မြရည်နန္ဒာမီး
(၁၀၊ ဖေဖော်ဝါရီ၊ ၀၀၉)
မန္တလေးမြို့သစ်၊ မြရည်နန္ဒာရပ်ကွက်တွင် (၉၊ ဖေဖော်ဝါရီ၊ ၀၀၉) ရက်နေ့ ညနေ (၃)နာရီခန့်တွင် စတင် လောင်ကျွမ်းသော မီးမှာ ညနေ (၅)နာရီခန့်တွင် ငြိမ်းသွားကြောင်း သိရသည်။
မြရည်နန္ဒာရပ်ကွက်၊ ၅၅ လမ်းနှင့် ၅၄ လမ်းကြား၊ ခတ္တာလမ်းနှင့် ပိတောက်လမ်းကြားတွင် လောင်ကျွမ်းခြင်းဖြစ်ပြီး အိမ်ခြေ (၃၀၀)ကျော်ခန့်နှင့်အတူ ကားများ၊ ဆိုင်ကယ်များနှင့် အခြား အသုံးအဆောင်ပစ္စည်းများ မီးထဲပါသွားကြောင်း သိရသည်။
ဝပ်ရှော့နှင့် မှောင်ခိုဓာတ်ဆီအရောင်းဆိုင် တွဲထားသော အိမ်မှ စတင် လောင်ကျွမ်းခြင်း ဖြစ်ကာ လူအသေအပျောက်များ (၃ ဦးခန့်) ရှိကြောင်းလည်း သိရသည်။
(တစ်ကမ္ဘာလုံး လောင်စာဆီ ဈေးနှုန်းကျဆင်းနေချိန်၌ ကျွန်ုပ်တို့ ဗမာပြည်ကြီးတွင် စစ်အဆိုးရမှ လောင်စာဆီဈေးနှုန်းများ ချမပေးဘဲ ထားရှိသောကြောင့် ယခုကဲ့သို့ မီးဘေးဖိတ်ခေါ် မှောင်ခို လောင်စာဆီအရောင်းဆိုင်များ တစ်နိုင်ငံလုံး မြက်လို ပေါလျက်ပင်ရှိပါသေးရာ ရှေ့ဆက်၍ မီးသတင်းများ ထပ်မံ ကြားကြရဖွယ်ရှိပါသေးသည်။)
လောင်ကျွမ်းချိန်တွင် ထုံးစံအတိုင်း မန္တလေးမြို့ခံ သံဃာတော်များမှ ကားများနှင့် ရောက်ရှိလာပြီး အင်တိုက်အားတိုက် မီးငြှိုမ်းသတ်ခဲ့ကြကြောင်းသိရသည်။ လာရောက် မီးသတ်သော စစ်အဆိုးရမီးသတ်ကားများအနက် အချို့မှာ ရေမပါလာခြင်း၊ ရေတွန်းစက်ပျက်နေခြင်းများရှိခဲ့ကြောင်းလည်း သိရသည်။
မီလောင်သောအချိန်သည် မန္တလေးမြို့ ဗထူးဘောလုံးကွင်းတွင် ပြည်နယ်နှင့် တိုင်း ဘောလုံးပြိုင်ပွဲ- ဗိုလ်လုပွဲ- (မန္တလေးတိုင်းနှင့် မကွေးတိုင်း) ကန်နေချိန်လည်း ဖြစ်သည်။ ထို့ကြောင့် ဘောလုံးပွဲ ကြည့်ဖို့ စစ်အဆိုးရ၏ ဇွတ်အတင်း အခေါ်ခံရသော မြရည်နန္ဒာ ရပ်ကွက်သားအချို့မှာ ဗထူးကွင်းမှ မြို့သစ် မြရည်နန္ဒာသို့ အပြေးပြန်သော်လည်း အိမ်များ မီးထဲ ပါသွားသည်နှင့်သာ ကြုံကြရသည်လည်း ရှိကြောင်း သိရသည်။
(စကားချပ် - ဗိုလ်လုပွဲတွင် အိမ်ရှင် မန္တလေးတိုင်းအသင်းကသာ ဗိုလ်စွဲသွားပါ၏။)
BigBBrown
-----------------------------------------------------------------------------------------------------------------
FIRE PHOTOS slideshow ALBUM
.png){kind=small}
Posts
No comments:
Post a Comment