု ကို ဘယ်လိုမှ ဖုံးကွယ်လို့ မရနိုင်ပါဘူး။

တချိန်တည်းမှာပဲ ဆန္ဒခံယူပွဲ ကျင်းပရေးလုပ်ငန်းစဉ်ရဲ့ မသမာမှုတွေကို ကျနော်တို့ ဖေါ်ထုတ်ခဲ့၊ ဖေါ်ထုတ်ဆဲ၊ ဖေါ်ထုတ်နေကြတာပါ။ မတရားတဲ့ပြစ်ဒဏ်၊ မမျှတတဲ့စည်းရုံးမှု၊ ခြိမ်းချောက်မှု၊ အကြပ်ကိုင်မှု၊ လိမ်လည်မှုတွေအပြင် သန်းပေါင်းများစွာသော ပြည်ပရောက်မြန်မာ နိုင်ငံသားတွေကို မဲပေးခွင့် ကန့်သတ်မှုတွေ၊ ဖွဲ့စည်းပုံအခြေခံဥပဒေမူကြမ်းကို လေ့လာခွင့်မရမှုတွေဟာဖြင့် ဒီဆန္ဒခံယူပွဲဟာ မတရား မမျှတဘူးဆိုတာကို အတိအလင်း သက်သေပြနေတာပါ။

ဒီတော့ ဒီဖွဲ့စည်းပုံအခြေခံဥပဒေကိုယ်နှိုက်ရဲ့ မတရားမှု၊ ဆန္ဒခံယူပွဲကျင်းပရေးလုပ်ငန်းစဉ်ရဲ့ မတရားမမျှတမှုနဲ့ လူထုရဲ့ ငြင်းဆန်ကန့်ကွက် မှုတွေဟာဖြင့် နအဖရဲ့ ဖွဲ့စည်းပုံကို မြန်မာပြည်သူများအားလုံးကရော၊ နိုင်ငံတကာအစိုးရများကပါ အသိအမှတ် မပြုကြဖို့ လုံလောက် ခိုင်မာတဲ့ အကြောင်းတရားတွေပါပဲ။ ပြီးတော့ ကျနော်တို့ဟာ နအဖရဲ့ ဖွဲ့စည်းပုံအခြေခံဥပဒေတခုတည်းကိုပဲ ကန့်ကွက်ငြင်းပယ်တာ မဟုတ်ပါဘူး။ နအဖ စစ်အာဏာရှင်စနစ်ကြီးတခုလုံးကိုပါ ကန့်ကွက်ငြင်းပယ်ကြတာပါ။

(၄)အရှိန်အဟုန်မြှင့်ကြစို့

ကျနော်တို့ရဲ့ လှုပ်ရှားမှုတွေကို နောက်တဆင့် တက်ရပါတော့မယ်။ မေလ (၁၀)ရက်ကို ဦးတည်ပြီး ဆန္ဒခံယူပွဲမှာ ကန့်ကွက်မဲတွေ ပေးကြဖို့ စည်းရုံးလှုံ့ဆော်နေကြတာတွေကို မေ(၁၀)ရက် နောက်ပိုင်း နအဖက ဖွဲ့စည်းပုံအခြေခံဥပဒေကို အတည်ပြုကြောင်း တဖက် သတ်ကြေငြာမှာကို ကြိုတင်တုန့်ပြန်မှုတွေနဲ့ ပေါင်းစပ်ပေးဖို့ လိုပါပြီ။ ကျနော်တို့ လုပ်သင့်တာကို မြန်မာနိုင်ငံတွင်းက ပြည်သူ့လွှတ်တော် ကိုယ်စားလှယ်များက အကြံပြုထားပြီးပါပြီ။

မတ်လ (၃၁)ရက်နေ့က မြန်မာနိုင်ငံတွင်းက ပြည်သူ့လွှတ်တော်ကိုယ်စားလှယ်များက ကမ္ဘာတဝှမ်းမှ လွှတ်တော်ကိုယ်စားလှယ်များထံ ပန်ကြားလွှာတစောင် ထုတ်ပြန်ပါတယ်။ အဲဒီပန်ကြားလွှာမှာ မြန်မာပြည်သူ့လွှတ်တော်ကိုယ်စားလှယ်များကိုယ်စား ဦးပူကျင်ရှင်းထန် ဦးဆောင်တဲ့ လွှတ်တော်ကိုယ်စားလှယ်(၁၄)ဦးက လက်မှတ်ရေးထိုးထားပါတယ်။ သူတို့က ကမ္ဘာတဝှမ်းက လွှတ်တော်ကိုယ်စားလှယ် တွေကို

၁။ နအဖစစ်အုပ်စုအပေါ် စီးပွားရေး၊ သံတမန်ရေး ဖိအားပေးမှုများ ပြုလုပ်ဖို့ သက်ဆိုင်ရာအစိုးရများအား တိုက်တွန်းပေးရန်၊
၂။ နအဖစစ်အုပ်စု၏ ဖွဲ့စည်းပုံအခြေခံဥပဒေကို အသိအမှတ် မပြုကြောင်း ကြေငြာရန်နှင့် သက်ဆိုင်ရာအစိုးရများအား အလားတူ တိုက်တွန်းရန်၊
၃။ ကမ္ဘာ့ကုလသမဂ္ဂလုံခြုံရေးကောင်စီမှ မလွဲမသွေ လိုက်နာရမည့် ဆုံးဖြတ်ချက်များ ချမှတ်ရေးအတွက် တိုက်တွန်းရန်နှင့် သက်ဆိုင်ရာ အစိုးရများအားလည်း အလားတူ တောင်းဆိုရန်၊
၎။ နအဖစစ်အုပ်စုအား ကမ္ဘာ့နိုင်ငံများမှ လက်နက်ရောင်းချမှု ပိတ်ပင်ရေးအတွက် တောင်းဆိုရန်နှင့် သက်ဆိုင်ရာအစိုးရများအား လည်း တိုက်တွန်းရန်၊ နအဖစစ်ခေါင်းဆောင်များအပေါ် ဘဏ္ဍာရေးနှင့် ဘဏ်လုပ်ငန်းဆိုင်ရာ ပိတ်ဆို့မှုများဖြင့် အရေးယူရန်၊
၅၊ မြန်မာ့အရေး ကုလသမဂ္ဂလုံခြုံရေးကောင်စီတွင် အခြားနိုင်ငံများနှင့် ပူးပေါင်းမူ အပြုသဘောဆောင်ရွက်ရေးအတွက် တရုတ်အစိုးရ အား ဖိအားပေးရန်နှင့် သက်ဆိုင်ရာအစိုးရများအားလည်း အလားတူ ဆောင်ရွက်ရေး တိုက်တွန်းရန် စသဖြင့် ပန်ကြားထားပါတယ်။

ပြည်တွင်းက လွှတ်တော်ကိုယ်စားလှယ်များက ရဲရဲရင့်ရင့်နဲ့ နိုင်ငံတကာလွှတ်တော်ကိုယ်စားလှယ်များထံ တင်ပြတောင်းဆိုလိုက် တာပါ။ သူတို့ရဲ့တောင်းဆိုချက်တွေ၊ ပန်ကြားချက်တွေကို ကျနော်တို့က သူတို့ကိုယ်စား ကျနော်တို့ ရောက်ရှိရာ နိုင်ငံတွေက လွှတ် တော်ကိုယ်စားလှယ်များထံ လက်ဆင့်ကမ်း တင်ပြပေးရင်း အဓိက တောင်းဆိုချက်ဖြစ်တဲ့ နအဖရဲ့ ဖွဲ့စည်းပုံအခြေခံဥပဒေကို အသိအမှတ် မပြုရေး ဖိအားပေးကြရမှာပါ။

အမေရိကန်ပြည်ထောင်စုမှာတော့ Rush Holt, Berman, Ros-Lehtinen စတဲ့ အောက်လွှတ်တော် အမတ်များက မြန်မာလွှတ်တော်ကိုယ်စားလှယ်များရဲ့ ပန်ကြားချက်ကို တုန့်ပြန်တဲ့ ဥပဒေမူကြမ်းတရပ် ကို အောက်လွှတ်တော်မှာ တင်သွင်းလိုက်ပါပြီ။ မေ(၁၀) ဆနခြံယူပွဲ မတိုင်ခင် မဲခွဲဆုံးဖြတ်နိုင်မှာပါ။ ဒီဥပဒေမူကြမ်းမှာ အမေရိကန်အောက်လွှတ်တော်အမတ် များက နအဖရဲ့ဖွဲ့စည်းပုံအခြေခံဥပဒေကို ပြစ်တင်ဝေဖန်ပြီး ဒီဖွဲ့စည်းပုံအခြေခံ ဥပဒေကို နအဖက လူထုဆနခြံယူပွဲရဲ့ရလဒ်အဖြစ် ကြေငြာမယ် ဆိုရင် အသိအမှတ်မပြုဖို့ အမေရိကန်သမ္မတကို တိုက်တွန်းထားပါတယ်။

ဂျပန်နိုင်ငံမှာလည်း အလားတူ ဥပဒေမူကြမ်းတရပ်ကို တင်သွင်းနိုင်ဖို့ ကြိုးစားနေကြပါတယ်။ အဲဒီလို ဥပဒေမူကြမ်းကို စင်္ကာပူမှာ၊ ထိုင်းမှာ၊ ကိုးရီးယားမှာ၊ မလေးရှားမှာ၊ သြစတြေးလျမှာ၊ ကနေဒါမှာ၊ အိန္ဒိယမှာ၊ ဖိလစ်ပိုင်မှာ၊ အင်ဒိုနီးရှားမှာ၊ အင်္ဂလန်မှာ၊ ပြင်သစ်မှာ၊ နိုင်ငံတကာပါလီမန်တွေမှာ တင်သွင်းနိုင်ကြမယ်၊ အနည်းဆုံး သက်ဆိုင်ရာ ပါလီမန်အမတ်တွေက နအဖရဲ့ ဖွဲ့စည်းပုံအခြေခံဥပဒေကိုရော ဆန္ဒခံယူပွဲ လုပ်ငန်းစဉ်တွေကိုပါ ပြစ်တင်ဝေဖန်ရှုတ်ချကြမယ်ဆိုရင် မြန်မာနိုင်ငံကို စစ်ကျွန်ပြုရေး ဖွဲ့စည်းပုံဟာ ဘယ်လိုပဲ လိမ်လည်ပြီး အတည်ပြုပြု၊ အသက်ဝင်လာဖို့ အလွန့်အလွန်ကို ခက်ခဲပါလိမ့်မယ်။ နောက်ဆုံးတနေ့ ဒီဖွဲ့စည်းပုံဟာ သမိုင်းရဲ့ အမှိုက်ခြင်းကြီးထဲကို ရောက်သွားဖို့တောင် ရှိပါတယ်။

(၅) ပြိုင်တူရုန်းလျှင် ရွေ့နိုင်ပါသည်။

နအဖက လူထုကို စိန်ခေါ်သလို လူထုကလည်း နအဖကို တုန့်ပြန်ရင်ဆိုင်နေပါပြီ။ ကြပ်ပြေးနေပြည်တော်က ဗိုလ်ချုပ်တွေ အိမ်မက်ဆိုးတွေ မက်နေကြပါပြီ။ အပစ်ရပ်တိုင်းရင်းသား လက်နက်ကိုင်အဖွဲ့များကအစ တပ်မတော်မိသားစုဝင်များအထိ လူထုဖက်က ရပ်တည်ဖို့ ခြေလှမ်း ပြင်နေကြပါပြီ။ ကျနော်တို့ တယောက်လက်ကိုတယောက် ခိုင်ခိုင်မာမာ ချိတ်ဆက်ထားရင် ဖြစ်ပေါ်လာမယ့် အင်အားဟာ ဗိုလ်သန်းရွှေရဲ့ စစ်အုပ်စုကို ကြောက်ဖျား ဖျားစေမှာပါ။ အသက်ကို နက်နက်ရှိုင်းရှိုင်းရူ၊ လက်တွေကို ခိုင်ခိုင်မြဲမြဲဆုပ်၊ နောက်ပြန်မရုပ်တဲ့ခြေလှမ်းများနဲ့ ပြိုင်တူရွေ့လျားကြပါစို့။


အောင်ဒင်
အမေရိကန်ပြည်ထောင်စုမြန်မာ့အရေးလှုပ်ရှားမှုအဖွဲ့
U.S. Campaign for Burma
ဧပြီလ ၂၉၊ ၂၀၀၈

အကြံကုန် အင်တာနက် ပိတ်

အင်တာနက်ကို အဆင့်လိုက် ဖြတ်တောက်မည်
မဇ္ဈိမသတင်းဌာန
Monday, 28 April 2008 17:33 - မြန်မာစံတော်ချိန်

ရန်ကုန်။ ။ လာမည့် ဆန္ဒခံယူပွဲ အတွင်း သတင်းစီးဆင်းမှု တားဆီးရန်အတွက် အင်တာနက် ဆက်ကြောင်းများအား စီစစ် ဖြတ်တောက်ရန် စီမံမှုများ ပြုလုပ်နေကြောင်း ၀န်ကြီးဌာန သတင်းရပ်ကွက်အရ သိရသည်။

ဖြတ်တောက်မည့် ပုံစံမှာ ဆာဗာများ ခွဲချထားပြီး အလွှာလိုက် ဖြတ်တောက်မည့် ပုံစံ ဖြစ်သည်။

အများပြည်သူသုံး အင်တာနက် ကဖေးများ၊ စီးပွားရေး လုပ်ငန်းသုံးနှင့် ဟိုတယ်နှင့် ခရီးသွားလာရေး လုပ်ငန်း စသဖြင့် အဆင့် ၃ ဆင့် ခွဲကာ ဖြတ်တောက်မှု ပြုလုပ်မည် ဖြစ်သည်ဟု နေပြည်တော်ရှိ မြန်မာ့ဆက်သွယ်ရေး လုပ်ငန်းမှ အမည်မဖော်လိုသူ အရာရှိတဦးက ပြောသည်။

အစိုးရဘက်မှ ခွင့်မပြုလိုသော အချက်အလက်များ၊ ဓာတ်ပုံများ အင်တာနက်မှ ထွက်ပေါ်လာသည်ကို စတင် တွေ့ရှိပါက ပထမဆုံး PAC ခေါ် အများပြည်သူသုံး အချက်အလက် စင်တာများအား စတင် ပိတ်ဆို့မည် ဖြစ်သည်။ သို့သော် စီးပွားရေး လုပ်ငန်းနှင့် ရုံးများအတွင်း အင်တာနက်ကို ဖွင့်လှစ်ထားမည် ဖြစ်သည်။

ဆက်လက် ထွက်ပေါ်နေပါက အဆိုပါ စီးပွားရေး လုပ်ငန်းသုံး ဆက်ကြောင်းကို တားမြင့် ပိတ်ဆို့မည် ဖြစ်သည်။ နောက်တဖန် ထွက်လာပါက ခရီးသွား လုပ်ငန်းများ၏ ဆက်ကြောင်းကို ပိတ်မည် ဖြစ်သည်။

မြန်မာနိုင်ငံတွင် ရွှေဝါရောင် တော်လှန်ရေးဟု ခေါ်တွင်သည့် သံဃာတော်များ ဦးဆောင်သည့် လူထုဆန္ဒပြပွဲ ဖြစ်ပွားစဉ်က သတင်း အချက်အလက်များနှင့် ဓာတ်ပုံများ အင်တာနက်မှတဆင့် နိုင်ငံတကာ သတင်း မီဒီယာများတွင် ပြန့်နှံ့မှု ဖြစ်ခဲ့ပြီးနောက် အလားတူ ဖြစ်ရပ်များ ဖြစ်ပွားလျှင် ပိတ်ဆို့မှုပြုရန် စစ်အစိုးရက ကြိုးစားနေခဲ့သည်။

"ထိုသို့ အဆင့်ဆင့် ပိတ်ဆို့ခြင်းဖြင့် ဘယ်နေရာတွေက သတင်းများ ထွက်ပေါ်နေသည်ကို သိရှိရန်မှာ လွယ်ကူသွားသလို အင်တာနက်အား ပိတ်ဆို့ထားသည် ဟူသော နိုင်ငံတကာ ပြောဆိုမှုမှလည်း လွတ်မြောက်ဖွယ်ရှိရန် စီစဉ်ထားခြင်း ဖြစ်သည်" ဟု စစ်အစိုးရ အင်တာနက် ထိန်းချုပ်ခြင်းကို စောင့်ကြည့် လေ့လာနေသူ ရန်ကုန်ရှိ ကျွမ်းကျင်သူ တဦးက ပြောသည်။

ထို့အပြင် ပိတ်ဆို့ရာတွင် လုံးဝ သုံးမရအောင် ပိတ်ဆို့ခြင်းနှင့် နှေးကွေး လေးလံစွာ သုံးရေရအောင် ဘန်းဝှစ် Bandwidth လျော့ချခြင်း နှစ်မျိုးဖြင့် လုပ်ဆောင်ဖွယ် ရှိကြောင်းလဲ ပြောသည်။

လက်ရှိ အခြေအနေတွင် ရန်ကုန်နှင့် မြန်မာနိုင်ငံ မြို့ကြီးများ၏ အင်တာနက် ကွန်နက်ရှင်သည် ဆက်လက် နှေးကွေးနေဆဲ ဖြစ်သည်။

စက်တင်ဘာ တော်လှန်ရေးတွင် အင်တာနက် ထွက်ပေါက်ကို အစိုးရမှ ပိတ်ဆို့လိုက်ပြီးနောက် မြန်မာပြည်အတွင်း ခရီးသွားလုပ်ငန်း အပါအ၀င် အခြားသော ဆိုက်ဘာ အခြေပြု စီးပွားရေး လုပ်ငန်းများတွင် ဒေါ်လာ သန်းနှင့်ချီ၍ ဆုံးရှုံးခဲ့သည်။