COMING OCTOBER THREE

အောက်တိုဘာ ၃ ရက်



(၂၀၀၇ တုန်းက)
ရှေ့မှာလက်နက်၊ အာဏာစက်နှင့်
မထူးဇာတ်ခင်း၊ အရူးမင်းနှင့်
ကိုယ့်ဘက်ငဲ့တတ်၊ နောက်လိုက်အငတ်တို့
သံဃာ့သွေးခင်း၊ လမ်းနင်းလျှောက်ကာ
ယုတ်မာခဲ့သည် ။

(ဒီမိုတွက်နှင့်)
ညီနောင်တို့သွေး၊ မခြောက်သေးဘူး
လမ်းခုလတ်နှင့်၊ သွေးမပြတ်နှင့်
ညီညွတ်ချိန်ခါ၊ သွေးစည်းစွာနှင့်
(၂၀၀၉ - သံဃာ့တပ်ဦးမှာ)
ကျောင်းသားပြည်သူ၊ ခြံရံကူလို့
(အဓမ္မ)အာဏာဟူသမျှ၊ တွန်းလှန်ရမည်
ငါတို့သွေးတွေ၊ နီရဲစေ။        ။

Black

THE KINGS AND BUDDHISM (BY PARAGU)

စာရေးဆရာကြီး ပါရဂူ၏ “ ရာဇာ နှင့် သာသနာ ” စာအုပ်
စက်တင်ဘာ ရွှေဝါရောင် တော်လှန်ရေး နှစ်ပတ်လည် အမီ
ဗမာပြည်တွင်း၌ ထွက်ရှိ

(ရှေ့  မျက်နှာဖုံး)

(နောက် ကျောဖုံး)

----------------------------------------------------------------------------------

ပါရဂူ
ရာဇာ နှင့် သာသနာ
(သမိုင်း၊ သာသနာဝင်၊ ရာဇ၀ံသများကို မွှေနှောက်ပြုစုထားသည့်စာအုပ်)

----------------------------------------------------------------------------------
ပထမအကြိမ် ပုံနှိပ်ခြင်း - ( ၂၀၀၉ ခုနှစ်၊ သြဂုတ်လ၊ အုပ်ရေ ၅၀၀ )
မျက်နှာဖုံးဒီဇိုင်း - ကျော်မင်းမောင်
( တန်ဖိုး - ၃၅၀၀ ကျပ် )

----------------------------------------------------------------------------------

ပါရဂူ၏ စာအုပ်အဖွင့် စကားပလ္လင်

----------------------------------------------------------------------------------

စာအုပ်အမြည်းကို လက်ကမ်းကြော်ငြာစာရွက်ထဲမှ စာသားများအား ကူးယူပြီး ဆက်လက်ဖော်ပြလိုက်ပါကြောင်း။

ပီယဒဿီ (အသောက) ဘုရင်နှင့် အိန္ဒိယသာသနာဝင်

“ပြည်သူများအတွက် အလုပ်လုပ်ခြင်းမှတစ်ပါး၊ အခြားအလုပ် ကျွန်ုပ်တွင်မရှိ” ဟု ကြွေးကြော်ခဲ့သူ။
“ကမ္ဘာကြီးကို စစ်ဖြင့် အနိုင်မယူ၊ ဓမ္မဖြင့် အနိုင်ယူမည်” ဟု ဆိုခဲ့သော သာသနာပြုမင်းကောင်းမင်းမြတ် ဘုရင်အသောက နှင့် အိန္ဒိယ သာသနာဝင် ။

မိလိန္ဒ၊ ရှင်နာဂသိန်နှင့် ဂရိနိုင်ငံ

ဘုရင် အသောက ထွန်းညှိသွားခဲ့သော ဓမ္မဆီမီး ငြိမ်းမသွားအောင် ဆက်လက်ထိန်းသိမ်းခဲ့သည့် ဘုရင် မိလိန္ဒနှင့် ဂရိနိုင်ငံသာသနာသမိုင်း ။

ကနိရှက ဘုရင်နှင့် အိန္ဒိယနိုင်ငံ

မိမိ၏ ကြီးပွားတိုးတက်မှုအတွက် အထောက်အပံ့ဖြစ်သော ဒဿန (သို့) ဓမ္မဟုဆိုခဲ့သည့် အယူအဆကို ပြောဆိုခဲ့သူ။
ဘုရားဆင်းတုတော် စတင်ထုလုပ်ပူဇော်ခဲ့သည့် ဘုရင်၊ ဗုဒ္ဓဘာသာစာပေထွန်းကားအောင် ပြုလုပ်ခဲ့သည့် သာသနာပြုမင်းကြီး ကနိရှက အကြောင်း ပြည့်ပြည့်စုံစုံ ။

ဒုဋ္ဌဂါမဏိ နှင့် သီရိလင်္ကာ

တိုင်းရင်းသား သီဟိုဠ်လူမျိုးများ ကြီးပွားထွန်းကားရေး၊ ဗုဒ္ဓသာသနာ ကြီးပွားထွန်းကားရေး နှစ်မျိုးစလုံးကို စွမ်းစွမ်းတမံ ကြိုးပမ်းအားထုတ်ခဲ့သော ဘုရင်မင်းမြတ် ဒုဋ္ဌဂါမဏိ၏အကြောင်းနှင့် သီဟိုဠ်သာသနာဝင်အကြောင်း။

ဘုရင်ဦးတည်နှင့် တရုတ်နိုင်ငံ

ပိဋကတ်သုံးပုံကို ပထမဦးဆုံး တရုတ်ပြည်တွင် ထုတ်ဝေဖြန့်ချိခဲ့သည့် မင်းကြီး (သို့)  ဗုဒ္ဓဘာသာကို နိုင်ငံတော်ဘာသာအဆင့်တွင် ထားခဲ့သည့် ဘုရင်နှင့် တရုတ်သာသနာဝင် အစိတ်အပိုင်းတစ်ချို့  ။

ကုဗလေခန်နှင့် တိဘက်နိုင်ငံ

“လက်ဝါးမှ လက်ချောင်းများ ထွက်ပေါ်လာ၏။  ဗုဒ္ဓ၀ါဒသည် လက်ဝါးနှင့် တူ၏။ အခြားဘာသာတရားများကမူ လက်ချောင်းများနှင့်တူ၏” ဟု အဓိပ္ပာယ်ဖွင့်ဆိုခဲ့သော စစ်ဘုရင် ကုဗလေခန်။
လူမသိသေးသည့် ဗုဒ္ဓသာသနာပြုမင်း၏အကြောင်း ။

သီရိသူရိယ၀ံသရာမ နှင့် ထိုင်းနိုင်ငံ

ဗုဒ္ဓဘာသာကို ပြန့်ပွားအောင် ပြုလုပ်ခဲ့သူ။ သူကိုယ်တိုင် ပဉ္ဖင်းခံပြီး သသနာ့ဘောင်အတွင်း ၀င်ရောက်သွား၍ တိုင်းသူပြည်သားများ တောင်းပန်သောကြောင့် သင်္ကန်းချွတ်၊ တိုင်းပြည်တာဝန်ပြန်၍ ထမ်းဆောင်ခဲ့သော သာသနာပြုမင်းတစ်ပါးနှင့် ထိုင်းသာသနာဝင်။

အိန္ဒိယ၊ သီရိလင်္ကာ၊ တရုတ်၊ ထိုင်း၊ မွန်ဂို၊ တိဘက်၊ နီပေါ၊ ဂျပန်၊ ကိုရီးယား၊ ကမ္ဘောဒီးယား၊ လော၊ မလေးရှား၊ မြန်မာ နိုင်ငံပေါင်း (၁၃)နိုင်ငံတွင် ဗုဒ္ဓဘာသာမျိုးစေ့ ကြဲချပေးခဲ့သော မင်းကောင်းမင်းမြတ် သာသနာပြုမင်းများ၏အကြောင်း၊ ဂိုဏ်းစဉ်ဂိုဏ်းဆက် ရဟန်းတော်များအကြောင်း ပြည့်ပြည့်စုံစုံ ဖတ်ရှုခွင့်ရမည့်စာအုပ်ကောင်းဖြစ်သည်။

ပဉ္စဂံစာအုပ်တိုက်
မန္တလေး မှ ထုတ်ဝေသည်။
----------------------------------------------------------------------------------

ပဉ္စဂံစာအုပ်တိုက်
၁၆၇ (A)၊ ၃၅ လမ်း၊ ကျောက်တံတားမြို့ နယ်၊ ရန်ကုန်မြို့  ။
ဖုန်း - ၀၁-၃၇၇၀၆၁

Evening in Pain

ဝေဒနာ ညနေခင်း



ညနေခင်းငှက်တစ်ကောင်လိုပဲ
ဝဲဝဲပြီး အသိုက်လေးဆီ ပျံချင်လိုက်တာ
သူစိမ်းတွေကြားမှာ ဝေဒနာတွေက အလွန်အကျွံ စိမ်း။

ငါကိုယ်တိုင်မသိတဲ့ ငါ
မုန်တိုင်းတွေမိနေပေါ့။

အဲဒီယဉ်ပါးမှုတွေနဲ့ ထုံထိုင်း
အော် မုန်တိုင်းကတော့ မုန်တိုင်းပဲလေ။

ကျနော်သွားနေတဲ့ လမ်းတွေလေ
အမေ့တောလမ်းလေးကို ထိခိုက်နေမလား။

ထားပါတော့လေ ဒါတွေက ကျနော်နဲ့ အမေ့ကြားမှာ တစ်နေ့ ဆွေးနွေးကြတာပေါ့။

ဝေဒနာ အလွန်အကျွံတွေကြားမှာ
အတောင်တွေက ညောင်းလွန်းလို့ ပျံရင်းအိပ်ငိုက်မိတယ်။

သူငယ်ချင်းတွေ ဘယ်မှာ ကျရစ်ခဲ့ပါလိမ့်
အဝေးကြီးကလူတွေ သူငယ်ချင်းလုပ်ရတာထက်
ကျရစ်ခဲ့တဲ့ သူငယ်ချင်းတွေ ပြန်ကောက်တော့မယ်။       ။

လွင်ပြင်ဟန်

SEPTEMBER SAFFRON REVOLUTION DAY ACTIVITY LEADED BY IBMO

သာသနာ့ဥသျှောင် အပြည်ပြည်ဆိုင်ရာ မြန်မာရဟန်းတော်များ အဖွဲ့ချုပ်က ဦးဆောင်မည့်
ရွှေဝါရောင်တော်လှန်ရေးနေ့ မေတ္တာပို့ ဆုတောင်းပွဲ



သာသနာ့ဥသျှောင် အပြည်ပြည်ဆိုင်ရာ မြန်မာရဟန်းတော်များ အဖွဲ့ချုပ်
SASANAMOLI - INTERNATIONAL BURMESE MONKS ORGANIZATION
www.burmesemonks.org

Announcement Aug 24 2009

INTERACTION OR INTER-ACTION?

"အင်တာ-အက်ရှင်" လား "အင်တာရက်ရှင်" လား

(24.8.009)

ဒေါ်အောင်ဆန်းစုကြည် နှင့် တွေ့ဆုံခွင့်ရခဲ့တဲ့ အမေရိကန် (ဆီနေတာ)ဟာ မီဒီယာများ အဆိုအရ ဒေါ်စုက ဘာပြောတယ်ဆိုတာကို သတင်းစာရှင်းလင်းပွဲမှာ သတိထားပြီး ပြောဆိုကြောင်း သိရှိရပါတယ်။

ပထမနေ့နဲ့ နောက်နေ့ သတင်းထွက်တာတွေ မတူကြပါ။ အစဦးဆုံး စာလုံးမဲကြီးတွေနဲ့ ထွက်လာတာကတော့ ဒေါ်အောင်ဆန်းစုကြည်ဟာ (ဆန်ရှင်) တချို့ ရုတ်သိမ်းမှာကို ကန့်ကွက်မယ် မထင်ပါဘူးတဲ့။ ဒါက (အင်တိုင်-ဆန်ရှင်) အမတ်စကား ဖြစ်ပါတယ်။

ဒီသတင်းနဲ့ပတ်သက်လို့ မြန်မာ (မီဒီယာ)တခုကနေ ကျွန်တော့်ကို (အင်တာဗျူး)တုံးက (ဆန်ရှင်)ကိစ္စ္စမှာ ဒေါ်စုက ဒီလို ပြောတယ်လို့ ဆိုတာမှာ ကျွန်တော် သံသယရှိပါတယ်လို့ ဖြေခဲ့ပါတယ်။ အဲဒီ (မီဒီယာ)က သုံး မသုံးတော့ မသိပါ။ နောက်နေ့မှာဘဲ ဒေါ်အောင်ဆန်းစုကြည်ကိုယ်တိုင်က သူ့ရဲ့ တရားဝင် ပြောရေးဆိုခွင့်ရှိသူကတစ်ဆင့် ရှင်းလင်းချက်ကို ကြားရတော့ ကျွန်တော့် သံသယဆိုတာ မှန်သွားပါတယ်။

ရှင်းလင်းချက်ထဲမှာ တခုဆက်ရှိပြန်သေးတာက ဘာသာပြန်တာပြောပြော၊ အဓိပ္ပာယ်ကောက်တာဆိုဆို ကျွန်တော် ပြန်ချင်တာ၊ ကောက်ချင်တာနဲ့ နဲနဲလွဲနေတာ တွေ့ရပါတယ်။ Interaction ဆိုတာပါ။ တချို့က "ပူးပေါင်းဆောင်ရွက်ဖို့" "ညှိနှိုင်းဖို့" "ပူးပေါင်းဆောင်ရွက်တာ" "ညှိနှိုင်းဆောင်ရွက်ခြင်း" စသဖြင့် တာသာပြန် ကောက်ယူကြပြီး၊ တချို့ကတော့ Interaction ကို အတိုင်းသား ထည့်သွင်း ဖေါ်ပြကြတာ တွေ့ရပါတယ်။ သတင်းသမားများအဖို့ မြန်ဖို့ကအရေးပါလို့နဲ့ တူပါတယ်။

Interaction ဟာ Inter-action နဲ့မတူပါ။ Inter-action ဆိုတာက တွဲလုပ်တဲ့သဘော ပိုဆောင်ပါမယ်။ Interaction က စကားပြောကြတဲ့ သဘော၊ အပြန်အလှန်သဘော၊ အမြင်ချင်းဖလှယ်တဲ့သဘော၊ ချုပ်လိုက်ရင် တွေ့ဆုံဆွေးနွေးရေးပါဘဲ။ လူနှစ်ယောက်တွေ့တာနဲ့ ဆရာနဲ့တပည့်ဖြစ်ရင်တောင် ကနေ့ခေတ်မှာ ဆရာပြောတာချည်း တပည့်က နားထောင်ရတာ မဟုတ်လို့ တစ်ယောက်ကေပြောတာကို ကျန်တစ်ယောက်က သူ့အယူအဆ၊ ဒါမှမဟုတ် တစ်ဖက်ပြောတာကို သဘောတူ-မတူ ပြောရတာပါ။ (ဆီမီနာ)တို့ (၀ပ်ရှော့ပ်)တို့မှာလဲ အဓိက ပြောမယ့်လူ ပြောပြီးတဲ့နောက် Questions and comments ကျန်တဲ့လူတွေက မေးလိုတာရော၊ ပြောလိုတာပြောနိုင်တဲ့ အစီအစဉ် ထည့်ပါတယ်။ သတင်းစာရှင်းလင်းပွဲလို Questions and answers အမေး-အဖြေမဟုတ်ပါ။

လူ-လူချင်းမဟုတ်ဘဲ လူနဲ့ ကွန်ပြူတာအကြားမှာရော၊ ကွန်ပြူတာတွေအကြားမှာရော (အင်တာရက်ရှင်) ရှိတာပါဘဲ။ လူနဲ့ တီဗွီအကြား အပြန်အလှန်သဘောပါရင် Interactive လို့ပြောပါတယ်။ Communicate လုပ်ကြတာ ဖြစ်ပါတယ်။ "အပြန်အလှန်သဘော" က အရေးကြီးတဲ့ အစိတ်အပိုင်းဖြစ်ပါတယ်။ အတူနေရင်း-လုပ်ကိုင်ရင်း အပြန်အလှန် ပြောဆိုကြတာဖြစ်လို့ တခုခုကို "ပူးပေါင်းဆောင်ရွက်တာ" "တွဲလုပ်တဲ့သဘော" နဲ့ ကွာခြားပါတယ်။

ပူးပေါင်းဆောင်ရွက်တာ မတိုင်ခင် ညှိနှိုင်းတာရှိရမှာဖြစ်ပြီး၊ ညှိနှိုင်းတာရောက်ဖို့ လုပ်ရမယ့်အဆင့်ကို Interaction အဆင့်လို့ ခေါ်မယ်ထင်ပါတယ်။

ဒါ့ကြောင့် ဒေါ်အောင်ဆန်းစုကြည်ပြောခဲ့တဲ့ "ပြည်ပမှာထက်အရင် ပြည်တွင်းထဲမှာ Interaction လုပ်ဖို့ လိုတယ်" ဆိုတာကို "ကိုယ့်ပြည်ထဲမှာ တာဝန်ရှိသူများအကြား အပြန်အလှန်သဘောပါတဲ့ ဆက်သွယ်ရေး၊ ဆက်ဆံမှုတွေ ရှိဖို့ လိုတယ်" လို့ မှတ်ယူသင့်ပါတယ်။ တစ်ဖက်ကပြောသမျှ လိုက်လုပ်ရမယ်၊ မလိုက်ရင် ဘယ်ဥပဒေနဲ့ ညိလို့၊ ဘယ်ဥပဒေကို ချိုးဖောက်လို့ ဘာပြစ်ဒဏ်၊ ညာပြစ်ဒဏ်ဆိုတာနဲ့ လုံးဝမတူပါ။

အလုပ်ရုံတစ်ခုမှာ စီမံခန့်ခွဲရေးနဲ့ အလုပ်သမားတွေကြား Interaction ရှိမှ အလုပ်က တိုးတက်ပါသတဲ့။ မြန်မာပြည် ဆိုတဲ့စက်ရုံကြီး တိုးတက်မလာတာလဲ Interaction မရှိသေးလို့ပါဘဲ။ ဓာတ်ပစ္စ္စည်းတစ်ခုနဲ့ တစ်ခု တွေ့ရင် ဓာတ်ပြောင်းလဲမှု ဖြစ်လာကလည်း အတူတူပါ။ အနှစ် ၂၀အတွင်း မြန်မာပြည်မှာ ပြောင်းလဲမှုမရှိသေးတာ Interaction မရှိသေးလို့ပါ။

တင့်ဆွေ

Yettaw from Inyar Lake

အင်းယားကန်သို့ အိုကြက်တော

John Yettaw arrives in Bangkok

ကျုပ်တို့ရွာမှ ကိုကြက်တော
အင်းယားကန်ပေါ် မျော
ကြက်တော်ခုန်တက် ဒေါ်စုအိမ်
ခုနှစ်နှစ်ချလို့ လိမ်
ဒီအချိန်မယ် ကြက်တောစုတ်
ဝက်ပေါ လာလို့ ထုတ် ။

ဒီဇာတ်ရှုပ်က ၀က်ပေါရေ
ဒေါ်စု လွှတ်ပါဟေ
ထွေလီကာလီ ငါမသိ
ဝက်ပေါ တခွိခွိ ။ ။

ယမထာ
---------------------------------------------------------------------
ခက်ဆစ်များ

ကြက်တော = ဂျွန်ဝီလျံယက်တောရဲ့ မြန်မာနာမည်
ဝက်ပေါ = အမေရိကန်အထက်လွှတ်တော်အမတ် ဂျင်မ်ဝက်ဘ်ရဲ့ မြန်မာမှုပြုထားတဲ့ နာမည်
---------------------------------------------------------------------

Photo of John Yettaw arrives in Bangkok was taken from -
http://www.thaiphotoblogs.com/index.php?blog=5&title=john-yettaw-arrives-in-bangkok&more=1&c=1&tb=1&pb=1

NEW REVOLUTION IS COMING SOON?

အမျိုးသားလွတ်မြောက်ရေးလှုပ်ရှားမှုကြီး

အကောင်အထည်ဖော်ဆောင်ရေးကော်မတီဖွဲ့စည်းကြောင်းသတင်းထုတ်ပြန်ခြင်း
၂၀၀၉ ခုနှစ်၊ သြဂုတ်လ (၂၂)ရက်

သံဃာအဖွဲ့ချုပ် - မြန်မာနိုင်ငံ

Website : www.slm.net.tc

Email : sangha.ztk@gmail.comsangha.burma@gmail.com

Sangha 454_2009

About Jakarta Conference By Tint Swe

ဂျကာတာ ကွန်ဖရင့်

တစ်ပတ်လောက်အတွင်း (အင်တာနက်)မှာ (ဂျကာတာ ကွန်ဖရင့်)နဲ့ပတ်သက်ပြီး ရေးနေကြတာတချို့ကို ဖတ်ရပါတယ်။ အပြုသဘောတွေကို ကျေးဇူးတင်ရမှာပါ။ တကယ်လို့ “Proposal for National Reconciliation” ဆိုတာကို ထုတ်ပြန်ခဲ့တဲ့ Movement for Democracy and Rights of Ethnic Nationalities ရဲ့ အစည်းအဝေးကိစ္စမှာ မရှင်းတာလေးတွေ ရှိနေပါရင် ကျွန်တော် ဒီလို ပြန်လည်ရေးသား အစီရင်ခံပါရစေ။

(ဂျကာတာ)ကွန်ဖရင့်ပြီးရင် ဥရောပကွန်ဖရင့်တခု ရှိသေးတယ်ဆိုတာကိုတော့ ရိုးရိုးသားသားပြောရရင် ကျွန်တော် အခုထိ မသိသေးပါ။ အဲဒီကွန်ဖရင့်မှာ အန်စီဂျီယူဘီ၊ အန်စီယူဘီ၊ အီးအန်စီ၊ အပြင် တတိယအုပ်စုပါမယ်ဆိုတာလည်း မသိပါ။

အတိအကျ သိတာကိုသာ ရေးပါမယ်။ ဂျကာတာမှာ လုပ်ခဲ့တာက NCGUB, NCUB, ENC, WLB, FDB, SYCB နဲ့ NYF ဆိုတဲ့ ညွန့်ပေါင်းအဖွဲ့ (၇)ဖွဲ့ဖြစ်ကြပါတယ်။ ဒီခုနစ်ဖွဲ့လုံးဟာ သိပြီးဖြစ်တဲ့အတိုင်း ဒီမိုကရေစီရေး၊ တိုင်းရင်းသား တန်းတူ ညီမျှမှု၊ ဖက်ဒရယ်ပြည်ထောင်စု ဆိုတဲ့ ဗျူဟာပိုင်းမှာ တူညီကြပါတယ်။ နောက်ပြီး၊ (ဆန်ရှင်)ကိစ္စမှာလည်း တူကြသလို၊ ၂၀၀၈-၂၀၁၀ မှာလည်း တူကြပါတယ်။ တူတယ်ဆိုတာထက် တွဲလုပ်နေကြတာမို့ နားလည်မှုတွေ အထူးရှိကြတာကို ပြောချင်တာပါ။

တတိယအုပ်စုဆိုတာ ဘယ်ဟာကို ရည်ညွှန်းလဲ တိတိကျကျ မမှန်းတတ်ပါ။ တကယ်လို့ စစ်အုပ်စုမဟုတ်ပေမဲ့ (ဆန်ရှင်)၊ ဖွံ့ဖြိုးရေး၊ ၂၀၁၀ ဆိုတာတွေမှာ ကျွန်တော်တို့နဲ့ မတူသူများကို တတိယလို့ ခေါ်မယ်ဆိုရင်ဖြင့် (ဂျကာတာ)မှာ သူတို့  မပါပါခင်ဗျား။ သိတဲ့အတိုင်း မြန်မာရေဒီယိုတွေက မတူဘူးထင်သူတွေကို တွဲထုတ်ပေးတာ ခေတ်စားနေတာမို့ သူတို့တတွေနဲ့ ရေဒီယိုတွေမှာ အတူတူ စကားပြောချင်ပြောပါမယ်။ ဘုံလုပ်ငန်းတခု ချရေးမှာတော့ သူတို့မပါပါ။ သူတို့လုပ်လည်း ကျွန်တော်တို့ကို ခေါ်မှာ မဟုတ်ပါ။ အတိုက်အခံတွေ မညီညွတ်ဘူးလို့ပြောလဲ ခံနေရဦးမှာပါ။

(ဂျကာတာ)ကနေ ညီညွတ်မှုတစ်ခု ရတာပါ။ အနိမ့်ဆုံးအားဖြင့် နိုင်ငံတကာရောင်းကုန်တစ်ခုကို တညီတညွတ် ထုတ်လုပ်ခဲ့ကြတာပါ။ ၀ယ်တာ၊ မ၀ယ်တာက နောက်မေးခွန်းတစ်ခု ဖြစ်ပါမယ်။ နိုင်ငံရေးစေတနာပါပါ လုပ်ခဲ့ကြတာ ဖြစ်ပါတယ်။ (အာစီယံ)ထဲသွားထိုင်ပြီး အသံထွက်ခဲ့ကြတာလည်း ဖြစ်ပါသေးတယ်။ တစ်ဖွဲ့မှာ တစ်ခုစီလောက် (ရုပ်မက်) တို့ အသွင်ကူးပြောင်းရေး အစီအစဉ်ဆိုတာတွေ ရှိနေတဲ့အထဲ၊ (အနည်းဆုံးတော့) ဒီအဖွဲ့အစည်းတွေကဖြင့် တခုထဲ ဒါပါလို့ ပြောနိုင်တဲ့ အဆင့်တခုကို ရောက်ခဲ့တာပါ။

“ကိုယ်မကြိုက်တာတော့ သိတယ် ကိုယ်ကြိုက်တာကိုယ် မသိဘူး” လို့ အထင်ခံနေရာကနေ “ကျုပ်တို့မှာ ဒီအမြင်တွေ အတူတကွ ရှိကြတယ်”လို့ ပြောနိုင်လာတာ ဖြစ်ပါသေးတယ်။ ကျွန်တော်တို့အတွက် သက်သက်မဟုတ် အုပ်စိုးသူများလဲ ပါဝင်နိုင်တဲ့ အစီအစဉ်တရပ်ကို တင်ပြတာမို့ ဒီအဆိုပြုချက်ဟာ အဖြစ်ချင်ဆုံး (အိုင်ဒီးလ်)တွေတော့ မဟုတ်ပါ ခင်ဗျား။

ခုနစ်ဖွဲ့ဟာ “အားလုံး” လို့ မပြောပါ။ ကနေ့ကာလ အခင်းအကျင်းအရ လူဘယ်လောက်များများ တနေရာထဲ စုလို့ရမှာလဲ။ ပြည်တွင်းမှာသာမက အပြင်မှာလဲ အခြေအနေက ပေးတာမဟုတ်ပါ။ (၇)ဖွဲ့ကိုတောင် အချိန်၊ အရင်းအမြစ်နဲ့ သန္နိဋ္ဌာန်တွေ အတော်ကြီး စုစည်းခဲ့ရတာပါ။ ဒီလိုစုစည်းနိုင်တာထက် ပိုကျယ်ပြန့်တာမျိုး ဖြစ်နိုင်ရင် ဘယ်သူကမဆို ကြိုဆိုကြမယ် ထင်ပါတယ်။ (၇)ဖွဲ့ကလဲ ဒို့ချည်းဘဲကွ မဟုတ်ပါ။ ဆက်လုပ်ရာ၊ တွဲလုပ်စရာတွေ တလှေကြီး ရှိပါသေးတယ်။

အခုထိတော့ ထုတ်ပြောလို့ရမဲ့ အဖွဲ့တွေထက်ပိုပြီး တိုင်ပင်ညှိနှိုင်းတာတွေ လုပ်ထားပြီးပါပြီ။ သဘောထားရယူတာတွေ၊ ဖြည့်စွက်ချက်တွေလဲ ပါသွားပြီးဖြစ်ပါတယ်။ လွန်ခဲ့တဲ့ ၆ လက အစပျိုးအဖွဲ့အစည်းရဲ့ မူကြမ်းဟာ အခုလောက်ထိ မပြည့်စုံခဲ့ပါ။

နောင်လည်း ပိုပြည့်စုံတဲ့တိုင်အောင် မစွံတဲ့ရောင်းကုန်ဖြစ်ဖို့က အများကြီး ဖြစ်နိုင်ပါတယ်။ စစ်အုပ်စုအပါအ၀င် (စတိတ်-ဟိုးလ်ဒါး) လို့ ခေါ်သူအားလုံး ပါပြီး၊ အတူတူထိုင်ဆွဲတာမျိုးဖြစ်မှ စွန်မှာပါ။ အဲဒီအဆင့် မရောက်နိုင်မီ အတူတကွ ထိုင်နိုင်ကြသူများကနေ အကျယ်ပြန့်ဆုံး အစီအစဉ်တစ်ခုကို တင်ပြလိုက်ကြတာဖြစ်ပါတယ်။

အရင်က မရှိသေးတာတစ်ခုကို စလုပ်တာဟာ သမိုင်းတွင်တယ်လို့ဆိုရင် (ဂျကာတာ)ဟာ သမိုင်းလေးတခုပါ။ အချိန်ကောင်းတော့ ဟုတ်မသွားပါ။ ဒေါ်အောင်ဆန်းစုကြည်အပေါ် ပြစ်ဒဏ်ချမှတ်မှု လုပ်လိုက်တာနဲ့ အမျိုးသား ပြန်လည် သင့်မြတ်ရေး အဆိုပြုချက်ဟာ တစ်ချိန်တည်းဆိုသလို ထွက်ခဲ့ရပါတယ်။ တဖက်က အာဃာတ ကြီးမားဆဲကာလမှာ အပြုသဘောဆောင် တင်ပြချက်လုပ်တာဟာ အားနည်းချက်လို့ မယူဆစေလိုပါ။ ကျွန်တော်တို့ ကံမကောင်းဖြစ်ဆဲပါ။

၂၀၀၃ (ရုပ်မက်)ကလွဲရင် ဘာမှ မရှိတော့ဘူးဆိုသူများ စိတ်ဝင်စားလာစေချင်ပါတယ်။ သိချင်-ဖြည့်ချင်-ပါချင်သူများ ရှိလာရင် တွေ့ဆုံ ဆွေးနွေးရေးတစ်ခု ရလာတာပဲ ဖြစ်ပါမယ်။ ကြားကနေ သွားပြောမဲ့သူများကလည်း တဖက်က “ဒါ” ရှိတယ်လို့ သယ်သွားစေဖို့လည်း မှန်းပါတယ်။

ကိုယ်လုပ်ရမယ့်အလုပ်ကို စိတ်ကောင်းစေတနာ မှန်မှန်နဲ့ မဆုပ်မနစ် လုပ်နေကြသူတွေကို လေးစားပါတယ်ခင်ဗျား။
 

တင့်ဆွေ

---------------------------------------------
Movement for Democracy and Rights for Ethnic Nationalities Website

New Yettaw?

NLD ဒုဥက္ကဌ ဦးတင်ဦး၏ အကျယ်ချုပ် နေအိမ်ခြံဝင်းအတွင်း

အမေရိကန် နောက်တစ်ကောင် ခိုးဝင်၊ နေထိုင်ခြင်းအမှု

 

(ဦးတင်ဦး၏ နေအိမ်ခြံဝင်းအတွင်း တရားမ၀င် ၀င်ရောက်နေထိုင်ခဲ့သည့် အကောင်အား အမေရိကန်သံရုံးမှ တာဝန်ရှိသူများက တွေ့ဆုံမေးမြန်းနေစဉ်)

 

ယမန်နေ့ ညဦးပိုင်းအချိန်တွင် ဘဘဦးတင်ဦး နေအိမ် ခြံဝင်းအတွင်း မသင်္ကာဖွယ်ရာ ပုတ်သင်ညိုတစ်ကောင် တွေ့ရှိပါသဖြင့်  လုံခြုံရေးတပ်ဖွဲ့ဝင်များ အချိန်မှီဝင်ရောက်၍ အဆိုပါ ပုတ်သင်ညိုအား ဖမ်းဆီးထိမ်းသိမ်း လိုက်သည်။ 

နေပြည်တော်မှ လာသည့် သတင်းများအရ ဘဘဦးတင်ဦးအား ခြံဝင်းအတွင်း ပုတ်သင်ညိုတွေ့ရှိသည့်အမှုဖြင့် အရေးယူရန် ပြင်ဆင်နေကြောင်း သတင်းရရှိပါသည်။
 
အဆိုပါ ပုတ်သင်ညိုအား အမေရိကန်အစိုးရဧ။် အကူအညီနှင့် သစ်ပင်ပေါ်သို့ ပြန်လည် ပို့ဆောင် ပေးရန် နိုင်ငံတော် အကြီးအကဲ ဗိုလ်ချုပ်မှူးကြီးသန်းရွှေက ဆုံးဖြတ်လိုက်ကြောင်း နှင့် တရုတ်အစိုးရမှ ဤသည်မှာ မြန်မာ့ပြည်တွင်းရေးသာဖြစ်ပြီး အင်အားကြီးနိုင်ငံများအနေဖြင့် ၀င်ရောက် မစွက်ဖက်သင့်ကြောင်း။
 
ကုလသမဂ္ဂမှလည်း ၄င်းတို့ စိုးရိမ်ပူပန်မိကြောင်း ကြေညာချက်ထုတ်ပြန်ရန် အချိန် ၃ ရက် ယူမှာဖြစ်ကြောင်း နောက်ဆက်တွဲ သတင်းထပ်မံရရှိပါသည်။ 

(အေဘီစီဒီ သတင်းထောက်)
----------------------------------------------------------------- 

အီးမေးလ်မှ တစ်ဆင့် ရရှိသည်ကို ပြန်လည် မျှဝေပါသည်။

----------------------------------------------------------------- 
ပုတ်သင်ညိုပုံကို http://myitchyfingers.wordpress.com/tag/education/page/2/ မှ ရယူုပါသည်။

ICC & Myanmar Military Junta

နိုင်ငံတကာ ရာဇ၀တ်မှု ဆိုင်ရာ တရားရုံး (အိုင်စီစီ) တွင်
မြန်မာ စစ်အာဏာရှင် ခေါင်းဆောင်များအား စွဲချက်တင်နိုင်ရေး သုံးသပ်ချက်

Compiled and analyzed by Lwin Aung Soe - 2009

ICC _print_

SMILE WEAPON

ခန္တီနှလုံး အပြုံးမျက်နှာ





လောကီပုဂ္ဂိုလ်၊ လူထိုထိုတို့
မလိုစိတ်ထား၊ မုန်းစိတ်ပွားလည်း
ငါ့အားရန်ပြု၊ ငါမမှုပေ
ပြုံး၍နေအံ့ ။

ငါသည်သော်ကား၊ ဘုရားသားတော်
မြတ်ထေရ်ကျော်မို့
သင်တို့ရန်ပြု၊ စိတ်ထားနုလည်း
မုခမညို၊ ရန်မလိုဘဲ
အချိုမျက်လုံး၊ အမြဲသုံးလျက်
အပြုံးဖြင့်သာ နေလိုက်ပါမည်
ဆယ်ကမ္ဘာတိုင် မုန်းစေသော် ။

အရှင်တေဇ၀န္တ (စလင်း) ရွှေကံမြေ

----------------------------------------------------------------------------
ပြည်တွင်းထုတ်
"မေတ္တာရှင်" ဘာသာယဉ်ကျေးမှုမဂ္ဂဇင်း
အမှတ် (၂)၊ ၂၀၀၉၊ သြဂုတ်လ၊ စာမျက်နှာ (၇) မှ ကဗျာအား
စက်တင်ဘာ ရွှေဝါရောင်တော်လှန်ရေး နှစ်ပတ်လည် အကြိုအဖြစ်
ကူးယူဖော်ပြအပ်ပါသည်။

NLD Called For The Release Of DAW AUNG SAN SUU KYI & All Political Prisoners

A Safety-First Letter To NLD

မလုံခြုံသော အန်တီစု၏ လုံခြုံရေးအတွက်
NLD သို့ လုံခြုံရေးဆိုင်ရာပေးစာ



AP Photo/Khin Maung Win

သို့/-
NLD ပါတီ ခင်ဗျား ...

ယခုပြီးစီးသွားသော ဒေါ်အောင်ဆန်းစုကြည် အမှု၌ ဒေါ်အောင်ဆန်းစုကြည် နေအိမ်တွင် လုံခြုံရေး အပြည့်ချထားပါလျက် သူစိမ်းတစ်ယောက် ၀င်ရောက်လာမှုကို မသိရှိခဲ့သောကြောင့် (သို့မဟုတ်) မသိချင်ယောင်ဆောင်ခဲ့သောကြောင့် ယင်းလုံခြုံရေး စိတ်မချရခြင်းမှာ ထင်ရှားနေပါသည်။

(အမှုအပြီးတွင်လည်း ဒေါ်အောင်ဆန်းစုကြည်နေအိမ် လုံခြုံရေးအတွက် အဓိကတာဝန်ရှိသူ ပြည်ထဲရေးဝန်ကြီး၊ ရဲချုပ် အစရှိသူတို့ အလုပ်မှ တာဝန်ယူနုတ်ထွက်ပေးသင့်ပါလျက် တာဝန်မဲ့စွာ ဖာသိဖာသာနေပြီး နေအိမ်လုံခြုံရေးတာဝန်ယူသည့် တပ်စိတ်များ၊ ရဲဘော်များကိုသာ ချနင်း/အရေးယူခဲ့သည်။ --- ဘလော့ဂ်အယ်ဒီတာ)

သို့ဖြစ်၍ ယခုအခါ အကျယ်ချုပ်ဖြင့် နေအိမ်တွင် ပြန်လည်ရောက်ရှိနေသော ဒေါ်အောင်ဆန်းစုကြည်အတွက် လုံခြုံရေးမှာလည်း စိတ်ချရမည်မဟုတ်ဟု ထင်ရပါသည် ။

နောက်ထပ်တစ်ခါ ထပ်မံ၍ ဒေါ်အောင်ဆန်းစုကြည်နေအိမ်ကို တစ်စုံတစ်ဦးက ၀င်ရောက်ပြီး ဒေါ်အောင်ဆန်းစုကြည်ကို လုပ်ကြံ/သတ်ဖြတ်သွားမည်ဆိုလျှင် စစ်အစိုးရက သူတို့လုံခြုံရေးနှင့် မဆိုင်ပါဟု ပြောလာဦးမည်မှာ ထင်ရှားပါသည်။

သို့ဖြစ်၍ ဒေါ်အောင်ဆန်းစုကြည်အတွက် စိုးရိမ်ရသည်မှာ အမှန်ပင် ဖြစ်ပါသဖြင့် NLD ပါတီအနေနှင့် ယခုကဲ့သို့ မဖြစ်ရလေအောင် (သို့မဟုတ်) ယခုထက် ပိုဆိုးသော အခြေအနေမျိုးအထိ မဖြစ်ရလေအောင် "လုံခြုံရေးနှင့် ပတ်သက်ပြီး မည်သို့မည်မျှ အကာအကွယ်ပေးနိုင်မည်" ဟူသော အကြောင်းအရာကို စစ်အစိုးရအား တင်ပြသင့်ပါသည်။

ယခုလို ဒေါ်အောင်ဆန်းစုကြည် အတွက် ပူပန်နေသည်မှာ စာရေးသူ တစ်ဦးတည်း မဟုတ်ပါ။
အများပြည်သူအားလုံးက ပူပန်နေခြင်းဖြစ်ပါသည်။ ယင်းကြောင့် NLD ပါတီသည် ထို အကြောင်းအရာကို စစ်အစိုးရအားတင်ပြသင့်ပါသည်။

ပြည်သူတစ်ရပ်လုံးက ထောက်ခံထားသောပါတီအား လေးစားယုံကြည်လျက်။ ။

ဖိုးရှုပ် (ဒဂုံ အဝေးသင်) နှင့် သူငယ်ချင်းများ

DPNS Commentary (9/2009)

လူ့ဘောင်သစ် ဒီမိုကရက်တစ်ပါတီ
သုတေသနနှင့် လေ့လာရေးဌာန

ဝေဖန်သုံးသပ်ချက် အမှတ်စဉ် (၉/၂၀၀၉)

အမျိုးသားဒီမိုကရေစီအဖွဲ့ချုပ်က
လူထုကို စည်းရုံးလှုံ့ဆော်ရှေ့ဆောင်ရန် အချိန်ကျရောက်နေပါပြီ
(၂၀၀၉ ခုနှစ်၊ သြဂုတ်လ ၁၁ ရက်)

DPNS Commentary 9 2009

BURMA'S BATMEN

လင်းနို့တွေ

နာမည်အကြီးဆုံး အမှောင်တွေ
တန်ဖိုးအကြီးဆုံး အမှောင်တွေ
အရသာအရှိဆုံး အမှောင်တွေ

သုံးဆောင်ဖို့
ခံစားဖို့
ဂူနံရံတွေကို မကြောက်

ပျံတော့ ပျံခဲ့ကြတာပဲ ။ ။

လင်းလွင်

----------------------------------------------------------------------------
ပြည်တွင်းထုတ်
လှိုင်းသစ်
စာပေ၊ အနုပညာနှင့် အတွေးအခေါ် မဂ္ဂဇင်း
(စာမျက်နှာ ၁၉)
အမှတ်(၅)၊ ဇွန်လ၊ ၂၀၀၉ မှ ကဗျာဆရာ "လင်းလွင်" ၏ "လင်းနို့တွေ"ကဗျာအား
ထောင်ဒဏ် (၃)နှစ်၊ ထိုမှ ထောင်ဒဏ် (၁)နှစ်ခွဲ၊ ထိုမှ ဆိုင်းငံ့ပြစ်ဒဏ် နေအိမ်အကျယ်ချုပ် (၁)နှစ်ခွဲ ဟူ၍
အပြစ်မရှိဘဲ ပြစ်ဒဏ်ချမှတ်ခံရသော
ဒေါ်အောင်ဆန်းစုကြည်၊ ဒေါ်ခင်ခင်ဝင်းနှင့် မဝင်းပပ
တို့အတွက် ရည်စူးကူးယူဖော်ပြအပ်ပါသည်။

...ယုတ်မာလှတဲ့ စစ်အာဏာရှင်တွေ ပြုတ်ပြုတ်ပြုန်းပြီးပြေးပါစေ...

----------------------------------------------------------------------------
Poem Picture Source - http://en.wikipedia.org/wiki/File:Bat-capture-moth1nov2000_hi.jpg

Let's Start a New Revolution on September 3, 2009

၂၀၀၉၊ စက်တင်ဘာ၊ ၃ မှာ သပိတ်သစ် မှောက်မည်

မတရားဖမ်းဆီးထားသော သံဃာတော်များအား ချက်ချင်းလွှတ်ပေးရန်နှင့်
သံဃာတော်များအပေါ် နှိပ်စက် သတ်ဖြတ် စော်ကားထားမှုများကို
လက်ရှိ စစ်အုပ်ချုပ်သူများမှ အမြန်ဆုံး ပြန်လည်တောင်းပန်ရန်...
မလိုက်နာပါက တတိယအကြိမ် ပတ္တနိက္ကုဇ္ဇန ကံဆောင် သပိတ်မှောက်မည်...

သပိတ်မှောက်မည့်နေ့ - သီတင်းကျွတ်လပြည့် (၁၅)ရက်၊ (၃.၁၀.၂၀၀၉) စနေ၊ သံဃာပ၀ါရဏာပွဲနေ့

မြန်မာနိုင်ငံလုံးဆိုင်ရာသံဃာ့တပ်ပေါင်းစုအဖွဲ့ကြီး
All Burma Monk Alliance

မြန်မာနိုင်ငံလုံးဆိုင်ရာ ရဟန်းပျိုသမဂ္ဂ
နှင့်
သံဃသာမဂ္ဂီအဖွဲ့

To Download PDF File;
http://sharebee.com/6b82a25d
http://www.scribd.com/doc/18426838/pattanikujana2009

pattanikujana-2009