WELCOME. UNITY

ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ (NCGUB)
ညီညွတ်ရေးပန်ကြားချက်အား ကြိုဆိုခြင်း

နေ့စွဲ၊ ၁၁-၂-၀၉

၂၀၀၉ခုနှစ် ဖေဖေါ်ဝါရီလ (၁၁)ရက်နေ့က ဒီမိုကရက်တစ်မြန်မာ့အသံ DVB မှတဆင့် ထုတ်လွှင့်ခဲ့သော “အင်္ဂါဝတ်ပြု ဆုတောင်းသူများ”၏ ပန်ကြားချက်အား ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ (NCGUB) မှ အလေးအနက် ကြိုဆိုအပ်ပါသည်။

ဖေဖေါ်ဝါရီလသည် ပြည်ထောင်စုကြီးတခုလုံးအတွက် ညီညွတ်ရေးကို ဖေါ်ဆောင်ပေးနိုင်ခဲ့သော သမိုင်းဝင် နေ့ရက် နှင့်လည်း တိုက်ဆိုင်နေပေသည်။ ၁၉၉၀ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲ၏ ရလဒ်အရ ပြည်သူ လူထုအကျိုး သယ်ပိုးရန် ဖွဲ့စည်းတည်ထောင်ခဲ့သည့် အမျိုးသားညွန့်ပေါင်းအစိုးရသည် လူထုကဖြစ်စေလိုသော ညီညွတ်ရေးအား လေးအနက်ထားပါသည်။ ညီညွတ်ရေးအတွက် ရည်ရွယ်ကာ “ညွန့်ပေါင်းအစိုးရ”ဟူ၍ ဖြစ်လာခဲ့ခြင်းလည်းဖြစ်ပါသည်။

အိုင်ယာလန်နိုင်ငံ၊ ဒပ်ဘလင်တွင်ကျင်းပခဲ့သည့် လွှတ်တော်ကိုယ်စားလှယ်များအဖွဲ့ ညီလာခံ၌လည်း လွှတ်တော် ကိုယ်စားလှယ်များအတွင်း ဒီမိုကရေစီကျင့်စဉ်များနှင့်အညီ အကောင်းဆုံး အဖြေရှာခြင်း၊ အားလုံး လက်ခံဆောင်ရွက်မည့် ရှေ့လုပ်ငန်းစဉ်များ ချမှတ်ခြင်း၊ ဆက်လက်၍လည်း ပိုမိုတူညီ၊ ညီညွတ်မည့် လုပ်ငန်းရပ်ကိုပါ သဘောတူခဲ့ကြပါသည်။
လွှတ်တော်ကိုယ်စားလှယ်များအတွင်း၌သာမက ဒီမိုကရေစီနှင့် တိုင်းရင်းသားအင်အားစုများအပြင် နိုင်ငံတကာရောက် မြန်မာ့လူမှုအဖွဲ့အစည်းများနှင့်ပါ ညှိနှိုင်းတိုင်ပင်သည့်အစည်းအဝေးကြီးတရပ်ကိုလည်း အောင်မြင်စွာ ကျင်းပခဲ့ပါသေးသည်။ ယင်းအစည်းအဝေးကြီးမှ “ညီညွတ်ရေး၊ ဒီမိုကရေစီရေး၊ ပြည်သူ့လွတ်လပ်ခွင့်များ” ဟူသည့် (မာလာဟိုက်)ကြေညာချက်ကို ထုတ်ပြန်နိုင်ခဲ့ပါသည်။ အဆိုပါ ကြေညာချက်၏အချုပ်မှာ “ကျွန်ုပ်တို့သည် မြန်မာနိုင်ငံတွင် ဖက်ဒရယ်ရေးနှင့် ဒီမိုကရေစီတည်ဆောက်ရန်ဟူသည့် ဘုံရည်မှန်းချက်များကို ဖေါ်ဆောင်ရန် ညီညွတ်သောခေါင်းဆောင်မှုနှင့် အားလုံးပါဝင်သည့် လုပ်ငန်းအစီအစဉ်တရပ်အတွက် လက်တွဲရွက်ဆောင်ကြရန် သဘောတူညီကြပါသည်။” ဟုဖြစ်ရာ ဖွဲ့စည်းမှုဆိုင်ရာ ညီညွတ်မှုကိုသာမက လုပ်ငန်းဆိုင်ရာတူညီမှုအတွက်ကိုပါ အတူတကွ ဆောင်ရွက်ရန်ဖြစ်ပါသည်။

သို့အတွက် အမျိုးသားညွန့်ပေါင်းအစိုးရအနေဖြင့် ညီညွတ်ရေးအတွက် အစွမ်းကုန် ဆက်လက် ကြိုးပမ်းမည် ဖြစ်ကြောင်း ပြည်တွင်းခေါင်းဆောင်မှုနှင့် လုပ်ဖေါ်ကိုင်ဖက်များအား လေးစားစွာ ကတိပြု ထုတ်ပြန်အပ်ပါသည်။

ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ (NCGUB)

Media contact: ဒေါက်တာတင့်ဆွေ၊ +91 981-000-3286